Intimissimi: Hets in Bade au eine... Und wie d Malinchen luegi nur immer ine und finde d Sache so schön aber ich chaufe nie öpis. Bi Unterwösch reut mich eifach immer s Gäld... Aber Taeboyana het mich überzügt öpis für d Hochziit dete go poste! En Hochzitsstring! Haha! Obe bruchi ja nix... Also wirds ja no relativ günstig!

Malinchen: Ah das mit em Brötle tönt aber au so gmüätlich! Es wird sicher total lässig. Ich hoffe ihr mached den no paar Fotis wo mir dörfed gseh! Hihi! Was ischs Motto vo de Party?

Hm, ja bin total glicher Meinig. Den laht mers würklich lieber sie. Ich glaub au de Tanzkurs machi nöd mal wege besser oder schlächter tanze, obwohli hoffe es isch den besser, sondern zum eifach d Nerve au beruihge. Das umegeschaukle gseht den würklich eher behämmert us...

Guete Morge!

Nala
Schad wege de Laura :( Aber defür super wege de Säckli und de Bubbles! Ou was bstellsch für Manschettechnöpf?

Littlefoot
Isch ja suuuuuuuuuuper wege de Blueme! 14.-? Haha wie chunnt sie denn uf de Priis? Isch das echt sone Priis wenns en Struss müend usliefere? Gut für dich!
Uhhh wäri au gspannt ufe Polteri. Eifach ab ez d Ohre zuemache :)

Squishy
Wichtig isch ja dass dier d Blueme absolut und 100% gfallid! Und i dim Thema bisch demit ganz sicher!
Mega nett vo de Visagistin, dass sie sich richtet. Vorallem ame Sunntig! Nöd selbstverständlich :)

Weddingbee
Viiiiel Spass! Bin scho mega gspannt waser möched!

Taeboyana
Oh wooow, so schöns! Hhehe, arme GG, ez muesser so lang no warte, aber defür wirder denk no viiiiiiiel die grössere Auge mache, wenn er dich denn endli gseht

Malinchen
Hehe, a andere Ort wär wahrschinli allei d Bowle 400.- :D Tönt nacheme coole Agebot.

Lil.lian
Bi eus ischs eigentli selbsterklärend gsi… Mier hend es Huus gmietet wo alli chönd übernachte und dette heds e Chuchi, womer denn alles vorbereitet und am Morge müend dLüüt ja eh öppis ha :)

Sasileu
Gratuliere zum erste erfolgriiche etsyichauf :)

Pfingstrose
Ich han ez agfange so Sache chli selber mache. Mier hend Chalkboards uf de Candybar und evtl machi denn no sone Spitzewimpel selber. Nimme irgend e schöni Schrift im Internet und schribes selber. So hani ez au d Tischordnig gmacht und bin eigentli recht zfriede.
Wieso isch min Kommentar nöd freigschalte ufem Blog? Ha doch welle Muet mache :D

Pricana
HOOOIIIIII

Tanzkurs
Sch***** ich muess au!!

Me
Ich muess erst am 11i afange schaffe hüt, daher weissi no nöd, ob mini Chefin unterschribe hed, bin also au mega gspannt aber denke, sie brucht de chli Ziit zum das genau studiere übers weekend.

Pfingstrose
Ja ich spriches scho a, ich mag d Konfrontation. haha Hmm, es git nüt neus bim GG irgendwie, er git eifach sis beschte und hofft, bim nächste Gspräch wirder denn glich mal chli globt... Hüt heder en Fortbildig. Nimme mal nöd a, dass sie ihn detthii gschickt hetted wenn alles so schlecht wär, aber ich weisses ja nöd :/

Hey neeeei, das tönt doch perfekt mit de Idee fürs Buffet. Git doch sicher au no anderi schöni Teller? Oder so Brättli? Oder bstellsches ez?

