Huhuuuu... i bi ou no da! Aber i ha halt ou nid so viel zyt fürs Forum im Moment. Drfür chumi meh zum schribe wenns weniger zum läsä git.

@Taeboyana: Oooh, so cool! Scho gli isches so wit! Vergiss de ja nid es Föteli vor Torte z mache... Dänke de a öich am Fritig!

@Sasi: Jööö, das hesch mega schön gschribä dä Text! Das isch ja HAMMER mit däm Huus... So toll! Findes immer so cool wenn me gseht dass es äbä mängisch doch vo sälber am bestä chunnt, wenn irgendwo ä Tür zuegeit, geit ä viu besseri irgendwo anders uf.
I möcht ou gärn ä Hund. Aber im Moment liegts zytlech ou nid drinne. I säge drum immer, sobaud i schwanger bi, gits ä Hund.

@nala: Ah cool wägä dr Spirale. Das tönt ja würklech cool... I ha d mirena und bi mega zfriede, de isch die sicher ou super! Aber bi mir ischs imfall so, dasi gar keini Täg meh ha. Generell chamä gloub sägä, dass sie uf jedä Fall weniger wärde. Villicht wärs ja de gar nid so schlimm wedsä idä Flittis hättsch? Het dir d FA dadrzue nüt gseit? Weis halt nid wies isch wöu die weniger hoch dosiert isch...

@Littlefoot: oh nei???!!! Isch ja mega doof wägä dä Haar! U hesch ja glich rächt viel zahlt drfür... Da würdi uf jedä Fall reklamiere! Das cha ja nid si, oder?

@me: Ha hüt no mal mit derä vor Bank gredet und mi Aruef gester het offebar scho sini Würkig tah. Sie het sich x-Mal entschuldiget und gseit sie heig scho mit dr Viseca gluegt dass es sofort rückgängig gmacht wärdi etc. Mini KK sött hüt scho wieder loufe. Vorem Mittag woni ir Stadt bi gsi hani schnäll gluegt amnä Bankomat, de ischs no nid gange. Aber i luege de morn morge no mal weni id Uni gange und wenns denn no nid geit lüti gad no mal a... Immerhin het sie sich entschuldigt.

I ha gad chli nes HZ-Motivations-Tief... Irgendwie sötti so viel Sache mache woni nid würklech Lust druf ha. Wy und Bier fürs Apéro bstelle, das Logistik-Problem und ds Brunch-Problem löse, Deko fertig bastle, am Pfarrer es Mail schribe.....

@lil.lian: isch doch cool wen gläsli hesch wo passe! isch jo den glich was fürtogo es sin, hauptsach si gfalled euch
jep mir gön 2 wuche nach de hochzyt für 2 wuche.. und i finds eifach kacke ide flittis mens, do ka ich mi nid entspanne, vorallem nid am strand aso eigetli hätti meh en regelmässige zyklus, es vrminderet eifach d bluetigsstärki, oder si goht evtl sogar ganz wäg..
wägem getränkespänder machi dir e pn..

@littlefoot: uf fb gohts scho schnäller, aber es isch au chli unübrsichtlicher mir dörfe s forum doch nid vrnochlässige für fb, es wird susch hässig
hesch den du kei mens meh sit dr mirena? so schnäll? mini FA het geit das goth e paar monet bis sich alles ipändlet und d mens wäg blibt.
hmm so doof mit de hoor! het sich dämfall gar nüd gänderet! so e kack! kas mir gar nid vorstelle dases gar nüd brocht het! was het si den für e mittel benutzt? aso weisch es git jo ganz viil vrschiedeni keratin mittel.. hmpf! jo schickere doch e foti!!! ka jo fast nid si!

