Danke für eui guete Zuesprüch :) Ich glaub ich wierd s'LOVE poste.. De ganz Name wär au kuuhl, abr das wierd zlang und no türer. Und ja wegem Budget, kei Ahnig was mer bi de Deko so iplaned händ, dine lugge würs scho .

Broncos
Oooh dönt nöd guet bi ier :( Wärs dänn schlimm, wenn das Fach würsch sause lah? Muesch dänn jeze eifach no die bestimmti Azahl Credits erreiche?

Sasileu
Oh neiii.. Voll blöd.
Abr isch dänn das normal, dass es bi some Fall so es Ghetto gid? Finds jeze nöd mega öbis speziell Usergwöhnlichs.. Langeds nöd, wenn s'Zivilstandesamt chönti bestätige, dass es mal e Namesänderig vo ihm geh hät? Das Vorgehe isch ja recht müesam
Cha mer dich hüt uf de Post vo gester erinnere? :)

Sue
Ja mier händ en Ma und e Frau as TZ. Iher nöd?
Bluememaitli findi ebe vorher scho schöner. Und nachher ischs mer eigendli glich .
Du häsch abr vill Lüt wo mit dier id Chile wännd . Ich find dini Reihefolg guet. Abr wie stellsch der das mit de TZ und de Bluememeitli vor? Gseht das nöd chli blöd us? Ad Hand chönd sies ja au nöd neh, wills ja Bluemeblätter söttet streue?

Lil.Lian
mou mir hei ou e Maa und e Frou als TZ
loufe die de zäme ine? oder wartet de männlich TZ vore mit dim GG?
bi üs ide kirche döfe ebe keni Blüemli gstreut werde. also wird mini TZ eifach mitde Bluememeitli
ade Hand ineloufe und denn bim useloufe ab de Kirche bis zur aperolocation döfe de d Bluememeitli streue

hesch es nöis Kleid??? bitte zeigen???smile::

Littlefoot
ize hanis gad gseh ufem Facebookmega es schöns Kleid steit der super!!!
isch äuä eh besser du bisch ja sowieso immer wider chli unsicher gsi...?
uuuuuuuu schön gsehsch us!!

Me
i wäri gad froh um chli Hilf....bi am luege fürd Bluemestrüs für mini TZ und 2 Brutjungfere. Mi Brautstrauss wird ja us wiise Orchidee si. hätt öper e Idee was da würdi dezuepasse? si hei es altrosa Kleid. Ha mal paar woni gseh ha aghänkt...

Datei-Anhänge

	Foto (2).JPG (19x) Mime-Type: image/jpeg, 23 kB
	Foto.JPG (11x) Mime-Type: image/jpeg, 131 kB
	Unbenannt.JPG (10x) Mime-Type: image/jpeg, 40 kB
	strauss.JPG (17x) Mime-Type: image/jpeg, 33 kB

sue: has id FB gruppe ta :)

sasi: ou nei so doof weg der egschicht. und etz was macheder?

lilian: finde LOVE au cool. han au buechstabe fürd candy bar, kartonigi. enjoy heissts bi mir :)

malinchen: was, ou nei und du setsch no bastle ? gueti besserig am duume. immerno krise weg de Location ?

taeboyana: ganz en tolle tag wünschi eu
turte isch super worde!

