@Broncos: Jöh merci fürs ami dänke! I ha 1.30 gha - i bi ke schnäu Löiferin. Jogge isch haut nid mini Houpt-Sportart und anschinend macht ds Tae Bo o eher langsam. Wie o immer, für schneuer zwärde müessti mega Tempo- und Intervalltraining mache und für das isches mir zweni wichtig. Bi aber schneuer gsi as i Vorjahre und weni nid ab km 14 no hätt Sitestäche becho, wäri sicher no chli besser gsi.

Hm. schwierig wäg dr Frisur... hesch de viu Verschiednigs usprobiert gha? I gloub es chunnt o chli drufa was du süsch im Autag mit de Haar machsch. I ha mini viu ufegsteckt oder zöpflet, drum wetti scho chli öpis Spezieuers für dä Tag. Aber i ha o ke Schleier u da muesme äuä scho no chli druf luege? Oder ziehsch dä eh nach dr Trouig ab? I würd o vorschlah, wes di würklech nid i Rueh laht, dass haut nomau angeri Sache geisch ga usprobiere?

@malinchen: Ja, mir wärdes zäme abspräche. Isch haut vielech nid ganz so romantisch wie wenns e Überraschig wär, aber irgendwie füele mir üs so wohler. Drum heimer dänkt hocke mer hüt mau zäme und versueche mau i Wort zfasse, was mir eigentlech am angere bsungers liebe .

@Sue: Oje, das isch schad. Finde aber o dass dir das dörft entscheide wägem sitze! Mir wärdes o so mache wie Broncos und malinchen, aso schreg zude Gescht, gäge Altar grichtet. De luege sie eim zwar vor Site a, aber mir luege zum Pfarrer. Ha das scho a paar Hochzite so erläbt und ou as Gascht sehr schön gfunde. U di Brüetsch söu sech eifach mau fürne Stund (oder besser füre euche ganz Tag) chli zrügg näh

malinchen: so cool die fotis wett denn au gse vo dere Party !
ja tu de am dunstig no es foti uelade mit de haar und mitem chleid juhu .)
was sind denn pöschte wo du no setsch mache wo evt den nid hesch ?

liliian: was lerned eigetli i dene Tanzstunde ? nei d haar blibed glaub nid ganz grad. aber sind eifacher zum grad mache, mitem föhn und weni wett chani welle drimache aber nid so krassi locke wieni gha ha.

taeboyana: ui nid schlecht mitem GP :) ich mögt niemals 1.30 seckle
zerst het sies mir öpe 3x gwäsche und no e kur drufta. denn das keratin, under d huube und denn mitem föhn usegföhned. hät recht staub ge denn no mitem streckise drüber zum die behandlig schön id haar z mache.

sue: ja ich glaub s wid ja gnueg lüt ha zum uf d chind luege dete, oder ? omis und co mached doch das gern.

broncos: ok schicke denn es foti :) finds aso mega toll. wobi weni dini haar aluege bim zivile, häsch das glaub gar nid nötig gsend ganz schön & gsund us dete :) ha ja afro haar, aso nume no wenig, s hät sich gänderet sit ich chind ha, aber de frizz dinne isch abartig ou ja, fotis vom baschtle :)
ich kenns mit de Frisur krise weiss gar nid wasi sell mache bi de prob. finde zöpfled schön und wenns uf de site isch aber ha mängisch au s gfühl das sig denn wie z wenig..und offe sowieso und und. aber sett mi ja für zwei, max drü probefrisure entscheide, oder ? ha no drü wuche zit zum glück.

hoi zämme! ich bi im momänt grad chli schribfuul ha aber immer mitgläse :) gang ez aber nüm uf alles ii, bringt jo nüd die alte theme widr füre z hole

