Guete Morge ihr Hübsch

littlefoot: Gaaanz viel Spass hüt. Ich hoff fest, dass dich i dim Chleid so wohl fühlsch wie ich mich i mim ... Weg de Haar, das gaht aso würklich gar ned. Ich wür also sofort bi dere go reklamiere!!

Sasileu: Ich han jetzt scho Gelnägel, aber im Moment no in Pink Ich hans extra so vor he HZ gmacht, dasi jetzt no tips dra han, aber ich gang den 1 Wuche vor em HZ und bis den sötted d Nägel gnueg gwachse si, dasi nur no mini eigne han. Ich han mich jetzt doch geg d Farb entschide und mach ganz klassisch French. Will wenn ich ja den de Bluemestruss ned ide Hand han und mini TZ ned nebedra isch, sind d Nägel s einzige wo den farbig wär und das wär mer den glaub doch z viel
Hey wow, weg em Huus isch ja vooolll de HAMMER!!! Freut mich mega für üch
Weg de Roseblätter. Chasch mer Feedback gä, wies sind? Wobi, ich sött glaub langsam mal so oder so bstelle, suscht wirds den no knapp bis zum HZ

Janedoe: Wow, jetzt gender aber gas!! Und was ihr i churzer Zit alles so schön no ane bringed, hut ab!! Das wird sicher es suuuper fest am Samstig. Ich wird gaaaanz fest a üch denke

Nala: Ich wet dir ja kei Angst mache, aber ich wür warte mit de Spirale. Ich han sie mir vor öppe 2 Jahr oder so welle isetze la. Ich bin den bim isetze vor Schmerze kollabiert und nachher imene andere Rum ufgwached und ich han die schlimmste Schmerze vo mim Lebe gha und ich bin suscht echt ned so schmerzemfpindlich. Nachdem mir de FA 3 Ponstan gä het und d Schmerze keis bizli bessered het, hed er sie den wieder müesse usenä. D Schmerze sind den zwar weg gsi, aber ich han nachher fast e Wuche brucht, bis ich mich vo dem ganze wieder erholt han. Isch siche ned de normalfall, aber mer weiss halt nie...

Malinchen: Das isch ja echt z vil mit de KK! Aber guet, das sie sich jetzt wenigstens drum kümmered. Ou so doof mit em verstuchte dume, aber d Sue het das schön gseit, isch grad es zeiche das keis Mail söttsch schriebe

Lula: So Frisure mache isch echt ned so minere TZ ihres Ding, aber ich han mich mittlerwile wieder recht mit minere Frisur versöhnt ... Das isch würklich doof mit de Föteli, vor allem weg de usdruckte. Also ich wür da glaub au mal reklamiere und nach Rabatt oder so verlange.

Taeboyana: Guets glinge vode Turte!! Und gaaaaanz en schöne Tag morn, ich wird a dich denke

Sue: Viiiile Dank für d Playmobil, sie passed echt perfekt. Schick der den es extra Föteli vode Dekoration ... Also bi üs wartet de GG und de Pfarrer scho vor und ich lauf den mit mim Daddy ine... Aber weg de Bluememeitli stell ich mir die glich frag wie d lil.lian vorher oder nachher oder beidmal??

Fanny: Da ich voll ned de Schmucktyp bin, han ich eigentlich gar nüt speziells welle, sondern eifach min Perleohrering, woni au suscht immer han. Aber da ich no en Guetschi vo Rhomberg han und sie ja grad Aktion hend bim Perleschmuck gangi glaub mal no go luege. ev. nimi anstatt steckerli so plempel mitere Perle dra.

lil.lian: So cool weg em Chleid, viel spass bim drischlüpfe Hmm, weg de LOVE buechstabe. Ich wür sie glaub chaufe. Candybars werded ja immer beliebter und das macht sie echt no chli spezieller. Vo dem her glaubi, dass sie nachher relativ guet wieder verchaufe chasch

