@Lula: Stimmt so einä hei mir ou scho... Isch no gäbig zum Üebe zwüsche düre. Wägä de Erwartige hani z Gfüeu dass viu Männer extrem höchi Erwartige a sich säuber hei aus Papi (Familie ernähre, müglechscht viu verdiene u trotzdäm müglechscht viu Zyt fürd Familie ha etc) wo teilwiis vo de Froue gar nid erwartet wird und de stresse sie sich eigetlech für nix.
@Kurs: Haha, bis mir de mau aföh hani de ganz viu Kontakte us däm Forum woni cha ga frage...
Malinchen hehe genau :) Am Schluss bisch die ersti
Lula Eher Drogerie, abr sisch no schwierig zum öber finde wo alles hät, irgend öbis händs oft nöd, ich glaub es isch de Rosmarin. Voll härzig wo ich mal gsi bin, hät er alles abgwoge ufere grosse Waag und nachher hät ers ine riesigi Schüssle tah und mit eme Salatbsteck unterenand gmacht.. Und nimm vo de erste Mischig nöd vo allem 40g, es gid den uu vill Tee..
Lil.lian: ja das mit em Andreafol het mer mini FA so gseit. Abr viellecht wieu ig gseit ha ug nähmi eh scho das vo Burgerstei. Ja auso Schliim hani scho, abr öb das DÄ Schlim isch, weissi nid ha letscht Zyklus Ovuteschts gmacht wo ämu azeigt hei. Mi GG het abr gfunde ig söu so Sache nümme mache u nid z vieu drah dänke u umestudiere. Denn klappis eh nid... Wahrschienli het er nidemau unrecht Danke, das mau hani sogar e Grund zum Rechaudcherzli choufe
Lula: ufgwachse bini z Kirchberg. Bi abr wägem Job u em Studium uf Winterthur zoge. Miitlerwiile wohne mer z Dielsdorf. Und du?
Hui, ich weiss nöd wo mier de Chopf staht, mache grad 7 Sache mitenand und wett mi ganz churz bedanke für die viele Nachrichte und Ideeä und Vorschläg! Iher sind echt de Hammer! Unglaublich
Aso es chlises update: Ha viel Mails verschickt und scho es paar Absage - logisch, sind ja alli usbuecht. Aaaaaber: d Törtlifee chönnt sichs irichte! Sie hed gseit, dass sie a dem Samschtig alles abglehnt hed und vielleicht segs ja Schicksal gsi, das ich jez ihri Hilf bruche. Ha fascht brüelet vor Freud. Über Priise usw hemmer no gar nöd gredet, aber immerhin hed öpper Ziit!!! Bin schomal super happy wege dem.
DANKE FRAUE! Übrigens au für d Gueti Besserig Wünsch am Morge
Claudilein Isch s zuckeratelier nöd schweineteuer? :/ Ha das irgendwie so in Erinnerig...
Scho en woche her sitem brutträffe! S’isch super gsi mit öich! Danke nomol taeboyana förs organisiere und natürli die tolli Tae Boe Stund häd mega Spass gmacht!  schön gsi öich alli bitz besser kenne z’lere!  muess us zytgründ paar site öberflüge und go nur uf es paar sache i sorry..
@sue: nei s’isch endgültig und uf d’duur isch das sicher au s’beste weisch.. spare vil energie und nerve.. aber han grad die nacht devo tröimt – chalt lohts mi natürli scho ned.. hey wow mega schöni frisur komplimänt!  @janedore: s’polterweekend vo mim GG isch super gsi er häds richtig gnosse  und sini kollege sind wörkli au voll uf ihn igange hani ächt schön gfunde und isch jo schinbar ned sälbstverständlich :/ hey und de polteri vo dim dönt jo au geil hehe – mine isch au go go kart fahre hehe und si händ ihn (min tipp gsi :p) als spiderman verchleidet will er so spideman fan isch haha :p uiuiui das goht jo gar ned mit de torte scheisse hey! ://// en absoluti frächheit das!!!
@taeboyana: und för was för en struss häsch di entschide? Die erste 2 wod postet häsch händ mir am beste gfalle ;) ah gsehs grad dassd di entschide häsch gseht schön us!  und en schöne hoorkamm häsch bstellt! So öbis söti au no ha.. aber weiss ebe ned uf de blonde hoor wie das chunt..