@prinicpessa: aso mir gfallt au de fächer in mint am beste.. ich übrleg mir jo au ob i die mache söll.. find es isch e gueti mischig us programm und fächer.. und do mir jo au dusse hürote, bini au chli de meinig das fächer ane mien bstell doch die, ei sorg weniger und schön sin si uf jedefall!
wägem aisle runner.. hani zerst au welle (hihi mir hän z.T. so ähnligi vorstellige, finds mega lustig) aber i mues sage das i mittlerwile dänk für ufem gras ischs eer unpraktisch und bruchts au nid. wil je nachdäm bliebsch den no hänge wils so chli teppich mässig isch und stolpere wot meh jo nid.. mir wärde roseblätter uf dr site streue.. mit latärne fändis au mega schön, so wie im bild.. das hämir uns au mol no übrlegt.. im nanunana z konstanz gäbs den no so tolli latärne zu guetem priis ;o)
d schleife findi jetzt au passe nid so in ruum und vorallem nid zu de bruune stüehl..
los di nid z fest stresse wäg dr deko! das kunnt scho guet! wotsch mol ufzähle was susch no so alles wotsch? vilicht könne mir dir jo no hälfe! oder mach dir doch e muss und kann liste.. isch amigs eifach z übrlege was meh wirkli alles no will und was "nice-to-have" isch

@janedoe: zerstmol: woooow bi ich froh für euch das sich d törtlifee bereit erklärt het euch z hälfe! isch ächt super!! aber de andere würdi au no mol es deftigs mail mit schadeersatz schribe, wil si isch au e vrtrag igange und dä isch für beid parteie bindend..
di polterobig tönt schön, vorallem isch cool hesch du dich wohl gfühlt und hesch nüd unagnähms miesse mache. hihi das mit däre vrtäterin isch au no lustig. i glaub mi hätts wohl vrtätscht ich ka amigs nid ärnst bliibe bi so züg
d wasserfläsche sehn super us!
hey und e guete schlussspurt die wuche!

@littlefoot: uiiii schön dini hoor! würdsch es aso empfähle? uf deindeal het drum grad e guetschiin druf für in basel oder ischs bi däre wo du gsi bisch immer 240.-? wen ich das jetzt seh i will au grad.. es würd mir so viil zyt iispare.. weisch däng sälber wie das mit so "schwarze hoor" isch.. die hän eifach gärn ufmerksamkeit susch mache si was si wän

@malichen: tönt sehr schön gmietlich eures weekend! mues amigs halt au sii! i ha d pompoms dört bstelt wo d janedoe si au bstellt het, isch jetzt 1.5 wuche gange insgsamt und i bi ganz zfriiede drmit, kas nur empfähle!

@lil.lian: dämfall könned ihr gli perfekt tanze? ;o) was händir de für e lied für e hz-tanz?

@taeboyana: du hesch ächt e stressigs wucheänd hintr dir.. aber das mitem gp isch cool, d zyt dungt mi aso au nid schlächt au wenni kei ahnig drvo ha bi dir ischs am fritig scho sowiit bisch scho chli nervös?

@sue: hmmpf, aso i find ihr dörfet sicher wähle wie ihr das bänkli wänd stelle. au wens em pfarrer nid so passt. es mues euch jo den wohl si. mir wärdes au so schräg stelle, aso schräg zu de gäst..

@broncos: freu mi uf d föteli vo de baschteleie :)
aaach frisur.. do hani sälber au grad e krise ich find dini probefrisur isch sehr schön gsi, und vorallem wen no e schleier hesch, dänki seht das sicher perfekt us, wil den dörf d frisur glaub nid toooo much si. aber i vrstand di aso wirkli mega, kuum hani mi für e frisur entschiede, gfallt mir e anderi widr meh.. *grrr*

