Janedoe: Wo sind ihr den im spezielle so überem Budget gsi? Mir hends würklich sehr guet usgliche bi eus... GG Azug isch vo sim Mami zahlt worde dete hend mir guet 1500 CHF chöne "ispare" bzw. nöd usgeh. Aber suscht hämmer nix as Hochziit direkt übercho...

Nala: Wegem Schal isches imfall total doof! Ich würd de jetzt so gern ha... De Priis wer ja würklich guet! Aber d Lieferig chosted selber doppelt so viel wie de Schal!!!

@janedoe: das stimmt die i de extrazüg hän die meiste e ecke ab! würd au nie i so eim mitfahre!
jo ich mues de kuoni-frau nomol schriebe.. irgendwie stimmts so nüm für mi. hmm kei ahnig wie mir das mache.. ich ka dir gärn mol unser budget schicke.. ka au si das mir paar sache vrgässe hän aber unser floristin isch halt rächt billig und mir sin au kei grossi gsellschaft. aber ob mir bi däm bliebe sehn mir erst idr ändabrächnig. ahh und es isch ohni flittis und kleider.

@pfingstrose: i ha das mim gg scho gseit.. s problem isch eifach, dä gueti maa het de kack i de hose wens um sini familie goht! sini muettr und schwöstr sin so bestimmendi persone vom charakter här, dä gertaut sich kuum öbis gege die zsage und seits amigs nur mir wen mr ellei sin. und ich gib halt ame zrugg wil ich bi eher e hitzkopf und temperamäntvoll und de paassiert ebe gnau das wo du seisch, sie dänke ich bestimm alles und är het in unsere beziehig nüd zsage. i ha im aber scho klipp und klarr gseit das wen mir mol kinder hän und es git so e theater den mues är öbis sage, susch seht sini familie eifach nid viil vo mir und mine kinder!
und är seit es stimmi nid das si mi nid möge.. tja was sölli do sage?! ich gang eifach so wenig wie möglich mit zu sine eltere und bi eifach froh wohne si relativ wiit wäg!

schal: oh nei wirkli?? sooo doof! aso ich würd ebe au gärn ein bstelle und evtl nimmi no für mini BM's je eine.. vilicht könne mir uns zämme due wägem porto?

nala
Ich bin früeher mega viel mitem Extrazug gfahre und es isch aso scho immer so gsi. Ich find wenn grad i de Stadt Züri wohnsch gahts ja no, aber wenn denn en Aschlusszug ame Sunntig Abig am 10ni söttsch erreiche und weg paar Idiote verpassisch, ischs eifach ärgerlich.
Gern dörfsch mier mal dis Budget schicke, vlt entdecki Sparpotenzial :D Mier sind ja am Abig nume 45 Lüüt! Cha dier mis denn au mal zruggschicke, aber wahrschinli erst hüt Abig oder morn :) Mail Adi hesch ja :)

Zuletzt bearbeitet am 29.04.14 11:10

Nala: Hm, ebe das isch doch genau das grosse Problem. Ich würdi au wenn die zwei Fraue so bestimmend sind vo dim GG eigentlich au mal so öpis verlange. Er isch din baldige Mah und muss au eui Gmeinschaft verteidige. Das isch sicher sehr schwer, aber s andere isch eifach kei gueti Lösig! Ich verstahn dich da völlig. Und würdi min GG nöd mal s Mul ufmache ich würd mich glaub mega mit ihm verkrache.

Janedoe: Also ich han würklich jede Chrimschrams igrächnet... Han dete eh scho en Poste drin gha - Chrimschrams vo 500 CHF... Und bin nonig ganz bi 500 CHF... Scho klar wenns mal so 1.90 gsi isch wie für die Tortespitzegester hanis nöd ufgschriebe... Will das chani ja im Alltag easy chaufe und hani eh vom gmeinsame Konto zahlt.

@pfingstrose: soooo cool die etikette! mir hän uns au dänkt für die gladene gäst e 33cl wasser fläsche für ufe wäg mitgäh, aber mit de etikette ischs jo no viil die besser idee!
die zweite gfalle mir chli besser, aber au die andere sin sehr schön!
hmm wägem zueschniide, gits kei so etikettepapier in etwa däre grössi? das wär wohl am eifachste!

@jane: ich schicks dr am nomi oder obe