Lil.lian: ha se uf amazon bstellt http://www.amazon.de/Organzabeutel-Organ...uml;ckchen+lila isch weniger as e wuche gange bis i se ka ha

Taeboyana: au die hani uf amazon bstellt http://www.amazon.de/Wedding-EinsSein&re...n/dp/B00A52UCOC

Squshy: ich ha scho no föteli us anderne winkel das isch nur zum zeige gsi :)
Wägem programm, mir übrlöhns au chli de tz, obwohl d bridezilla in mir das au chli stüre mues. De töggelikaste isch sicher cool, i bi kir nur nid sicher ob das zunere hz passt mi erinnerts meh an beizeobig, das isch aber nur mini ganz persönligi meinig muesch nid uf mi lose ;)

Sue: welcome back! Glaubi sofort händirs gnosse!

Janedoe: freut mi seeehr ischs geschter zobe guet gsi bim abstecke! Sehsch, sorge für nüd gmacht schad hets kei foti gäh, wär jetzt no hilfriich wägem ketteli.. Gäl du hesch die ihrehängerli kit peach und mint? Bi grad nüm sicher wotsch öbis blingbling mässigs odr eher öbis schlichts mit perle odr öbis imstil vo de ohrring?

Weddingbee: dis weekend tönt seeehr toll, genau so stell ich mir e polteri vor! Sooo schön! Das mitem schminke isch jo au e lustigi gschicht, zum glück het dini tz no könne interveniere ;) freut mi sehr für di ischs so e tolls weekend gsi s schiint as het ächt alles genau passt!

weddingbee
Hey wooow, dis Polterweekend tönt ja mega cool! Super, was dini TZ uf d Bei gstellt hed! Genau so würd ich mier min Polteri au wünsche. Ohni Verkleidige und Spieli. Schööön!

nala
Hmm weisch es isch so, das ich insgeheim wirkli immer devo träume, es Spitzeübersähts Chleid zha, ich han aber zwei Stück agha und die stönd mier eifach nöd und schmeichled mier null. Drum haderi vielleicht chli mitem Schicksal, obwohl mis Chleid wirkli wunderschön isch.
Ich han die Ohreringli: https://www.etsy.com/de/transaction/1907...f=fb2_tnx_title
Ich hett au uf etsy passendi Chettene dezue gseh, nur ob die de Pünktlich achömed? Hmmm


WO SINDER ALLI??

Hahahaha Pfingstrose du bisch sone Blödi! mier isch grad s Herz id Hose grutscht!

Din GG isch ja au de geilscht, mitem Handschlag :D
Wie gseht eues Menü us?

Ich ha de Verkäuferin naaaaaatürli müesse unter d Nase hebe, das de Schleier 20.- koschtet hed und ich so glücklich seg und sie hed denn glachet und gseit, dass sie d Priise oft au ned verstaht. Mis Mami hed de au no welle es Jäggli oder Bolero poste für ihres Chleid und denn hed d Verkäuferin so eis id Hand gno und seit nur so 'Wüssed Sie, das will ich ihne gar nöd verkaufe, das isch viiiiel z tüür für so wenig Stoff, gönd sie lieber mal in Schild oder so'. Flotti Dame

Hoi ihr Liebe,

Tschuldigung, chume im moment gad zu nüt, u de leider haut ou nit is Forum! Hoffe es wird wieder besser, spätischtens wenn mir üses Huus igrichtet hei, u sowiit nache si.
I stecke immer no uf Site 750 fest... Liese jtzt eifach dr gesterig Tag nache, ha zwüschedüre gäng mau umi chli ichegugget, u weiss, dass es viu Nöiis git. Über Bilder vo Kleider, Kärtli, Ikoöiif etc fröiie ig mi ou nachträglech no.

Dir liebi Dänu, wünschi mit viu Verspätig no ganz härzlech aues Guete zum Geburtstag!

@Bruttreff: Leider chani am Sunntig nit drbi si, wünsche euch aber ganz viu Spass u fröie mi zghöre wie isch gsi.

