Do chunt mer jo fascht ned noche. 8-) Han jetzt leider ned alles chöne düreläse.

@ nala05
Postet hani en wasserfestig Mascara, Lidschatte, Puder, Lippestift, Primer und en Make-Up-Fixierer… s ganze Programm. Han au na zwei Pröbli vonere Fondation übercho, demit ich die chan teschte. S Parfum hani scho. Ade Hochzyt trägi „La vie est belle“ vo Lancôme. 

@littlefoot
So wie ich jetzt chorz gläse ha, düend ehr eu beidi am Hochzytstag öpis schänke? Fendi mega herzig.
För eus wär das zstressig und min GG het en Wuche spöter Geburi, de müesst ech mer jo na öpis überlege. ;-P

@squishy-fishy
Jaaa, die Sendig luegi au. Obwohl s mer langsam echli verleidet…
Jo du ich schmink mech suscht au sehr gern und hend mer scho es paar gseid, dass echs schön mache. Ond ech chan scho es „Konzept“ im Chopf und würd mich nur ufrege, wenn mech öber anders würd schminke. ;-) Aber ich hoffe scho, dass ich denn ned allzu nervös bi. Muess mech de halt sehr stark konzentriere! Vorher es Cüpli neh, hehe.
Euri Ring gsend wunderschön us!

@weddingbee85
Vell Spass bim poltere!!

@taeboyana
Ooh, do hesch du würklech öpis schöns gfunde. Ond wie du seisch, es gseht sehr bequem us. Din GG dörf sech freue!

@malinchen
Fends au guet, dass a dim Hochztystag dim Stil treu bliibsch. Suscht erkennt dich din GG gar ned. ;-)
Jo wennd au na allergisch reagiersch, würd ech s Risiko au ned iigoh. S wichtigste esch sicher, de Puder debiizha weg de Föteli.

@sasileu
Wegem WC… vellecht macht mer sich im Vorfeld au eifach zviel Gedanke… ;-)
Gratuliere dir zum erfolgriiche Chauf vom Hochztysschmuck! 

@pfingstrose
Mer fönd die Wuche au euse Tanzkurs aa. Aber han au na kei Ahnig, was mer werde tanze.

@sasileu
Haha, das esch en gueti Idee, de GG mit ufs WC neh. Vellecht verschiebt sich denn jo d Hochzytsnacht nach vöre *gröhl*


Mini News:
Höt Obe luegemer d Stretchlimo aa *freu*.
Mal echli en heikli Frog… Wie tolerant send ehr gegeüber Chind während de Trouig?
Also mer möched „nur“ zivil und ich weiss nonig, wer alles mit in Trouigsruum iechunt. Drunter esch ev. es Chind (öbe 3.5) wo sich im Alltag überhaupt ned cha beneh ond ruhig hocke. Wördet ehr de Eltere scho vorher säge, dass es ned mit ie söll oder druf ab cho loh? Ech stell mer eifach vor, wie ich d Zeremonie ned chan gnüsse, wills umequenglet. :-/

nicht registriert

Hellloooo iihr liiäbä Brütlis <3

Unglaublich, nu scho en halbe Tag ned do und scho 5 Siite nozlese. Zum Glück han ii nöd bis am Abig gwartet

Malinchen: Wooow! Gratuliiärä diir zum Jobagebot! Schön wiiä begehrt du bisch Gell, finanziiel wärs scho dä oberhammer. Aber 60% iisch scho nöd grad nixx, biisch ja imene 100% Studium?
Und isch in dänä 60% diiä Jöb wo jetzt hesch au debii? Sus chöntsch ja diiä künde und denn wärs au wiider weniger?

Lilian: Jaaah, ä verbündeti. Mittlerwiile sind mir ja scho z'Dritte am Stirn gege Pink-Hasser biiete
Miir machet keiin gmeiinsames Zmorge. Miir fiiret ja mitte in dä Stadt und praktisch all chönt guät Haii go pfuuse. Drum chan ii diir leiider d'Frag ned beantworte.

Sasileu: Gratuliere diir zum erfolgriiche erste Etsy-Ikauf! Schön iisch er so erfolgriich gsii und hesch du so fest Froiid aah diim Schmuck! Isch diin Alge-Wickel entspannend gsii? Fühlsch dii wohler? I weiss gar nöd wiiä ii mir da vorstelle söll, in miine Gedanke bisch ä grüäni Mumie gsii.
Bii uns isch echt so, dass TZ so diiä Kliinigkeite (Gästebuäch, Seifeblase o.ä.) organisiere. Will iich genau au find, werum söllet miir unseri Überraschige plane und viiellicht chunt denn öpis wo mir niiä druf cho wäret. So wisset mir ned in jeder Sekunde vom Tag, was als nächst chunt. Da wisset nur unseri TZ. Wenn ii was im Hochziitsforum entdecke, denn schick iich's miiner TZ. Entweder macht siis denn oder au nöd. Beiides isch in Ordnig, sii tuät so oft gheimnisvoll, dass da scho paar Sachä im Busch sii müässtet… Drum bin ii immer wiider erstuunt wenn Gäschtebüächer, Seiifeblasse, Weddingbells etc. organisiert werdet. Mir hend das alles vo Afang aah abgäh
Schön hends du und dini TZ wiider guät! Bii denn scho no chlii gspannt, was denn jetzt schlussendli gsii isch.

