was isch de ou los, das da am Sunntig gchribe wird?
@Delfinchen: Browser version erneuere, de chasch närne ou direkt dri.
@fishy: Ou so schad! Hesch ne de gfragt, wies aube louft mit dene 2 Hochzyte? Oder wie guet oder ou nit, meh di ander Gsellschaft ghört? Kenne leider dOstschwiiz nit, cha dr aso nit häufe. Aber frag doch süsch mau es Touristikbüro ah, viellech chöi dr die häufe.
@lil: Was isch de mit öichem Datum passiert? Aso mir hei am Apero die Lüüt drbi wo mir wei drbi ha, oder us irgendam ne Grund müesse ilade, aber mir hei kenni "nume" Kirche gäst. Fändi das chli komisch. U am Obe hei mir nume e chline Kreis, aso würkli nume die, wo mir wei!
Lula: Mein Männe ha Wochenenddienst und die Kidis sind mit ihren Freunden draußen am am Schlitteln!! Bin also sozusagen Strohwitwe !! Das nächste Weekend gleich nochmal da mein GG dann mit seinen Freunden in der Fasnacht Bern unsicher macht und vom Freitag bis Sonntag unterwegs ist ! Dafür geh ich heute in einer Woche mit einer Freundin in nen Kurs, freue mich schon sehr darauf?!?
Also ihr Lieben genießt eure Zweisamkeit! Und lässt es euch gut gehen!
@fishy: oh hennä schad! I gloub das würd mi o chli störä, ömu wemä denä när würklech duurend überä Wäg louft. I weis haut nid wies i derä Location isch... Wenns gnue gross isch, für das dir würklech chli für öich chöit si, wärs vllt glich öpis? I würd ou mau fragä wie sie das de aubes machä...
@me: Mir si geschter im Parkhotel Guntä gsi ga Znachtässä und mir hets soooooooooo guet gfaue! Es wär mi absolut Troum, dr Garte isch wahnsinnig schön mit Palmä und erä Lounge direkt am See. Ds Ässä isch super gsi und dr Service het si Job ou guet gmacht. Aber mim GG gfaut die Inneri Engi besser... Er isch halt mega Musig-Freak und steit total uf dä Jazz-Chäller wo mir det chönntä mietä. Mir isch Musig ou sehr wichtig, aber Jazz isch öpis vom wenige wo sich mir absolut nid erschliesst... Klar würd när det üsi eigeti Musig loufä, aber dr Stil isch halt trotzdäm so (so schwäri dunkli Möbel mit dunkelrotä Polster...)! Das würd mini Freiheit bir Dekogstaltig scho gad mega ischränkä... Jetz hei mir mega ds Dilemma... Hei fasch es Gstürm becho ufem Heiwäg, das isch ja würklech nid dr Sinn vor Sach. Wahrschinlech blibt üs nüt angers übrig als witersuechä. I ha zwar när ds Parkhotel Guntä ou nümme so toll gfungä woni ir Bankettdokumentation ha gseh, dasmä nur "dezenti" Musig darf spielä und max. bis am halbi 1. Das entspricht scho ou nid minä Vorstelligä. Aber i wär halt sooooooooo gärn amnä See.
@fishy sinder denn a das datum bunde? chönder nöd datum wechsle? wer vilicht gschieder we mit ere andere hochzit zeme det fiiire...
@malinchen oh das kenni. mir hend nöd bi de location anderi vorstellige aber bi de ring... isch uu schwirig. vilicht findeder no e location wo eu beidi umhaut. und susch kompromiss iga wie immer im läbe....
jetzt gömmer am dunnstig ine bar wo eusi alleinunterhalteri spielt. ich ha lang gsuecht will ich kein dj ha wele. aber die meiste alleinunderhalter sind alti manne gsie. jetzt freu ich mich richtig uf sie. es isch e frau zwüsche 30 und 40 (nimm ich mal a) :) wenn sie guet isch buechemer sie grad.
