malinchen: en mega herzigi chile, gseht super us! ich hoffe au das euse pfarrer ned all zu "staubig" isch... ich känn en vo früener, det ischer ned so gsi, aber er isch jetzt au älter worde... ich hoffe das er immer no so isch wie früener
ig ha news, sit gestern abig heimer offiziel de Trouzüge!!! isch u härzig gsi er het sich mega gfröit wo mi GG ihn gestern agfragt het....;O) i frage mini trouzügin äuä nöchscht wuche....wie machet dir das? irgendwie speziel oder meh eifach "frage"?;O)
heiter eigentlich es Motto oder Farbkonzept fürs Hochzit??
liebs Grüessli und e guete Start i Tag! PS chönti hüt gad nume no bstelle und reserviere und plane...;O);O)
@Sue: So schön!! Isch doch super. Mi GG het si TZ ja ou scho gfragt, aber da das scho immer isch klar gsi, het das äuä nit viu Wort brucht. Da i mini Wunsch-TZ säute gseh, isch es no chli schwierig, se zfrage. U das si im Service schaffet, ischs no schwierig, da si am Weekend u ig unter dr Wuche schaffe. Aber wie ig si söu frage, weiss i ou no nit. Isch für mi ou chli dFrag, was isch wenn si nei seit.
Motto wärde mir äuä nit ha, aber i wetti es Farbkonzept. I üsem Saal dominiert Bruun, da viu höuzigs dranne isch. Aus Farbe schwäbt mir es Lindgrüen, e Blauton u evtl no Grau/Beige oder so was vor, fürs ganze chli schlicht zhaute.
Wie gsehts bi Dir us? Motto oder Farbkonzept?
Hesch Du scho afe bstelle? Wüu das hnai no gar nit gmacht...
@Delfinchen: Ja, ig verstah dis Dilemma... Aber i dänkä, das würdä sicher alli verstah, wenn dir öich für die anderi Chille würdet entscheidä. Dir heit ja det ou ä Bezug drzue und wäret när scho gad ir nächi vom Wasser. Es isch ja nid so, dass dir jedi anderi Chille würdet näh...
Trouzügä fragä: Mir hei üsi TZ eifach zumnä Brunch igladä ohni irgend ä Grund z sägä drfür. Mir hei vorhär gar niemerem verratä gha, das mir wärdä hüratä. Mir hei Champagner parat gha und nachdäm mir uf das agstossä hei gha, hei mir sie gfragt, ob sie gärn wettä üsi TZ si... Bi üs isches eigetlech ou scho klar gsi, wärs wird. Drum hani ou nid angscht gha, dass öper chönnti nei sägä.
@Lula: Oh, die Farbä harmonierä mega schön zämä! Da chönntsch sicher ä cooli Deko machä!!!
@Farbkonzept / Thema: I ha jetz gmerkt, dass mir gschider no wartä mit derä Entscheidig, bis mir d Location hei. Mir hättä ja das Thema Midsummer-nights dream im Chopf gha. Aber zu derä Location wo mir letscht Weekend si ga aluegä, würds überhoupt nid passä... Drum hani gmerkt, dasses jetz no gar nid viu bringt, sich über das dr Chopf ds zerbrächä.
@malinchen: Danke Hoffes doch Wirde iwenn nächst Wuche mau mit mim GG gugge, dass mir üs unabhängig vonenand chli Gedanke mache um aues. Ha dadrzue mau dFrage us am Weddingplaner usegschribe, u de het er di einisch u ig ha die einisch, u de chöi mir gugge, was mir wei, ganz in Rueh und ohni Stress. U da mir die u nächst Wuche no paar Treffs mit Dienstleister hei, wüsse mir närne ou, wora mir si.
@TZ: Für GG isch es scho immer klar gsi. U für mi eigentli ou lang. Jedoch het sech dr Kontakt zu uhre i de letschte Jahr stark veränderet, aso so, dass mir fasch nüme vonenand ghöre... Glichzytig isch aber dr Kontakt zu re andere Fründin gwachse, aber da mir üs ebe nit hüüfig gseh, bini nit sicher ob si de ou ja seit, zumau mir fasch 1 Stund usenand wohne...