@malinchen: so cool hey gratuliere zum VW bus! =) so schön wänn so en traum in erföllig goht! =)
@ploischli: ganz en schöne chäfig för d’cards dri gfallt mir sehr guet!  wie gross isch de?? Ich sueche ebe au no so öbis! hey schad bisch ned cho (han din post erst jetzt gläse! S’sind doch immer alli willkomme! Wenns nomol es träffe git muesch unbedingt au cho!  @nails: ich chan öich CND shellac sehr empfehle mache das sälber sit 2 johr und s’hebt super! Au easy sälber machbar oder vili studios oder kosmetiker bietets a und mer chas sälber entferne also bi froge bini do ;) ich loh si mir aber för s’hochzyt wie scho förs zivile vo de kollegin mache (gelnägel) wili si gärn chli länger wet 
@babyplanig: ab de flitterwoche im november (wenn mini prüefige und alles dure isch) döfs los goh 
@me: ich stoh grad zimli a.. han die woche 1 krise nach de andere gschobe wägem hochzyt  han s’gfühl d’zyt lauft mir devo und fühl mi halt rächt ellei mit allem.. obwohli au sälber gschuld bin wili immer d’kontrolle wet bhalte und nüt chan abgäh :/ han jetzt mol paar sache bstellt: tortefigur (obwohlmir no kei ahnig händ was för en torte hoffe s’passt dänn au :p) nastüechli för d’trauig und so taschentuchtäschchen für die freudentränchen, ringchüssi, strumfpband & so I do, me do sticker för d‘schueh und kauft hani no so rundi tischsets in mint woni eifach wet id mitti vode tische due und d’blueme druf hoffe sgeht guet us.. mini schwigermuetter häd no so härzigi stirnbändli mit blüemli und passendi täschli gfund för d’bluememetili zwar meh rosa als coral aber egal öbis weniger :p due mol no fotis ufelade vo dene sache sobaldi dezue chume.. woni jetzt aber mega astoh isch folgendes: han jo fächer welle bstelle för d’trauig in coral und mint – nachdemi ändil bstellt han isch es mail cho coral sig out of stock.. hani die ganzi bstellig storniert debi hetti au alli in mint chönne näh ich huehn man ächt :/ und han au no so pompoms det bstellt gha aber jetzt bini wider am sueche.. mir wörd so öbis au no gfalle was meinet ihr?
chasch alles sälber wähle farbe und so und glaube bstelle jetzt die.. mir fählet aber no so vil sache för d’deko und verzwifle langsam  do mini liste:
man das ganze stresst mi soooo fest!! :/ wer häd au no en trauig dusse? Händ ihr au en hochzytsläufer? Han mir au scho öberleit eifach en stoff in coral oder türkis z’bstelle? Irgendöbis muess jo scho ufe rase oder?
Witer hani jetzt alles die gliche wisse gartestüehl bstellt und de transport dur kollege organisiert wils eifach ned schön usgseh het verschideni stüehl und s’wär öis sogar türer cho!
Jetzt bini am werweise obi för am obig im restaurant söl so schleife för ad stüehl bstelle, het rächt gönstigi gfunde (will mir jo leider kei wissi stuehlhusse händ)
s gliche drama mit de roseblätter finde eifach ned die richtige.. die woni han welle sind sacketeuer findi öbertribe.. ou man ächt 
wie machet ihr das mit de deko? Öberforderet das ganze au no anderi oder bini die einzig? :p sorry förs volljammere aber weiss grad ächt ned witer  i 8 woche isches scho so wit! HELP!! :p
hoffe öich gohts guet und wönsche öich en schöne muettertag höt! :)
principessa Ui grad chli was bstellt! Coool :) Aso bim Fächer gfalltmer de erst am beste. Bi de Schleifer würded mier ez die mintfarbene guet gfalle. Ich bin echt froh, dasi die ganz Deko us de Hand geh ha und mich ned muess umeschlah mit dene Problem! Cha das also nur empfehle :)
me Also, has im fb ja scho gschribe: Mier hend euses Torteproblem glöst! d Törtlifee (soooone Schatz) springt ganz churzfristig i. Sie hed gseit, dass sie a eusem Datum fascht alles abglehnt hed und dases wahrschinli Schicksal isch, dass mier jetzt ihri Hilf bruched. Hüt hemmer dörfe bi ihre verbiigah, hend en wunderschöni Torte entworfe (sogar mit eusem Monogramm druf ) und sie isch immerno im Stil vo dere, wo mier ursprünglich so guet gfalle hed. Zuesätzlich hemmer no 24 Cupcakes und 16 Cakepops bstelle. d Torte wird en Zirtonebisquit mit Passionsfrucht Joghurt Moussefüllig. D Cupcakes Schoggi mit Salted Caramel Frosting und d Cakepops sind usere Schoggicanache. Yuuumm, sooo fein! Und mier sind im Budget, obwohl d Lieferig eus um die 150.- choschtet? Danke für eui Tipps, Ratschläg und vorallem für eui Hilf!! Zum eu gluschtig mache, hänki no es Bild vo de Cupcakes a :))
Da d Wohnig vo mine Eltere umbaut wird, hed mis Mami gfunde, mier sölled hüt nöd verbiicho das seg ihre zviel... Drum bini mit mim Aflug vo happiness denn grad hei und ha Etikettli für d Wasserfläsche gmacht. Die hani uf Chläbefolie druckt und finde, es gsehr recht glunge us. Was meined iher?
