Lillian: Mir hend eifach chli es sterchers Papier gno nöd gad das Recycling wo mir im Gschäft händ sonder bizleli dicker, dass chli riisfester isch. Vo de Farb her hämmer nachher Evian usgsuecht will die vom Deckel her am unuffeligste sind zu de Farb vo de Etikette. Das passt wunderbar...

Nala: Ich würds ca. 1 Wuche vor em Hochziit abhole. Den hämmers nachher würklich ah... Und i de letschte Wuche bini eh meh oder weniger diheime. Vo dem her... Scho guet! Aber ich chan au vestah wenn ihrs deheime hend. Hm, also wenns nöd speziell i de Versicherig ufgno isch den hetisch kein Rappe wod überchömtisch. Das würdi imfall unbedingt no ageh und fötele au s Zertifikat wener eis hend und Quittig.

Huhu Brütlis!

Phu mi erste Tag as Mrs. GG im Büro isch chli chaotisch gsi Irgendwie hani dr Chopf gloub no nid so da woner sötti si und bi nid so zu viu cho hüt Es si aber aui sehr härzig und ds ganze Team het mir gratuliert und e 200.-Guetschin für sone Spa Lodge in Melchsee Frutt gschänkt plus e Fläsche Wy, so lieb!
Am Morge bini gad as allerersts ufem Passbüro gsi ga mini neue Dokumänt bsteue (inkl. supertollem 8i am Morge-Gangsterfoto hahaha - i gseh ächt jedesmau so scheisse us weni nid darf lache!!). Und de bini no bi üs im HR gsi, dert wirds ou einigi Apassige gäh wägem neue Name... huiuiui die Büetz wo ig verursache aber es isch mer so glich hihi... I bi scho soooooo gspannt uf üsi Föteli, wird natürlech de es paar poste sobaud mer die offiizielle hei.

Am Samsti si no die Armchetteli cho woni für mini TZ ha bsteut, soooo schön si sie!! Ha ächt Fröid. Und ha gmerkt dassi e richtige Totsch bi dassi nid für mi säuber o no eis ha bsteut, tsssss

De hani mau die nächste Pöste uf üsere To Do-Lischte markiert:

- Ringe la graviere (i wett üsi ou max. 2 Wuche vorem HZ dähei ha)
- Datum abmache füre Privat-Tanzkurs im Juli
- Besprächig mitem Hotel für Menu und Details am 4. Juni
- Besprächig mit dr Sigristin wäge Details Chile am 6. Juni
- Träffe Pfarrer am 4. Juli
- Probefrisur und -makeup am 4. Juli
- Tischdekosache sueche (Väseli, Schale etc.) und entscheide was genau

Das wär gloub so ds Wichtigste. Im Juni wetti würklech mit de Bastusache afa, damit de nid aus ufe letscht Momänt chunnt...

Jetz no 1.5 Wuche schaffe u när chli Ferie!! am 30. Mai simer anes Hochzit im Piemont iglade juhui...

E Frag id Rundi: Het öper scho Erfahrig mit Spray tanning? I wett das gärn mau usprobiere (säubstverständlech Einiges vorem HZ!) da ig sehr häuhütig bi unds u lang brucht, bis ig brun wirde ir Sunne. Und Solarium wetti mire Hut nid unbedingt atue, wüus o sicher o einigi Mau brüchti.

@Nala: Wär doch no e cooli Idee wenn die Rähme chli abschliffsch? Hui i gloub i mues gli wieder mau id IKEA ga Inspiratione sammle

Sorry gani nid uf meh i, isch gad e sehr egoistische Post worde...

nicht registriert

Liiäbi Brütlis

Ich bin wohl unter diie stille Mitleserinne gangä Tuät mir seeehr leiid!! Dä PH Abschluss naht und irgendwiä gspürt meh da halt eiifach. Aber ii freu mii so. Innere Wuche bin iich en freie Mensch

Taeboyana: Danke viiiel mol für dii wunderschönä Bricht vom zivile! Es tönt meega romantisch und het miich sehr berührt. Ich wünsche eu alles Glück vo dä Welt für eui gmeinsam Zuäkunft! So schön, darfsch du jetzt Mrs GG sii! Dini Frisur find iich dä hammer! So en Wasserfallzopf han ii miir au überleiit fürs Zivile.

Nala: Meega herzigi Idee mit dä Rähme! Mir würd das sehr gfalle! Ich hoffe nur, dass würkli Holz drunder isch, siinds keii Plastik-Rähme?
Mir hend d'Ring au bii uns dehaii. Und ha mir no niiä Gedanke zumene Diebstahl gmacht. Aber theoretisch müässts doch gliich sii wiä mit em Laptop, Fernseh, etc. Ned?
Super schöni Ringchästli! Gfallet mir meega guät!

