littlefoot
Ja guet aber trotzdem sind iher ja wahnsinnig guet im Budget (mier wüssed ja, was du alles plansch :)) und daher... HUT AB!
de Stall isch scho deckt, ja... Sie hend zur Not 4 Heizpilz, aber ob die langet weissi de nöd. Ha eifach gseit sie müessed die denn eifach de ganz Tag laufe lah, damit mier nöd verfrühred. :) Die choschtet zum Glück ned au no extra bi eus :)

jane: ah die heizpilz sind doch super ! und es wird imfall mitti mai warm und schön.

@Budget: I frage mi auso o wie dir das machet...? Mir si bi ca. 25-26'000, budgetiert heimer 25'000 (ou ohni Flittis). Aber i weiss o genau was bi üs die türe Pöschte si: Ässe (älei da müesse mer mind. 10'000 rächne bimne 4-Gänger imne 4-Stärn-Hotel...), Ringe, Musig und Iladige. Süsch hani eigentlech nid zGfüu, dassmer mega über d Sträng schlöh. I ha kes u türs Chleid, Kosmetiksache si nid tür bi mir, Blueme o nid... Aber da mir itz no e grosse Betrag hei zuegsproche becho, mache mir üs itz nümm so Sorge... Findes ou enorm schwär vorhär genau zbudgetiere, vor auem mit de Getränk wome ja meistens nid gnau weiss im Vorus...

@Pfingsti: Dis Budget würd mi ou interessiere, bini äch scho zspät? Mache dr e PN mit mire Emailadrässe. Hihi, ha würklech ou scho dänkt du bsteusch und plansch soviu, das mues doch türer si

@Wätter: Ig hoffe ja würklech ou, dass au die Wättergugusbrüch rächt hei das Jahr, aber irgendwie machi mir da no gar ke Sorge. Isch eh viu zfrüeh no.
Wow Janedoe, bi dir geits ja nur no 2.5 Wuche... chunnt scho guet, bis denn isch dr Räge und d Cheuti vrbi. I kenne öper wo dä Samsti hüratet, da gsehts hingäge nid so schön us (und vor auem chaut).

@Nala: Ig kenne das Problem nur zu guet, ig wotts ou immer aune rächt mache und am liebste möchti dass aune gfaut, wasi mache. Aber mitem Hochzit lehri würklech ou immer meh, dasses üse Tag isch und mir dä so söue gstaute, wie mir das wei. Mir gfaut ja a angerne Hochzite ou nid immer aus!

@jane: ichha ez au grad wägem wättr nochgluegt, i ab mitti nägst wuche isch widr suune-20°C wättr! sehsch das kunnt scho guet!

@budget: mir hän au e 4 stärn hotel aber ich find d priise vom ässe no human.. si het uns mol vorgrächnet ka das mir für rund 35 lüt am obe uf öpe 4500.- kömme. hoff das stimmt de au

@taeboyana: jä ichglaub während em hochzyt plane lernt meh e paar lektione fürs läbe

@pfingstrose: jo klar kasch di no entscheide, ha nur nomol welle nochfroge i ha eh au dänkt dasi mol no im globus gang go luege wäg schäl, die hän ame no e grosses sortimänt, wens mir rächt isch