lil.lian
d projektwuche isch mitti mai, wär cool wäns klappe würd!

d tasse macht sie au für eus.. ich han mit ihre abgmacht, dass ich ihre d tasse bringe woni ide ikea hole und sie die denn bedruckt... bi mer nur noni sicher weli farb... GG seit Schwarz und ich seg Grüen...

Mittlerwile macht sie aber mega vil für eus! hanere au d gastgschenk fürd chind in uftrag geh (so tumblers mit röhrli)

Nala
De Fascinator find ich imfal au no hüpsch! ich wett sowiso kein schleier, ich stell mir das so müehsam vor weni die ganz ziit so en fahne ufem chopf ha :D

Littlefoot
Tönt mega mega cool de Polteri vo dim GG… Find ich persönlich nämli 100mal besser als sones vollgstopfts Programm mit Spieli und Ufgabe.
Wegem Rahme: Mie rhend im Kreativ Point z KN direkt zugschnittnigs Holz kauft für Rähme. Die Sträng chasch i allne Länge ha und so de Rahme baschtle, wies für dich am beschte isch. Findi no recht cool :) De Meter Holz choschtet irgendwie 3.50
De daenu gahts guet, luut ihre gniesst sies jetzt eifach :) Recht hed sie!!

Nala
Mier sind ned im Lago gsi sondern i dem i de Stadt, wenn dette uf dem Platz bim Apollo (glaubs? Irgend es Brillegschäft vis a vis vom Depot) links abbiegsch laufsch drah ane, isch en grosse Ständer vorem Gschäft mit Bubbles
De Fascinator find ich übrigens, staht dier suuuuuuper guet!

Taeboyana
Du bisch ja flissig gsi und die Hochziit tönt ja echt cool! Da wäri au gern go Flüge spiele, hihi

Pfingstrose
Ich freue mi immer meh uf NACH de Hochziit. Das viele Programm im Moment macht mi langsam fertig, bin echt dauernd müed.
De Schirm gseht suuuper us, weiss aber ehrlich gseit nöd, ob er so e Huufe Brüüt wird überlebe will selbscht d daenu bim erste Mal uh mega Müeh gha hed, de ufzbringe und ich hane also ez nur eimal ufgmacht, und wirden erst wider öffne wennmer shooted, um en nöd z belaschte
D Seifeblase hemmer vorem Nanu Nana wild umeblase und ich han also kein Flecke entdeckt hinterher. Es sind so ähnlichi wie du im amazon gseh hesch, gsehnd leider chli billig us, aber was sölls. Es staht zumindest Wedding Bubbles druf, ja :D

Lil.lian
Nei, hend kei Uslöser kauft. Im Mediamarkt hends online meeeega viel und im Gschäft eifach kein einzige. Hed mi tierisch ufgregt. Vorallem willmer vorher no aglüte hend und die blöd am Telefon hed gseit, mier sölled doch eifach mal verbii cho und luege was sie so im Sortiment hend. De wo mier wetted gits ebe nur in Dütschland im Mediamarkt (d CH hed de nöd und mier chönd en au ned detthii liefere lah) Dett wärer sogar nur 13.99 aber de gits nur online. Nervig!

Plöischii
Ich chönnt mit vielleicht 10 Säck diene?

Polterabig
Ich müesst keine ha, bini gaaaar nöd scharf druf… Ich weiss aber das mini TZ eine organisiert und mini Schwö hed am weekend sone Witz gmacht, dass sie ‚Verkleidige‘ organisisert hend, bin nöd sicher, obs Ironie gsi isch oder ernst. Hilfe! :D

Me
GG hed mer grad gschribe, dass sie ihn ez versetzed, will sie denked, das er sich unter dere Chefin ez zwenig entfalte cha. Ez muesser uf Frick. En Zuemuetig! Das isch jede Tag en Stund Fahrt pro Weg – mindestens :( Aber ja, immerhin suecheds nach Lösige. Hoffe ez nur, dass er am Hochziit denn trotzdem frei bechunnt und vorem Hochziit und so. Das macht mer richtig schlimm Sorge, wenn das nöd klappet.
Denn no en Frag a alli: Wie möched iher das, wo eu Geld wünsched? Wenn öppis ufem Konto igaht, bedanked iher eu grad direkt oder warteder bis nach de Hochziit?