@ Jane: Dis Gästebuech hani mau no gseh, gseht aso super us!
Din GG wird versetzt? Wieso de das? U für öich, würdi das heisse, ihr „müesset“ zügle, oder er hätti eifach ä längere Arbeitsweg?
Jöö, Dini Kollege si ja herzig!
Mir si mit ca 18‘000 zwüsche üsem Wunsch (15‘000) u üsem Max Budget (20‘000), u spränge das ou mit de Dankeskärtli nit! Da isch aber würkli aues dinne, jedes chline Detail, Markene, etc. Aso ohni Ziviler, u ohni Flittis, wobi dFlittis hei mir ja jtzt gschänkt brcho
Mega schön gmacht, dIdee mit däm Infoblatt

@Pfingstrose: Tönt schön öichi Liedernacht
Mir hei ja nach dr Trouuig no dFöteli gmacht, u hei derte eifach PG Mineral u Plastikbecherli gha, für aui die wo Durscht hei u was wetti
Dis Budget tönt interesannt, dörfti da ächt ou mau driluege?
Bisch es Huehn! Ächt jtzt, bi aso froh gsi, woni dr erscht Absatz ha gläse...

@littlefoot: Wow, wie hesch das gschafft! Gratuliere

@squishy: Meinsch nit, zwüsche drinne chli ruhigi Zyt segi ou guet? Mir hei das bi üs am Hochzyt ou gha, zum Teil gloubs ou, wüu TZ ihres Programm nit so hei dürezoge, mi het das aber nit gstört, me het chönne eis ga roucke oder a di früschi Luft, me het chönne ufs WC gah, ohni gad aus zverpasse, etc. Wüu süsch wird’s de viellech iwenn ou chli zviu. U bi öich tönts ja nach am ne tolle „Lückeprogramm“

@weddingbee: Tönt mega schön u toll organisiert Dis Polteriwucheändi! Fröit mi sehr für Di

@me: Mir hei leider dFotis immer no nit , ha jtzt aber afe dFotis für Dankeskärtli brcho, u die geschter afe bstellt, u morn göh mir no zu üsem Herr Drucker mit Text etc, damit er cha dTexte drucke, Kärtli schnide u falte, u viellech chöi mir ja dCouverts scho mitnäh, de weiss i ou, was i am Samschtig Nami mache

nala
Han ez grad eini bstellt.. Per Zuefall isch de in Dütschland und das sött ja wohl klappe :) Ich möchts eifach ohni s infinity Zeiche.
https://www.etsy.com/de/listing/18389491...ette-versilbert
Ja genau, so gsehnis au mitem Chleid

Lula
Hoiii! Wie henders mitem Huus? Gahts vorwärts?
Also wege de Versetzig vom GG isches i de Churzfassig so, dass sie im jetzige Gschäft ned wirkli zfriede sind und de Regionalchef ihn aber möcht bhalte und ihm d Chance geh, ime andere Gschäft chönne unter Bewiis zstelle, das ers wert isch... Mier wärded nöd zügle erstmal, aso zumindescht ned i die Richtig. Mal abwarte jetzt wies wiitergaht.
Ui waaaas, d Föteli hender immer no ned? Gits en spezielle Grund?

Pfingstrose
Du bringsch chli Action is Forum, haha :D

jesses pfingstrose, jetz bini uh mega verschrocke!! bin aso froh dasd eus häsch wele verarsche unds nöd so isch
mir sind au d seerose go aluege, isch mega schön det, aber leider a eusem tag scho bsetzt gsi

ja gäll, scho mega vill gäld, aber die bobbi brown sache hebed ewigs und ebe, mir lönd eus fürs gliche eimal schminke und das wärs dänn gsi. bin mir jetz aber am überlege öb ich mich fürs standesamt sälber söll schminke und frisiere. han ja jetz profitipps übercho am samstig...det hätti ebe au nomal chf 200.00 ligge lah...uf de andere siite sinds guetschii, choscht mich aso nüt und wänn dänn mini eigekreation (v.a. d haar) id hose gaht stressts mi dänn meeega.

@jane: wow das chetteli uf etsy isch uuuuuh schön. ich han jetz au chli angst öpis zbstelle...wänns nöd achunnt bis am hochzytstag isch mega doof.

@all: hät öper ächt zwei stuehlhusse woner mir chönnt uslehne oder verchaufe? eusi kapälle verlangt (nei kein witz) chf 105.00 für zwei stuehlhusse. isch doch bescheuert vill, nöd? und das isch nur d mieti für 45minute...han mi grad uh gnervt.