| Bräute 2014 |
|
|
1 .. 435 .. 867 868 869 870 871 .. 934 .. 997
|
|
|
|
|
|
|
01.05.14 14:47
littlefoot 
|
Re: Bräute 2014
sue: nei ebe weissis noni. ha uf pinterest es paar ideene aber irgendwie wetti lieber en mix   uf jede fall uf de site zäme, ev au mitem zöpfli. ha ja denn no d haarblueme :)
mir gfalled dini frisure au all superguet :)
bastle: ha für de photobooth inere papeterie es chalkboard kauft wo scho en rahme drufzeichnet het, mega cool. det wetti eifach no photobooth drufmale mit chride. denn no pompons (oje sicher no 45 chlini und 10 grossi), bänder für uf de tisch nähe (ha letschti mal es bild postet, statt tischläufer), gastgschänk (fläschli mit ere persönliche nachricht a jede), karton buechstabe für candy bar (enjoy), entweder glitzerig, wil d turtespitze vom aldi sind z grob, has zerst welle mit dem mache.
väseli no chli dekoriere sobald ichs ha, lampions mit bänder verziere, aber das weeti erst churz devor mache, susch musi sie irgendwo ufhänke. es chalkboard für d stumpe & whisky bar vom GG falls er das wett , und no ganz wenig candybar gläser verziere wo mer no kauft hend. :)
glaube das längt haha :)
|
|
|
|
01.05.14 14:56
malinchen
|
Re: Bräute 2014
Hey Mädels...
Ooooooh, i ha die Wuche no gar kei Zyt gha fürds Forum, es isch schrecklech viu los!!! 
I ha jetz eifach so chli die letschtä paar Site zurg gläsä. Faus i öpis wichtigs übergange müesst dir mi haut druf hiiwiesä!
@Brut-shooting: Das wär ja dr HAMMMER!!! Tragä mi när ou gad is Doodle i... 
@Jane: oh nei, das duet mir so Leid wägä dim GG!!!  Ha so ghofft dases glich no klappt mit däm Job. Was machet dir jetz? I würd gloub halt ou mal als übergangslösig die 50-70% näh, besser aus nüt. Und ä Lücke im Läbenslouf isch nie schön...
@sue: Cool hesch dini Feriä chönnä gniessä! I finde die zwöiti Frisur mega schön, chönnti mir ou guet vorstellä zu dim Chleid! Aber die andere beide si ou schön. Die ersti isch für mi Gschmack chli z "klassisch", aber das chunnt när ou immer ufs Gsamtbiud druf a, du hesch ja rächt es verspielts Chleid u de würds wieder passe.
@pfingsti: Viel Spass in London! Gniess es...
@Littlefoot: Du hesch ja mega vorwärz gmacht, u hesch no ä Wuche meh zyt aus mir...  *panikkrieg*
@me: Mir hei ä mega HZ-intensivi Wuche... GG het am Mäntig si Azug chönnä ga absteckä, er het mega fröid gha. So härzig! I finges mega cool dass er ou so fröid het a sim Outfit.  Gester ha när ig mi Termin gha zum absteckä u ha äääääääändlech mis Chleid wieder gseh! Es isch sooooo schön gsi dri z schlüüfe und z wüsse das isch jetz mis.  Ha när ou no müessä üebe loufe, v.a. cherä mit dr Schleppä isch nid sooo easy, hahaha. Woni bi hei cho hani GG gseit i müess de aubä irgendwo ä Wändeplatz ha. Ihm hets gad chli angscht gmacht, er meint jetz i heig sones mega usgstellts Prinzässinne-Chleid, aber isch gad guet hani ihn chli verwirrt.  Gester si mir no mal bir Amag gsi wäge üsem VW-Bus. Mir hei üs jetz entschiede, dass mir ä nöiä choufe und de eifach so viu drmit umefahre dass er i 20 Jahr ou cool und retro isch. Es isch eifach die sinnvolleri Lösig als e alte wo zwar cool usgseht u drfür nümme lang fahrt oder immer mega viel choschtet im Unterhalt. Jetz ischs aber so, dass die mega längi Lieferfrischte hei, ca. 6 Mönet. Und drum längts unmüglech uf üsi Flittis. Aber dr Verchöifer het när extra gluegt mitemnä Chund vo ihne wo die Fahrzüg när vermietet dass mir det genau so einä chöi miete u das wird üs när a Choufpriis agrächnet, meeeeega cool! Hei eifach d Feriä müessä um ei Wuche gägä hingere verschiebä, aber das isch zum Glück kes Problem gsi.
Hüt abä hei mir ds Träffe mitem Pfarrer, bi scho gspannt was er de zum Trouspruch meint woni ha usgsuecht. Hoffe er laht sich druf i... Aber ja, mal luege.
Und am Sunntig hei mir ja üses sportliche Brutträffe, fröie mi scho druf!!!
|
|
|
|
|
|
|
|
|
|
|
|
|
|
|
|
|
|
1 .. 435 .. 867 868 869 870 871 .. 934 .. 997
|
Anmelden
)