Ahhhh und Polterabig hani ja au no gha! Oh das git e lange Egopost! Ich bin am Morge informiert worde, dasi am halbi 5i söll am HB si. Dette hend mini Schwöschter und en Kollegin mich abgholt und mier sind zeme zu minere TZ. Sie hed en uh herzige Apero vorbereitet und mier hend erstmal agstosse mit eme Glas Prosecco. Hend no uf die andere Mädels müesse warte und ich ha kei Ahnig gha was passiert. Es hed glüte und en Frau mit zwei Koffer rollet in Ruum. Homepolteri also? Die Frau isch SexualTherapeutin und schaffet bi sensuelle. Die bietet dett so Polteräbig a, wo sie verbiichunnt und zeigt, wie mer d Sexualität i de Bezeihig chan ufrecht und spannend erhalte. Es isch meega cool gsi. Überhaupt nöd billig sonder sehr sehr professionell. Mier hend ganz viel Sache dezueglernt und kenneglernt und ich bin echt begeisteret, dass mini Mädels uf sone spezielli Idee cho sind. Am Schluss hani denn no es Vanillegel gschänkt becho, zum massiere und esse. Echt cooli Sache! Chani also voll wiiterempfehle. D Sexual Therapeutin isch au no grad schwanger gsi und hed eus so ganz viel Sache us de Schwangerschaft chönne verzelle ud das isch au mega spannend gsi, da das bi eus ja denn au öppe es Thema isch :) Mier hend d Stimmig de au guet ufglockeret mit Cocktails :) Nachdem sie gange isch, simmer wiiter fein go zNacht esse. Ich ha mich nöd müesse verkleide, ha kei komischi Perücke oder ähnlichs becho. Nachem esse simmer richtig ZH City. Ich bin allei mit minere TZ gfahre (sie hed sones chlises Auto :D) und de hed sie mier gseit, dass sie uuuh mega bedenke gha hed, dases verspannt wird und ned jedermanns Sache isch. DENKSTE! Ide City acho simmer denn ab is Niederdorf. Ungefähr a 10 Polteri Gruppe verbii und innerlich bini jedesmal froh gsi, das ich nöd eini vo dene bin. Min TZ hed de gfunde, sie hett au so öppis sölle mache, jetzt wo sies gseht. Aber ich bin das eifach nöd. Ich stah ned gern im Mittelpunkt und drum bin ich voooll happy gsi. Mier sind denn i eusi Stammbar und hend dett denn erstmal es paar Shötli abekippt, glachet, gredet und es isch wirkli meeeeeeeeeeega gsi! Alles isch eus zahlt worde und au wenn ich nöd verkleidet gsi bi sind mer alli go gratuliere und hend mer ein um de ander usgeh :) Mier hend denn total cooli Ire kenneglernt und hend nah soooo viel Spass gha. Leider han ich denn am 3 müesse ufgeh, will mier ja de Termin bi de Törtlifee gha hend und ich nöd völlig neb de Schueh han welle dett ufchrüze. Es isch für mich en perfekte Abig gsi. Han scho lang nümme soooo viel Spass gha und alli Sorge und de Stress sind wie wegblase gsi... Und jetzt chan min GG profitiere vo minere neu gwunnene Sexualkenntnis. HAHAHAHA
Anmelden
Wägä de Erwartige hani z Gfüeu dass viu Männer extrem höchi Erwartige a sich säuber hei aus Papi (Familie ernähre, müglechscht viu verdiene u trotzdäm müglechscht viu Zyt fürd Familie ha etc) wo teilwiis vo de Froue gar nid erwartet wird und de stresse sie sich eigetlech für nix. 
ha letscht Zyklus Ovuteschts gmacht wo ämu azeigt hei. Mi GG het abr gfunde ig söu so Sache nümme mache u nid z vieu drah dänke u umestudiere. Denn klappis eh nid... Wahrschienli het er nidemau unrecht 
Bin schomal super happy wege dem.