| Bräute 2014 |
|
|
1 .. 453 .. 904 905 906 907 908 .. 953 .. 997
|
12.05.14 08:40
littlefoot 
|
Re: Bräute 2014
guete morge :)
jane: tönt ja supi din polteri  ich weiss abe rnid obi chent ernst blibe binere sonere vertreteri 
cupcakes gsend super us, bin froh häsch sie chöne bueche mini wäred nie so schön worde und ich weiss nid vo wo ich die zit gno hetti
schöni Etikette fürs wasser :)
laprincipessa: aaalso zu dinere deko :)
fächer in mint chasch nüm bstelle? finde die täfeli au no herzig. chunt druf ah für was es bruchsch aber die erste fändi am schönschte :)
wo isch denn die freii trauig scho wieder ? en aisle runner wär schön aber wenns rase hät und susch no recht dekoriert isch, findi bruchts nid unbedingt eine  roseblätter streue oder a de stüehl entlang i de mitti so töpfli mit blueme oder laternli würded s au ganz schön mache. rase isch ja an sich scho öpis schöns :)
weg de schleife, ich weiss nid so ob die farb zu dene stüehl passt ich würd d stüehl glaub so la.
was suechsch den für roseblätter ?
me: aaah bin ja go keratin mache am samstig. meega ! aso mini haar hend usgseh wie neu  all schäde woni gha han vom streckise, und färbe und sowieso..weg. ha uuuh langi haar jetzt wils halt grad sind. darf sie nid wäsche bis am mittwuch morge im Moment sinds minim fettig und gsend chli lustig us wegem schlafe. darf sie ebe au nid zämebinde. isch u herzig gsi, isch e dominilkaneri gsi wo glich heisst wie mini tochter :) und de isch no en älteri Dame cho und eifach det blube. mini sis isch ja au det gsi. die älter Dame hät denn u vill tipps ge usw. sie werded schöner nachem erste wäsche und welle chani au wieder ha. freu mi druf
leider hani vergesse es foti z mache wo sie troche sind, ha sie am morge gar nid gwäsche und das het aso usgseh, voll verworre und ebe halt frizz drin und mega kaputt a de spitze. aber ha eis wo sie nass sind, wobi das nid s gliche isch, denn gsends eh immer schöner us.
uf allfäll chani das bi ihre jederzit wiederhole für en guete pris. 240. -was echt günstig isch. da sie über groupon gmacht hät (für neui chunde), het sie a dene 3.5 stund a mir knapp 100.- verdient. ha no Produkt kauft ohni salz für 70.- hilft dass es länger blibt. ha denkt 3-6 mönet aber sie hät gmeint öpe 2 de hoffi dass es bis zum hochzit blibt. sind ja nur no 1.5 mönet 
|
|
|
|
|
|
|
|
12.05.14 09:35
malinchen
|
Re: Bräute 2014
Guetä morgä dir liebä!
@jane: wow, das tönt nachemnä coolä Polterabä! Schön hei sie dini Wünsch respektiert und hesch di nid müessä verchleide oder so... Und wägä dr Torte isch ja perfekt. Villecht hets würklech so müessä cho! 
@principessa: Mir geits gad chli glich... i merkä langsam dasi unmüglech aues schaffe woni no ha wöuä mache!   Aber i ha mir jetz eifach dänkt, mir hei eigetlech scho viel, ds wichtigste steit und ob da öpis fählt oder nid merkt eh niemer ussert ig. I mache jetz eifach so viel wie no geit und dr räst isch halt de Päch gsi.
I finde ou ds erstä vo denä Teils in mint am coolstä! Mit denä chamä ja ou so chli fächerlä wenns mega heiss isch... 2 in 1 sozägä. Und wägem Runner weisi nid rächt, für mi würds das jetz nid bruche... I findes mega schön wenn ufm Rase eifach so Blüetebläter gstreut si und äbä d Stüehl no chli verziert si oder so. Süsch dünkts mi mängisch fasch chli viel, wenn jetz ä Runner und no Blüeteblätter hesch...  Du chasch ja d Blätter ou so imnä Muster streue, finde das amigs no cool! Und wenn du när drüber gloufe bisch mitem Chleid sie si när verwüscht... Weisch ächt wieni meine? villecht findi no gad es Bildli, schnäll suechä.
@littlefoot: Ah cool isch das guet usecho mit derä Keratin-Kur! Duesch de mal es Bildli schicke wenn se hesch dörfe wäsche? Bi mega gspannt wies när isch...