Pfingstrose: Tango isch denn öpis lässigs!! Mir hend immer chlii gwitzlet, dass mir Tango am Hochziit tanzt, will sii ja vor Liiäbi und Liideschaft spruudlet. Daher meega passend für es Hochziit!
Mii Brüäder het so äs Sorgefresserli. Viellicht sött da in dä nächste Ziit uf miis Bettli siitze?
Ja diiä Präsentations-Vorlag isch echt mega hübsch. Schlicht und antik und festlich! Guuät gmacht und dini To-Do-Liste schrumpft

Countdoown: Ooooh, ii bii nonig uf dä 50 Tages-Liiste! Diiä Ziit cha scho chlii schneller umägaah! (alli wo uf dä Liste sind, würdet miir jetzt wohl gern s'Muul stopfe )

Janedoe: Wooow, du bisch echt ä Päckli-Göttin So viiel kuuli Sachä bechunsch du zuägschickt über. Es gseht würkli meega hübsch us! Kompliment! Wo hend iihr das machä laah?
Phuuu, jetzt wiirds ernst für dini Mitarbeiterin. Aber für diich isch also wirkli wertvoll ä guäti Unterstützig überzchooh. Werum het diir echt da dini Chefin ned gseiit? Bin ii dii eiinzig, wo da chlii speziell findet? Isch ja scho bald, oder?

Pricana: Danke für Glückwünsch! I bii sehr ehrliächteret, dass da abhackt isch!
Wuhuuu, nomol öper wo ins Team-Pink ghört
Es tönt nachere überengagierte-TZ, wo alles an sich risst und debii s'Bruutpaar vergisst Wünschä eu viiel Erfolg bim Gspräch mit allnä!
Schad sind dini Eltere so zerstritte. I würd nächst mal wenn diis Mami was z'sägä het, reiine Tisch machä. Dass es diis Hochziit isch und du diir denn Friide wünschisch, sii söll sich doch bitte für dä Tag zämärisse. Chasch ja irgendwiä sägä, dass mit diim Pa au dä Deal gmacht hesch, dass sii ned s'Gfühl het nur sii wäri s'Problem…
Wow, dä Saal find iich wunderschön! Er gseht au meeega gross us! I like a lot! Au d'Frisur mit dä Orchide find ii bezaubernd! Kompliment!

ploeiischi: Herzlich Willkomme im Forum! Schön hesch uns no gfunde. Jaaah, mir sind alli Foti-Gailh Ihr hend echt scho viiel. Da chunt nu no dä Fiinschliff! Hend iihr es Motto oder es Farmschema? Schüür tönt echt meega kuul! Miir hend au mal chlii nach Schüüre gluägät, aber in unserer Region hets denn irgendwiä nixx richtigs gha. Denn hend mir gliich uns für es Resti entschiide.

Me: Ihr chömet praktisch jede Tag mit öpis neuem Hochziittechnisches und ii weiss iim Moment nöd grad was. Irgendwas mach ii wohl falsch
Aber ii Frag eu doch mal na: Het öper bii eu scho bii Lightinthebox bstellt?

Wünschä eu allnä ä guätä Friitignamittag! Yiiipiiiiiih TGIF

malinchen
Ja das muesch der wirkli guet überlegge, obs dier das wert isch.

lil.lian
Bin aso au sehr froh :)

Pricana
Au, dass sie d Priise wirkli nachem aktuelle Tagespriis macht, findi, spricht sehr für das Gschäft. Das chunnt bestimmt guet :)

Sissy
Ich würdi a dinere Stell eifach erkläre, warum das mit de Chind nöd so optimal seg und die Eltere höflich bitte, s Chind deheime zlah. Mier hend nume eis Chind (1-jährig) vom Brüeder vom GG und er hed vo sich us gseit, dass sie sich denn hinne platziered, falls die Chlii quänglet, chönds grad us de Chile use.

squishy
Hihi Päckli Göttin :D Aber zahle muessis ja leider au no! Mier hend s Buech bi ifolor mache lah und dank de Aislinn machi ez glaub grad nomal es neus... meh dezue unter me!
Mini Chefin hed mier das scho gseit wegem neue Mitarbeiter, ich han ihn au für en Probetag zum schaffe dagha aber sie hed mer nur no nöd gseit, daser scho so früeh afangt. d Red isch irgendwie vo juni oder Juli gsi. Aber du, umso besser :)

me
Bin grad druf ufmerksam gmacht worde, dass i eusem Gästebuech en Schribfehler dinne isch. En Schriiiiiiiiiibfähler! Maaaann s'regt mi so dermasse uf dasmer nöd no 100 Mal drüber gluegt hend. s Ganze nomal neu bstelle? Grrrrrr

oises motto isch eifach schür und natur und unzwunge chi grüen chi bruun aifach natürlich!

d ihladigscharte sind grüen creme und std au...

jetzt chunt de ganz seich vu deko no das isch überhaupt nöd mis ding
und ich bi mega nervös warte sitere wuche ufen zue oder absag wegme traumjob und immer no nix ghört!

wie oft chunt de fehler vor?

chasch nöd etikette mache wo gliiich usgsehnd und überchlebe?