| Bräute 2014 |
|
|
1 .. 461 .. 920 921 922 923 924 .. 961 .. 997
|
|
|
|
|
20.05.14 18:14
Taeboyana 
|
Re: Bräute 2014
Hallo liebi Brütlis
Hui ig ha im Momänt eifach zviu ztüe im Büro u chume nümm zum Forum…
@weddingbee: Hui so gli scho bisch du dra! Has nümm im Griff gha wär die näxti isch… itz geits de gli Schlag uf Schlag und zack si aui verhüratet… Ig ha im Fau ou ds Gfüu mini HZ wärd nid haub so kreativ wie dr Räscht da inne… wett scho einiges versueche säuber zmache aber i gloub i bringe niemaus so schöni Sache häre wie angeri vo üs!
@Sue: Gseht ja vou easy us euchi to do Liste. Ig wett gärn ir IKEA so Cherzeglesli choufe und die de mit Serviettetechnik verziere, für uf d Stäge bim Igang vor Location, uf d Tische, dusse…
@Nala: Dini Hut nähmti ächt sofort! I bi äbe chli es Bleichs…brucht lang bisi bruun wirde und ha meistens ou nid dGeduud, stundelang ir Sunne zplegere… Aber wemer bi däm Thema si: ha jetz tatsächlech scho e Termin gmacht für das tanning für näxt Wuche! Ha gfunge de chani das mau usprobiere und am Fritig ire Wuche si mir ja amne Hochzit, de passt das gad. Het äbe e tanning lounge paar Dörfer witer vo üs wo würklech professionell usgseht und ha hüt mit dere telefoniert, isch u e nätti. Sie het gmeint mir tüeges de nid zstark dosiere, aber viu schief ga cha nid, me cha nid orange wärde oder so. Hihi bi so gspannt! E Ganzkörperbehandlig chostet gloub 60.- oder so, findi nid extrem. So und i 20 min heissts wieder uf Zähn bisse - waxing isch agseit…
Wünsche euch e schöne Abe, morn chumi öpe wieder nid zum schriebe…
Zuletzt bearbeitet am 20.05.14 18:16
|
|
|
|
|
|
20.05.14 22:27
laprincipessa
|
Re: Bräute 2014
Hallihallo
@lil.lian: aha alles klar jo s ischs natürli mega süess mitem händli hebe  mir händ ebe eh so chlini täschli för d’bluememeitlis dass si nur paar hämpfeli chönd ströie ;)) aber weiss au nonig ob das dänn so klappt öisi 5 sind: 10ni, 6i, 5i, 3 und 1 ¾ ;) merci för d link jo die site kenni.. bin halt widermol chli schwirig mit de farbe gäl :p jo mir tendieret wörkli au dezue am morge scho d’fotis z’mache.. muess nomol gnau öber d’büecher wie wo was gnau (öberforderet hiilfe!! :/) bisch du ned uf facebook? Has det ufeglade wasi in beromünster kauft – wennd ned uff b bisch schick dirs sust per PN oder lades do no ufe? bi ächt froh hani die sache erlediget was accessoirs betrifft.. zum thema kuoni schribi nacher no meh 
@broncos: danke förs komplimänt  jo das mit de clutch isch wörkli chli so en sach he :p weiss also au nonig wenni die dänn wörkli werde om mi ome ha oder ob si mir eifach immer öber wird noträge :p jo mir tendieret glaub wörkli au zo dem d’fotis vorher z’mache damit mir sicher gnueg zyt händ..
@malinchen: jo du bin froh und glich hani s’gfühl d’liste wird ned chliner.. :/ so öbis wie d’nala vorgschlage häd mit so laterne und de roseblätter fändi scho sehr schön  mol luege ob das umsetzbar isch  vore händ mir eifach so en tisch genau.. apropos pompoms: mini bstellte sind höt cho.. puh aber das git jo no es mega gebastel bis mer die vorbereitet häd ned?! Din ablauf dönt guet voll realistisch.. aber meinsch 30 min sind ned chli wenig för d’fötelis? Also do rächni scho mit 1,5 stund.. oh wäge paris dönt mega schön!  wär jo ganz geil wänner mol chöntet uf paris go läbe! =)
@sue: öisi obiglocation isch ebe nur 10 min vo de apérolocation entfernt :p mir müends no gnau aluege wiemers machet mitem fötele aber glaube mir teilets scho uf.. es jäggli hani bis jetzt nonig.. hoffe dasses gnueg warm isch :p am obig sindmer jo eh dinne und det wird’s jo eh ned chalt si ;) aber ev. luegi dänn am 28. Wenni de abstecktermin ha glich no.. mir händ 5-6 lieder ade trauig.. wow öiches bänkli isch jo en traum! =) wunderschön!  hey jetzt wos konkret wird mit thailand hani grad nomol dini tipps duregläse! =)))
@taeboyana: oh din bricht vom zivile dönt sooo schön! =) fröitmi händer so en lässige tag gha! =) mir ischs au so gange dassi as zivile gar nedso vil erwartige gha han und bin dänn so positiv öberrascht worde 
@pfingstrose. Hey cool wägem dj! =) und wie isch de tanzkurs gsi? 