Farbkonzept/Motto Lula, die Farbe töne super! hesch scho bildli gsammlet mit ideene? Malinchen, das het öpis dases ou ufd location drufab chunnt...ha ize fengs ufem PC e ordner woni zu verschidene Theme/Farbe Bildli spichere womer würde gfalle als Deko...
Mir wette entweder Thema Schmetterling, Märchen oder de Alice in Wonderland....mau luege;O)
Sachen bestellen hmmm ha ebe scho paar Sache bstellt....also d Hochzitsschueh füre GG heimer scho fürs Zivile und fürs Kirchliche Hochzit...Tortefigure heimer ou scho...Zubehör fürs Gastgschzenk heimer ou scho....
Trouzügin Lula, i würdi öper neh wo dir aktuell nöch isch...wo vilicht ou chli am meischte über öii beziehig oder was bi öich so louft bscheid weiss...wiviu dir öich gseht findi nid so wichtig, git fründe wome u viel gseht wo eim viel weniger nöch si aus anderi wome nid viel gseht...?
@Sue: Danke ou Dir! Nee, di Farbe si eigentli stand cho wüu GG Grüen u i Blau aus Lieblingsfarb hei. U de bruchts ja no öbis wo das chli cha neutralisiere. U Grau gfaut mir ebe ou no. Ga aber de öbe mau uf projectwedding ga gugge Schmetterlinge fändi ou wunderschön...
@Bstellige: Dr Weddingplaner hani mr bstellt, stimmt. U vor Swiss Wedding hani mi zAbo bstellt... Aber süsch hanis no sehr im Griff
@TZ: Wird de öbe scho uf das useloufe. Hoffe eifach de das si ja seit, wüu vo däm weiss si no nüt. Si weiss zwar, näbscht GG TZ aus einzigi wo das mir am Obe fiire, aber das si TZ setti wärde, hani re no nit gseit.
squishy: ebe gäl die ladi sicher ned i.. muesses mir no überlegge wäge ihm... weiss gar ned obs für mi no stimme würd.. mitem GG hani no gar ned über das gret aber er hetti sicher keis problem.. er kennt mini kollege scho no vo damals aber kontakt häder mit niemerem.. aber am apéro wär das sicher no easy aber weiss ned ober ellei würd cho dänke scho dass wenni ne ilade würd müessti desi jo fast.. drum lohnis glaub.. kei ahnig mol luege... han jo würkli kei kontakt meh... toitoitoi wäg de chile!! =) klappet sicher! =) und hoffe die eint location haut öich um! =)
lula: wäge dim brüeder: dänke so bisch sicher fein raus, wild dir nie öbis chasch loh vorwerfe und ev. gspürt er jo sälber dassd ne eigentli gar ned wetsch debi ha.. und d’distanz spilt doch kei rolle!
malinchen: echt en schöni chile ! =)
sue87: congratulations wägem TZ! =) also ich has mine engste fröndinne eifach gseit han jo au ned gnau gwüsst weli will mir halt beidi mega am härze ligget has jetzt aber guet so überechönne bringge dassi beidi wet ibinde will beidi händ ihri talänt wo ganz verschide sind :) die eint isch jetzt TZ, die 2. Tätschmeister / 1. Brutjungfere und die 3. Wird die 2. Brutjungfere :) si händ sich glaub scho mega gfröid und sind jo au mit mir mitcho ad marinatal :) hihi si fröiet sich scho ufs chleider ussueche ;) min schatz häd sin brüeder nonig gfrogt.. aber er isch jo au bi ihm gsi, dänke scho dasser devo usgoht ;)
farb: hehe das muessmi mim GG no chönne verchaufe aber ich het ebe au gärn es schöns pink / rosa so im stil vo de nisliker ischs glaub gsi oder? Aber mol luege :p kombiniert mit elegantem wiis natürli ;)
er döf dänn defür d’hochzytstorte uswähle das häder vo afang a gseit dasser das wet.. er isch ebe so en süesse haha das ischer würkli <3 nei er liebt halt süesses drum döfer do sicher entscheide ;)
es motto fändi au no cool, aber mol luege :) schmetterling findi mega schön! =) mir würdet ebe au gärn schmetterlng loh flüge loh anstatt tuube würd daher au no passe :) märli isch sicher au voll schön :) hürotisch grad no ufemene schloss? :)
lula: sicher ned seit si nei ;) do fröit sich doch jede/jedi mega drübert! Isch jo voll de fröndschaftsbewis! =)
man öichi GG’s interessieret sich glaub vil meh als mine :p für mine isches no sooooo wit wäg und er häd anders im chopf.. muess mol wider s’gspröch sueche bevori mir alles so und so usmole und dänn passts am monsieur dänn glich ned :p momentan hämer halt beidi i öisne jobs vil z'tue und vil veränderige das nimmt au vil zyt in aspruch... müend öis mol bewusst wider zyt dezue näh!!
