@ploeischi: Härzlech willkomme! Ou inere Schüür, das tönt mega cool!!! Bi also scho gspannt was no alles verzellsch... Das schaffet dir sicher bis denn, heit ja no chli zyt. Und wenn d Iladige scho dusse si, isch ja scho mal viel!

@pricana: Gratuliere zur Beförderig!!! ou dä Saal isch meeega cool!!! I würds ou so mache wie d Pfingsti seit und die Balke gad usnütze zum Sache dranne ufhänke. Wimpel wärä sicher mega cool, Pompons chönnti mir ou vorstelle, oder ä Liechterchetti.....

Oh das duet mir Leid dass sich dini Elterä so schlächt vertrage! I würds ou direkt aspräche dass du dir Sorge machsch desswägä und du dir wünschisch, dass sie sich für ei Tag chöi zämä näh und ihrer Tochter ä schönä schönste Tag vom Läbä ohni Striterei gönnä...

Wägä dr Mitarbeiterin isch würkli quer...

@Sasi: Ou so cool dass dirs wieder guet heit! Hihi, was isch de das fürne Alge-Thearpie?! Tönt also no spannend...

@Pfingsti: Hihi, die Sorgefrässer findi ou mega cool!!! I ha ou immer einä gha, aber i ha nä leider verlore...

@janedoe: oh nei, das tönt ja würklech nid so super bi dim GG... Isch ja komisch wenns als Trainee-Programm usgschribe isch gsi und jetz erwartet wird, dass er das alles scho sälbständig macht. Het er de no externi Witerbildige drzue oder wärs so dänkt, dass er im Gschäft betreut wird? So learning by doing mässig? Villecht isch d Kritik ou nur so als "ufrüttler" dänkt gsi und d Kommunikation isch chli drnäbä grate...

Huiui ez bini grad e Stund voll überrennt worde :D

Pfingstrose
Zueztraue wärs ihre allemal! Aber ich glaub i dem Fall isch sies nöd gsi. So blödi Ussage bringt sie aber de gaaanz Tag
Jöööh, sone Sorgefrässer hettsch mier mal voreme Jahr chönne zeige. De hett sicher gnützt.
Aso ich find s Buech au tiiiiiiiiiptop so :)

Pricana
Isch aber no e guete Priis für d Blueme findi. Für das woner defür bechömed! Wenn weisch de definitiv Priis? Danke fürs Kompliment wegem Gästebuech, tues gern mim GG wiiterleite :)
Hey wow, gratuliere zu dere Hammer Beförderig! Du machsch ja steil Karriere.
Aso das mit dene TZs isch eifach schwierig, entweder sie wend zviel oder möched zwenig :D Hoffe es zämäsitze bringt chli klarheit!
Ou nei wege dine Eltere, das isch ja blöd. Dier zlieb sötted sie sich aber doch chli chönne zemerisse a dem Tag, meinsch nöd?

Sasileu
Schön hend du und TZs wieder guet mitenand!

Ploesichii
Herzlich Willkomme!
Iher fönd aber ned jetzt a mit de Planig sondern hend scho was planet oder? Ahhh ez hanis grad gseh… Scho en chline Schock gha :D Aber das schaffeder bestimmt so!

Pfingstrose
Zeig mal die Präsi? :) Mached iher die oder TZ?

Malinchen
Nei er hed kei grossi Wiiterbildige sondern wird i diverse Standort usbildet. Glaube aber nöd, dases en Ufrüttler hett sölle sie, will sie hend em gseit, dass es für ihn doch sehr negativ usgseht. Naja, inzwüsche hemmer chli duregschnufet und er hed wieder neue Muet gfasst und nächst Wuche wohl es Probeziitgspröch… Mal luege.

Me
D’Kündigung isch UNTERSCHRIBE ;) Mini Chefin hed mer grad no verkündet, das abem 1. Mai en neue Mitarbeiter chunnt, wo mich chli im Büro entlaschtet… Und denn passis doch grad uf Endi Mai mit de Kündigung. Perfekt. Ha sie leider nöd chönne frage, wieso sie ned selber uf die Idee cho isch.

Am GG sin TZ hed sich hüt nomal entschuldiget – langsam reichts :D – und gfragt, obi ihm chli würd helfe mit de Wohnigsirichtig. Er wohnt ja scho ewig dett und richtet sich eifach nöd i. Han immer uf ihm umeghackt wege dem und vielleicht ischs em ez en Astoss gsi letscht Wuche mal us de Pusche zcho ;)

ahja ganz vergässe... d ikea leer kauft was täller und bsteck ahgaht und gleser ;)

Ploeischii: Das tönt aber scho nach viel... Han zerst au gmeint ihr fanged jetzt ah! So cool! Bin den gspanne wenn chli Fotis zeige duesch.

Janedoe: Voila d Präsi... Nei ich han eifach mal eini usgsuecht wie sie mir würdi gfalle und eusi TZ mached den das. Damit d Fotis e Überraschig sind. :) Ah mist... Gaht nöd isch zkross. Mache dir es Mail.

Nachtrag: Doch da hani sie zum zeige eifach de Link.
http://www.weddingclipart.com/powerpoint/antique-wedding-powerpoint.html

Zuletzt bearbeitet am 25.04.14 13:00

achja und mier hend kei trauzüge... alles selfmade ich ha nöd gern wenn wär andersch "driipfuscht" ich wett d zügel sälber chöne hebe

ja ich bin mega froh hani das gschaft ich ha scho angst gha dass das mega tüür wird und irgendwie isch e hochzig mit orange gääle tisch doch nöd so de hit

ich muess mal luege obi dezue chume! ich muss hüt abig nomal zu dere hussefrau... oh je wenn sie wüsst dass ich sie so nenne