@janedore: wow han grad gänsehut becho woni din bricht gläse han!!! Unglaublich schön!!! Fröitmi so fest, häsch so en PERFEKTE schönschti tag döfe erläbe und sinder so schön vo allne site öberrascht worde dönt ächt nach emene wunderschöne tag! =))) und öichi fötelis hani dir jo scho gschrebe sind eifach de hammer!!! Du häsch wunderschön usgseh!!! <3 wow wunderschön öichi torte! 
@nala: jo das mit de laterne hani au so öberleit 10 reihe und dänn eifach bi jedere 2. Je 2 also 10 stück.. oh ok super muessi demfall mol uf pinterest go luege  jo glaube s’wär scho weniger stressig en teil vo de fotis scho am morge z’mache.. mir sind am SA bim kuoni gsi und händ d’berotig super gfunde! Bin jetzt gspannt uf d’offerte!  schribe unde no meh dezue.. jöö dönt härzig mitem babysitte ;) aber es zuckerschläcke isches bestimmt ned ;) schöns ringschächteli! 
@weddingbee: uiuiu gli isches au bi dir sowit!! D’zyt lauft sooo schnäll!!
@ring: mir träged öisi ring jo sitem standesamt und händ si vorher au paar woche dihäi gha im nachttischli vom GG und händ aber nie angst gha wäge diebstahl oder so :p
@me: achtung lange egopost folgt.. am weekend ischs mir rächt guet gane wilmer so vil händ chönne erledige! Am SA sindmer is montana und händ s’menu besproche, wii usgwählt und d’torte besproch – chunt alles super  öises menu isch:
Montana Salat
***
Orecchiette mit Riesenkrevetten, Brokkoli und Tomaten
***
Black Angus Rindsfilet mit Waldpilzen,Tropeamousseline, Balsamico-Randen und Kefen
***
Quarkmousse mit Beeren, Zitronentarte und Erdbeer-Basilikumsorbet
Und spöter dänn d’Hochzytstorte 
Zum Dessert gits näbe Kaffi no Schnäps: Averna, Grappa und Limoncello
S’gspröch isch wörkli super gsi und d’bankettverantwortlichi häd öis no die geili lake view terrasse zeigt wow hammer s’isch so voll city beach mässig mit palme und am SA isch eifach s’perfekte wätter gsi genau so hettmers au gärn ;)) nacher sindmer no rasch is Hermitage go luege wo jo öisi Trauig stattfindet.. plötzli isch mir de platz sowas vo äng vorcho för so vil lüt! Uiuiu han angst dasses en mega ängi aglägeheit wird hey! 150 lüt ufenere wise wo 17,5 meter lang und 10 meter breit isch – rundum häds chies det chamer scho au no stüehl histelle aber wird scho voll äng ned? :/ man was hani mir do ibrockt mit dere trauig dusse.. :/ nacher sindmer uf aarau zruggdüset wilmer no de termin bi kuoni gha händ – händ en super nätti beroterin gha wo sich in thailand wörkli mega uskennt und häd öis super tipps gäh!