@me: GG und ig hei es mega cools Weekend gha. Am Fritig bini dehei blibe statt is Training z gah, ha so zwöi sch... Täg hinter mir gha im Bügu und ha nur no wöuä dehei ufm Sofa liegä. Das hei mir när gmacht und chli Serie kukkt, fein gässe - voll gemütlich eifach. Het gad guet tah. Am Samstig si mir de ga Chleider für GG choufe für üse Polterabä. Mir mache ja so bad-taste-Party... Haha, er gseht sooooo schrecklech us!!! Würklech schlimm!!! Isch mega witzig gsi. Am Nami hani när no fürd Schuel müessä schaffe und am Abä hei mir üs mit Fründe trofffe und isch ä mega easy Abä worde.
Gester si mir in Züri gsi, GGs Brüetsch und sini Fründin ga bsueche mit GG's Elterä zämä. Hei eigentlech is Landesmuesum wöuä, aber när ischs ja glich no rächt schön gsi am Nami u drum si mir när eifach chli ad Limmat ga spaziere. Am Abä si mir när no is Sonnenberg ga ässe (GG's Brüetsch het gseit er düeg de irgendwo reserviere - i ha dänkt jaaa, eifach irgend so es normals Resti halt, bi voll underdressed gsi! ). Aber isch mega cool gsi! Meeeega leckers Ässe... Aber fürs Hochzyt hani wieder genau gar nüt chönne mache, schlimm! I sött unbedingt dr Wy und Bier bstellä, das muesi hüt Abä erledige und Pompoms ou no gad, süsch längts de öppe nümme...
|
|
|
|
|
|
12.05.14 10:42
Taeboyana
|
Re: Bräute 2014
Guete Morge Bürtlis, siter guet i die neui Wuche gstartet?
Ig ha o es super Weekend gha, aber erhousam isches nid gsi Am Friti Abe hani no Training gä, am Samsti Husputz gmacht und am Nami a GP zBärn, am Abe Bsuech vo üsne einte TZ, gester mit müede muskukatrige Bei no ane Tae Bo Event mit 4.5 Std. Training und de no GGs Mami & Fründ und sini Schwoscht uf Bsuech... i bi k.o.!  Und itz hocki im Büro mit Ganzkörper-Muskukater...Aber zum Glück nur e churzi Wuche, ha am Do Nami scho frei. Mues nur luege dassi mi bis denn no chli cha erhole, damit i de am Friti fit bi  . Hochzitstechnisch isch bi üs ou gar nüt gloffe, aber hüt Abe müesse mer üs unbedingt am Trouversrpäche widme.
@Janedoe: So cool klappets mit dr Torte und d Cupcakes si uuuu härzig!! Di Pouteri tönt o cool. Mega cooli Etikette! Si das so printables gsi oder hesch die ganz säuber gmacht? Findi eh e cooli Idee mit dene Trinkfläschli, aber wüu me bi üs vor Chile zum Apéro nur einisch mues umgheie machts irgendwie ke Sinn
@Principessa: Ruhig düreschnuufe . Du bisch doch vou dranne so wie's tönt, das chunnt guet! Bi de Fächer findi ou die mintige am schönste und findes e u cooli Idee mitem Programm! Dr Aisle runner fänd ig itz ou nid nötig und i steue mirs ufem Rase irgendwie no schwierig vor, dä liegt ja de nid ganz flach uf... nid dasses de no gfährlech wird wägem stoupere... ? Rosebletter fändi ou sehr schön. Bi de Schleife vo de Stüu muesi de angere zuestimme, zu dene bruune Stüu gsehni das irgendwie gar nid... findes o nid so schön sone Schleife amne blutte Stu, das findi passender mitere wisse Husse zäme...
@littlefoot: Cool mit dine grade Haar! Wie heisi de die Behandlig eigentlech gmacht? Ke Ahnig wie das geit mitem Keratin... isch lang gange?
@malinchen: Oh wow das tönt de nachme schöne Wuchenänd! Wenn isch neume euchi Polterparty? I wott de unbedingt Föteli gseh!!
Zuletzt bearbeitet am 12.05.14 10:45
|
|
|
|
|
|
12.05.14 11:07
Broncos
|
Re: Bräute 2014
Guete morge mini Liebe
Jandedoe:Han mich grad riisig doppled für dich gfreut, weg dim Polteri und weg de Turte So guet mit de Turte, ich liebs wenn sich Sache wo z erst nachere riise Krise und alles Scheisse, im nachhinein als guet usestelled. So chömeder sich zunere viiil bessere Turte... Und die ander... Nei, wuuusaaa, ich fang mich jetzt ned a ufrege
Principessa: Wuuuusaaaa! Hey Mädel, du hesch scho soo viel lässigs für üchi Hochzyt, lah di ned dur die ganze Detail z fest z stresse. Ich weiss es isch schwirig als Perfektionistin, aber ich hans mir selber au gaaanz fest forgna und es klapped meistens Also ich find de Teppich au ned zwingend notwendig...
