Hallo zäme

Squishy
Auso vo teilne heimer no es Hochzitsföteli und bide andere hani dänkt muesi de eifach mau im Umfeld oder bide Familie nachefrage;O)
Ooh das wäri aber härzig wenn dir chöntet föteli vo öich la loufe??

Janedoe
Ou nei das mit dim GG tuetmer de leid…..wünsche euch ganz viel kraft für die ziit….umarme dich fescht….

Lula
Merci de no vielmal für di schöne Föteli wo du mir per Mail gschickt hesch!!!! Hesch schön usgseh!!

Nala
Ou super heiter d Lieder definitiv!! Da müessemer ize de ou mau dehinder, a thousand years heimer ja ou ufder lischte I liiiiebe das lied;O)

Littlefoot
Ou das tönt doch super megem rahme, hesch es föteli??;O)

Taeboyana
Jaaa so tröim hani ou scho gha…..meischtens dasi id kirche sött und keis chleid ha und kei frisur und nid gschminkt bi und so;O) de dänktme doch aube zum glück isches nume e Troum?!;O);O)

Littlefoot
wow e mega schöne Rahme da hesch es schnäppchen gmacht

I ha ize gad alli Menükarte fertigbastlet und bi immer no ade Limoncello-Gastgschenkli
denn hani am Samschtig d Probefrisur und Makeup und am Sunntig ner Planigsbesprechig fürs Hochzit.
Gestern isch bi üs d Frist abgloffe fürs amelde und vo 2ne heimer no nüt ghört und wemer die wüsse chöimer de mau afah sitzordnig planeund bi öich???

sue: wow etz gaht de au wieder öpis :) probefrisur und makeup häsch du ja no vor mir ha sie erst am 31.5. und am 10.5, hani no gar nid verzellt, hani de coiffeur termin mit de keratin behandlig. bini ja gspanne, die chen nur italienisch und spanisch.

taeboyana: hey super, all ameldige scho vor ablauf vo de frischt ? wenn hender gnau de ziviler ?

sitzordnig: mached ke staffelei sitzplan oder so. finds au cool aber bi 50 gäscht isch es guet übersichtlich :) mir hend zerst welle nur a de tisch d lüt zuewise aber hend denn gmerkt das es eifach besser isch mit sitzordnig und da mer eh no gastgschänk händ wo persönlich sind, gahts nid anders. hend denn mal en sitzordnig gmacht mit GG bime glas wi isch ganz lustig worde :) nur darf sich etz rein nüt me ändere haha. wil mirs ja mit de tisch nid so eifach händ i eusere location. mir hend en 12er, 2 9er, wo eifach eine am end muss hocke, sind eigetli 8er. und 4 8-er. nid mal sicher dass all rechteckig sind, er hät üs ja mal gseit ein tisch chent guet 3-4 chlini rundi tischli zämesi aber ha mi demit abgfunde, git tragischers.

no z mache: eigetli nüm sooo vill haha :) deko bastle, gastgschänk bastle, bluemebesprechig aber nur für details, de rest hani ja scho am tel gmacht., GG muss no sin Azug finde (er gaht am samstig), chleid abstecke isch am 15.5...isch sowit alles glaub sind aso recht vorwärts cho i letschter zit _)

en guete !

@littlefoot: Nenei d Amäudefrist isch bi üs scho düre, am 16. Mai gsi. Ha aber nur 3 gladne Päärli müesse nacherenne und de ou gad Antwort becho.
Am 16. Mai heimer Ziviler .

Mir si de ou nur 56 mit üs, aso o nid riesig. Mau luege. Nur Tisch zuewise gieng bi üs eigentlech no guet, wüu mir eifach Namensschiudli mache aber ke Tischchärtli. Ha mau d Idee gha statt Tischnr. Näme vo Destinatione zgä wo mir scho zäme bereist hei...

Wow tönt würklech as chönntet dir scho morn hürate, sit ja super dinne! Bisch du nöime nach dr Janedoe die nächsti? Oder bisch du nach dr Pfingsti?

@Sue: Oh schön, hesch scho gnaui Vorstellige für d Frisur? I mache mini chli churzfristiger vorem Hochzit, ca. 6 Wuche vorhär het sie gmeint sig guet. Wüu sie kennt mi ja scho u mini Haar . Am Samsti gani aber wieder mau ga schniede und färbe fürs Zivile. Dert lani mi ja de o scho vor ihre la schminke und frisiere, aber natürlech nid wie am Chirchleche.

Mir hei eifach itz de no viu Träffe / Besprächige wo astöh, wenn die mau düre si, heimer de när eigentlech o scho wieder viu erlediget. I hoffe würklech, dassi de im Juni/Juli nur no mit Deko u so beschäftiget bi u dr Räste ziemli gmacht. Aber mau luege wie dä Plan ufgeit .
Mi Haarkamm vo etsy isch übrigens gester no verschickt worde. Bi gspannt!