|
|
|
|
20.05.14 22:28
laprincipessa
|
Re: Bräute 2014
Do mir jo jetzt 3 woche id flitterwoche chönd wämer au chli go reise.. werdet wohl 2-3 täg bankok mache dänn en rundreis i norde mit elefante rite und orchideefarm aluege, choche mit de thais etc. voll geil häd alles dönt  dänn wördemer i süde abe no a 2 orte go schöni badeferie mache ev. krabi, koh lanta oder phuket irgendsowas – kuoni schickt öis jetzt mol en offerte die woche und dänn mol luege.. und verglichet dänn sicher no mit andere reisebüros.. händer no tipps mit reisebüros? Am sonntig sindmer dänn i öisi ersti tanzstund nach brugg (www.idance.ch ) de tanzlehrer isch so en witzige!  sini frau öbe 20 johr jünger (mindistens!) :p aber isch ächt cool gsi er häd super idee – er häd chli en schwule touch, was tänzer so a sich händ :p aber isch uh witzig gsi.. händ vorallem bachata güebt i öisere erste tanzstund (ich han jo lang salsa tanzt und isch daher nedso es problem för mi) mi GG häds super gmacht muess säge! De tanzlehrer häd ihn au mega globt! =) häd sogar ihm spass gmacht obwohler das scho eifach mir z’lieb macht das rächni ihm au höch a :p dänn häder nach de stund gseit so jetzt chönder grad no chli disco swing mitmache – (ok – mi GG häds avo aschisse wiler chopfweh gha häd – chlises quängelichind debi chaner jo froh si die stund hämer nämli wie gschänkt becho..) jedefalls hämer dänn so 5 min pause gmacht und die andere päärli sind cho wo teilsiws au för s’hochzyt stunde nähmet haha s’geilschte gsi..seit de eint so zo sinere fröndin: puh jetzt müendmer dänn chli gas gäh händ nur no 4 mönet zyt bis zum hochzyt! Mi GG häd sich fast verschluckt :p ich schleppe ihn arme tropf 7 woche vorem hochzyt no inen tanzkurs :p aber ich het das jo au gärn früener agfange… aber chunt scho. Mir werdets au niemerem verzelle, dassmer en tanz machet so à la s’häd leider nöme glanget und so.. und dänn weihemer sin brüeder irgendwie i und de trommlet dänn alli zäme und seit: ich weiss, ihr händ kei hochzytstanz welle mache aber zomene hochzyt ghört en tanz eifach dezue.. und mir so: nenei eh ned und so.. und dänn er: mol sicher und animiert alli dass alli rüefet tanze und so :p dänn chunt de GG so voll als wördsen mega aschisse .- nimmt mi ade hand und zerrt mi uf d’tanzflächi.. dänn tanzemer öbe 30 sek. Wie d’idiote so voll falsch und alli düend sich frömdschäme haha :p und dänn wächslet s’lied und mir legget los mit bachata hahaha und dänn nacher foht de GG no chli a mit ai se te pego und so und ich mache chli salsa lady style hihi – alles idee vom charly, öisem tanzlehrer  hoffe s’isch no umzsetze in so churzer zyt! Am So hämer die negst tanzstund und ich fröimi scho! =) am obig sindmer dänn no as clean bandit konzert gange uf züri – es isch soooooo de hammer gsi imfall eifach en riiise party händs mega gnosse und so richtig lustig gha  han dänn no gmeint en brut vom forum z’erkenke aber de woni gmeint han isches hani gfrogt isches ned gsi hehe :p wär jo au zuuu witzig gsi so vo de fötelis her :p
Gester isch dänn no mini eint brutungfere cho (si wo am standesamt und för d’iladige gfötelet häd und au s’brutshooting wird fötele  si sich jo au grafikertin und sowiso eifach mega begabt! Si häd voll nach mine wönsch tischchärtli und menus und tischnummere entworfe ganz geil!! =) lade dänn fötelis ufe wänn si fix sind  zwar bringtmer das geile mint / türkis ned wörkli uf papier müesstmer ganz speziell loh drucke loh und das chostet es vermöge.. aber s’isch jo dänn ned voll s’grelle liecht dass das mega uffallt dänki.. langsam nimmt öisi deko form a hihi  si häd mi dänn no brämst woni han welle en photo booth bstelle oder die vo de wedding bee abchaufe si häd gmeint so öbis brüchi ned sig scho organisiert hihi jöö so härzig mini mädels dänket eifach a alles!! =) <3 letschte SO händ si scho abgmacht wäge öbisem gheimem und am kommende SA gönd si go d’locations aluege hihi jöö  würd so gärn mit aber han 1. Eh plän und 2. Ischs jo stränggheim :p händs de ganz obig mega lustig gha si häd mi voll höchgno will ich so en perfektionist bin und so händ dänn bis am halbi 1 umeblödelet vowäge mir müend fast d’wänd no anderst striche im hotel damit dänn au alles passt und so haha han nöme chönne :p BRIDEZILLA ALARM hahaha :p dänn sind no paar vo mine bstellte sache cho – zum eine die pompoms: scheisse die gsehnd jo voll kompliziert us zum mache ! häd sust au no öber scho bstellt? Glaube du littlefoot gäl?? Und d’tortefigur isch au cho obwohl si ufem foti also scho bitz schöner usgseh häd.. und d’nastüechli sind cho för d’trauig  jetzt hani no folgendes uf minere to do list:
|
|
|
|
20.05.14 22:29
laprincipessa
|
Re: Bräute 2014
Endgültige tischordnung und sitzplan erstellen
Tischkarten und menus erstellen
Tischkartenhalter bestellen
Rosenblätter bestellen
Laternen suchen
Dekosand in mint und coral für sandzeremonie organisieren sowie vasen
Fächer bestellen (oder selber basteln? :p händ gester wie gseit chli en afall gha d’kollegin und ich :p)
Probetermin Make Up und Frisur abmachen
Allenfalls Tanzschuhe für am Abend bestellen (bruche eh nöi und het so de ganz obig mega bequemi schueh ;)
Wenni dänn alli deko han: probetisch mache
Organisiere dekoration trauung (wer macht das bi öich?)
