Hoi zämä!

Pfingstrose
Ha, no 8 Täg! Wege de Chilebüechli: De Diakon ratet eus voll vo allem ab, er hed gseit d Gebet spricht ja eh er und Fürbitte oder d Lesig würd er nid inetue will d Lüüt denn erstens scho alles gläse hend und zweitens unter Umständ immer drin umeblättered. Mier möched ez also nur de Ablauf druf. Mier sind ja vorallem d Nastüechli wichtig, haha :D
Ja gell wenn mer sich halt wohl fühlt und weiss, dasmer wirkli s gwünschte überchunnt, denn isches halt scho so, dass mer de Priis in Chauf nimmt.

Broncos
Oh, Hochziitsschnäppli, ich bin gspannt

Malinchen
Suuuper Priis mit de Blueme! Für was hesch di jez eigentli entschiede?

Sue
Oh Gott die Menücharte müemmer ja au no mache! Grrrr hani eifach vergässe! Mier möched uf ei Siite Menü und uf die ander Siite Getränk denki. Oder evtl schriibemer s Menü uf d Tischset (hend ja so Tortespitze als Set) und mached denn en Geränkecharte für ufe Tisch.

Littlefoot
Coooool wegem Rahme!

Me
Also min liebe GG macht mich mängisch scho chli wahnsinnig. Jetzt willer die Torte plötzlich unbedingt (und ich glaube au zu jedem Priis). Ich han gester direkt im Miyuko mal nahgfragt, was sie in etwa würded rechne für d Torte und sie hed gseit, mit dene viele Blueme chunntmer locker uf 750.-. han gester nomal chli hin und her gschribe mit eusere Tortefrau und mier sind ez so verblibe, dass sie d Torte und d Cupcakes für 680.- macht. Immerhin :) Denn hani mi gester mit minere TZ troffe und bi chli erstuunt gsi. Sie hed immerno keis Chleid! Sie hed gmeint, wenn sie i de USA seg, chaufi sie denn es schöns. Zum Glück hed sie sone perfekti Figur und nie problem zum schöni Chleider finde, suscht wäri jetzt nöch am Nervezämäbruch :D Denn hed sie mich Probegschminkt und sie machts eeeecht super. Bi mega zfriede gsi und ez chani z schminke absäge bim Coiffeur und nomal chli spare :)

@Sue: Nei, i ha mi när glich füre Bluemegarte entschiede. Es isch eifach gäbiger gange wöui meistens mit ÖV z Burgdorf bi... Aber i bi würklech begeisteret vo däm Lade!

@Getränkecharte: Da mir es Buffet hei, mache mir äs grosses Chalkboard ufere Staffelei wo mir druf schribe was es git. Det düe mir när ou gad d Getränk druf...
Wie machet dirs mit dä Getränk? Übernähmet dir alles oder düet dir gwüssi Sache bestimme wo dir zahlet und dr Räst (z.B. härte Alk) müessä d Gäst sälber zahle? GG und ig hei üs äbä ou no d Variante überleit, bis zur Torte (ca. um Mitternacht) alles z zahle und drfür när nümme?
I möcht eifach nid dass d Gäst när mega viel Schnäps und so uf üsi chöschtä trinke.

@littlefoot: Also bi mir isch d Rächnig vom Zoll bis jetz immer scho gad ufm Päckli kläbt.

@lillian: Mir geits genau glich, wär gärn no paar Stund im Bett bliebä... Ja, es isch würklech es super Agebot, aber mir hei ou nid soooo viel Blueme. Bim Apéro verzichte mir ganz druf wöu mir ja (hoffentlech) dusse si und de isch gad ä Wiesä näbädranne wo de gnue Blueme umestöh... Und faus es rägnet, und mir ine müessä ischs eh doof...

@Jane: Ja, es isch würkli ä super Priis. Aber wie i ar Lillian scho gschribä ha, hei mir ou nid so viel wöllä... I mache ja so verschiedeni Gläser mit Jute und Spitze drum wo mir när ufd Tische stelle, ca. 100 Stück. Die wärde när mit saisonale Wieseblueme und Ähre befüllt (wildi Rose, Kornblueme, Anemone und no anderi woni dr Name ha vergässe ). Ir Chille hei mir eifach es paar verschiede grossi Vase mit de gliche Blueme und no Cherze drzue. Plus mi Brutstruss und 7 Astecker (d Froue bechömä ou Astecker bi üs. Mini TZ het gfunde es sig süsch müehsam wenn sie no immer ä Struss mues häbä ).

Hihi di GG... Aber immerhin heit dir ä Kompromiss gfunde mit ihre. Das isch ja scho mal öpis. I würd eifach luege, dass dir das würklech schriftlech heit ufere Offerte oder so. Nid dass sie när am Schluss de glich meh verrächnet. GG's TZ het ou no kes Chleid (guet sie het no chli länger Zyt aus dini ) aber i ha mi ou scho chli gfragt. Sie hät eigetlech ds gliche wöue wie mini TZ, aber wöu sie unbedingt no het wöuä abnäh het sies no nid bsteut - und jetz gits es nümme. Kei Ahnig was sie jetz vorhet, aber mir ischs eigetlech ou chli egal inzwüsche. Houptsach es chunnt niemer i Jeans-Shorts oder so.

Logistik
I ha mal no ä Frag a die wo sich nid vor Ort löh lah frisierä: Wie machet dir das am morge? I ha mir drum vorgstellt gha, dass ig mit üsem Outo zum Coiffeur fahre, vo det zu mim Brüetsch woni mi när umzieh und warte bis mi Papi mi abholt. Aber was passiert när mit üsem Outo? Mah das när nid am anderä Tag wieder go hole...

