Malinchen: Haha das wer ja de HAMMER wenner ernsthaft wechsle würdet... Hände weg vom MAIL! Hihi! Ich han imfall das genau au gha. Aber bizerli länger her. Vor 2 Mönet... Ich wott die immer no aber de Ufwand isch so gross dass mers garnöd mache chönted. Hihi! Darum NEI!

Nala: Ja liese amigs im Zug paar Posts da ine. Chume leider garnüme dezue. Es isch würklich sträng. Naja... Am Wuchenend mümmer jewils chli vorwerts mache mit Hochziitszeugs. Ich bin würklich forh wenn ich eifach wieder es "Langwiligs" Läbe han. Haha!

Me: Ebe viel am schaffe... Mage nöd mal würklich da schriebe. Lahn aber allne ganz en liebe Gruess da!

Janedoe: WO BISCH, WIE GAHTS, WAS MACHSCH?!

@sasileu: ui nei du professionell überhoupt nid, i ha nur afa einisch eini gmacht woni e tubelisicheri Aleitig ha gha drfür, mit Öpfu-Caramelfüllig, e doppustöckigi. Morn wotti o wieder die mache, isch würklech eifach gsi und ou fein. Mache eifach e angeri Deko. Mau luege wemese einigermasse cha aluege und sie nid totau id Hose geit, posti de es Föteli uf FB. I mache süsch meh Cupcakes und ha drum sehr viu so Dekozügs (äbe vo Kitschcakes, die macht o Kürs, oder back-art.ch het schints e Lade in Züri...). Bakeria muesi dämfau o mau usprobiere! Ha äbe scho e ganzi Schublade plus e Teil vomne Regal im Chäuer vou mit so Sache Ds Fondant und das Blueme-Ustächerli hani itz im Globus gfunge, die hei no ds einte oder angere aber sicher nid am günstigste...

@malinchen: Ah super chöisi das mit dire KK wieder regle. Ui nei du itz chasch doch nümm aues ändere... ha vo däm Guet o scho ghört, wo isch das? Nenei, eui Location isch ganz sicher die besti Wau!! hoffe du chasch dä Gedanke zwächsle gli wieder vergässe

@Nala: Hm wäg dr Spirale würdi vielech würklech fasch warte bis nach de Flittis? I ha ja itz mini Piue abgsetzt und es sött schön ufga dassi se de am Hochzit nid ha. Aber mau luege ob sech mi Körper dra hautet

@Pfingsti: Schön wieder vo dir zghöre! Ui nei würklech dir isches o so gange mit dr Location?

@Janedoe: Wie geits im Ändspurt! Mir dänke aui adi u drücke d Düüme!!

@me: Schaffe no morn Morge u när heissts Torte mache, dähei ufrume u chli putze, Pedicure I freue mi!

Hoi Fraue!

Aso leider hani gaaar kei Ziit zum nahläse, han aber gschnell welle es Lebenszeiche hinterlah. Ich hoffe eu gaht allne guuuet??

Ich bin soooo froh, dass mier die ganz Wuche Ziit hend zum vorbereite. Eusi To Do Lischte isch no soooo lang gsi.
Mier sind sitem Mäntig voll drah, bis hüt hemmer folgendes gmacht:
Wasserfläschli basteln
Wimpel Candy Buffet basteln
Wimpel Photobooth basteln
Notfallset einkaufen
Körbe organisieren
Beleuchtung Photobooth organisieren
Hussen waschen und bügeln (daaaaaaanke liebe GG :D)
Fernuslöser bestellt
Kirchenhefte basteln
Gürtel GG
Kontaktlinsen GG
Coiffeur Färben/schneiden
Ablauf Kirche besprechen
Lesung/Fürbitten auswählen, Kärtchen drucken
Menükarten entwerfen/drucken
Rechnungen/Anzahlungen
DJ kontaktieren/Hochzeitstanz durchgeben
Kühlung organisieren
Tagesablauf TZ
Wunderkerzen kaufen

No vor eus:
Tischordnung zusammennähen
Ballons/Helium
Frühstück/Znacht organisieren Übernachtungshaus
Gruppenfotoliste erstellen
Nägel
TANZEN lernen!!!!!!!¨

Die letschte Täg sind heavy gsi, GG und ich sind eus grad nume am azicke... Aber jetzt freui mi riiiiiiichtig fescht uf de Tag. De DJ hed hüt no aglüte und eini vo sine Lieblingsbands isch eusi absolut Lieblingsband (Biffy Clyro) und denn heder eus grad verzellt, daser wird Lieder singe vo Guns n Roses, Oasis, Van Halen, usw. Soooooo cool, ha denkt er singt nume so jazzigi Sache :)

Sorry dasi gar nöd uf eu igah. Aber ich denke oft a eu... Wenner no viel vor hend, en Wuche Ferie vor de Hochziit lohnt sich uf jeeede Fall und chani nume empfehle!

