Jep, u vorauem findis eifach üsne Gäscht gägeüber nit fair

Lula: was isch gnau vorgfalle mit dene fotis?

Jane: lsurastar isch sicher top

Ring: nei er hätti ihn mir kauft aber ich wetten nid
Mir lueged etz de no witer, ich nimme a findet scho öpis. Aber meistens isch de fraue ring nid so toll, wänn am GG de manne ring gfallt. Eigetli hämmer ja scho die schwarz silbrige verlobigsring.

@littlefoot: Jöh härzig vo dim GG, und da chasch du eifach widerstah...?

@Jane: Hm, git e Stuehlhusse würklech soviu meh zum glette as es Hemmli? Het ja kein Ärmu Hm ja, vielech findi ja de ou no es "Opfer" wo würd häufe, i bi ou gar nid dr Glettiprofi

@Lula: Mir wei de scho gli nachem Hochzit loslege. Am liebste gard sofort. Aber äbe, ca. 1.5 Monet wärde mir üs de scho no müesse gedulde wäg de Flittis u dr Malariaprohylaxe. No schad, i hätt ou gärn ide Flittis afa üebe . I ha aber beschlosse, dass ig d Piue itz glich scho absetze . Mir düe haut itz eifach mit Kondom verhüete. I ha die Hormon eifach langsam satt u ir Letschti vergissi d Piue immer wieder mau. Zudäm hani o rächt Näbewirkige u nime se scho 10 Jahr. I ha vor dr Piue nie gross Mensbeschwärde gha und o ke unreini Hut (im Gägeteil sogar besseri as mit dr Piue) und drum hani o nid so Angscht, dass d Umstellig sehr schlimm wird. So het mi Körper zersch chli Zit, sich wieder izpändle und dr natürlech Zyklus zfinde, bevors de losgeit.
Wie gsehts de bi euch us? Scho am bastle ?

@littlefoot: I warte sit am Hochzyt druf... U das si jtzt de 2 Mönet!! Ha ihre vor 2 Wuche gschribe u nach gfragt, u de het si gmeint, no 2 Wuche, u jtzt warti no dr Fritig ab - Postweg - u de schribi ihre nomau
Ah so, jtzt isch 20gi abe

@weedingbee: Di hei bi üs eifach normal mitgässe, hätti das süsch chli komisch gfunde. ggf isch aber ou eifach Houptgang & Dessert e Müglechkeit, de chunnts die viellech ou chli billiger

@Taeboyana: So cool! Wie heit Dir öich uf ne Zytpunkt geiniget?
Das mit am vergässe kenni, bi sit ca 2-3 Mönet ou so schlimm, nit regumässig, aber immer mau wieder, spätischtens ufe Herbst setzise aso ab, has eifach satt. Git äuä de so nes Computerli
Nee, so gar nit, mini Idee wäri mau so gsi, das mirs ab am Summer haut eifach löh la druf ab cho, i weiss haut eifach nit, wie optimal das es de wäri, wenn GG geit ga dHand operiere u 2 Mönet stillgleit isch. I ha zGfüehl, es wäri bau besser, ersch nach dr OPs azfah. Aber GG isch im Moment so gar nit bereit drüber zrede. vor am Hochzyt isch er eigentli ähnlich dinne gsi wie ig mit plane, u jtzt mit am Huus u am ganze Stress wo mir im Moment hei, wott er nit mau meh drüber rede...
Durm hani dänkt, viellech het mir ja öber vo öich e Idee, wie ihr das mit öichne Manne heit agugget, etc
Da i das voram 3te Monet eigentli de ou niemerem wetti säge, chani ou schlächt bi üs im Imfeld drüber rede. Zumaus da sicher de ou Lüüt gäbti wo üs ständig würde frage, wüu di kritische Blicke gits scho jtzt

@Janedoe: Auso würklech, dini Schwo! Aber he, vielech het sie ja öpis erfunde und es stimmt gar nid? Hoffe fescht für di, dass glich no chli öpis e Überraschig bliebt.

@Lula: Hm das het sech irgendwie so ergäh... mir wüsse beidi scho lang, dass mir Ching wei. Vo GG us hätt das o vorem Hürate chönne si, aber das ha ig nid wöue. Drum und o wüu mir beidi über 30i si, isches när klar gsi, dass womer üs hei entschiede zum hürate, mir de ou gli mau Ching wei. Usser dassmer no meh chönnte spare, gits drum eigentlech ke grosse Grund meh für üs, no lang zwarte. U wemer nachem Hochzit schön witerspare, sött das scho guet cho. Wüu bi mir isch dr Chinderwunsch scho extrem gross und i wett ou nid es auzu auts Mami wärde...
Hm vielech muesch würklech no chli e angere Zitpunkt abwarte, unger Stress rede gloub Manne nid gärn über serigs. Was mues de di GG ar Hand operiere? Hm aber wenn du denn schwanger bisch we är stiugleit isch, wärs ja nid sones Problem, eher när?
H sones Compüterli möchti eher nid im Momänt. I wetts gloub eifach mau gniesse, nüt z'näh und ds luege, wie mi Körper reagiert. Im Juni weissi meh
Ja gäu die Blicke gits haut viu nachem Hochzit, da muesi o drmit rächne.

@Lula: I meine es wär eher es Problem wenn scho es Baby da wär und är wäg dr Hand usser Gfächt gsetzt wär. We du no schwanger wärsch, wärs ja no nid sones Problem.
Das weissi scho, aber äbe gad das Tempi näh wär mir eifach z'asträngend und ehrlech gseit, wetti ou nid so aus im Detail verfouge, i bi happy we mi Zyklus sech natürlech ipändlet, viu meh wott i da no nid ga Protokoll füehre... gard am Afang wett igs drum scho eifach mau locker agah. Wes de när lenger nid würd klappe, chani immer no luege ob mes eso chli wett stüre.
Da verstahni di guet, grad jetz wos Hochzit verbi isch wärsch du parat. Aber du hesch würklech rächt, vielech chunnter plötzlech vo säuber? Hesches de scho mehrmaus erfouglos agsproche?