@fishy: Jö, das isch de doof, usgrächnet! Und ds Datum verschiebe wär kei Option? Oder bedütets euch zvil bzw heitr schon zvil anders reserviert? (Sorry, ha amigs nid so dr Überblick, wär wie vil organisiert het) Mi persönlich würs zwar nid soo störe, wenn no es anders Fescht isch. Je nachdäm, wie sehr me vo nang mitbechunnt. Wed zB ihri Musik ghörsch zwüsche euchne Lieder, de würds scho chlei närve. Aber wenn me sich evtl "nur" mau übere Wäg lauft, odr eifach ufm Parkplatz Autos mit 2 verschidne Autoschleife stöh, isch doch nid soo tragisch. Aber klar, me wott natürlich "die einzigi" si, das verstohni scho oh!
@lilmonkeyme: Werum müesstr de es neus Datum sueche? Wägm Apero: Erscht heimr jo nur Locations gfunge, wo weniger als 100 Lüt Platz gha hätte, de hätte mrs halt igschränkt, aber jetzt heimr gnueg Platz und lade darum oh eifach alli i wo mr wette drbi ha. Lüt "nur" ad Trauig izlade fändi ehrlich gseit aber nid so toll. Das isch jo kei würklichi Iladig, wil die hei jo de nid mau richtig Glägeheit, zum gratuliere (macht me jo oft am erscht Apero) oder überhaupt churz mim Brutpaar zrede (finge, wenn me "iladet" sett me sich oh chönne es Minüteli odr zwe für alli Gäscht chönne Zit näh) Usserdäm hätt ig zB fascht chli sGfüehl, ig wurdi nume iglade, drmit d Chile schön voll isch. Was aber oh isch, mi Mueter het mr gseit, wenn mir i mim Dorf würde hürote, chäme aso oh vil Lüt id Chile, wo mr nid iglade hei, eifach wil si mi kenne und wei cho luege. De isches de wider öpis anders, wil die jo vo sich us chöme und ihne klar isch (oder sett si) as si nid as Apero choi cho, wil me das jo für ne bestimmti Azahl reserviert. Am Obe Heimr ursprünglich 60-65 Gäscht wöue, aber jetzt hani mau no mit üsne Müetere gred und de sis scho fasch eher 70. Glaub do müesse mr de nomau drüber, wil eigentlich wett ig niemer "müesse" ilade und vorallem niemert wo eine vo üs no nid mau kennt. Hätt nid dänkt, as es so chunnt, aber je nu, stresst mi eigetlich nonig so.
@Delphinchen: cooli Links, merci! Mir hei nis jetzt würklich für Pfauefädere entschide und Farbe wahrschinlich ds dunkle und ds hälle Blau wos ir Fädere het und de no so ne Chuprer/Messing-Ton drzue.
@malinchen: Aso so doofi Uflage vo wäge dezänti Musig etc würdi oh nid wöue! Aber dir finget sicher no öpis, wo euch bedne gfallt! Wär de dä Chäuer würklich so schlimm? Verstahni di richtig,as dir dä eifach hättet, wes de spot würd wärde oder wäret dir länger drin?
Delfinchen: Wooow, hammer Homepages! Mir gfallet diä blaue Torte meega guät! Sind total speziell und au chlii crazy. Will wer isst scho blaui Lebensmittel?? Gfallt mir!
Malinchen: Vo dä Laag her isch diä Location siicher traumhaft! Tönd jedefalls so! Aber wenn's nonig perfekt isch, lohnt es siich siicher Mol wiiterzluägä, I denk, giit no meh so schöni Örtli am See! Aber wenn meh sich ii was verguggt het, isch schwierig devo Abschied z'näh
Lilmonkeyme: Mir wend dass ali wo wend aah unser Apéro derfet choh. Bis jetzt rechnet mir mit öpä 200 Gäscht für's Apéro. Wönd aber, dass sich au d'Apéro-Gäscht ameldet. Do Summer-Ferii sind, chönt jo au viil Persone abwesend sii und da würdet mir sus niä erfahre. Am Obig rechnet mir mit ca. 65 Gäscht. Eiifach d'Lüüt wo uns noch sind, aber bii zweii eher grossä Familie chömet do ebe gliich no es paar zämä...