So und ez sölled sich d Wolke nochli entleere damit sie ufs Wucheend erschöpft sind

Zuletzt bearbeitet am 14.05.14 21:53

Littlefoot
Viel Spass in Lörrach hüt :)
Ah isch doch super mit dine Mass. So schön!
Wegem Pudel hani müese lache. Hihi Abr lustig ischs eigendli nöd, du blätterisch so vill Geld ane und dänn nützt de ganzi Gspass nüt? Voll doof!!

Malinchen
Dänn hoffi, dass es jez dänn klapped mit de KK.. Immerhin hät sie sich entschudligd..
Ah super mit em Job!! Gratuliere :)
Oooh nei Malinchen! Da chani mich nur de andere aschlüsse, ja nöd telefoniere oder maile.. Eifach entspanne und das wieder gaaanz schnell vergesse mit dere Location .

Janedoe
Phuaaaaa da händer ja e riese todo-Liste no gha!! Krass!
Da händer aber scho einiges chöne erledige, jez staht ja nüm so vill a.. Und wänn sinder dänn no go tanze?
Joah sölls no chli go regne cho, dass es am Samstig schön wierd. *Dumme-druck*

Fanny87
Ich han no kei Schmuck postet. Wet eigendli so es fiins Halschetteli ha.. Weiss abr au nonig wo ich das söll poste.. Wasi abr no mach, ich gahn nächst Wuche schnell bim Lade verbi und chan no schnell is Chleid hüpfe und dänn luegi grad no was sie dete für Schmuck händ..

Guete Morge dir liebe

Claudilein
Nei mir hei kei Orgele am Hochzit…! Aber heimer eh nid planet gha…

Malinchen
Ou nei so ärgerlich??!!! I hoffe dini Karte geit hüt wider??
I würdi äuä mau de Brüetsch afrage ober di chönti cho hole nachem Coiffure

Lula
Ou nei dir heit ize es züg mit der fotografin? Siter aber mitde föteli (dene woder gseh heit) z fride??

Littlefoot
Ohje de würdi aber gad bi dem coiffure wider verbi go zeige?? viel Spass hüt!!

Taeboyana
Mega härzig vo dire Arbeitskollegin! Wünsche dir viel Spass bim Backe und ganz viel Vorfreude!
dänke de morn a öich!!

Janedoe
uff dir heit ja meeeeeeeeeega viu erlediget und gmacht!! I bi soooo gspannt uf di Bricht und de uf Föteli und sowieso…i wünsche euch de e wunderwunderschöne Tag

Me
I sött ize de mal Bscheid becho vo mire Schwägerin betreffend singe ide Kirche, ner sötti no Ant-wort becho vo mire Fründin wo die Kirche singt, ob si eis lied singt oder mehreri vorhet. No gad e Frag a alli wo kirchlich hürate – wie machet dir das bim ineloufe? Loufe GG und Pfarrer zersch ine bevord Musik afaht oder stönt die scho vore??

Guetä morge dir liebe...

I ha mir gester dr Duume verstuucht im Training (sälber tschuld hani sone scheiss Technik )... Jetz chani nid so guet schribe, drum dueni mi chli churz fasse.

@jane: wow, dir heit würklech no mega viu gmacht! Gniesset die letschtä Täg no und löht öich nid lah stressä! Es wird wunderwunderschön!!!

@littlefoot: viel Spass hüt!!!

@sue: Mir hei ä mega churze Gang... Drum hei mir dänkt, dass mir d Musig scho chönnte lah loufe wenn dr Pfarrer und GG ine geit. De chöi mir ds ganze Lied abspiele... Süsch wärs äuä när fasch chli längwilig fürd Gäst, wenn ig nach 10 Sekunde dinne bi und ds Lied no über 2 Minute geit. U i findes nid so cool we mes när eifach so duet "usblände"... (langsam liisliger mache bevors fertig isch - wie seit me däm???)

@me: I ha immer no chli krise. Aber schribe kes Mail...