@littlefoot: hey super priis für d blueme! do kasch di nid beklage :D s gschänk für e gg isch ächt super! schänksch ihm das eifach uf d hochzyt? hmm muessi mim gg ächtsch au no öbis bsorge? d socke idee gfallt mir no aber längt das?
@squishy: hihi jo mi gg isch erst sit mim zämmeschiss ammändig so produktiv! bis jetzt hets ghebt (är suecht i däm momänt grad nach wiitere fotografe (o: ) d location gescht isch nur e waldhütte gsi, mir wän ebe nachem zivile noime e chline apero näh am liebste no mit aschliessendem brötle. isch ganz okay gsi aber mir luege trotzdäm no witr. aso gäl i mues mi glaub au entschuldige. ich finds völlig ok wen du pink liebsch genau wie alli andere wo pink gärn hän. s isch eifach nid min gschmack ;) nimmsch mirs hoffi nid bös
@weddingbee: viiiiiiil spass! freu mi ufs brichtli!
@taeboyana: mir bruche d organza säckli bi dr trauuig, mir fülle si mit hochzytsmandle und lege jedem gast eis uf e stuehl zämme mit de bubbles. ganz schöns neglige hesch postet. und du hesch rächt das ka meh au azieh wen nüd meh lauft (us was für gründ au immer.. hoffentli nid wil mer idr ambulanz hoggt, haha so guet pfingsti) gang glaub au mol vrbi die nägsti
@malinchen: tönt super euri party location für de polteri.. könne mir do au vrbi ko?? cool wägem stelle agebot! hmm aso du wirsches sälber sicher am beste ischätze könne, aber e hallbjoor meh isch doch nüd wen defür sozsage es traumstelle-agebot hesch, nid? du findsch sicher die besti lösig! aber gratulier trotzdäm zum agebot.
@sasileu: so toll hets so guet klappt mit etsy. i ha geschter mini ersti bstellige gmacht und 2 vo 3 sin scho vrschickt oh schön heschs du und tz widr guet! bi gspannt was s problem gsi isch.
@pfingsti: ich ha für mi love ist sweet.. -text grad gescht en bilderrahme im ikea kauft und mach das sälbr mit word.. aso kei chalkboard. was zwar au schön wär hmmmm.. i gb dr de bscheid wäg de bubbles, ha si eigetli gar nid welle ufmache vorhär, aber i glaub s wär scho besser z wüsse ob de unseri gäst alli voll mit däre seifi wärde würde ;)
@tanzkurs: ähhh ich mues uns uuunbedingt no amälde!
@janedoe: ha für mi gg die manschette bstellt und due dört s ambri logo ine: https://www.etsy.com/de/listing/13075813...nschettenknopfe und für mi vatr die do, do kömme föteli vo uns ine wo ich no sis kleine meitli gsi bi : https://www.etsy.com/de/listing/16594735...hettenknoumlpfe haach so e mist mit däm schribfehler, ich könnt glaub au nid andersch as e neus bstelle, würd mis läbelang dä fähler seh. super het dini chefin ändlig mol iglängt und iigseh dases mit däre nid bringt. aber das vo dim gg isch de doof :-/ vrlange aber au grad viil in nur eim monet, hoff ganz fescht das s nägste gspröch besser wird!
@pricana: he schön widr vo dir z ghöre! ohh je hoff das wird widr besser mit dr tz, si ka doch nid d planig eifach in d händ näh ohni mit euch drübr rede.. hmpf! das problem mit de eltere kenni au bizli so schad eigetli. wägem saal: ich könnt mir au so wie tischläufer im ruum ufghängt so locker vorstelle zämme mit liechter kette evtl.
@ploeischii: wilkomme bi uns! was bedütet den din name? tönt de lustig. ihr händ jo scho paar sache könne organisiere, cool! das schaffet ihr sicher guet bis am septämber.. isch jo doch no chli und in 4 mönet ka meh viiiil mache! hmm bi dämfall gspannt wäg de weddingbubbles.