jane: woooow läck händ ihr gschaffed die wuche. moooorn isch es sowit

me: soooodeli. also ich muss zerst säge, hend ja immer gwitzled dass ich es rots chleid bechume usw..amo morge im auto sägi no minere schwöschter, ich gsehn eus die ganz zit nomal vor dene ständer am chleider usepicke...kei ahnig warum aber es isch komisch. uf all fäll chumi id Kabine zum umzieh, mini sis isch no ufs wc. de hangt det s chleid. im erste Moment hani denkt sig schön. aber bim nöcher luege, gsehni dass jewils i de mitti vo dene blueme stickereie alles so rosa isch !! de chunt grad mini sis, ich säg ihre das isch nid mis chleid! de chunt d Beraterin, holt d Chefin. die seit doch das sig mis. de isch sie nomal go luege. d grössi isch 38 also def. nid mis. und etz ?? sincerity heb uu lieferverzögerig und mis sig no nid mal im lade ! nei s letscht. de hani mal gseit, aso da luegt mer doch nache bevor öper usefahri. ich heb x lüt mobilisiert, heb zwei chind, und heb bim beste wille ke zit um nomal usez fahre. de het sie gseit also de lueged sie weg eme andere. und tätsch simmer nomal vor dene ständer gstande. has nüm gse. ICH HAS DOCH GSEIT ! und natürlich nur grössi 40 und 42 wils hät ja müse da si. nach 10 chleider hani zwei gha, eis woni schomal Agha han und womer mega gfalle het, aber mir gar nid gstande isch wegem buch und mis jetzige. s erst isch eifach recht schlicht und isch mer aber besser gstande als im Dezember. au billiger. nur hani gseit ich würd ewig bereue weni kes prinzessine chleid aleg, nur so es abigchleid (fast)...aber s andere isch 1999 euro gsi, aso 800 euro türer ! d Beraterin isch u en herzigi jungi gsi und het dennd Chefin gfragt. zerst hend sie gar nüt welle ge ! am afang isch sie chli arrogant gsi. ha denn aber nomal gseit, ich well nid blöd tue ( d Beraterin het mir gseit ich sig ja no easy, si würd tobe), aber sie müssed mir doch chli entgege cho. de het sie mir 10% und d 'accesoires wele schenke. mir sind denn nomal use mit de sis und hend grechnet. wär immer no z vill gsi mit de änderig und de isch mini sis nomal zu de Chefin. ob sie nid d änderig chend au no schenke. isch eh wenig gsi zum apasse, chli chliner mache um Taille nur. de het sie denn iglänkt. d Beraterin isch u herzig gsi, de het sie no e slip bracht für 50 euro, zu de corsage wo 130 euro gsi isch, und de Reifrock isch ja au 130 euro. obi no en schleier bruchi so lustig, hett da chöne Accessoires ichaufe wie doof und d Beraterin het mi no unterstützt. aber ich bin ja nid so und da ich ke schleier und ke schueh me brucht han, hanis bi dem bela. uf allfäll hani am schlus snur ca 150-200 franke me zahlt und s chleid isch edler, besser vo de Qualität und eifach schöner
bi nomal i dises gstige, zum luege ob ich nid glich usefahre nomal (aso chli vorher) und es het mer null gfalle. isch wohl au a de rosa blüemli gläge. echt nid schön.
ich han ja pronovias chleider gar nie Agha will vom Budget her die gar nie inepasst hend. bi echt happy aber wie unprofessionel de lade isch gaht gar nid. sie hends zwar gretted aber isch ja wohl s mindeschte gsi! ha de Chefin denn au nomal müesse erchläre dass sie bi mim chleid scho de 3. (!) fehler gmacht hebed, wo sie cho isch mit fehler siged ja menschlich. vo wege, eifach voll doof, nachdem die im Februar scho mal de falsch Vorname verwütscht hend, hends es bi mim mail woni letscht wuche gschribe han nomal anebracht falsch z luege. ha de Chefin denn ganz ruhig aber bestimmt erchlärt dass ich aso so nid chönt schaffe, het ich ke chunde me. und s hät brucht aber am schluss isch alles guet cho. lustig isch gsi, d Beraterin het mer ales gueti gwünscht und sie het sich ehrlich gfreut, sie isch so herzig gsi, sell denn es foti schicke. ha denn gseit sie bechäm es chärtli...und denn het d Chefin so gseit: oder uf FB...ha denn gseit mög nid so fotis uf FB öffentlich pooste und de het sie gsseit aber en churze satz oder so...hallo ?? denn wett sie no werbig oder was
ich find s ganze eifach unglaublich, dass ich das wie vorusgseh han. s het wohl müsse so cho ha ja immer ghaderet mit mim chleid und mitem jetzige gar nid. chume sogar zu mim gurt .)

so langi Story gsi

Guete Morge und TGIF!!!

Littlefoot: Wahrschienli hets würkli eifach eso müesse cho, demit du DIS Troumchleid bechunnsch! Abr die Chefin isch auso scho chli unverschämt, mit no FB und so...

Malinchen: ui nei doof wäge de KK Abr trotzdem ganz vieu Spass z Paris

Sue: Mer gfaut de letschti Struus am beschte. Mir hei für üsi Trouzüginne so Armbändeli mit Blüemli. Evtl. wär das ja ouno öpis für di? Ha mau es Föteli aghänkt (nume so us Idee).

Datei-Anhänge

3537225.jpg (26x) Mime-Type: image/jpeg, 63 kB