Stühle für trauung für mich und GG organisieren mit hussen (restaurant anfragen)
Kiste cards basteln oder mieten (wer häd scho wider öber honeyhome gmietet? Isch das guet det?)
Genauer ablauf erstellen und entscheiden wegen fotos vor oder und nach der trauung
Lieder zusammenstellen band und playlist für während dem essen
Am 28.5. hani de termin mitem florist und am namitag dänn de abstecktermin
Am 5.6. genau 1 monet vorem HZ de termin mitem theolog (er isch super!! Er häd öis so tolli vorschläg gmailt s’wird mega schön und persönlich 
Ah und ich han nomol mega super news:  mi GG isch gester beförderet worde und führt ab juli es team vo 3 lüt!! =))) bin jo soooo stolz uf ihn! =) er häd sich de arsch ufgrisse i de letschte 2 johr und isch jetzt belohnt worde  d’konditione kennt er nonig aber lohnmässig wird sicher öbis ufe goh  fröimi mega för ihn und isch jo sehr passend jetzt womer so vil gäld usgäbet und au mit chinderplanig etc. 
So jetzt hani öich zuetextet SORRY zäme! Chan mi eifach ned churzfasse ich weiss! :p guetnacht zäme! Ich strohwitwe go jetzt go pfüsele min Ma  isch nämli in Amsterdam gschäftlich :p
|
|
|
|
21.05.14 07:44
lil.lian
|
Re: Bräute 2014
Nala
Joah scho rächt :) Und häsch was im do it gfunde?
Phuaaaa isch ja mega vill fürs ZSA!! Mier zahled dänn CHF 240.- im erste fürs Ehevorbereitigsgspräch und bim zweite chunt dänn Trauig, Uswärtigezueschlag und no öbis für Dokument däzue.. Warschindli chömemer dänn au uf de Betrag. 
Pfingsti
Joah sind no schöni Gläser! Gseht sicher super us mit em Spitzeband!! Was wetsch dänn mit dene Gläser mache, bzw. für was bruchsch es?
Lapricipiessa
Doch doch bin au uf FB. Has den nach mim Post gseh gha :) Gseht hübsch us din Schmuck..
Wow dönt guet mit dine Hochziitsvorbereitige!! Isch es den im Hermitage die ganz Wiise vornedrah?
Bin mit em GG vorletzt Jahr im Hermitage gsi.
Hihi die Bemerkig vo de andere, jez gahts nur no 4 Mönät, die händ ja no eeewig Ziit :)
Ah so kuuhl mit de Beförderig vom GG, gratuliere!!
Me
Bin ja gester i mis Chleid ineghüft. Han uu froid :)
Zersch hät sie öbe drü Mal gfrägt, öb mer würkli de graui Gürtel chan abschniide, will nachher chamern nüme verwende (er isch ebe hine agneiht). Bin den scho i de Kabine gsi und extra nomol use zum en aluege, den hani gseit ja definitiv.. Bin den is Chleid, am Afang häsch gad s'Gfühl phuu mega eng, abr sisch dänn gange. Aso ohni Gürtel gahts au guet, abr irgendwie isch es glich chli langwilig.. Bin jeze no chli am umeluege, öbi no en schöne Gürtel inere schöne Farb finde (littlefoot: vo wo häsch du dine?).
