Findes richtig schad, dasi geschter nöd ha chönne debii sii. Tönt, als hetted ihers super gha! :)
Principessa Wie isch s Poltere gsi bi dim GG? Phuu, tued mer leid wege dere ‚Kollegin’. Die isch ja echt d Höchi! Dere würdi kei einzigi Träne nahbrüele. Es isch aber wirkli sehr schad wege de Chline :(
Weddingbee Ohhhh gell, Ziit raset. Sinder nache?
Sue Ja das sind d Cherzeständer, aber eifach usenandgschruubet :) Oh wow, d Frisur isch ja de Hammer!!
Me GG hed glaub es fantastischs Polterweekend hinter sich. D’Churzfassig: Go Kart, Bowling, Casino, Kneipe Rallye, Karaoke, … und ziemli viel Alkohol. D Truppe hed min GG irgendwenn eifach verlore und er isch allei i de Stadt umegirrt, aber fröhlich, glaubi. Uf jedefall isch er mega happy heicho und hed gfunde, mit all dene Zuefäll hebed sie glaub sogar am Hangover Movie Konkurrenz gmacht :)
Ich han am Samschtig en uh strenge Tag gha bim schaffe, han fascht 13 Stunde voll aneklotzed und bin denn eifach erschöpft is Bett gheit. Es paar Chlinigkeite hani chönne erledige. Mit em Resti bini am Sunntig ebe nomal zämägsässe und am Abig hani no die Holzrondelle mit eusne Föteli usprobiert. Ich glaube es chunnt relativ guet (Usser dette unne rechts hani chli zfest gruubblet glaubs) Was meined iher?
Brautträff Zersch mal zum Bruutträff.. Has uu kuhl gfunde mit eu <3 Und nomol ganz herzliche Dank ad Taeboyana!! :) S'isch super gsi. Und es isch halt scho lässig, sich mit Lüt (Fraue im richtige Alter )chöne usztusche wo gad s'gliche erlebet..
Claudilein Schön wiedr mal was zlese vo dier.. Joah Ziit rasd.. S'isch scho Mai
Malinchen Hey super mit em Job!! Dönt doch toll.. Und das mit de Predigt findi au schön.
Janedoe Dönt guet mit em Polterabig vom GG, schön häts no klappt!! T-Shirt sind lustig, ich bin nur zum saufen hier.. :) D'Holzrondelle findi sind sehr guet glunge (ussert une rechts..). Was möcheder mit dene? Chömeds uf de Tisch?
Littlefoot Ja d'Spargle sind super gsi!! Sisch en Spargelhof in Schaffhuse (oder Thurgau) und die möched das immer am 1. Mai. Und mit em Wätter händs ja au uu Glück gha, am Mittwuch häts ja abeglärt und nachher den au wieder, abr dete am Dunnstig, keis einzigs Regetröpfli. Dis Chalkboard isch ja de HAMMER! Gseht mega us!
Broncos Wie häsch den dini Freudeträneitüechli bastled?
Sue Hübsch dini Frisur! Gfallt mer..
Me De GG hät gester i minere Abweseheit sich no für en Wii für de Apero entschiede. De Nachber (Wii-Buur und dete möchemer dänn de Apero) hät no Tag vo de offene Wiichäller gha und er hät sich den chli durs Agebot dure trunke . Und da ich eh nöd würkli so gern Wii han (nur gsprützte Wiise) ischs mier eigendli eh glich, was d'Lüt für Wii trinked.. Abr susch isch hochziitstechnisch nix gloffe.. Söt mal wiedr chli Gas geh..
Broncos i gah am Mittwuch zu mim Mami und die het no alles Playmobil vo üs de suechi die Cowboys und schicke dir es Föteli okay?? weisch scho wie dass d Wimpelchetti cards gnau wetsch mache?
Janedoe das tönt doch nachemne super Polterweekend bi dim GG wooooow die Holzrondelle si der HAAAAMMER!!!!! gfallemer mega!!!! isches schwirigi gsi???? vo wo hesch d Holzrondelle??
lil lian d Holzrondelle sind eigentli für d Tischdeko denkt. Weiss aber no nöd, ob die passed zum Ganze. Suscht wärdeds de eifach suscht neumets verwendet, bim Gästebuech oder so. Irgend es Plätzli laht sich sicher finde :) Was hender denn no alles ztue in nächster Ziit? Müender na viel?