@sissy: ich glaub meh dörf scho sage das d kind duse warte sölle, aber du muesch halt drmit rächne das d eltere beleidigt wärde si. mir hän sicher zwei 5-jährigi und worschinli drei knapp 1-jährigi drbi. hoff ehrliggseit au das die den nid umequängle, aber mir löhns druf ah ko. die zwei ältere sin sowiso flowergirl & ringbearer
wünsch euch e schöns wucheänd. mir gön hüt zobe mit minere beschte und ihrem fründ go fein italienisch ässe.. mhhhm. ahhh morn hani mi accessoire termin im bruutkleiderlade! d.h. ich stieg zum erste mol in MI kleid und lueg de ebe wies usseht mit däm wo ich scho ha und wasi no bruch checke! *freu*
min name bedütet so wie er da isch eigentlich nüüüt
ich han wele plöischi heisse well mer nennt mich so weli gern seich mach und im chopf ha... aber ö gaht da nöd den hani oe für ö gno aber aber so wie's jetzt usgseht, gsehts üüüüberhaupt nöd nach plöischii us ;-)
caketopper han ich mine au scho usgsuecht aber ich weiss nöd meinet ihr dickere fotikarton hebed? oder mues es kunstoff oder so sii???
plöischii das bechunnsch ja jetzt, das grosse Fäscht. Mier hend en caketopper us Holz
Pfingstrose Ahhhh ez weissi wieder nöd obi söll oder nöd. Die Minibubbles stelli mier eifach nöd unbedingt als riese Blöterlilieferant vor. Also du en guete und viel Spass bim abarbeite :) Hesch ja nümme viel Ziit, hahaahah
nala Wenigstens im Hockey hender en guete Gschmack, haha Mier gfallt ez au de zweit Caketopper besser. ich stah eifach voooooll uf personalisierti Sache. Druuum. Aber finden ez mega tüür? Mier hend de da bstellt - us Holz https://www.etsy.com/de/transaction/1801...f=fb2_tnx_title
sooo mini sippschaft wot mit id ikea... mist... das isch immer so e bremsi well es isch doch vil eifacher vil geld elei uszgeh wie wenn die besser helfti immer fragt..... "meinsch bruchsch das würki?" ähm jaaaaaaaaa ich bruch das unbedingt und ich bruchs denn immer jede tag und jedi minute... mensch! ich bruch das! nöd morn, nöd inere wuche scho gar nöd dänn wens im sale halbe priis isch .. ich bruchs JETZT!
den würdi amel am liebste here lige und teubele.. :D
ahja und ich glaube ihr wüssed all.. dass es denn wucheelang (bis zum sale) ide packig umelit und ichs ebe nöd bruch
Soooo hender s Wuchenend gnosse und Hochziitssache erledigt?
Me: Am FR Abig bini mit minere Schwöster zemeghocked. Hend zerst zeme Pizza gmacht und den mal alles Hochziitstwchnische erledigt. Mir sind super fürschi cho und eigentlich immer glicher Meinig gsi. Sie wird jetzt wegem Klavierspieler luege den mümmer dete garnix zahle. Au wege de Spieli isch sie am luege und Präsentation hani au so chöne ageh. Eigentlich isches nümme mega viel hemmer gmerkt. :)
Am SA sind GG und ich uf ZH und hend mir sondere Muetter und em Brüeder de Azug im Schild kauft. Er isch soooo de Hammer! Mega sexy! Zwei Hemper wo perfekt zu mim Chleid Passes hemmer au no gno den chan er mal wechsle wenn's sehr heiß isch. Und mir sind meh oder wenige zuefellig gad au no a sini Schueh anegloffe. Vo Navyboot! Sie sind sooo schön geschnitten und mached en perfekte Fuess. Sie sind sehr dunkelbruun und gönd a de Ränder so chli is Schwarz. Wüsseder echt wie ich meine?! Leider hets aber kein Gurt im gliche Läder gha was mir beidi so schlm findet. Er het d Schueh aber glich gno will er sich nüme het chöne erhole will's ihm so gfalled. Puahaha! 560 CHF! Ich han dete zum Glück no 10% gha. :) Den simmer für sin Brüeder no in Herre Globus und a was laufemer ane!! A de Gurt wo genau passt. Super gsi! Nachdem simmer no schnell mit sim Mami id Modissa und sie het au no es sehr es schöns schlichts aber glich sehr festlichs Chleid gfunde. Sie het ebe zerst es Bodelangs welle und ich hans ja nöd welle säge aber ich find das garnöd schön abgeseh vom Bruutchleid. So hani ihre quasi so eis chli chöne geh wie Ichs mir vorgstellt han und ihre hets mega guet gfalle.
