Guete Morge liebi Brütli

lil.lian
Aso ich würd am TZ definitiv au kei Vollmacht welle gäh. Findi au ned nötig!
Eui Ringe sind mega schön! Gfalled mer.
D Gaschtgschänkli hed die glich Frau baschtlet, wo au eusi Charte gmacht hed. Ich has nur no müesse befülle

Pfingstrose
Und, wie isch s wachse gsi? =)

Taeboyana
Ich muess ez leider definitiv absäge am Sunntig. d Vorbereitigsziit frisst mi chli uf...

Sächsilüüte
Denn hoffemer mal, de Bögg hed recht das Jahr!

me
s Gästebuech phaltemer. Has minere Schwö geh zum läse und sie hed de Fehler nöd gfunde, au ned nachere halbe Stund sueche. Also was sölls :D

Wünsch eu allne en schööööne Tag

Ah und... hüt hani de Termin zum abstecke vom Chleid und i letschter Ziit hani immer meh s Gfühl, dases mier nümme gfallt und hoffe ez soooo, dass sich mini Meinig hüt wieder änderet.

Nachtrag Janedoe: Oh nei wegem Chleid!!! Aber hey versuech jetzt mal die guete Gedanke vo dete wos gwählt häsch fürezhole und wart eifach de Abig ab!!! Es wird dich sicher wieder umhaue! Es isch nämlich würklich speziell!!!

@wachse: I duemer ou Bikini einisch im Monet a d Bei dueni aber lieber rasiere, ha zGfüu die müessti zlang la wachse und wüu me mini Bei öpe 3 mau pro Wuche im Training gseht fändi das chli unagnähm (mini si dunku und d Bei wiss = fouglech gseht me se guet ) Aber fürs Hochzit wirdi vielech zumindest no d Oberschänkle la wachse. Und am Samsti bim Coiffeur chöme ändlech mau d Ougebraue dra!

@Janedoe: Isch doch super we sie's nid het gseh, de wirds wou nid so schlimm si. Hey und wägem Chleid ha ig im Fau chli die gliche Befürchtige gha vorem Abstecke. I gloub das isch eifach nur d Unsicherheit, wüu du's lang nümm hesch annegha. Du wirsch sicher wieder e riese Fröid ha dranne!!

@Pfingsti: Dir sit würklech gad oberfliessig und gäbet Gas. Cool wäg dr Musig, ig ha mir ufem Natel sone Notizliste gmacht woni aui Lieder dritue wo mir düre Tag im Radio gfaue oder ig süsch nöime gad ghöre, damit ig de die Liste am DJ cha gä.
So schön, chamer die Girlande gad vorsteue, d Kollegin het äbe am Hochzit am Samstig die ganzi Apérolocation (und es isch würklech e grosse Ruum gsi) mit settigne dekoriert gha, wunderschön!
Cool wäg dere Decki. Bi üs passts nid is Farbkonzept aber ig liebe Mint süsch (hih ha hüt gad mini mintfarbige Converse anne ). Muesi mau ga gügsle!

lil lian
Hehe gell bi mim GG hanis zerscht au uuuh komisch gfunde will er nie Ringe treit. Und jedesmal wenner a sim Finger ufblitzt hani voll Härzchlopfe und s Bewusstsii, das mier ja verhüratet sind
Guet hed sich das klärt mitem Konto!

Chleid
Ich glaube scho au, dass die Befürchtige unbegründet sind, aber da sich min Gschmack so extrem veränderet hed im letschte Jahr... Wer weiss... Ich freue mi uf hüt Abig und es muess echt eifach alles rund laufe, da mier mega knapp drah sind. s regt mi chli uf, dasi immerno kei Lösig ha, wieni mini Arme abdecke.... luegemer mal

good morning!

@littlefoot: hihi jo ich glaub au wen sis mit dim kleid vrsiffe mien si dir eifach en glichwärtige ersatz gäh! und wenn dir nur eis gfallt wo dopplet so tür isch den ischs halt so.

@canoa, merci für e tipp!

@janedoe: ich glaub mir wärde uns de nach de hochzyt bedanke, mache eh allne es dankeschärtli. s kunnt aber vilicht au chli uf e betrag ah ;) bi dim götti hätti mi jetzt au im vorus scho bedankt
und was het di gg gmeind wägem job? aso frick isch wirkli mega wiit, das isch jo scho mini region fascht. hmm finds au doof wens ihn eifach so wiit wäg vrsetzed
sehr schön dini gastgschänkli! die boxe sind eifach hammer!
i ha au chli schiss ka das mir mis kleid nüm gfallt.. aber es het mir immerno guet gfalle wo ichs widr ah ka ha. wart mol hüt zobe ab!

@pfingstrose: aso mir lehne s caprio vom gg sim kolleg us. hämir jetzt letscht wuche abklärt. würds jetzt hünd und chatze rägne näme mir den halt au s normale auto. aber d idee mitem schiff isch sehr cool!
@ballön: ich ha gescht entschide das ich s organisiere vo balöön de tz übrloh. mag mi nid au no um das kümmere.

@lil.lian: ich würd au nid de TZ's d vollmacht über das konto übrloh. seh au nid ii was das bringt, ob ihr de betrag scho im vorus wüssed odr nid spielt doch kei rolle
ohh sooo schön euri ring! gfalle mir mega guet! gäl du bhaltsch din vrlobigsring den am gliche finger? seht sicher meeeega schön us

@wachse: uii ich mues au mol widr go, ich mach aber nur bikini haha und nur übere summer :toungue; bei und achsle macht mir nüd us schnäll rasiere während em dusche, ha au s gfühl do miessti z lang warte mirem wachse loh. pfingsti, hesch grad die ganze bei oder nur unterschänkel?

@armbedeckig: ich ha mir übrlegt ka so e schal do z bstelle: http://world.dessy.com/p-1968-pashmina-s...ing-shawls.aspx

@bögg: ich hoff mol das dä zürcherbruuch au für einisch rächt het!

@brütliträff: cool, aso ich bi immerno drbi ;)

@me: danke für eures feedback zum fascinator aber wüsseder was?? das het mich ez no meh vrwirrt wil ich woten jo ez eigetli nüm für am fest, nur no füs standesamt. hmmmm…
gescht het mir no s reisebüro aglütte.. die närve mi langsam! mir hän vor 2 wuche definiitv buecht (seychelle, insel-hopping uf drei insle) und jetzt lütet si ah das ei hotel nüm vrfüegbar isch und sich de pris scho widr um 200.- p.P. vrtüürt und das si nüd billigers findet! drbi simer scho so 400.- überem budget p.P. gsi! mann! jetzt schribi ihre glaub si söll mol luege wie s wär wen mir nur 2 insle mache drfür no 3 dag dubai ahänge! das wäre grad die 3 däg vo dr dritte insle und mir fliege eh über dubai.. hach! momentan isch chli de wurm drin! ha grad au nid so wirkli freud a dr hz-planig, ha s gfühl im momänt mache mir meh rück as fortschritt

Zuletzt bearbeitet am 29.04.14 09:39