Schmätterlinge fingi oh nes schöns Motiv, wo me überall cha ufgriefe! Vorallem we me die cha lo flüge isches mega cool! Ha gar nid gwüsst, as das möglich isch. Paisley gfallt mir halt eifach wäuz guet, aber ig glaub mit de Fädere chame meh mache, die passe oh id Blueme oder id Frisur anstat andere Spangene und das fingi ebe no schön, wenns sich so dür alles düre zieht. D Paisley wüssti grad nur i de Chartene wie ibringe.
@pricipessa: Isch bi üs im Fall nid so, as GG sich würklich gross drum duet Är het zwar Freud, a däm womr bis jetzt buechet hei, aber asr sälber öpis miech, isch de gar nid so. Womr am Location-Sueche gsi si, hetr immer gseit, är luegi de sälber oh, hetr abr nie gmacht und de ha ig alli vorschläg brocht und alli Mails gschribe... Mit de Farbe isches jetzt genau glich: är seit ging, är wöugi oh mit ussueche und luegi de was ihm gfalli, aber mache duetrs glich nid. Jetzt warti halt, vilich heissts de plötzlich, es sig ihm eh glich was mr für Farbe nähme
@Sue: Jo si isch nid grad chli, aber mir hei öpe 120 Gäscht, de sett si eigentlich nid all zu läär blibe. Hoffi mau
Mir werded wohrschinli eifach es Farbschema ne. Ich ha min GG scho vorgwarnt, er hät aber gmeint, das sigi ihm glich. Wil ich unbedingt so Stargazer Lilie möcht im Brutstruss und ich find, d Farbe müend denn scho passe, wirds wohrschinli au so es Pink geh, möchtis aber nöd so pinkpink sondern eher i richtig Beere. Dezue heti gern chli es hells pastelligs rosa und Wiis natürlich und denn ev. no sones cappucino hellbrun oder vielicht auch es grau. Mol luege. Wenn mer zuesätzlich no es Motiv würded ne, denn wür das wohrschinli druf use cho, dass mir öppis mit Vögel würded mache, min GG isch en halbe Ornitolog und kennt so vil Vögel nume a dä Stimm a und cha sie au mega guet zeichne. Schwän und Milän sin üsi gmeinsame Vögel. Ich find aber mit mine romantische Farbe chunt das klassische Vogelmotiv achli blöd und es passt irgendwie nöd eso ganz zämä. Ich het äbä scho gern so e ganz romantische und klassischi Deko, wo alles zämäpasst. Bi nöd eso die wo Karrikature zeichnet oder susch überall Witz ibaut. Aber das stoht jo no alles i dä Sterne. Jetzt mueni ersch no öppe zwei Wuche Geduld ha und denn mol luege, wenn d Hochzit wird sie. Ev. im Winter würdi au alles achli andersch mache als im Herbscht oder im Frühelig... GG möchti zwor nöd im Winter hürate und ich möcht nöd bis im Früelig müese warte. Also hoffi, dass es Herbscht wird :D Mol luege. Wäg dä Chile. Mir händ üsi Traumchirche scho sit Johre usgsuecht. Mir möchtet döt hürote, wo mer üs dä erscht Kuss geh händ - sind zämä i däre Chirche gsi (isch genau i dä mitti zwüsched mim Dihei und em GG sim)... Und drum möchted mir döt hürote. Isch aber mega beleibt zum Hürote und ich hoffe, bis mir endlich mol es Datum hend, isches nonig usbuecht. Und i hoffe au, dass die üs lönd, ich ha ebe en Onkel wo Priester isch und ich het gern, wenn er üs wür traue und weiss nöd, öb mer das döt dörf. Mol luege. Süss würi wohrschinli i mim Dorf mol afroge. Do hets au es mega herzigs Chileli und glaub kein eigne Pfarrer me.
@kleinefeder: Si bedes schöni Chilene! Wär natürlich super we dr die hättet wo dir nech zerscht mau küsst heit! Aber vorallem we dr im Herbscht/Winter würdet hürote, isch ja nüm Hochzits Hochsaison, vilich heitr also Glück! Ig finge emu, us Schwän chasch scho öpis "romantisch-klassischs" mache, oder nid? Aber im Grund gno bruchts das jo eigentlich gar nid. Me muess jo nid uf Biege und Bräche es Motiv oder Motto ha, isch jo nes Hochzig und kei Mottoparty. Isch aber glich eifach schön, wenn me Farbe het, wo zäme passe und immer widr vorchöme. Und ebe, mir gfallts halt glich, we sich es bestimmts Elemänt widerholt, oh wes nid nötig isch.
Jo scho, aber ich find ebe, dass mini Farb (ebe so Beeri) nöd zu Schwän passt. Do würi mir scho eher eifach dunkelrot oder süsch so e edli Farb vorstelle. Mir isch drum d Farb o fasch wichtiger als äs Thema oder Motiv. Weiss es nonig. Mol luege. Aber es wird denn am Schluss sicher trotzdem mega klassisch und fascht echli zu elegant, wie ich mich kenne. Drum bini froh, dass d Farbwahl eigentlich achli en Gegeakzent setzt mit dem verspielte rosa und wiss und so. Und wer weiss, vielleicht hät GG denn emol no e zündendi Idee. Er isch sehr kreativ und grafisch total begabt...