Jaja und am SO bini nur diheime gsi. De ganzi Huusputz gmacht nach ca. 2 Mönet (also eifach Bodeufneh, Entkalk, Tüechli und Bettzüg Wäsche usw.)! Bin fast 3 Stund drah gsi und den am Nammitag nurno vor em TV gläge. GG het leider müsse lerne.
Ah ja mini Ohrering hani am SA au no gfunde!!! Jena mega schöni und Schlichti.
nala: ja eifach ufs hochzit, de chas sini begleitig ufs bett legge vom hotelzimmer :) er macht sich ja det parat.
pfingstrose: wow das tönt super ! aber etz setsch üs ja langsam kenne .. chasch doch nid eifach vo super ichäuf verzelle ohni fotelis azhänke haha
me: GG hät ja sin überraschigspolteri gha :) mir sind am fritig u spat is bett, aber ha ja nüt chöne säge de simmer go ichaufe wie die wilde, wil er ja denkt hät mir hend gäscht. wo denn sin TZ und de kolleg ihn sind go hole het er scho doof gluegt isch glaub aber würkli super gsi, mal sit 7-8 jahr s erscht mal all männliche kollege zäme ein abig verbringe...er isch aber u kaputt gsi, sie hend glaub bis am morge früeh gfäschtet (vom 16:00) gester bini denn no ad LUGA mit de kids, dass er sich chli cha usruebe..nimmä 20-i das merkt mer scho. han etz no en entscheidig weg de tischläufer gmacht. da s sehr schwer isch das korrekt z nähe, wil nid all tisch glich lang sind, machemer etz das im ahang. finds mega und passt i garte, d lampions sind au no mit dene dekoriert. mini sis isch am fritig no imene chline türkelädeli gsi und hät mir diverses poschtet, u günstig natürli. nomal 3 bonboniière, glaub die türscht 7.90, windliechtli, es laternli, und süesses woni eh han wele bstelle. ha im aldi au no sache kauft und so musi nüm bstelle, glaub das längt :)
Hoi Littlefoot! Du de Rest isch anschienend weggschwämmt worde! Das weissi doch mit de Fotis... Han de Bitrag ebe vom Handy gschriebe am Morge im Zug! Darum chömed die erst jetzt! Ja toll mir hend im Gschäft müsse uf Firefox wächsle und jetzt chani kei Bilder meh ufelade! GRRR!!! *Rots Smily vom WhatsUp*
Pfingstrose So schöön, da händer ja ganz en hufe Sache chöne erledige.. Häsch es Bildli vo de Ohrering?
Littlefoot Hihi kuuhl mit em Polteri. Hät er richtig uf de Putz ghaue? Ganz es schöns Föteli häsch aghänkt mit de Tischdeko. Häsch das so im Internet gfunde? Gfallt mer uu guet..