about me: Uns passt dä Tag eiifach am beschte, vo miim Bruäf her, vom Studium her vo allem. Drum haltet mir aah dem fest. Mir wönd eiifach ned verschiebe Dä Hoteldirektor het gsaiit, mir wäret wohl uf dä Terasse am Wellcome-Apéro und sii unä im Garte. Dört würdet mir enand gseh und au ghörä. Nachher sind mir scho in separate Rüüm und dezwische liiget zweii Gäng. Vo dem her nimm iich aah, dass meh diä andere ned bsunderlich guät ghört. I ha eiifach s'Gfühl, wenn ii nofröögä würd, saiit de doch sowiiso, es säg keii Problem. Will er dodurch viiil meh Geld bechunt... Bii total misstrauisch Und nur scho wenn ii denk, ii treff sii Mol ufem WC, fänd ii da total komisch!! Mir hend's zwor Mol provisorisch reserviert, suächät aber wirklich intensiv wiiter und hoffet, dass mir dert wiider absägä chönt... Trotzdem tuä ii eu mol d'Fotis ahänkä. Denn gsehnt ihr dä wunderschön Usblick und dä Saal!
Delfinchen: i werde demfall mol alli vorhergehende 90 siite läse! ier hend jo so fliessig gschriibe, chume jo gar nid no... Hihi
novia_mayo: hey so cool! Hendr scho a location und ds datum?
Squishy_fishly: danke!! Jo in as paaaar johr werdi das sicher mine enkel chöne verzelle... Hihi... Aber zerst denn mol mine chind! ;oD das mit de location isch würkli schwierig... Wüsst nid, was i wür mache... ;o/
Lilmonkeyme: danke dier! ;o) wieso hendr no keis datum? A was schiiterets? Hmmm... Nur chile und denn keis apero für die einte gäst isch schwierig, usser ier machend ds apero aswo anders!?
Malinchen: oh nei, das tuet mr leid... Aber viel glück uf dr wiitersuechi!!
Nisliker: wege de ring --> a was schiiterets denn? Verschiedeni vorstellige vo de farb? Mier hend üsi zum glück scho gfunde... Chönds aber leider no nid defintiv bstelle, do no keis datum feststoht! ;op
@miggi77 er het eifach en völlig andere gschmack als ich. ich het gern öpis schlichts, 1 farbigs und er möcht unbedingt nüd schlichts und bicolor... gfallt mer würkli überhaupt nöd. ha au scho versuchet en kompromiss zfinde aber er verstift sich uf en ring wo mir überhaupt nöd gfallt. er möcht de jetzt eifach unbedingt. ha es bild aghenkt...
Anmelden
!!
!
Er isch halt mega Musig-Freak und steit total uf dä Jazz-Chäller wo mir det chönntä mietä. Mir isch Musig ou sehr wichtig, aber Jazz isch öpis vom wenige wo sich mir absolut nid erschliesst... Klar würd när det üsi eigeti Musig loufä, aber dr Stil isch halt trotzdäm so (so schwäri dunkli Möbel mit dunkelrotä Polster...)! Das würd mini Freiheit bir Dekogstaltig scho gad mega ischränkä... 
Wahrschinlech blibt üs nüt angers übrig als witersuechä. I ha zwar när ds Parkhotel Guntä ou nümme so toll gfungä woni ir Bankettdokumentation ha gseh, dasmä nur "dezenti" Musig darf spielä und max. bis am halbi 1. Das entspricht scho ou nid minä Vorstelligä. Aber i wär halt sooooooooo gärn amnä See. 
) Mi persönlich würs zwar nid soo störe, wenn no es anders Fescht isch. Je nachdäm, wie sehr me vo nang mitbechunnt. Wed zB ihri Musik ghörsch zwüsche euchne Lieder, de würds scho chlei närve. Aber wenn me sich evtl "nur" mau übere Wäg lauft, odr eifach ufm Parkplatz Autos mit 2 verschidne Autoschleife stöh, isch doch nid soo tragisch. Aber klar, me wott natürlich "die einzigi" si, das verstohni scho oh!
und Farbe wahrschinlich ds dunkle und ds hälle Blau wos ir Fädere het und de no so ne Chuprer/Messing-Ton drzue.
Und nur scho wenn ii denk, ii treff sii Mol ufem WC, fänd ii da total komisch!! Mir hend's zwor Mol provisorisch reserviert, suächät aber wirklich intensiv wiiter und hoffet, dass mir dert wiider absägä chönt...