Morge mitenand

Pfingstrose:
Joo das mitem Gloebtrotter stimmt scho echi, ich weisses fürs negstmol und was Prise agaht den simer echi echi speziell, mir hend ihre mengmol gseit mir hends aber für de und de pris gseh und hends den au für de pris becho. Trotzdem. Aber die ziit zum jetzte alles selber zämä stellä heti eifach nid cha und den no s’vergliche etc.
Ich weisses immerhin fürs negstmol, sind ebe zu Globetrotter will einige devo gschwärmt hend daser für so Reise u guet seg....

Dini Tischdeko tönt u schön und romantisch wird’s bestimmt mit 80 Kerzlii

Taeboyana:
Danke für de Etsy link, wow die gseht jo hammer us!!
Din GG muesch unbedingt fötele wener die uspackt

Janedou:
Und het chefin kündigung unterschriebä?
Das isch jo echt e mega doofi, also nid dini chefin meini aber dini chefin isch glaubs au nid die geboreni chefin...

Sissy:
Wegem Schminke, also ich schmink mi zwar selber gern und ha au das eine oder andere dihei aber a mim HZ woti mi gern schminke lah, bim kirchliche machis garantiert den hani scho e prob cha, aber ha den nomol und bim zivile weissis nonig, den chöntis au selber mache wills nid so mega lang muen hebä und wasserfest si.mal guggen

lil-lian:
Also dini Iladige sind würkli wunderschön gmacht! Vibriert dis natel scho fliessig ufgrund vo rückmeldige?

WC:
Wieso hend ihrs eigentli alli mitem WC? Also ich ha zwar au e rechts kleid aber ha mir do nonig so gedanke gmact, bruch sowieso hilf bim ufs WC gah. Isch deht bide Kollegin woni TZ gsi bin au so gsi, dasere ha müessä helfe,de Reiferock ufehebä und die ganze lage bis sie gsässe isch....
Und de Trick mitem Kübelsack isch jo mol absoulut ehm.....doof...steck doch mis kleid nid inen kübelsack und hebs den ufe, nacher ischs jo voll verknitteret

@ME:
Han gester de schmuck becho woni bstellt ha bi Etsy...en Traum, würkli het nid denkt dases sooooo schön isch und mega mega suber verarbeitet, obwohl de Verschluss vom Armband würkli au scho sehr guet und stark isch hets no es Sicherheitsketteli, also sones fiins bändeli. Es gfallt mir mega guet und die Marylin isch au u e fründlichi gsi. Bi richtig happy mit mim 1.Etsykauf und vorallem isches min Hochziitsschmuck

lil-lian:
ups han was vergässe....
Wegem brunch danach, mir hend nix gseit aber bi eus ischs so das eigentli all hei gönd go schlofe, inkl. GG und ich und da mr jo echi meh als 24h danach scho id Honeymoon flüget weissi nid, viellicht mal luege was spontan chunt, wenn den chönti mir vorstellä eifach mit de TZ
und bi dir?

Hey zäme guete morgeeee! ich han hüt endlich mal wieder frei und vieles staht ufem plan, unter anderem au endlich mal nahzläse und mitzschriebe :D drum ez aber nur churz

@Pfingstrose: ich bin fürd uswahl vo paar lieder uf: http://www.casa-musica-shop.de/songs.aspx?dance=tg

und denn chasch links Tango aklicke und obe na für wiiteri uswahl, ich han z.b. amigs gern lieder us de film :) s Problem bi Google etc. isch, dass de takt amigs evt. doch nöd stmmt, hend mir müesse feststelle für euses walzer lied :D

so ez mueni zerscht go dusche und ufrume und denn mach ich mich mal as läse vodä letschte 100 siite

Zuletzt bearbeitet am 25.04.14 08:45

@lillian: Ja mir mache ä gmeinsame Polterabä. Da mir scho sit 16ni dr glich Fründeskreis hei hätte mir nid gwüsst wie d Lüt "ufteile"... Und so die ganz klassische Polteräbe mit Spieli wome mues mache etc. finde mir beidi nid so toll. Drum mache mir jetz eifach ä grossi Party für alli zämä, isch eh meistens am luschtigste wenn die ganzi Clique zämä unterwägs isch.

Wägem brunche hei mirs so gmacht, dass mir eifach so die engschtä Fründä gfragt hei, ob sie no mit üs irgendwo chömä cho campe nachem Fest. Aber heis nid offiziell uf dr Homepage oder so... Aber wägem Ufstah mache mirs ähnlech wie d Pfingsti, mir mache sicher kei Zyt ab. Aber bim Campe cha me ja eh nid ewig lang schlafe... Und de trifft me sich de eifach am Zmorgetisch.

@Pfingsti: Ja i hoffe mal dass das ds Resti macht... Hei d Besprächig äbä no nid gha. Aber mir wärde so oder so ei TZ chli früener los schicke das sie no schnäll alles cha go kontrolliere bevor de mir mit de Gäst iträffe (BRAUTZILLA-Alarm haha). I mache d Wimpelchetti sälber... Ha no rächt viel so Stoffräste woni drfür wott verwände, oder villecht nimi ou Jute, bi no chli unsicher.

Mega cool wägem Tanzkurs! Tango würd sicher ou mega cool usgseh... Aber i kennä mi da ou überhoupt nid us leider.

Danke für eui Inputs.. :) Joah bi eus müsst mer glaub au gnueg früeh wieder uschecke, vo dem här wird glaub eh jede beziite unterwägs bin.. Bin mer abr glich no chli unschlüssig öb mer was sölled abmache odr nöd .

Sasi
Dönt super wegem Schmuck :) Joah stimmt, bi eu wierds eh chli knapp mit de Ziit.. Mier sind ja am Vierwaldstättersee ime Hotel und ich glaubi es werded scho no es paar übernachte..
Hihi bis jez macht s'Natel kein Mugs, d'Pöstler sind nöd so schnell mit verteile, hihi :)

Pricana
Uiii 100 Siite, wotsch der das würkli atue ?

Malinchen
Hihi ufteile nach Fraue und Manne? :) Han scho was im Chopf gha, dass es mal gseit häsch, bin mer abr nüm sicher gsi.. Dönt lässig findi, nachere riiiesige Party und mit dene Spieli, etc. chani eh nüt afange. Händer den scho en Polterabig gmacht vor em zivile?

@Taeboyana: haha, ä psychologisch sehr gschickti Verchöiferin! I mah das o nid ha wenn sie eim dri schnure bi dr Grössi - egal um was fürnes Chleidigsstück dases geit. Das merkt me de scho säuber wenns z gross oder z chlii isch. De gani det würklech ou mal verbi... Ha scho paar mal is Schoufänster gügslet bim düre loufe aber ha de gad nie öpis brucht und mirs chönne verkneife (zum Glück chani das immerhin bir Unterwösch... ).

@lillian: Männer und Fraue isch äbä ou nid gange wöu GG ä besti Fründin het woner umbedingt hät wöue drbi ha und ig nid ohni mi Brüetsch hät wöuä poltere... Mir hei vorem Zivile ä "Mini-Polterabä" gmacht u si adr Aare ga brätle. Aber das isch rächt spontan gsi und eher eifach ä Abä mit Fründe. Jetz hei mir ja de no es Chleider-Motto und so, wird sicher luschtig.

@Tanzkurs: Mir si ono unschlüssig ob mir wei 2 Stunde näh oder nid. GG findets nid nötig, ig scho... Mal luege obi ihn no cha überzüge, findes aube scho chli peindlich wemä numä so chli umeschaukled wie anerä Schüelerdisco... De laht mes besser la si.