Janedoe: Oh nei! Frick isch i eusi Richtig... Das isch je mega wiit vo eu! Also d Ferie münds ihm ja fast geh. Er hät ja das vorher scho agmolde. Und au Tag wo er frei überchund vom Gschäft fürs Hürate die sind ja zum denn isetze und nöd suscht irgendwenn. Isch en riiise Seich und tut mir mega leid für eu! Isch das jetzt demfall definitiv? Ihm gaz sicher au nöd so guet.

Chan dich guet verstah wenn immer meh froh bisch wenns den mal dure isch. Hochziit isch hald scho es mega langs Projekt wo immer meh asetzt. Ich freue mich jetzt zwar immer no aber merkes au immer meh wieni dänke - hey nachher hani eifach wieder Ziit für anderi Sache und Hobbys.

Guet denn wird ich die Weddingbubbles bstelle! Danke für de Testbricht. Nala, häsch du dini scho übercho?

Geldgschänkt, dünd mir eus zum Teil direkt gad bedanke (Eltere und Grosseltere) und bim Rest den a dem Tag! Die wohned ebe au nöd i de Nöchi! Und de Kollegin hani au eifach gad es SMS gschriebe. Aber die werded den alli us de Ferie nomal es Dankeschön übercho für die Ateil wo sie gschänkt händ miteme Chärtli vo dem Ort.

Me: Mir sind eus jetzt gad am Gedanke mache über de Transport... Bis jetzt hät nur d Janedoe es Fahrzüg oder?! Was händ suscht die andere woni verpasst han? Mir hend eus jetzt überleit ein Weg (hie zum ZSA) mit eme coole Gfährt zmache, wo nöd ztüf isch wills mir suscht s Chleid am Allerwerteste verschränzt und den retour miteme normale Auto bis zum See afang und dete den es Boot nämed. Chosted für d Stund 120 CHF. Wasi mega i.o. finde... Den chönd mir direkt bim Steg vom Hotel alege und dete chönd alli Gest uf eus warte. Was meineder?

Wege de Fotis versuechis jetzt nomal... Schisst mich chli ah!

Chleid vom Mami vom GG. Wird uf de Siite no chli enger gmacht und une ca. 5 cm kürzt.

Datei-Anhänge

image.jpg (44x) Mime-Type: image/jpeg, 144 kB

Voila............

Datei-Anhänge

image.jpg (37x) Mime-Type: image/jpeg, 118 kB

littlefoot
Er macht ja das Trainee Programm und sie sind im jetzige Gschäft ja ned so zfriede... Aaaaber, bi vertragsunterzeichnig hends immer devoo gredet, daser i de nächste Filiale, bzw Umgebig blibt. Drum findi 160km pro Tag recht happig.
Ich glaube wenn mer alli gescht Sorg gäbed, denn überlebts de Schrim (Holz alange!)

Pfingstrose
Er hed mier ebe nur fäng es SMS gschribe. Und hed das 'es positivs Gspröch' gnennt. Zumindescht hends ihm jez gseit, dass sie ihn möchtet phalte, was ja schomal en guete guete Schritt i die richtig Richtig isch. Hoffemer eifach, dass er bald i eusi Richtig chan cho go schaffe, wenns zfriede sind.

Min GG hed zerscht gmeint, ich chöng doch ez ned eifach die Bubbles uspacke und da umeblase aber has denn chönne begründe, das ichs fürs Forum muess teschte, haha :D

Oh wow, mitem Boot, das tönt ja mega! Und wenn denn alli uf eu wartet, weisch wie romantisch Mier hend s Auto no nöd fix zuegseit. Bin chli is grüble cho und ha das weekend zum studiere gnutzt... Müesstem ez also hüt eifach no zuesägä :)

S Chleid gseht sehr schön us! Und d Ohrering Mega hüüübschi!