hey wünsche öich en schöne tag und en guete dänn bald! :)
Hallo zäme, dir sit jo mega fliessigi Schriberlis, ha ging wäuz vil zum nacheläse und zum sälber zschriebe
Pfarrer/Chile: Üsi Chile het ebe keine meh und darum müesse mir eh eine sälber organisiere. Wird äue oh druf use laufe as mr „Probe-Predigte“ göi go lose, aber nonig jetzt, ha dänkt de so im Hersbscht chönnte mr mit däm afange. @malinchen: mega härzigi Chile! Die isch sicher eh no schnäll usbuechet, gseht so richtig hochzitlich us! Ig ha glaubs üsi no gar niene üsi postet: Dert hei mini Eltere scho ghürote, drum fingis ebe no schön.
Organisiere: Mir hei jo jetzt die wichtigschte Eckpünkt zmingscht provisorisch reserviert und do bini mega froh drüber, will jetzt „müesse“ mir vorläufig nüt meh mache und choi eifach, wenn mr Luscht hei. Ha nämlich grad chli gnueg vo Offerte ihole und Dienstleister etc sueche und vergliche. Het de glich no vil ztüe gä. Usserdäm geits mir ähnlich wie dr malinchen: jetzt hani no gäbig Zit gha für sorigs, aber weni etztde meh schaffe, ebe de oh nüm. @Lula: Cool, wägm neue Job! Gfallts dr?
Motto/Farbe: Mir hei eifach Pfauefädere, wo mir überall wei lo uftauche. Aber Farbe heimr nonig feschtgleit. Mir würd Chupfer zu de Fädere no gfalle und de vilich ei oder zwe Farbe wo i de Pfaueauge vor chöme. Ha mau im Corel chli umegspilt, aber smeischte wird de zdunkel oder zbunt. Was mir oh no würd gfall isch ds Muschter „Paisley“, anstatt fädere, aber das wär glaubs rächt ufwändig und müehsam zum umsetzte, wil mes "nur" is de Chartene eifach cha dribringe, aber süsch nienet.
Trauzüge: As es bi mir mini Schwo wird und bi GG si bescht Kolleg wird si, isch eh scho immer für alli Beteiligte klar gsi, darum heimr nid mau gross müesse froge. Aber was ig no e witzigi Idee finge, isch as me das fasch chli „Atragsmässig“ macht. Ha glaubs bi etsy mau scho Schmuckschatullene gseh, wo es Zetteli drin isch mit „Will you be my Bridesmaid?“ dert isches halt für Brutjungfere aber chame jo au mit de TZ mache (guet dr Ma vilich nid grad) @Lula: chunnt halt oh chli druf a, was du vo dire TZ erwartisch. We si bi vilne Sache sett drbi si und vor Ort hälfe etc, isches scho schwierig we si wit wäg wohnt, aber wenn du sie eifach gärn us TZ hättsch, wo di de am Fescht sälber hauptsächlich ungerstützt, würdi se glich näh.
Anmelden
Es isch ja nid so, dass dir jedi anderi Chille würdet näh... 
Hoffes doch 
Glichzytig isch aber dr Kontakt zu re andere Fründin gwachse, aber da mir üs ebe nit hüüfig gseh, bini nit sicher ob si de ou ja seit, zumau mir fasch 1 Stund usenand wohne...
)