Lilian: Konstanz isch meega toll. Ich gang uuuh gern Ha scho mit miiner TZ für dä 28. Juni abgmacht, dass mir gönd. Ja gnuäg früäh, damit mir au es Datum hend wo passt
Suächsch Deko-Material in Konstanz? Denn isch dä nanunana, butler und depot meega kuul! Diie erste beiide sind im Lago (gad nebet em Bahnhof) und dä ander ii dä Altstadt.
Aber ii nimm aah, dass siind sowieso diiä bekannte?

Sue: Giits Foti vo euem Bänkli? Scho in dä "ursprüngliche" Farb hets toll usgseh, jetzt nimmts mich in Wiis gad au no wunder!

Sasileu: Ojeeeh, tuät mir leiid wiirds jetzt no so kompliziert. I gseh gad au chlii mii GG. Nu nixx z'früäh machä und denn gliich no in Stress cho, will öpis nöd planmässig lauft.
Wiiä hend iihrs jetzt greglet mitem Taufschiin? Hend iihr en Plan usghäkt?

Malinchen: Finds guät hend iihr ned no d'Location gwechslet. Cha miir aber gad vorstelle wiiä diich fühlsch, ha ja au fest es hiin und her gha zwische zweii Location. Aber ii glaub mir dörfet uns siicher sii, dass d'Location ned entscheiidend isch über s'Glinge vom Fest. Ihr werdet am jetztige Ort es wunderschöns und einzigartigs Hochziit ha!

Me: Unseri Vorbereiitige laufet immer meh. Wer FB het, het ja au scho chlii mitbechoh. Exgüsi, es isch eiifacher dert gschnell es Foti ufezlade, wiiä do en Bricht schriibä. FB got nämli mitem Handy I freu mii so das vorwärts got. Au unseri TZ sind voll im Schwung I merke aber, dass ii gar nöd guät bin im Vertraue ha. Am liiebste würd ii wisse was planet, denn weiss ii was no brüchti oder ebe das alles guät isch
Am allermeiiste Froiid han ii aber, dass ich scho abem Juni ä Jöbli han. I darf imene Kindsgi ä Stellvertretig machä (19 Lektione) und da isch eiifach meeega toll! Vorem Hochziit wär ii ja sowieso im Zoo go schaffe, dert wärets aber Wuchenend gsii, so hend mii GG und iich d'Wuchenend frei und chönt bastlä und organisiiere was das Zeug hält. Usserdem bin ii froh, muän ii denn ned mit miner Klass "experimentiere", sondern ha Klasseverantwortig mit Versuächskanichen
I möcht miine TZ gern es Armchetti als Dank schenke. Es söll so es Charms sii, wo en rosa/pinkige Ahänger drane isch. I ha vor allem jetzt im Rhomberg Usschau ghalte. Aber irgendwiä giits dert ned diiä "normale" silbrige Armchetti, sondern alli so mit Perle etc. Wisset iihr, wo meh das überchunt? (am liiäbste ned online ) Mersii beaucoup für d'Hilf <3

Alles liiebi für eu <3

Nala05
Hihi ja wär schön gsi zum sünnele gester . Has den nomol probiert gester und erreicht. Han ganz e netti am Telefon gha. Abr mier wärded s'Gspräch nöd bi ihre ha und Trauig isch den eh ime andere Zivilstandesamt..
Weiss nöd öb ich sie sälber mache, glaub eher nöd :-/ Mal luege..

Taeboyana
Isch doch glich wenns chli chaotisch isch am Afang.. So wierds eus glaub allne dänn gah :) so schöön mit em Guetschi und em Wii :). Han gad müese lache mit dim Morge-Gansterfoto, haha. Alli die Föteli für Amerika gsehnd nöd würkli toll us..
Nei Spray tanning kenni nöd. Ich muen vor em Hochziit no chli go sünnele :) Han extra es Sportabo bstellt, sind alli Badis i de Stadt Züri inbegriffe .

Squishy
Ja de Nanunana und Depot hani uf minere Liste :). Hihi was duesch den du mit de Chind experimentiere? :) Dänn häsch ja bereits chli Erfahrig wenn den mit dinere eigene Klass afangsch im August.. Findi guet, mit de freie Wuchenend..

Me
Han gester no de Termin fürs Ehevorbereitigsverfahre abgmacht (Mitti Juli), den gahni inere Wuche zu de Coiffeuse mal go Frisur üebe :) am Samstig gömer no uf Konstanz und am Sunntig gömer go Turte degustiere plus Tanzkurs au no am Sunntigabig.. Han gad froid, slaufed gad es paar Sache..