Ou ja finde d Ballön schön! Ich hett ebe gern so riesigi Ballön aber das da wär en schöni Alternative fallsi keini finde. Mini TZ luegt zAmerika, ob sie was findet.
Hmm ja uf Schliere isch wirkli kei Weltreis. Wie lang chönntsch de die Fläsche miete? Weisch das scho? Wenn die eifach bi Glegeheit mal chönntsch zruggbring und irgendwie e Wuche Ziit hettsch, würdi s Geld spare...

@Pfingsti: I choufe kes Jäggli oder so im Vorus. Bi mim Neckholderchleid passt irgendwie nüt so Rächt und i ga immer no naiv drvo us, dasses im Ougust mues warm si . Im Brutchleidergschäft het sie mir sone ganz e liechte, haubtransparente Schal zeigt wo würd passe und ou ganz viu verschiedeni Möglechkeite, wieme dä cha trage, dasser o häbt. Het eidütig am schönste und eleganteste usgseh. E Cardigan find ig persönlech drum ou nid gad passend zumne Hochzitschleid... bi mir het sie gseit die Stolas heige sie immer a Lager, de chani spontan churz vorhär no eine ga hole wes mues si.

@Ballön: da chani leider nid gross witerhäufe, organisiert uns sponseret aus GG's Mami (mir si eifach scho vo grosszügige Lüt umgäh, ischmer fasch nid rächt...).

@me: Ah ja hihi, hami am WE no fürne Cookie Deko-Crashkurs agmäuet wüui ja so Cookies (wie i mim Avatar) as Gastgschänkli wett säuber mache

jane: im toys r us hani gse hets so gasfläsche, 30.- glaub...ich organisiere öpe die. has etz aber minere TZ gseit, dere arme

@littlefoot: Nei das isch würklech no härzig, mues aber o säge dasses e chli e spezielle Cardigan isch und nid nur grad es 08/15 Boumwullejäggli Passt aber de gloub o nid zu jedem Chleid.
Psssssssscht wotti nid ghöre wägem chaut und grusig im Ougust Nei i weiss ja dass mir ir Schwiz läbe und me mues realistisch si. Aber äbe, de chani o 2 Tag vorem Hochzit no gane Stola hole
Übrigens (pssst, psssssst!) isches letscht Jahr o im Mai und Juni rächt grusig und chaut gsi Aber wär redt vo letscht Jahr? DAS Jahr wird aues besser und mir hei aui top Wätter

Zuletzt bearbeitet am 28.04.14 16:19

Hihi Wetter... Ich mache mir da 0 Gedanke... Bzw. scho Gedanke aber es isch mer ächt glich. Und weni mi so istelle gahts mer a dem Tag am beste. Willi nöd truurig bin über schlächt Wetter. Nimes wies chund!

Jäggli: Dis Jäggli isch würklich herzig... Bi mim Chleid wers aber total unpassend. Hm... Evt. machis wie Taeboyana. Eifach vorher schnell zuelange wenns nötig isch! Muss mal im Lade fröge.

Tschüssli mitenand... Ich ghan jetzt mini Lohnerhöhig go vertätsche! Ich gahn mini Bei go wachse lah! Jupi... Hasse fäng rasiere so... Jetzt zieni das würklich mal dure. Nöd nur eimal sondern mindistens alli zwei Monet am Afang eher monatlich. :)

pfingsti: autsch, viel spass :)
ja schön wers wenns scho mis jäggli wär, leider musi no so eis sueche
wegem wetter findis cool wenn me so ruhig cha blibe aber bi ois isch es würkli besch... wenns i de zelt statt i dem wunderschöne garte muss stattfinde. mittlerwile hani mi aber au besser demit agfründet, wil er ganz gueti lösige vroschgschlage hät. outdoor lounge isch deckt und de partyruum ja eh au, somit wär alles eifach chli enger zäme und d lüt wäred wohl chli meh uf eim huffe :)

jane: ich find die u herzig, hett amel freud a dem gschänkli :)
ebe flippy shop in luzern macht das mit de ballön. frag isch eifach wieviel bringsch ines auto oder wer sell mit dene ballön durd stadt laufe