Taeboyana
Nei jez scho . Sisch chli e langi Gschicht.. Pille hani eigendli scho Endi 2012 abgsetzt und dänn hämer los lah, abr mis Problem isch ich han uu langi Zykle.. Aso de ersti nach de Pille isch 70 Täg gange . Und au serste halbe Jahr isch dänn voll strub gsi. Einersiits so langi Zykle und einisch hani zum Bispiel mini Periode grad mal zwei Täg gha.. Und au mit de Schliim (Schliim in Mehrzahl? meh hät ja verschiedeni) er isch mal cho, dänn wiedr gange und wiedr cho.. Und so findsch au nöd würkli use wänn jeze de Eisprung würkli gha häsch. Irgendwänn im Summer bini dänn id Akupunktur gange. Am Afang bini den würkli all Wuche eimal gange (und au jede Morge Temperatur gmesse) und mier händs jeze es bitz anebracht wegem Zyklus (halt immer no zlang). Und au das mit em Schliim hät sich jeze ipendlet, er chunt jewiils, den gids e Pause und den chunt den de "richtigi". Jez isch de Zyklus so zwüsche 34 und 39 Täg. Und ich nimm no chinesischi Chrütli wo das ganze duet unterstütze.. Ich han jeze de Zyklus kei Chrütli gnoh und han defür de Eisprung erst öbe bi Tag 28 gha (das gheisst en Zyklus vo öbe 42 Täg), aso öbe e Wuche länger wie susch.
Und letzt Jahr hämer den irgenwenn ufghört mit üebe, wills voll doof gsi wär mit em Timing vo de Hochziit. Aso grad voll hochschwanger hani dänn au nöd wölle sii. Abr jez wärs eigendli wiedr ok, drum hämer wiedr agfange :). Und siit de Pause, bini jewiils nu no ei Mal id Akupunktur, eifach vor em Eisprung. Sisch halt scho no recht is Geld gange und jez hanis eigendli au chli im Griff mit em Zyklus. Und mier händ au letzt Monät no anebracht, dassi wärend de Periode kei Schmerze gha han. Halt au mit dene Chrütli und kei Tampons meh. (Bi Tampons duet sich s'Bluet staue und drum söt mer Binde neh, dass es abflüsst).
Abr jaaa es isch halt scho no schwierig zum nöd müese drah z'dänke, öbs jeze echt klappt heti odr nöd.. hihi mal luege was sich so ergid i de nächste Mönät :)

Janedoe
Ou dämfall gueti Besserig :-/ Wänn gönder dänn id Flittis? Hans voll nüm im Chopf..

Littlefoot
Wege de Vasene (entweder au villi chlini odr eher was grössers) weissi nonig.. Uf jede Fall für es paar chlineri Verzierige würis eigendli näh..
Super mit de Mietzinsreduktion :)

Zuletzt bearbeitet am 09.05.14 13:41

@lil.lian: Aha aha Tönt auso scho no kompliziert. Hesch de vor dr Piue o scho so längi Zykle gha? Hm, i bi ja o gspannt, wie sech's de so ipändlet... Imne Monet wirdi scho meh wüsse Aber wüu ig di Piue scho 10 Jahr nime, mani mi nümm sooooo gnau dra erinnere, ha aber zGfüu i heig se o natürlech sehr regumässig gha. Aber mir wärdes ja gseh!
Wenn göht dir eigentlech id Flitetrwuche, grad nachem HZ?

OMG Janedoe!!!!
Die spinnet doch totau! Die chöi doch nid 1 Wuche vor Lieferig absäge? Heitr e Uftrag ungrschriebe? Denn müesse sie sech dra haute!

Ja echt. UNVERSTÄNDLICH! So öpis vo denäbe. Wenn e Offerte machsch u e Priis nennsch, de muess mer sech vorher öpis überlegge. U nid 1 Wuche vor de Produktion finde, dass de Priis z töif isch!

Chöi mer dir irgendwie häufe? Umetelefoniere odr so? E Forums-Brüütli-Turte-Task-Force?

Taeboyana
Joah ich han vorher amigs so 5 bis 6 Wuche gha, aso scho au länger. Mini FA hät abr gmeint, es chönt au si, wenns vorher unregelmässig gha häsch, dass es dänn regelmässig chunt.
Han d'Pille au öbe 8 bis 9 Jahr gnoh.
Druck der de Dumme :)

Janedoe
Oooh nei!! Voll dänäbet und unfair!!! Au wänn nüt unterschriebe häsch, chönds der das nöd eifach so absäge.. Was machsch jeze?

Ich bin echt mega fescht gschockt ab so viel Unprofessionalität Mier hend ja immer offe kommuniziert und ich ha halt eifach uf Vertraue baut und bi devo usgange, dass das scho guet chunnt.

Iher sind soooo liebi Schätz Also wenn iher mier chönd hlefe umefrage und Offerte ihole, jetzt sägi bestimmt nöd nei! D Torte muess am 17.05. uf Schwyz glieferet werde. Mini Wunschtorte isch die da:


ALs Alternative würdemer au die da neh :D

Datei-Anhänge

	f892a697cc7ec3bb0652f9a222d2ec79.jpg (6x) Mime-Type: image/jpeg, 112 kB
	a03e1a54ffdd817cb5afc3f988aaced3.jpg (4x) Mime-Type: image/jpeg, 73 kB