Me: Uii ich han gester grad voll de Schockmoment gha. Es gaht nur no 1 Monet bis zude HZ und für d HZ fühli mi eigentlich zimlich guet vorbereitet, klar gits no s eint oder s andere zum mache, aber das schaffi scho irgendwie. Aber ich han grad gmerkt, dass ich no echt viil Arbete für d Uni muess schribe und nu 1 Prüefig han und das alles i 3 Wuche!! Hiiilfee!! Und im Moment hemer im Gschäft viel z tue, so dasi ned da eifach biz schribe chan Bin mer echt am überlegge, öbi eis vode Fächer eifach sause la söll. Für das hani bis jetzt eh no gar nix gmacht, also heti fast kei zit unnötig ufgwendet und es git mit Abstand am meiste z tue. Ohni das würis wahrschinlich relativ easy schaffe. Aber nächst Jahr schissts mi sicher ned weniger a Hmm, han mer glaub doch chli viel zuegmuetet mit 100% schaffe, 13 Credits studiere und de Hochzyt

MiMa: So cool mit üchne Näme. Anderi müend Geld usgä für personalisierti M&Ms und ihr chönd eifach die ganz normale nä ... (und de lil.lian ihre GG fangt tatsächlich mit M a , aber sie schribt ja sicher no selber)

Reinlaufen Kirche
Lil.lian heit dir de e Maa und e Frou als Trouzüge?
Lil.lian & Broncos i weiss ou nid megde Bluememeitli?!;O)
Has ize so dänkt:
-Pfarrer und GG warte scho vore mitde männliche 3 Bruutfüehrer
-Als erschts chunnt mini Trouzügin mitde 2 Bluememeitli
-Ner chöme mini 2 Bridesmaids
-Ner chume ig mitem Brueder
Oder wie geit das?? Bi gad chli ratlos;O)

Lil.lian
I finde die love-schale u härzig…….würdi luege wies bi öiem Budget dinne ligt wenns dinne ligt würdi si bstelle und wenns es mega überzieh wäri de würdis la si…aber wenns dir kei rueh laht de bstell se doch wüu schön si si sehr;O)

Broncos
Geeeeeeeeeern gscheh;O) merci dir fürs liebe Kärtli;O)ohje du armi…auso wenn du ds gfühl hesch es wird der alles zäme z viel de würdi halt eis Fach la si…? Wäri ja de ou schad wenn du meeeee-eeeega z viel hesch und denn u erschöpf bisch..?

Hee i ha kurz e frustnochricht...min GG isch mängmol eifach en depp
Joo i weiss gester hani no ide höchste tön gschwärmt aber jetzt münder lose,also läse

Letst Johr im Juli simer mal bi eusem Pfarrer gsi vode Gmeind,er traut eus nid aber er füllt all Dokument us.Er het eus gseit das mir bim nägste Termin womer abgmacht hend für 20.6.2014 all Dokument münd debi ha,Taufschi,Pass &Geburtsurkunde.de Taufschi derf nid älter als 6Mönet si,wens ald jetzt paar Täg sind seg natürli egal.
Ufjedefall hani scho im Januar min GG erinnert.und im April wo die 6Mt. gstartet hend au.
Gester hemer jo beidi extra frei gnah zum eigentli uf Fussach(A) z'fahre und de hole.Da er die ganze Wuche vorher nie aglüte het daser chunt heters ufem Weg gmacht und wo de Pfarrer seit er schikten per Post simer ald den nur bis SG und hend no e Cousine bsuecht.min GG den gester grosskotzig,gsehsch so eifach sind Österricher au Nameändere ufem Taufschi seg kei Problem.Will er isch na ledig gebore und het erst ab de Passusstellig ide schwiiz de Familiename vom Vater cha.

Jetzt chunts....
Hüt mittag lütet er mir ah,er heg es Telefon becho...
Sini Geburtsurkunde seg aber au ufem ledig Name vode Mutter,sie chönd das nid eifach ändere.
Da das es Problem isch eui sicher allne klar...schliesslich wemer da ide Schwiiz hürate mit dem Name woner ta het und das gaht nid wenn Geburts-und Taufurkunde en andere Name hend als de Schwiizerlass und Heimatschi
Pfarrer het gseit er muess jetzt de Gmeind vo Fussach(A) es schriebe mache und den wahrschinli deht verbi und Dokument neu usstellä lah.Am beste mit de Muetter und ihre Ehebeschinigung vo damals.
Richtig doof das ganze,vorallem het er jetzt den 2Wuche Zivilschutz und vom 28.5-9.6 simer ide Ferie.

Also ich finds eifach nume mega mühsam,typisch Mann!
Bi so sache meini amigs würkli ich organisier e hochziit für mich ällei

Soo sorry fürs unintressante jammere,aber das derf ma jo da im Forum