@Claudi: Jöö, das gloubi dass es da när schwierig isch nid jedes mal dra z dänkä obs ächt chönnt ischlah...

Mi GG möchti nid dass er mi fahrt. Er söu die Zyt chli chönnä für sich ha und ou no chli entspanne bevors los geit. Mi Brüetsch chönnti villecht scho mal no frage... oder halt mitem Zug härä und luege dass er üs eifach abholt. Mini TZ het äbä kes Outo und mit üsem darf sie nid fahre, sie bout jedes Mal e Unfall oder bechunnt ä Buess wenn sie vo öperem ds Outo leiht. Mitm Chleid hiuft mir när mini TZ und mi Brüetsch, und mis isch ou nid so kompliziert... ha ja rächt es schlichts.

Guete Morge Brütlis (guet es isch scho fasch Mittag ) und TGIF!

Hüt ire Wuche hocki bi mine Beauty Termine

@Janedoe: Eigentlech schad wägem Chilebüechli, du hesch doch sones tolls entworfe gha... aber i verstah sini Begründig scho. Isch ja schad we sie när meh im Büechli läse as ufpasse, was würklech passiert D Freudetränenastüechli si mir ou ds Wichtigste. Hm immerhin heiter dr Priis wieder uf die 680.- chönne abebringe, findi ok. I verstah sie scho o, so Tortene u Cupcakes si mega ufwändig und i merkes ja säuber immer weni bache, wie lang asme het zum öpis dekoriere. Aber sie müesst haut eifach vo Afang a chli realisitischer kalkuliere.
Wow dini Tz isch ou no spontan mitem Chleid...?

@Nala: Wow hesch du ächt nur no die Pöste...? I mues zwar o säge, so im Momänt chöme mir ou nid tonnewis Sache i Sinn, aber i gloub es chöme de scho no viu chlini Sache wome schnäu ungerschetzt...
Bi üs gseh die dringenste To-Do-Pöste so us:

- Eheverspräche ufsetze fürs Zivile
- Kravatte oder Flöige choufe füre GG fürs Zivile
- Torte mache fürd Zivile
- Menu bespräche mit Hotel und Details für Deko, irichte etc. kläre am 4. Juni
- Schalene und Vase uftriebe i Brockis oder süsch irgendwo choufe
- Termin mit dr Sigristin zum Details kläre (wie ds Brutpaar sitzt, wie ineloufe, Musikequipment ir Chile...), äuä o im Juni
- Termin für Tanzkurs im Juli abmache
- ...

@lil.lian: De geits bi euch o scho los, oder ersch nache HZ ?

@Claudilein: Das gieng mir genauso! De säge aui locker näh, entspannt bliebe, ke Stress mache... aber irgendwie chani generell uf Kommando schlächt entspannt si

@malinchen: Mir wärde ziemli sicher gar ke herte Alkohol zahle. Es git Wy und Bier und bim Apéro vielech no e Bowle, aber süsch wott ig da keni Schnapsrundine zahle. U wenn des zitlech begränzisch, chunnt plötzlech vielech no öper uf d'Idee, scho früecher drmit azfah...
Ja vielech chasch ja guet mitem Zug häre? ui nei de würdi dr TZ ds Outo o lieber nid überlah... i fahre ziemli sicher mit mire TZ, sie chunnt ja o mit zum Coiffeur/Makeup, oder mit dr Fotografin. Oder i nime auefaus o dr Zug, we die aui ersch speter chöme. Isch nur 1 Station

malinchen
wow 100 Vase denn isch de Priis aber wirkli top :) Finde das isch gnueg, was iher da usgsuecht hend!

Taeboyana
Die erste zwei Siite usem Chilebüechli nähmemer glich, eifach z 'zum mitbeten' und 'zum mitsingen' striichemer :)

Getränke
Mier übernehmed Mineral, Wii, Bier (eve für dFrau), Kaffee. Das hemmer uf de Charte. Wenn öpper nachem Esse en Grappa wott oder eso, denn zahlemer das au. Findi au gar ned schlimm wenn das öpper möcht. Wenns denn aber afönd Schnäps kippe, denn dörfeds das gern selber zahle.

me
Phuu mier gahts hüt richtig mies. Ha voll Schwindel und Übelkeit. Sicher Nachwirkige vo de Impfig. GG isch mega verkältet und hed Fieber. Tiptop, so e Wuche vorem Hochziit oder?

@Claudilein: Jep das chani mer vorsteue, bi mir im Umfäud haglets eh Ching das Jahr Aber me realisiert das ja o meh, weme säuber ir Situation isch, dassme o gli möcht

@littlefoot: 14.- - 17.-/Person nur vo Apéro bis Ende??? Das chostet ja gad mau 1 Cocktail scho ? Wie chöi die mit settigne Priise dürecho?
Auso i findes ou vou ir Ornig, weme herte Auk säuber mues zahle. Das erwarti niene, dassi mir mit settigem uf Chöste vom Brutpaar cha ds Lämpli füue Het ja o nüt mit Giz ztüe, Wii dörfe sie ja trinke bis gnue
Aso das wäre üsi Pöste womer no müesse mache nächstens, die heimer noni erlediget
Oh so cool Mietzinsreduktion! Mir zahle o sit März einiges weniger pro Monet, mega cool. Und Stüre bechumi sogar o no chli zrügg!

@Janedoe: Ou nei meinsch das isch würklech vo de Impfige? He aber lieber itz as ire Wuche. Bis denn siter witer fit uns zwäg! Gueti Besserig euch. Hoffe dir heit nümm es auzu strängs Weekend vor euch?

Zuletzt bearbeitet am 09.05.14 13:31