Janedoe
Ooooh nei, das duet mer au mega leid!!
Was isch dänn passiert?

@janedoe: oje nei, das tönt mega unschön...han glaubs nöd alles mitübercho aber d stell verlüre isch sicherlich nöd eifach...und 50-70% isch au maximal als notlösig akzeptabel. aber je nach dem was passiert isch isch das wahrschinli keis thema oder?
tuet mer uh leid für dich und din schatz, vor allem wills au no churz vor euchem grosse tag isch. fühl di druckt. ach, das isch jetz ganz ganz trurig...
händ ihr dänn en notfallplan?

@bruutträff: merci taeboyana für d pn.. antwort den nochär no druf

@pfinstrose: mhhm das tönt wirkli no cool eures resti! i gang nochär mol go google
mhhm eures menü tönt den fein! do würdi au grad ko mitässe! yummy!

@janedoe: gfallt mir sehr guet s chetteli und vo dütschland här söt das jo locker länge bis am 17.5.! und susch hätti das no gseh: http://www.swarovski.com/Web_CH/de/50358..._Anhaenger.html
schön z ghöre het de tz sich voll ins züg gleit, findi isch är au schuldig gsi nach sim faux-pas mitem pokere! wird sicher lässig!
manno bi immerno chli gschockt wäg däne news

@weddingbee: 105.- für zwei hussene? gohts däne no! ahh zum glück hesch scho e lösig gfunde, phhuuuu das gäld hät mi andrsch greut!

@lula: ihr händ no kei fotis übrko? hmmm! findi au chli komisch! isch si den e profi, scho nid odr? susch hätti si wirkli idr hochsaison kei chance mit noche ko!

@taeboyana: aso mir hän letscht summer sogar meh as das für so e luxus camp inkl. safari zahlt ka. und wie du seisch soviil uswahl gits jo leider nid.. aber hey kei angscht mit e biz geduld (haha, het glaub niemer vo uns) findsch sicher s passende für euch!

@squishy: mi dungts a viil 206.- für die paar minütli, aber i glaub au das viil günstigers findsch kuum, die caruntrnähme hän halt so hochi priise.
d idee für d tz no öbis mache findi härzig.

@bruutshooting! so e lässigi idee!! wäri grad drbi und würd au hälfe organisiere!

@me: aso ich kum au gärn an alli hochzyte hihi, bi uns ka ich susch gärn no e forums-tisch mache, kei problem hahaha

han mich vorhär jo mit de sängerin troffe, si findet unseri liederwahl toll! s wird aso definitiv:
your song https://www.youtube.com/watch?v=D9AFMVMl9qE
a thousand years https://www.youtube.com/watch?v=rtOvBOTyX00
make you feel my love https://www.youtube.com/watch?v=0put0_a--Ng
to love somebody https://www.youtube.com/watch?v=QrHN9tJLaQ0
si isch so e liebe, isch e kollegin vo minere schwöstr und i ha se hüt zum erste mol gseh. si het au grad abote das si gärn drvor uns au hilft bim dekoriere usw.

@weddingbee: Ou ja sofort es Brutchleidershooting! Und de bueche mer natürlech d Andrea drfür !!
Wäri ou sofort drbi. Eifach nid vorem Ougust bitte.

Mir müesse doch sowieso no es Träffe mache wo de ou meh chöi drbi si, vielech nach dr Hochzitssaison? hihi we de die erste vielech scho Nachwuchs erwarte Irgendwenn im Herbst. Vielech fömer gschider scho afa Date sueche

Aso bi üs hätts o Platz, aber es wärde de eifach ke Pünkt abgäh oder Kommentär vo wäge "i hätt gärn es Buffet!" Hihi oder mir gö eifach binenang ad Apéros

So, i verabschiede mi gli mau is Training.