Merci fürs Herzflattere!! :D 22 Täg! Die Art vo Konfrontation passt mer ez doch nöd so!

me
Jez isch gar no de Pöschtler cho mitem Gästebuech - sooo schnell. Leider isch ei Farb total andersch als uf de Vorlag aber suscht isches echt genau so wienis mier vorgstellt ha

@Pfingsti: Es het ganz viu schöni Strings dert Und wär weiss, vielech findsch äbe no öpis für ir Nacht . I ha sowieso vorgha, mir öpis Schöns für ir Nacht zchoufe wüu das woni düre Tag drunger anneha, heter eh scho gseh und findet er ok, aber nid supersexy Und das Negligé chani alege, ou wenn mir beidi de todmüed si und nüt meh louft, aber immerhin hani de öpis schöns anne

Mit dine Idee fürs Buffet tönt doch super? Auzu viu bruchts o nid zwüschine, dünkt mi. Süsch gseht me vor luter Deko dr Chäs nümm... Aber Wimpuchettine si immer schön. He du bisch doch nid e fuli Sou?! Hesch ja das Sockedings säuber gmacht und blogge duesch o no zwüschine, aso bitte

Pfingstrose
d Juteläufer hani vo de Dekorateurin. Das isch für mich voll de Punkt gsi woni mega duregschnuufet ha, willi mi um das nümme muess kümmere. Vorher hemmer denkt, dasmer Jute am Meter chaufed, inere aständige Breiti und denn eifach no es dünners Spitzeband id Mitti neihed... Aber das hed sich wie gseit erledigt. Suscht chasch sie ja mal afrage, ob du die eifach chasch uslehne'

Gell, ich bin voll im Päcklisägä :D De Pöschtler denkt sicher scho dasi es Shoppingproblem ha :D

Schööön hed das Taeboyana gseit. Bisch kei fuuli Sau Pfingsti :D

malinchen
Nei es lauftem ned so guet, er hed vo de Chefin s Feedback becho, daser kei Füehrigsmensch seg und dass sie ihn i dem Job ned gseht. Er sölli sich überlegge, ob er das wirkli will und die agsprochne Pünkt per sofort ändere. Die erwarted aber au unmenschlichs, er söll nach eim Monet scho s komplette Gschäft allei chönne füehre, debii ischer ja erstmal es Jahr Trainee. Verstahni aso gar nöd. Er hed de gfunde klar welli er das, und chrüpplet ez au wiene Blöde. Sie hend ihn zumindescht mal globt zwüschetdure. Mal luege...

Die Mitarbeiterin isch scho voll Kult i eusem Kollegechreis. Sie isch so seeeehr spirituell und seit immer sie seg es sensibels Pflänzli und zwüschet em TZ vom GG und mier isch das sone Running Gag worde, immer mal wider was izbaue :D Ha grad no es Bild vo zu dere passt wie Faust auf Auge :D

Datei-Anhänge

befehlston.jpg (20x) Mime-Type: image/jpeg, 181 kB

Taeboyana: Das stimmt... Vorallem isches ja au schönn wenn mers den amene andere Tag wieder mal aleit und dänkt, hey das isch vo de Hochziitsnacht... Haha, wo mer betrunke im Bett gläge sind und gschnarchled händ! Puahahaha! Und eine no i de Duschi usgrutscht isch und es Loch im Chopf gholt hät dank Badwannerand! Denn hät mer müsse mit de Ambulance im Negliée is nächste Spital und vergitssts nie meh! Nei Seich! Sorry... Phantasie! Ich wird das glaubs au so mache wie du. Egal was lauft!

Ich bin vorallem extrem Selber-Bastle-Fuul! Das isches... Haha!

Malinchen: Ich hetti au chli schiss wegem Stativ und de Kamera. Evt. wers guet wenns wie chli ufere Bar oder so, also öpis fixem installiere chötnisch und dän würklich guet amachsch. Aber frög mich nöd wie?! Das mit em Brokistil wer au guet... Ebe - bin fuul, mache das aber das Wuchenend mal! Haha! Bim Countdown häsch Glück gha... Dörfsch dini Füäss also no chli hochlagere!

Sorgefrässer: Känneder die...? http://www.sorgenfresser.de/frula/ Find die sooo süäss und ich han mir eine kauft. Mega chindisch aber er sitzt jetzt uf mim Chüsi im Bett. Hihi, sie heisst Frula! Mini ganzi Family hät so Dinger... Jede en andere... Sogar mini Oma, sie het mit dene agfange... Ich glaube nöd an Gott aber defür an Sorgefrässer! Puahahahaha... Ja ich spinne!