@malinchen: i ha dr FA gar nüd gseit vom hochzyt und flittis hätti vilicht erwähne sölle, i ha erst dra dängt das das jo es problem si könnt wo i scho widr wäg gsi bi! ich nuss! ischs den bi dir schnäll gange das sich alles ipändlet het? s isch wohl scho nid ganz s gliche wils chlitiefer dosiert isch.
jo i hoffs jo wohl das die vo dr bank sich entschuldigt het, isch aso s mindiste! hoffentli goht si morn, susch würdi mi den richtig bös beschwere! ach i sött au no paar mails mache, schisst mi au chli ah.. d lust kunnt sicher gli widr! was händr de für e logistik problem?

@littlefoot: Ah ok... das fingi viel fürnä Coiffeurbsuech. Haha, jaaaaa nur no 5 Wuche! OMG i ha ds Gfüehl es isch no nie so wyt wäg gsi... (panik-smiley vo whatsapp)

@nala: Also i ha nachem Isetzä no paar Täg chli Bluetige gha, aber scho det schwächer als die normali Mens. Und när hani mal no nach ca. 2-3 Mönet so chli Schmierbluetige gha, aber ou nur ganz wenig. Also weni jetz per Zuefall denn am Strand wär glägä wär kes Unglück passiert... Aber ganz sicher cha dir das wahrschinlech niemer säge, das isch wahrschinlech ds Problem!

I weis no nid rächt wie igs am Morge söll mache für zum Coiffeur. I ha dänkt gha i fahre eifach sälber. Aber i gange när gad direkt zu mim Brüetsch mi ga umzieh und de steit üses Auto när det ume, und i bruches ja de nümme... Jetz isch d Frag obi halt mitm Zug zum Coiffeur gange und mi de vom Brüetsch lah lo abhole, aber mues mal luege ob das zytlech geit oder ob er denn no anders z tüe het.

@me: Jupiii, i ha gad d Bestätigung übercho, dass ig ab August cha d Stv mache für mini Arbeitskollegin wo schwanger isch. De chani Math und Dütsch unterrichte und verdiene 15% zuesätzlech...

@nala: hihi, chönnt mir ou passiere so öpis! Mir chömä die wichtige Frage ou immer ersch i Sinn wenns z spät isch. Hmm, es Risiko hesch halt äbä scho, dass de villicht unregelmässigi Bluetige hesch am Afang. Aber verstah di mega guet, wär super wenn dä doof Ring so schnäll wie müglech los wirsch...

Mini TZ chunnt äbä mit... Aber die lahni denn uf kei Fall as Stüür. Mis Mami chunnt vore total andere Richtig und sie hei eh scho chli e längi Afahrt, die müesste süsch mega früeh ufstah das möchti äbe ou nid. Aber ja, i finde sicher no irgend e Lösig. Und im dümmste Fall steit üses Auto halt de bis am Mäntig oder so bi mim Brüetsch...

Nala: unbedingt alüte die chaders scho säge. Und wnn si etz de dritusch sinds ja 2-3 mönet zum hz
Aso jane isch öpe im stress *hug-denked a dich* und pfingsti het stress im job *au big hug*..

Malinchen: wie wit isch es de? Taxi..? Mir nehmed öpe au eis für id location hend no kes gfährt gfunde und s isch so nöch.

littlefoot: mues sowiso nägst wuche mitere telefoniere, ich erwart no bluetresultat. si isch immer ganz baff wenn si mini dunkle augering seht.. ich ha rächt schlächti iisewärt und es seht so us as kumi nid um die infusion ume

jane & pfingsti: läbed ihr no, trotz stress?? vorallem jane: wie gohts dir, nervös???

malinchen: ohh neiiii! schrib gschieder keis mail liebi malinchen! 5 wuche vorhär alles wächsle isch glaub scho zimlig stressig! user es isch wirkli sooo viil besser und lohnt sich zu 500% ;)
aber ich mues trotzdäm zuegäh es wär e wunderschöni location und fürs shooting ächt cool! aber wie du scho gseit hesch - pfui für dich, das isch viiil zviil stress!