@weddingbee: ich bi mir au nid sicher wasi mach mit mine nägel.. gel woti eigetli au nid.. aber es git doch ez dä gellack vo sich widr entfärne loht.. evtl das oder susch woti si mir eifach schön lackiere loh si chli in däre art:
http://www.pinterest.com/pin/511580838891154951/
eifach nid mit gold sondern silber glitzer.. oder evtl au eifach french lackiere… was machet ihr mit de zechenägel? ich ha ebe peeptoes..

@lula: uii hesch no kei chrampf vom schribe? mi dungts glich chli komisch mit eurer fotografin, hoff ihr krieget die föteli gli, s isch jo scho fast 2 mönet..

Nägel
Oh Thema Nägel! Ich han überhaupt ned schöni Nägel, meh brei als lang und Wurstfinget. Vo de Idee her schwebt mer au öppis wie das wo d nala vorgschlage hed vor... Han mi aber no nöd um das Thema kümmere. Haha würd mal Ziit werde :D

me
(und @Lula)
Min GG hed gester am Nami es Gspröch gha und de Regionalgschäftsfüehrer willen nöd eifach abschiebe und falle lah, er luegt ez, daser evtl glich en 100% Stell i eusere Nächi überchunnt und sich denn chan probiere ufezarbeite. Mier gsehnd also wieder chli Liecht im Dunkle. Morn chaner go Probeschaffe

Hüt Nacht hani no en chline Ufreger gha. Mier hend am Afang vo de HZ Planig de Beck bi eus im Dorf agfragt, ob er de Apero macht. Er kennt mich sit ich Baby bi und mier sind so chli nebenand ufgwachse. Inzwüsche isch er mit de Ex vo mim Onkel liiert und irgendwie hani denkt vielleicht chömmer priislich öppis usehole Er hed de voreme Jahr gmeint, das segi no viel zfrüeh, das ez zplane und sit denn bini jensti Mal verbiigange, han uh oft aglüte und die hend sich nie bi mier gmeldet. Eimal hani gfragt ob er denn s Datum vorgmerkt heig und die am Tel hed de i de Agenda gluegt und gseit, da seg nüt vermerkt. Irgendwenn ischs mer zblöd worde und mier hend de Apero über s Resti lah organisiere (was schlussendli au er wird mache, gmeinsam mitem Metzger usem Dorf) Hüt Nacht chunnt e fb Nachricht vo minere Cousine(die wohnt mit ihm, ebe wege de Ex vom Onkel), ich sölli mich doch mal bim xx melde, er hetti no paar Frage zum Apero. Debii hemmer ne ja ez gar ned buecht! Und de hani mi echt gfragt, ob die ez wirkli anehmed, dass mier 10 Täg vorem Hochziit afönd plane, wie de Apero söll werde?! Ez bini sicher, dass en Antwort à la 'Danke, de hettemer chönne anderi Ufträg aneh a dem Datum' chunnt. Ha fast nümme chönne ischlafe wills mi so gnervt hed.

Morge mitenand!

taeboyana:
Also ich find eigentli alli Strüss na schön...vo dene links wo aber zeiget hesch find ich de am schönste
http://www.pinterest.com/pin/375417318910781057/
Ich mags ebe nid eso wens so viel grün im Struss het und eigentli bini jetzt au nid voll de Rosetyp au lieber so Gerbera etc. aber wills jo den s'Hochziit isch, hani jetzt en Struss nur us Pinkige Rose, mal heller mal dünklär

Janedoe:
Guet z'wüssä weg de Stuhlhusse, ich denk eh dasi selber nid unbedingt muen kaufe sondern öberem wird chöne abkaufe, hürate jo erst mitte September
Dini zwei Strüss vo zeiget hesch findi u schön, die Idee mit de Mohnblueme gfallt ma so guet

Lil-lian:
Mir gahts fall genau glich betreffend Hochziitsvorbereitige, ha amigs au s'gfühl all sind immer u fliessig und schön am bstelle, bastle etc. und ich mach nix, aber mir fehlt leider au würkli u oft ziit. Debi machis sooo gern, nanu. Aber s'wichtigste so grob hemer scho, au Bluemä.

Bruttreff:
Also ich glaub ich ha einigi Häkli gmacht, aber ald erst ab den woni au verhüratet bi Und da ich ald ziemli direkt nachem Hochziit id Honeymoon gahn, simer ald vom 14.9.-10.10. weg

Nägel:
Mini Nägel wachset eigentli recht schnell und sind au stark, mis Problem isch min Job. Ide pfleg derfi eigentli kei langi Nägel ha und sie brechet amigs au ab, weni wieder neumads amenä Rollstuhl aschlah oder so.Und wasi am meiste hasse, isch weni lackierti nägel ha und er spliteret vorne aber oder git en abdruck.Deshalb Gel-Nägel magi eigentli gar nid, aber ich glaub ich wird mir fürs Hochziit sotigi mache lah, eifach nur 1Schicht damits ganz dünn sind.
Het gern irgendwie sowas
http://de.pinterest.com/pin/314477986452094334/
http://www.weddingpartyapp.com/blog/2013...art-cool-nails/

nicht registriert

Guuätä Morgää Ladys

I muä sägä, dass ii au chum nachä chum mit lese/schriibe und ii ha au im Moment ned Ziit alles nazlese. Verzeiiet mir bitte, wenn ii jetzt grad mol chlii aah dä Oberflächi kratze

Nägel: I bii bestraft mit Nägeli, wo immer gad abgheiiet und drum seeehr kurz sind. Mir gfallt da ned, denn langets wiiä ned zum diiä eiifach lackiere oder "frenchä". Es hät ja nixx dra zum schön machä Ha miir s'ganz Jahr müäh gäh mit Nagelhärter etc. Es het aber nixx gnützt. Drum tuän ii miir scho überlege ob ii Gel-Nägel will. Denn aber wirkli kurzi. So öpis in dä Art http://i1.ytimg.com/vi/9M1CRCLeqq0/maxresdefault.jpg Langi find ii au nöd so toll, es gseht so künstich us. I wott dä Termin denn gad dert abmachä, damit iich mini Nägel cha zeiige und sii mir saiit, was möglich isch.