Sue Es isch eigentli ganz eifach. Mier hend im Dütsche sones Foto Potch Set kauft für 7 Euro, de Pinslisch s Föteli zerscht mit dem Lack i, (muess e Laserdruck si) und denn druckschs ufs Holz, lahschs lah trockne und rubblisch denn s Papier miteme füechte Schwamm ab. Und das lahsch denn wieder tröchne und am Schluss chunnt de Überzugslack drüber. Fertig. Wenn de Potch nöd hesch, chasches mit Wissliim mache, hani au scho gmacht. Isch zwar ned 100% glich schön usecho, aber es funktioniert :)
D Holzrondelle hani übrigens usem Depot, die gröschte sind im Durchmesser aber nur ca 7-9cm. Bin zuefälligerwiis drah ane gloffe und ha denkt, ich probieres ez eifach mal.
Janedoe: Wow, de Polterabig vo dim GG tönt ja echt super, schön nach all dem Drama vorher... D Holzrondelle gsehnd (bis ebe uf de Egge) echt super us
lil.lian: Ich han die Vorlag us em Internet woni aghängt han als Grundlag gna. Da mir aber 150 bruched, hanis ned ganz rund ume welle, das wär den eifach z viel Ufwand gsi mit usschnide und so. Drum hanis biz abgwandlet und no üse Stempel druf ta. Hänk es Föteli vom Prototyp a
Sue: Ou ja, das wär natürlich uuu lieb weg de Playmobil. Ich chönt der suscht nachher schnell mini Natelnummere per PN schicke, den chöntsch mer s Föteli grad per whats app schicke
Ach mengmol heti scho u gern en Bürojob und vorallem kei Schichtschaffe Ich chume eifach nid nah zum mitläse, debi machis so gern...Wenni amigs uf mis Natel luege staht 34mails, plötzlich sinds den 100
Ufjedefall hani jetzt die letste Sitene überfloge und wieder ganz grob gseh wasi echi glofe isch, vorallem Bilder hani alli agluegt
Brautshooting: Hihihi, e mega mega cooli Idee findi das! Ha mi grad itreit, aber da ich erst am 12.&13.september hürate ghöri wahrschinli echi zude lestä Ufjedefall findis echt e mega lässigi Idee!!!!!
@Me: Nid soviel, ich freui mi uf de Mittwuch und das kommende Wuchäend willi den entli entli wiedermal frei han und ich dringend emal es paar Sache no wot bstelle und bastle söt.
Frage an alli: Ich het vonere Brut usem 2013 chöne Stuhlhusse ha, 70stk. und schleife dezue, aber het nur d'hälfti vode schleife chöne bruche, weg de farb. Sie het 350.- wele und porto wer na dezue cho... Wer das viel? Und bstellt jetzt eigentli öberd vo eui vo Chaircoverfactory???
Soo i gahne wieder und gib mis beste zum ufem laufende z'bliebe mal sicher bis und mitem Mittwuch Falls irgendöberd vo eui mir mal e Frag gstellt het und nie e antwort becho het, wener mag derfi mi jetzt gern nomol fröge, dasmal blibi würkli debi und antworte!
@jane: hey cool wägem polteri vo dim gg. bin gar nöd sicher aber: häsch du au scho polteret? und ja, d ziit rast...sind glaub ziemli parat, aber ich bin halt trotzdem nervös öb dänn alles klappet. und wänn ich mir s aktuelle wätter aluege wo vo katastrophal (samstig) bis wunderschön (hüt) gaht isch mer amigs scho chli mulmig. wänns bi eus so wätter isch wie am samstig hani kei ahnig wie/wo mir sölled föteli mache will alles dusse isch usserd de ässaal und d chile...chönnd ja nöd ali föteli ide chile mache...
Anmelden
gfallt mer seeehr guet
)chöne usztusche wo gad s'gliche erlebet.. 