@me: mir sin hüt morge ufem zsa für dä "ehevorbereitigskurs" gsi.. aso so e sch*** sorry! mir sin inneko und ei beamtin isch z hinderst im büro am telefon gsi.. hän gwartet und de isch dört so es härzig glöckli gstande, ich has nur welle aluege und de hets natürli chli bimmlet. den rieft die zsa-beamtin imene mega aggressive ton "ich bi am telefon, hän si e termin? .…ähm jo, sig scho guet mir warte… "jo den mien si jetzt warte, ich bi am telefon" gg und ich hän uns nur no agluegt.. gg nur so: das isch au e zicke he.. de nach e paar minute hän mir zu ihre inne könne und ich ha ihre alli dokumänt übrgäh. ufem einte blatt hani für mi no e notiz "allianzname" gmacht. den seid si was ich dodrmit meini, ha halt gseit dasi gärn xxx-vvv würd ha im pass und si widr voll aggro: nei das goht nid könne si grad vrgässe, das isch nid erlaubt. i ha de aber gseit i ha gläse das meh das im pass stoh ha dörfi, so den: "jo das sig aber kei offizielle name und wen si mir do allianzname ane schriebe blablablabla.." eis gezicke ich sags euch, bi den rächt hässig worde und ha ihre gseit das sigi e notiz für mi gsi fertig. den hämir ändlig dörfe das züg no usfülle und wo si isch go kopiere hani nur zum gg gseit, vo däre los ich mi nid vrhürote. zum glück het si den au gseit dases e anderi macht wo grad ferie het. mir isch so e stei vom härze gfalle! wo mir den gange sin hani ihre no e abschätzige blick gschänkt aso so e kueh isch das gsi, ich mein hürote isch doch öbis freudigs, aber so eini ka das au voll vrmiese!

Zuletzt bearbeitet am 12.05.14 13:55

Datei-Anhänge

aisle_rosepetals_lantern.jpg (21x) Mime-Type: image/jpeg, 70 kB

@nala: oje, das tönt ja fantastisch, dini zsa-gschicht. bis froh wirsch nöd vo dere traut. das isch schimbar gar nöd so eifach en anderi wele zha...eusi isch mega lieb und sehr offe für alles. händ ja de letscht termin a dem tag und dänn no inere "externe" location und sie hät dänn gmeint mir chöned so lang mache wie mer wänd
s einzig wo luschtig gsi isch. sie isch öpe 32-33gi und isch eigetli a eusem gspröch uh herzig agleit gsi. wo sie dänn aber ufgstande isch zum an drucker zlaufe hät sie so dunkelbruuni dursichtigi söckli gha wo sie bis an chnöchel abegrollet hät...uiiiiiiiiii, s hät soooo schlimm usgseh und min gg und ich händ eus nur aglueget. aber wänn das s schlimmste isch chömmer sehr guet läbe demit. s wird ja nöd underem tisch gfötelet

Taeboyana: 1.30 isch emel würkli super, wär also glaub ned viel schneller... Im Moment wahrschinli sogar langsamer, bin sit em Marathon keis einzigs mal meh go jogge, han mi eifach z fest i Crossfit verliebt.... Aber das mit de Tempo- und Intervalltraining kenni, het mi au immer agschisse bim Marathontraining und ich has öppe jedi zweit Wuche eifach ines "normals" Training umgwandlet

littlefoot: Mini Haar sind nur so schön wie bim zvivile wenns de Coiffeur macht, selber bringis chum so ane ... Und wil si so langsam wachsed sinds bi dere Längi wo

Ah und Frisur hani ganz vergesse: Danke viel mal für all die Tips, ihr sind eifach die beste. Ich tuen jetzt glaub nomal e Wuche eifach sie lah und wenns mi den immer no stresst, gangi halt nomal go Probefrisure mache. Ha, bin grad froh hani e Frisure und kei Chleiderkrise, das wür unter Umständ viil türer cho

Zuletzt bearbeitet am 12.05.14 14:38

lil.lian: Lueg mal, wasi grad bim Google gfunde han ... Wär vor allem was, falls mer nachher sowieso grad Balön stige laht, den chönt mers grad doppled verwende

Datei-Anhänge

Kirchendekoration.JPG (28x) Mime-Type: image/jpeg, 151 kB