WAAAS? 105.-?? Ehm d Sue hed mich mal gfraget wege de Husse, ich verchaufe mini nachem Hochziit. Müesstisch mal no mit ihre Rücksprach halte, ob sie immerno interessiert isch aber ich denke, da sie eh nach dier hüratet, chasch sicher zwei vo mier uslehne!

Ich frage eifach immer bi etsy, ob sies mier chönd bis denn und denn liefere (nenne immer de 10. Mai, also en Wuche vorher, will denn hani no es bitzli spatzig ;D)

@jane: Hei gäng no 2 Rüüm ohni Parkett, u haut eifach immer no nit igrichtet wie mirs gärn hätte, uA dür das, u haut eifach ou wüu GG im moment mit am Schiesse viu wäg isch am Samschtig, u mir de so nit fürschi chöme. U gäng am Obe isch haut ou nit zwahre...
Ok, isch aber no schön vom Regionalchef, hoffe es klappet!
Wüssti vo nüt, aber bi froh, dünkts nit nume mi lang! I mein, es isch 1,5 Mönet här...
Jöö, so super!! Hoffe es wird es mega Wucheändi für Din GG u er chas so richtig gniesse u dManne heis toll mitenand

Sue
Woow dönt super mit dine Ferie :)

Janedoe
Dönt guet mit dim Chleid!! So guet häsch di wohl gfühlt und dass es doch die perfekti Wahl gsi isch..
De Priis vo de Schleier sind scho krass.. Defür isch d'Antwort vo de Verchäuferin nöd schlecht!! Und au das mit em Jäggli..
Ah suuuper mit em TZ!! Zeigt er sich vo de guete Siite!! S'Porgramm dönt guet..
S'Chetteli gfallt mer guet und passd ja super zu de Ohrring!!

Weddingbee
Woow dis Polterweekend dönt mega schön!! Hihi und das wegem schminke, so lustig.. Und jez händer no lässigi Föteli chöne mache? Voll kuuuhl..
105.- Franke isch ja voll gspunne!!

Pfingsti
Haha en Handschlag!! De isch nöd schlecht..
Dönt schöön mit euere Location. Chönteder den nöd no de Hauptgang wechsle? Ah han gad no dini Antwort für d'Nala glese.. Voll blöd .

Weddingbee: Ah würklich? So schad isches den scho bsetzt gsi. Wenn isch eues Datum scho wieder? Also mir hend ja im Herbst (Sept.) agfröged für euses Hochziit im Juni… Den het sie scho gseit gha kein einzige Samstig gächi meh im Classic Teil. Aber mir hend ja zum Glück eh am FR welle. Scho meega bsetzt.

Mini Reaktion isch glich wie de Janedoe ihri! Dene hets glaub en Egge abghaue! Das isch ja unverschämmt. Chasch die ja scho chaufe zu dem Priis.

Falls mit em Uslehne nöd klappe würdi, chasch imfall es hunznormals Tischtuech irgend innere Wäscherei uslehne (mir mached das amigs in Wädi) den dünds die so glette dass uf Stüähl gaht und den musches nurno so druf tue… Isch meeega günstig! Irgendwie 5 CHF pro Tag… Also NIX!

Lillian: Mir chönd scho wechsle... Münd aber mal luege jetzt. Hihi!

Menu: Sooo jetzt mal euses gnaue Menu... Sorry nomal wegem Scherz! Han mir das nur gad im Chopf usgmahlt gha und denkt wer ja tragisch wenn mer vo de Hochziitslocation retour chund und vergiftet isch! Haha!

Apero
Früchte Bowle mit Alkohol
Aescher Chardonnay, Gebr. Kümin
Öpfelsaft us de Region
Wasser

1. Vorspies
Knackigs Salatbouquet mit parnierten, gebackenen Felchenstreifen und huusgmachte Tartarsauce
Wiiswie - Aescher Chardonnay, Gebr. Kümin

2. Vorspies
Chrütercrèmesuppe mit Olivecroutons (das isch mis persönliche Highlight gsi!)
Wiiswie - Aescher Chardonnay, Gebr. Kümin

Hauptgang
Ebe no offe... Aber wenn mer eus jetzt vo dene gester entscheided den das:
Glasierter Kalbsrücken mit Kräuterjus begleitet von Kartoffelgratin und reicher Gemüseauswahl
Rotwii - Brunello di Montalcino DOCG, Castello Banfi (2008) i dem Jahr simmer nämlich zäme cho!

Desser
Käsbuffet, Portwii (hausgemacht), Turte (extern)

@jane: Ja, hei mir, u si het de gmeint, si segi no am letschte Schliff, es göchi no ca 2 Wuche...
Jep, scho gad chli, aber ebe, mi GG steit am haubi Siebni uf, u chunnt säute vor de haube Sächse umi hei, miestens wirds später... U i verstahne sehr guet, dass er eifach ou eifach mau wetti heicho u Rueh ha.

@Pfingstrose: Hmmm tönt mega fein, da brchunnt me no gad nach am zmittag direkt Hunger

Mir isch langwillig... Het niemert Frage, Problem, Diskussionstheme... Hihi!

Taeboyana: Ich glaub au fest dass ihr e gueti Lösig werdet finde! Gahts den um es speziells Hotel oder gits a dem Ort eifach garnöd viel Uswahl und darum hesch Schiss?