Me Ich bin am Friitig go Traumhochzeit luege im Bernhardtheater. Isch e Komödie wo de Erich Vock Regie gfüehrt hät und au no churz ufträte isch. Es isch jaaa sooo lustig gsi.. De Brütigam isch am Tag vo de Hochziit i de Hochziitssuite ufgwacht mit ere andere näbet dra. Er hät sich a nüt meh chöne erinnere und die im Bett seit ihm, sie heget e wunderschöne Nacht zämä verbracht. Tja und er söt ja hürate a dem Tag.. Nie de Polterabig en Tag vor em Hochziit mache. Aso wenn öber no wet go luege, es lohnt sich also uf jede Fall… http://www.bernhard-theater.ch/spielplan/spielplan_detail.php?vorstellID=10320757 :)
Suscht hämer am Weekend nöd vill Hochziitsmässigs gmacht. No es paar Rückmeldige hämer übercho vo de Iladige, abr han dänkt es chömed meh Feedbacks.. Abr han mich chöne druf vorbereite, will iher ja alli devo verzellt händ. Am GG sis Mami hät den au no gfrägt, öb sich scho vill gmolde händ und dänn haneres verzellt und sie hät das au chöne bestätige, wo sie dazumals d'Iladige verschickt händ, seg sie uu enttüscht gsi.. Defür bini vo drüne mega überrascht gsi, wo sich mega schnell gmolde händ, het nöd dänkt, dassi so schnell Antwort vo dene bechum .
pfingstrose: ah so doof a was lits denn, dass s foti nid chasch öffne ? ich han au firefox und cha imer all bilder öffne...
lilian: haha das tönt luschtig das theater ja sie hend mega ufe putz ghaue. aso er het gseit er isch froh muss er niemeh poltere haha :) etz chunt denn no miine, oje oje :) wirsch gseh die melded sich denn scho ja das hani uf pinterest gfunde...finds ebe au mega toll. vor allem passts super, wil ja eusi tisch nid all glich lang sind usw..de hangts de halt bi eim meh abe, das fallt nid uf. mit de läufer hettemer es mega gstürm gha.
Pfingstrose So schöööön mitem Azug und em Chleid, perfekt :) Gibe de littlefoot da voll recht, Bildli bitte!! Ühh ez hanis grad glese. Wieso chasch denn ez kei Bilder meh ufelade?
littlefoot gseht super us mit de Tischläufer! sind das eifach verschiede breiti Bänder? Was hed din GG füres Programm gha am Polteri? Und was macheder jetzt mit dene ganze Ikäuf?
lil.lian Tönt luschtig, s Theater :) Und gell mit de Iladige, d Lüüt sind gern für e Überraschig guet, was das agaht, bi eus hemmer au Feedback becho vo Lüüt wonis nie denkt hett und vo andere isch gar nüt cho.
me Mini Schwöschter isch s ganze Weekend bi eus gsi. Am Samschtig simmer am morge früeh uf Konstanz. Es schiint es Ding der Unmöglichkeit, en aständige Fernuslöser für d Kamera zfinde, wo nöd 70.- choschtet... Hend e Huufe Chliikram kauft zum baschtle, Papier, Stift, Holz fürne Rahme, usw... GG hed Schueh gfunde, ez fehlt ihm nur na de Gürtel. Chli Süessigkeite für d Candybar hemmer no kauft und weddingbubbles. Im Nanu Nana heds so 5er Packige gha, die hend ganz es chlises Loch aber has den teschtet und die hend super viel Blöterli gmacht :) Zu de daenu simmer no de Schirm go hole (danke nomal!! :-*) und denn recht spat erst heicho und wirkli nurno is Bett plumst. Am Sunntig simmer au wider zimli früeh los, uf Basel a Match und wieder erst am 10ni deheime gsi. Fürs Hochziit hemmer also eigentli ned soo viel gmacht. Zumindest ned aktiv.. Das chunnt jetzt denn no. Gaht in Endspurt jetzt :)
Anmelden
so schad eigetli.
a was lits denn, dass s foti nid chasch öffne ? ich han au firefox und cha imer all bilder öffne...