ploeischii
Vielleicht liest sie ja mit?`

Pfingstrose
Ohhhh ja, die Präsi isch echt meeeega schön!!

ich glaub nöd das sie da mitliest sie het verzellt sie heg ersch gad letscht jahr ghürate... aber ich bin so happy ich ha wüki angsst gha dassi no mues lintüechere zäme nähe und das talent hani wüki nöd

so ich mues jetzt go poste susch gits nüt z nacht.

bis gli

http://www.heiraten.ch/forum/board/ich-s...n-10_526_1.html

malinchen
Danke fürs Duume drucke. S letschte womer jetzt chönd bruche isch en arbeitslose GG
Hey so cool! Gratuliere zum Jobagebot! Doof wegem Studium, wirkli...Weniger schaffe wär nöd möglich?

D Stell wär äbä i derä Schuel woni im Moment dr Bürojob ha näbem Studium. Es isch nid ä Volksschuel, mir hei chli die "schwäre Fäll" bi üs aber i schaffe mega gärn da und ha ou scho Stellverträtige im Unterricht gmacht und isch super gange... Jetz isch äbä eini schwanger und hört uf, i hät gärn die 60% ufteilt mit öper anderem, aber es het sich niemer gfunde wo die 30% würd übernäh. Mir si nid sooo es grosses Team und d Chance isch nid so gross das imnä Jahr wieder ä Stell frei würd.

Wahrschinlech müessti ds Studium es Semester verlängere wenis würd mache... Mues mirs übers Weekend mal chli überlegä. (i HASSE so schwärwiegendi Entscheidige...) Aber ds Gäld chönnte mir so nachem Hochzyt scho ou bruche.

@Jane: Ja voll, das wär mega doof!!! Ach... aber so schlimm cha doch das gar nid si, i bi sicher di GG packt das!!!!

Ah mischt, chan mini biiträg vo hüt morge ja gar nüme berbeite..
@sasileu: nei das bin nöd iich gsi im merys, bin sitem oktober nüme det gsi :D hey so schön isches wieder guet zwüsched dir und dinere TZ!! Bi eus isches au so, dass ich am liebschte allles allei würd organisiere und mini TZ scho gmotzt hend deswege, aber ich wot halt eifach paar sache haa nach mine vorstellige :) aber drum hend mir au klar besproche was mir wend und was sie dörfed mache ohni das mirs wüssed und so ischs ez eigentlich guet. Seg doch was dini vorstellige gsi sind vo somene gästebuech und viellicht chönds das na iiflüsse lah?

@pfingstrose: würklich namal es grosses kompliment für dis wunderschöne kleid und au d website findi uu schön gmacht! Ja das mit mine eltere isch recht doof, es isch ebe nöd so das mis mami denn blöd würd tue, es isch meh ez idä vorbereitig wo sie ständig erwähnt wie blöd dasses isch dasser chunt (mir hend ebe niiie mitere ameldig grechnet vo ihm eigentli..) und das sie denn nöd mit ihm will schwätze und eifach immer am stichle isch. Und min vater isch ebe en uuu schwierige und mir gsehnd eus au nöd viel aber mir henden iiglade will ja, isch halt doch de vater.. und mir hend würklich nöd denkt dasser zueseid. Er het aber mit allne verwandte striit und drum hoffi eifach würklich, es riiesed sich denn all zäme und vergessed d problem für ein tag.. ah und rede und direkt aspreche ghat leider bi beidne nöd, mis mami bricht grad in träne us und ich wär denn für 4 wuche tschuld dasses ihre nöd guet gaht und mit mim vater hani ebe e nöd so kontakt und bi ihm sind d problem halt immer die andere und nöd er selber..
Mercii :) :) hehe ja gä isch schrääg.. jep weisses, aber ich glaub nöd das sie vo mir da ine weiss.. ;)
Ich finden ebe au u schön, henden sogar na renoviert im november :) bi eus isch alles idä farbe pink/rosa und wiis und mitem motto schmetterling. Das stimmt, dass wäred gueti idee :) muen so papierwimpel grad mal google, han bis ez nur a pompons denkt. Han eifach immer schiss dasses z überlade wird :) und das mit de fotene schlahni mim GG grad auna vor.
Wow e super schöni präsi!!

@malinchen: danke vielmal :) ja das isch würklich e gueti idee gsi, min GG het ebe eigentlich gar nüd welle dra henke und mini TZ au nöd aber ez motiviereder mi grad für en neue versuech :D ja wie scho obe gschribee isches ebe schwierig mitem direkt aspreche.. chan eigentlich nöd meh als hoffe dasses guet chunt und sie sich bewusst sind, dasses euse tag isch nöd ihren!
Hey tönd doch super mit dem stelleagebot! Wie viel % bisch denn usglaschtet mitem studium und ab wenn wärs? Vielicht chaschs ja na chli useschiebe denn müesstisch nöd soo lang schaffe nebed em studium. Ah hans ez grad gläse. Tönd meega interessant aber es isch scho heavy so viel z schaffe, dass chöntsch e nöd ufd duur mache.. aber viellicht mit de ussicht, dasses imene jahr besser isch? Isch sicher kei eifachi entscheidig aber du wirsch dich sicher richtig entscheide :)

@janedoe: ja ich finds au sehr fair und d beratig isch würklich super gsi! de definitiv priis wüssmer erscht nachher, will d bluemepriise chönd ja na chli variiere und mir hend nöd alles is klinste detail agää, eifach eusi vorgabe und d farbe und im rescht sinds nachli frei, drum chan sich de priis nachli verändere. Aber wenns ergebnis denn stimmt und vo dem gahni us, denn isch au de höcher priis okay :)
Hehe danke, ja es isch grad steil ufe aber d glägeheit isch halt au grad da gsi :) ja es schiint bi allne chli trouble zgä mit de TZ. Aber hoffe schlussendlich simer all zfriede gsi demit :p
Hey wow isch aber toll hesch sone riese unterstützig vo dinere cheffin und het sie dir recht gä, ez wird’s sicher wieder besser bi eu! Und das mitem TZ isch doch au guet, viellicht hetter de ZS würklich mal brucht und ich hoffe die neu motivation zum sis lebe in griff z becho haltet laang a :)!

@lil.lian: hehe ja genau, han erscht grad im herbst eini gha und bin au voll z friede gsi so, aber es het sich grad öppis ergä und sone Chance hetti nie meh gha, drum hani müesse "zueschlah" ;) merci vielmal :)!