Janedoe: Sooo wie viel Tag häsch no? D Chilebüächli wered aber scho lässig wenn die ume wered. Sinder da nonig wiitercho? Haha, de Tanzkurs wird ja extrem Last Minute! Bin ja gspanne was ihr vo dem no erlediged. Aber ebe es chan SUPER guet ohni dem „Zeugs“ alles über d Bühni gah. Hach… Ich freue mich so wenns da ine Hochziitsfotis hagled! Hihi! WHAT! Soooo cool! Jetzt bini gad nidisch! Hetti au welle günne! Isch ja mega lässig!

Turte: Oh doof! Also eusi isch viel türer und sie seit sie chund nöd use wills eifach u viel Ziit chosted. Und ich han mich irgendwie mega emotinal zu ihre verbunde gfühlt. Sie machts mega mit Liebi und so super schön. Ich glaube das würklich… Sie isch bestimmt im Durchschnitt so lang anere Turte wie en Fotograf a de Hochziit vo dem her - man rechne… Kontaktier doch mal eusi! Hihi… Isch scho sehr doof und fräch wenn mer das als Offerte übercho hät. Die isch ja scho au chli binded bis so uf ca. 10 %.

Lula: Jö herzig eui Familieplanig! Ich finds u schwer zum ischetze. Also GG und ich hend logischerwiis au scho drüber gredet. Uf jedefall hämmer nöd gseit den und den gahts los. Sondern eifach mer chönds eus guet vorstelle nächst Jahr i de Flittis afange oder gad nachher. Er het ja no es Jahr Schuel und den wend mir SICHER nöd. Also wenns passiert den passierts hald. Aber ich hetti au mega müäh wenn ich so in „Stimmig“ wer und er so abblockt. Wer glaub scho chli truurig drüber… Hm! Weiss garkein schlaue Rat ussert das du ihn würklich frögsch ob er Schiss het vor öpise. Es isch ja glich en grosse Entscheid. Will de Schäbeli inetue isch glich wie immer aber s Resulatat wird komplett anderst sie als suscht! Hihi! Stelle mir das selber au immer so komisch vor. Wenn mer bim zäme is Bett gha dänkt - hm, chönt es Baby geh. Haha!

Manne: Und ihre Isatz wens um d Chnöpf itueh gaht! Haha… Ich muss so schmunzle wenn ihr das schriebed. Also min liebe Schatz isch de absoluti schämmer wenn er sauer isch uf öpert. Ich find amigs so peindlich! Usert bi de Verwaltig dete findis nöd schlimm will die eifach dummi Cheibe sind. Dete chan er säge was er wott. Hihi!

Me: Ich hans leider total sträng... Also so schlimm isches nöd mal ich chan eifach nüme da läse und schriebe. Debie hani das so gern gmacht! Han jetzt alles chli überfloge und schnell öpis anklimpered... Jetzt mussi scho wieder witer. Isch e herti Wuche... Hüt und morn hani jewils no bis am 10ni Schuel. Gr! Den ischs aber verbie!!! ENDLICH wieder ZIIT!!! Also ja no de Endspurt vo de Hochziit! Hihi!

Ach Ladiiis, bi mir isch im Moment, mit Schaffe und Uni eifach viil z viel los zum mitschriebe (Ich schrieb glaub fäng jedes mal s gliche am Afang vo mim Bitrag)

Hüt hani zum Glück chönne mitlese, aber es langed mer ned zum druf iga

littlefoot: Komisch bi de Plöischi isch mer grad ufgfalle, dass sie üch seit, aber bi dir irgendwie ned

Weddingbee: Ah jöö... Danke viel mal. Isch letscht Jahr am 14. Juni gsi und s chirchliche isch den das Jahr am 14. Juni ... Han mich a dem Tag echt super wohl gfühlt und bin echt z friede mit de Bilder (suscht hani immer öppis uszsetzte)... De Fotograf isch de Ma vo mim GG sinere Cousine und hets echt super gmacht, ich han meistens gar ned gmerkt, das er am Fötele isch... Bin den scho gspannt uf üchi Föteli, gaht ja nüm so lang

Janedoe: Au dir Merci und no viiiel Energie für de Endspurt, gaht ja würklich nüme lang... Und freu mi den natürlich au scho uf Föteli... und u lässig weg em Shooting bi de Andrea, den gits ja nachher no meh Föteli

So und jetzt darfi nach em ganze Tag schaffe no 2 Stund as KV go e W&G Lektion hospitiere, freude herrscht

Immerhin hani am Mäntig gaaanz viil Hochzytsschnäppli gmacht, meh dezue den, weni wieder mal richtig zum schriebe chume

Zuletzt bearbeitet am 08.05.14 16:55

Guete Morge zämä

@Sue: I ha kei Ahnig! Aber wenn würkli was isch, hätti sie üs ja ou chönne informiere, aber so, bini eifach froh, wenn mir üseri Fotis hei. Bi aso gspannt uf di hüetigi Post
Was hesch de no aues wo de muesch mache?

@littefoot: und wenn gsehsch es znächste mau - aso zKleid?

