@Pfingsti: Cool wägem Gfährt! Mir dörfe er malinchen ihre rot Mini uslehne und freue mi scho abartig Öpis mega Tüürs gmietet hätte mir aber ou nid wüu üse Wäg ou rächt churz isch.
Hui, i mues de o mau luege wie absitze / bücke geit mitem Chleid, mis zeigt ja o chli Füdle
Schöns Chleid! Isches wiiss? Und d Ohrepänk findi ou ganz härzig.

@lil.lian: Mir hei eini mit "Just Married" bsteut. Evtl. bruchi se aber scho am Zivile, ig wott drum für am Abe bi üs deheime (es git zersch es Apéro riche im Wiichäuer und am Abe Kaffee und Kuchen und Likör und und und bi üs) säuber e doppustöckigi Torte mache mit Deko. Denn würds ja ou passe.

@Hochzitsdeko vom Apéro womer si iglade gsi: I gloub nid dass das es Vermöge het koschtet, es si aber sehr viu Lüt involviert gsi (Kollege wo hei gserviert etc.) und ds Ässe isch zumne grosse Teil äuä säubergmacht gsi. De chame vielech eso chli spare. Has aber würklech schön gfunge, für sie isch das vielech wichtiger gsi as es riese Buffet und Uswahl und es isch würklech super usecho.

@Polterabe: I wirde ou e Polterabe/ -tag ha und freue mi druf. Mini 2 TZ kenne mi sehr guet und wüsse was i wott und was nid und sie wette säuber niemaus sone doofe Pouterabe, drum hani vouschts Vertroue. Me cha ja o süsch viu Cools mache wo nid typisch Polterabe/sech blöd verchleide/Kondom verchoufe isch. Z.B. gmüetlech ga wellnesse, brunche oder so öpis? I würd eifach guet kommuniziere, wasme nid wett. Und ou weme gar kene wett mache, isch das doch ok? mini TZ het säuber o kene gha.

@Pfingsti: Phu de bini froh, jetz hani scho dänkt ob die in wiiss darf cho... Has drum ufem Foto nid gnau gseh.
Ja das gsehni genauso, und i wett eigentlech o nid, dass mini Kollege a mire Hochzit müesse schaffe, drum bini froh hei mir es Catering wo aus macht und aui Gest dörfe eifach cho gniesse . I bi sicher bi üs aune wird öpis ganz Tolls usecho wo genau für üs eso stimmt und passt.
Auso bi dir gits eifach nur eis: Es wird uuuuuuu schöns Wätter!

@Janedoe: Hm so blöd wäg dr Versetzig vo dim GG! U das mache sie eifach so über sie Chopf wäg? Hm, das Ganze tönt irgendwie scho schwierig. I ha fasch chli dr Idruck, dass sie säuber nid so ganz gnaui Aforderige a die Position hei gsteut unds e chli chaotisch organisiert isch. Oder liegi da fausch? Hoffe uf jedefau witer für euch, dasser cha bliebe und sie dr Wäg no finde zäme!

Ballön: So bin immer no am Abarbeite... Ich bstelle jetzt Ballön für mini Schwöster... Mint und Peach, Gasfläsche, Ventil und Schnürli... Jetzt chömmer die Fläsche entweder abhole "gratis" oder gad is Hotel liefere lah und abhole lah für 69 CHF. Isch das Geld usem Fenstergschosse willi so fuul bin wieder mal oder sölli das eifach au no usgeh. Hihi... Fröge GG garnöd. De het den eh nonig frei.

Kleidig: Soooo mal no e Frag... Chaufed ihr no irgend es Oberteili für wenns chüäler wer?! Was genau? Händer en Link oder so... Ich han ja es Trägerloses... Bruch also scho öpis falls nöd top Wetter wer. Ich würdi am liebste en wiise Kaschmirschal chaufe wo mer schön um d Schultere tue chan. So Bolleros und so gfalled mir eifach garnöd... Jeansjacke fändi au no cool aber min GG find das glaub ganz schlimm! Hihi!

Taeboyana: Nei wiis fändi also au nöd guet! Würd mich scho stresse. Aber das het sie au ganz klar gseit wiis isch eifach reserviert. Ja s Wetter wird schön... Haha, wies öpis nütze würdi wenn mer das seit.

Janedoe: Ja so langs nöd rägned isches ja kei Sach... Au wenns nöd so mega schön isch. Hm! Den fahred mir hald hunz kamun zum Resti! Wer au nöd so tragisch. D Frag isch ob mers den glich zahle muss. Mir hend ja zum hiefahre es speziells Gfährt wo au für d Fotis no isch.

pfingsti: u cool muss au no die gasfläsche organisiere...wo machsch das ?
ich wett e mintfarbne cardigan. stah üüberhaupt nid uf boleros, find die doof (sorry, wett niemert agrifä ) und en schal nervt wil er die ganz zit aberutscht. wobi ich han eine uf etsy gse, wo so hinderem rugge duregaht und zämegnäiht isch, weisch wie ich meine ?
jeansjacke isch voll cool aber passt scho nid so
was füres speziells gfährt hender de ? scho buecht ?