@lapricipessa: I gloube nit, dass sech mi GG meh interessiert aus Dine. Er muess eifach aube! dMails schribe mir zämä, am Caterer het bewusst er müesse alüte (guet, er kennt ne ou), bi de Besprächige isch er sicher drbi, u es söu ja nit nume mis Hochzyt wärde, sondern ou sis. U di Frageliste woni gschribe ha, het er no gar nit. Aber für die Frage chöi mir üs ja no chli Zyt lah, u er weiss drum ou, dass sobaud mir di grosse Pünkt hei, er ou mau chli Rueh het...
@FringillaVigo: Isch aso ou schön, öichi Kirche! U vorauem isch dr Gedanke mega schön, ir gliche Kirche zhürote, wos Diner Eutere scho ta hei. Naja, ha ja gsuecht, u jtzt eifach dä gno wos klappet het, isch aber das woni glehrt ha, no das wo ni wott. Schaffe jtzt chli u gugge, ob sech ggf intern e Müglechkeit gäbti zwächsle u süsch guggeni de ufe Summer/Herbst zum wächsle. Wäg am Muster; meinsch nit Du chönntisch ou e Tischlöifer, oder Dekoelement i däm Muster mache, oder koufe? Wäg dr TZ, schön fändis we si würdi häufe bastle, da hätti sech aber ou süsch scho ne Kollegin abote, oder ggf bim Kleiderkouf drbi wäri, aber ou derte het dKollegin scho gmeint si würdi sech fröiie, wenn sie drbi dörfti si. Daher müesst si gar nit so viu mache. ggf mit am Trouzüge mau öbis agugge, u üs am Hochzyt säuber chli unterstütze, wes de was git.
@Sue: Machts de dr Papa Papillon no? I ha ebe gmeint, er hegi ufghört?!
@kleinefeder: Finde auso ou beidi Kirchene schön. I verstah aber scho, dass de lieber di wetisch, wo dr nech zerschte mau küsst het.
@laprincipessa: hihi, i gloubä ä GG wo so fürnes Hochzyt brönnt wie mir, hüratet ä Ma... Minä intressiert sich zwar scho drfür, aber i bi o dütlech meh am umesurfä u dranne umestudierä als er. Er regt sich zwar immer mega drüber uf, wenn Frouä vo "ihrem" Hochzyt redä, anstatt vo "üsem". Aber er het ou scho hennä komischi Sachä überleit. Z.b. heter plötzelch voller Panik d Datä vo irgendwelchnä WM (oder EM?) Fuessballspiel usegsuecht wo denn chönntä si wöu de wär er ja de verhinderet gsi... also so viel dazu!
@FringillaVigo: oh ja, die Chillä isch ou mega schön! v.a. würklech ä mega cooli Idee am glichä Ort z hüratä wie scho d Elterä hei... I dänkä ou, dass du zu däm Muster Deko chönntisch machä (-lah)! Aber mit Pfauefäderä chasch sicher ou schöni Sachä machä...
@kleinefeder: Die Chillä fingi ou beidi schön... Die 2. gfallt mir persönlich fasch besser vor Architektur här. Aber ds Argument, dass dir öich vor dr anderä ds 1. Mal küsst heit isch unschlagbar!
bi im 13ner Thread, dank dr LucyLu uf dä Abieter hie gstosse http://www.cardsandpockets.com/perfetto.aspx
Da das aber aus uf Englisch isch, u mis Englisch zwünsche übrig laht, bini de rasch ga google u uf die zwöi gstosse, wonit mau so ne schlächte Idruck mache. Wobi mi dr erscht bau sympathischer dünkt. Was meinet ihr drzue? Irgendwelchi Erfahrigswärte?
Ig ha mir cards and pockets oh scho lang mau vorgmerkt ha aber nie öpis verglichbars im Dütschsprachige Ruum gfunge, drum merci für die Links! Dr erscht tönt würklich nid leid, mau genauer aluege.
Jo, jetzt bini widr mega zwüsche Paisley und Pfauefädere hin und här grisse! Stimmt scho, mit däm Muschtr chönnt me sichr oh ds eint odrs andere mache. Git nämlich scho vil Stoff wo zB so isch. Mh, mau GG froge...
Anmelden
Är het zwar Freud, a däm womr bis jetzt buechet hei, aber asr sälber öpis miech, isch de gar nid so. Womr am Location-Sueche gsi si, hetr immer gseit, är luegi de sälber oh, hetr abr nie gmacht und de ha ig alli vorschläg brocht und alli Mails gschribe... Mit de Farbe isches jetzt genau glich: är seit ging, är wöugi oh mit ussueche und luegi de was ihm gfalli, aber mache duetrs glich nid. Jetzt warti halt, vilich heissts de plötzlich, es sig ihm eh glich was mr für Farbe nähme 
dMails schribe mir zämä, am Caterer het bewusst er müesse alüte (guet, er kennt ne ou), bi de Besprächige isch er sicher drbi, u es söu ja nit nume mis Hochzyt wärde, sondern ou sis. U di Frageliste woni gschribe ha, het er no gar nit. Aber für die Frage chöi mir üs ja no chli Zyt lah, u er weiss drum ou, dass sobaud mir di grosse Pünkt hei, er ou mau chli Rueh het... 
also so viel dazu! 