Littlefoot: Wow, uu lässig dini Haarr Muesch den nomal es Föteli schicke, wenns gwäsche hesch. Han mer s ebe au scho überleit, wenis den würkli wür mache, meldi mi den bi dir
Malinchen: Üche Polteri wird echt de Hammer, würdi also au grad cho
Taeboyana: Huch, da isch ja echt einiges gloffe bi dir am weekend. Isch guet gange am GP? Wie lang hesch gha? Han also am Samstig a dich denkt, mis Mami isch ebe au gloffe
Sue: Wie wärs den miteme Kompromis? Bi üs stöhnd üsi Stüehl so biz schräg, so das mer halbe d Lüt und halbe richtig pfarrer lueged. Den muesch ned direkt id Lüt luege, aber si gsehnd üch doch guet. Und din Brüeder söll sich ned so astelle, es isch schliesslich üche grossi Tag und den chaner jetzt wohl während de Chile uf d Chind luege. Uii, wenn das min Brüeder wär, heti ihm also scho biz wüescht gseit
Me: Am Samstig sind d Mädels zu mir hei cho go bastle und mir sind echt wit cho. Han zwar es riise schlechts Gwüsse gha, will mer so viel Freudetränetüechli hend müesse mache, aber sie hends voll easy gna. Mir hend dezue Hugo trunke und den isch das Ruck zuck gange ... Ich han leider voll vergesse z fötele, aber holi hüt no nache und postes den.
Ah und de Caketopper isch au grad no cho, föteli den au grad no. Und den hani no Schleife vonere 13er Brut chönne abchaufe, wo super passed
Den hani im Moment grad voll d Frisure Krise  Ich han ja d Probefrisur scho gha und sie het mer eigentlich meega gfalle, aber ich han im Moment grad z Gfühl si sig viiel z schlicht und ned so hochzytlich  Ich han ja zwar no de Schleier, aber irgendwie, hach ich weiss au ned
|
|
|
|
12.05.14 11:16
malinchen
|
Re: Bräute 2014
@Lillian: Ah cool wägä dr Tanzstund... omg, das sötte mir ou no mache! Wie viel Stunde nähmet dir?
@Taeboyana: Wow, da hesch würklech es aktivs Weekend gha!!! Isch dr GP guet gange? Düet dir ds Trouverspräche mitenang absprächä? I weis äbä no nid genau wie mir das wei mache... Dr Pfarrer het gmeint es wär besser we mes enang vorhär scho mau zeigt, dass es chli weniger emotional isch und d Chance grösser isch, dass me no cha redä.
Mir hei üsi Party am 30.5., due de sicher Föteli zeige...
@Sue: Ja, sie isch würklech top! Oh je, das verstahni dass di das stresst wenn er öie Wunsch nid so cha akzeptiere... Mir wärdes ou so ha wie d Broncos. Aber i ha mir das ou so vorgstellt gha, i möcht nid dr Rücke zu de Lüt ha, de füehli mi när so "agstarrt". Aber i finde wenn dir öich das anders wünschet, sött er das akzeptiere! Spielt ja eigetlech kei Rolle und es geit um öich und öii Wünsch, nid was jetz de Lüt besser gfallt... I würd da no mal mit ihm drüber redä.
Und dä Kommentar vo dim Brüetsch isch würklech nid so fiinfüehlig... Aber vo däm darfsch di nid lah abezieh! Viel Lüt si sich eifach nid bewusst, was sie mit so Sprüch bi üs uslöse... Drum ischs am bestä wedä gar nid zviel druf gisch!!!
@broncos: oh nei?! Frisure-Krise isch doof... Also mir het ds Foto mega gfalle wo du postet hesch... Aber es isch halt eher klassisch und nid so verspielt. Aber festlech findis imfall scho! Und mitem Schleier när ersch rächt! Hesch de no anderi Ideeä? Süsch würdi halt no mal verbi gah und no öpis anders usprobiere... Isch halt chli doof wöus nid gad ume Eggä isch bi dir, aber wär när ou nid so toll wedä di nid wohl füehlsch drmit.
|
|
|
|
|
|
|
|
|
|
1 .. 453 .. 904 905 906 907 908 .. 953 .. 997
|
Anmelden