Janedoe: I druckä diim GG ganz fest Duume! Da isch en schönä Liiächtblick! Wünsch iihm morn es guäts Probeschaffe und guts gelingen! Wenn ä Tür zuä got, got defür än anderi uf. Und wer weiss, viellicht hets müässä so cho. Damit er vo därä Chefin-Hex weg chunt?
Dä Beck isch echt chlii merkwürdig Hesch inzwische scho dä Kontakt mit iihm ufgnoh? Du hesch ja gsaiit, indirekt isch er ja no am Apéro beteiligt. Viellicht weiss er da und suächt jetzt dä direkt Kontakt? Also würkli en merkwürdige Mensch
Wiiä hesch denn erfahre, dass dä Samstig dä Polteri iisch?
Eui Holzrondelle sind suuuper schön! Woow! I find ned, dass unä-rechts stört. Es wirkt voll natürlich! I bii beidruckt wiiä guät du da weggrublet hesch! Da isch ja überhaupt nöd eiifach

LaMariee: Guuäts Züglä wünsch ii eu!

Lula: Irgendwiiä isch es au beruhigend z'wisse, dass iihr ned gescht ghürote hend und hüt Dankeskärtli scho dusse sind. Denn chönt miin GG und iich uns denn ja au guät Ziit lah. Tuäsch es ganz selber bastlä?

Nala: Also hend iihr demfall no keii Wunschliste online? Da bii Kuoni iisch ja gratis oder? Denn chöntet iihr theoretisch diiä zweii Siite verlinke. (Also bii uns würd das go). Denn müänd iihr gar nöd "bettle" sondern d'Lüüt wo mol wiider uf dä Homepage sind, gsehnt dass jetzt ä Wunschliste-Link het. Aber ii weiss denn au ned, wiiä viiel dä denn würkli entdecket. Will hüfig gönd d'Lüüt am Afang mol go luägä und denn vielilcht wiider kurz vorem Hochziit. Meh nimmt ja ned aah, dass andauern neui Biträg uf eurer Homepage dezue chunt, oder?
So Vorlesige kenn ii, da hilft nur Candy Crush oder s'Forum

Taeboyana: Jetzt gseh ii, dass mir vom Bluämästruus überhaupt ned dä gliich Gschmack hend. I find so ganz rundi zwar schön, aber au zu klassisch. Mini söttet chlii locker und usgflippt sii. Aber d'Farbkombi find ii würkli schön! Rot und Wiis passt also himmlisch guät!
Wiie isch d'Besprechig mit dä Floristin (gsii)?

Plöschli: Jaaah es Foto her Bii also vor allem uf diis T-Shirt gspannt. I ha mir gest mol Gedanke gmacht, was ii denn bii dä Coiffeusin will ah ha. Irgendwas us miim Kleiderschrank. Im Hochsummer chunt ja nur was kurzärmligs in Frag (hoffentli) und denn wäret alles T-Shirts. Aber wiiä ziieh iich das us, wenn ii so ä hübschi Frisur ha ohni da gad z'ruiniere? Drum han ii mii für es Röckli entschiide, wo meh au geg abä cha usziieh. Hesch du dir da mol überleiit? Isch viellicht au Frisurabhängig ob meh's über dä Kopf streife chan oder ned…
Ich nimm eiifach aah, dass ned du sondern s'Handy d'Ufmerksamkeiit bruucht

Sasileu: Cha überhaupt nöd iischätze, ob das viiel isch für Husse und Schleiife. Het sii gsaiit, wiiä viiel sii zahlt het? I finds eiifach wichtig, dass sii siicher keiin Gwinn macht und au ned d'Husse gliichtüür wiiderverkauft. Immerhin sind's scho eiimal brucht… Und denn schlussendlich chunts uf eues Budget aah. Hend iihr eu dä Priis öpä vorgstellt?

Me: Wenn iihr sägät in 10 Tag, in 26 Tag tüänd iihr hürote, denn denk ii immer bii miiir gots no soooooo laaaaang! Mir hend da Weekend erledigt:
- Termin mit dä Floristin (10. Juni)
- d'Alag und en Mischer für Kiirche organisiert
- Schueh fürs Zivile kauft: http://deichmann.scene7.com/is/image/dei..._p_detail_zoom?$im=1193961_P&$sh=1193961_P&defaultImage=default_dsch
- Schueh fürs kiirchliche entdeckt, wott ii hüt Nomi mol go aprobiere: http://i1.ztat.net/large/VA/11/1A/0B/D0/...0BD-002@1.1.jpg (für diiä wo pink ned möget, dass es vorurteilfreis Bild chan entstoh ) http://i1.ztat.net/large/VA/11/1A/0B/D4/...0BD-401@1.1.jpg (und diiä rosa-Version)
Es siind beiides so Keilabsätz. I ha da eigentli ned welle. Jetzt han ii aber tuuusig Schueh agluäget und irgendwiä sind da diie einziige wo ii richtig kuul finde. I leg sus niiä Absatzschueh aah. Viellicht sinds mir derum sympathischer Was haltet iihr devo?

Alles Liiäbi für eu <3