@jane: I würdi ihre schribe, u säge, dass es so nit geit, u das es öich nit müglech segi meh wie di Fr. 500.- zahle wo ihr mündlech veribart heit! Aueri höchstens Fr. 550.- u Du ou nit verstöchisch wie si jtzt uf söfu meh chämi! Chas ja nit si! Süsch gugg mau mit ihre http://traumtorte.ch/ si isch super!!
Härzelche Glückwunsch zum Shootig Gwinn, da würdi aso ou nit nei säge

@Taeboyana: Vor dr Veränderig, dr Verantwortig? I weiss es nit?! I warte jtzt eifach no chli.
no 99 Täg

@lil: Uhh i kenne das, bi aube ou no gwunderig
I weiss es nit, warte jtzt mau chlei ab, er wott mit sim Chef gugge, ob er nächst Fritig chönnti frei brcho, u i ha de gseit, er söui luege, ob er am Mänti druf nit ou gad chönni frei näh, de chäme mir hie eifach ou mau chli fürschi. Nee, nit würkli umoboue, dr Vormieter het üs zHuus mega dräckig u renavtionsbedürftig überlah! U das kostet haut Närve, wüu Du chunnsch haut de eifach nit so fürschi.

@weddingbee: U mit welere Begründig? Isch ja mega blöd, i mein, Du planisch ja ou mit däm Budget, u de närne ga säge, es göchi jtzt glich nit, geit ja gar nit

@claudilein: Oh jöö, drück dr Düme, dass es rasch gaht! Nimsch de Du jtzt eifach afe scho Folsäuri?

@Pfingstrose: Inwiefern härzig? Aber so heit Dir ämu glich es Datum, oder ämu e Zytrahme. Me cha däm durchus ou so säge (I gloub dä Satz muss i ihm mau vorlese)
Wieso bisch de Du so im Stress im Moment?

@Malinchen: Drüber gredet hei mir ou immer mau wieder, u denn isch dIdee gsi, dass mir im Herbst i dFlittis göh, oder zmingst i ne Kurzurlaub, u das mir de quasi denn aföh, u i ab Summer Pille absetzte. Drum, hani ebe zGfüehl er heigi viellech ou Angst, oder Schiss, jtzt wos quasi uf dZielgerade zuegeit...
Nächst Jahr wott er dFassade u evtl dFensterläde striche, u dr Garte isch ja de glich ou. Iwie hani nit Angst, dass üs i däm Huus längwilig wird. U je nach däm wie chaut dass es im Winter wird si, müesse mir evtl dUssewänd ufisoliere.
Aber ja, i warte jtzt eifach mau ab.

@all: Ihr so so super u härzig!!! DANKE VIU MAU

@Lula: Ah ok... Ja es git haut scho immer wieder z tüe sones Huus... Hmm, mängisch isch scho nid eifach die chline u grosse Sörgeli vo de GG's z errate. I chönnt mir vorstellä dases viune so geit, dass sie när Angscht hei vor dr Veränderig und villecht ou e Biz wenn sie d Frou när mit somnä chline Schreihals müessä teilä... Und we er jetz sowieso gad rächt unter Druck isch mitem Renoviere und allem het er villecht ou angscht dass er när sini Erwartige nid cha erfülle. Aber ja, mir hei gloub das hie ou scho paar Mal diskutiert, ä perfektä Zytpunkt gits gloub nie und de Babies ischs meischtens egal ob ihres Zimmerli gross/chli/rosa/blau etc. isch... Houptsach es het Euterä wos über aues liebä, ds Bestä für ihns wöi und eifach mache was für sie müglech isch!

Malinchen
Ah suuuper hesch ize d Petra gno fürd Blueme??;O)

Lula
Mini to do liste momentan füre Monat Mai;O)
-Limoncello machen und Fläschli verzieren
-Accessoires Braut
-mit Fotograf die Fotolocations besprechen
-Koffer für Geschenktisch verzieren
-Grosse Vasen organisieren für apero
-Sirup machen
-Welche Lieder in der Kirche
-Probetisch machen
-Hochzeitsfotos der Gäste organisieren
-Sitzordnung

Getränkekarte
Da chunntmer gad i Sinn, wie machet dir das? Mir hei eifach e Menükarte jedem ufem Teller mitde Spiise. Und de d Getränk? Machet dir da e Getränkekarte oder schribet nöime häre wases für Wein isch etc oder wie??

Hoi zämä :) Bin froh isch Friitig hüt.. Han schier nöd möge ufstah, han mer echt überleit zum nomol chli wiiter z'schlafe

Littlefoot
Juhuuui Danke für de Link!! Vo so Bänder mueni no bstelle . Duen mich mal dur de Shop wüehle..
Kuuhl isch de Rahme cho :) Ich han mal was müese zahle, d'MWST abr öb au no Zoll debi gsi isch weissi nöd..

Claudilein
Hihi dönt härzig, iher möched nüt zum das z'verhindere.. Mier au nöd :)

Broncos
Joah verzell doch vo dine Schnäppli .

Malinchen
Woow dönd ja super mit em Priis vo de Blueme. Nöd schlächt!!
Ja Ziit isch am rase..

Sue
Aso noimets erwähne mit de Getränk würdis uf jede Fall, susch sind d'Gäscht rächt ahnigslos.. Halt au schriebe, was mer susch alles chönti bstelle..