Han ja mal e Prob vo eim (de isch so , weis eifach nöd öbs zu sim Azug (grau) wür passe.. Han da de Link, d'Farb isch recht schwierig zum beschriebe: https://www.etsy.com/de/listing/160155668/bridal-sash-romantic-luxe-satin-ribbon?ref=favs_view_16
Vo de Grössi her passt s'Chleid guet, eifach obe isch es zgross und d'Längi stimmt hine und vorne nöd.. Was mich no gstört gha hät bim erste Mal, isch min Buch gsi, abr jez häts defintiv besser kaschiert, sisch au e Grössi chliner wie das wo ich probiert han. Han drum immer gfunde, ich bruch nöd e Korsage, sondern en Bodyshape :) da's jeze nöd mal so schlecht usgseh hät, tendieri eher uf e Korsage :) (han no minere TZ aglüte und gfunde, keis Wunder gsehts guet us, wenni drü Täg nüt meh gesse han, haha chämt den guet use am Hochziit). Ja und warm isch es gsi im Chleid, das hani scho unterschätzt, has ohni Unterrock agha.
Schmuck hani den au no aglueged, het öbis gseh für CHF 250.- (es Halschetteli). Finds abr scho chli tür.. Mal luege vilicht findi au no noimets öbis anders..
Und wege Schueh bini ja au no schnell go luege, han mer abr nöd so vill Ziit gnoh und gfunde hani nüt.
Und jaaa chan eu nöd miteme Föteli bediene. Wär au immer das Grücht id Welt gsetzt hät  . Wenn iher wännd, chani eis uf FB stelle, dete wo ichs kauft gha han.
Gester Abig hämer dänn ändli no eusi Apéro-Iladige fertig gmacht und bstellt.. Wär das au erledigt..
Und hüt hämer no 3 Mönät bis zum zivile und 101 Täg bis zum Fäsch  .
Wünsch eu en guete Start in Tag :)
|
|
|
|
|
|
21.05.14 08:48
Taeboyana
|
Re: Bräute 2014
Guete Morge
I nütze itz no schnäu d Zit bevor mi Meeting-Marathon wieder witergeit...
@Pfingsti: Ganz härzigi Idee mit de Glesli, findi u schön. Chöme die ufd Tische? Mir mache äuä o nid e riesigi Deko füre Gschänktisch, eifach mis aute Läderköfferli mitem Cards-Banner (hani scho und chönnti eigentlech gli mau teste wies usgseht), vielech no üsi LOVE-Kartonbuechstabe (mir hei settegi im Schlafzimmer ufere Kommode u sogar i üsne Farbe ).
@Sue: Nei das Biud existiert ersch i mim Chopf  Aber wett so die ganz eifach chline Cherzeglesli u när mit rote (natürlech  ) und wiisse Serviette bechläbe, de schimmeret när ds Cherzli düre. Isch nid sehr speziell oder kreativ, drfür ou ke auzu grossi Büetz. U de vielech obe ou no sones Spitzebändeli drum.
Oh du Armi, hoffe du fingsch gli d Energie wieder bi däm schöne Wätter.
@lil.lian: Unbedingt Foto! I ha ou bi mim Chleid bim drischlüpfe zGfüu gha, es sig gad rächt äng, aber das si gloub eifach die Stäbli wo bi mir dinne si. Oder i mues eifach luege dass mi Buuch no chli flacher wird bis im Ougust 
@Principessa: Hey dir sit vou dranne, super! I dänke das packsch du no guet was no uf eurer Lischte isch. So cool mitem Tanz!
@me: GG het soooooo cooli Idee gfunge uf etsy für Gastgschänk: https://www.etsy.com/de/listing/17638675...ew_type=gallery oder
https://www.etsy.com/de/listing/18410690...g-shop-header-0
Me cha dert us ganz verschiedne Gschmäcker uswähle (Sösseli, Marinade, Salz mit verschiedene Gschmäcker) und när d Etikette personalisiere. Und isch z.T. nid mau so tüür! Und es passt perfekt zu üs wüu GG ja Choch isch ursprünglech und üse Grillsmoker sis grosse Hobby isch  . I gloub die bsteue mer gli. Am meiste Fröid hani dass är vo ganz elei uf das cho isch und finde sini Idee eifach dr Hammer .
De heimer aber am Mänti no chli e Dämpfer gha beträffend Blueme. Si ja vor 2 Wuche mit mire Kollegin zämeghocket und sie het üs de e neui Offerte gmacht. Hei scho paar zuesätzlechi Pöste drufgnoh, z.B. Astecker für mi Papi, für d Bluemeching no öpis... aber das isch nid gross iz Gäud gfaue. Aber die ganzi Offerte isch rund 500.- meh as die 1. Itz hani gester es Mail gschriebe dass mir würklech max. 1200.- wett usgäh (lieber eigentlech weniger) und bi verschiedne Pöste nachegfragt, wieme die chönnt "abspäcke"...  Vor auem d Tischgsteck findi ztür mit 90.-/Tisch... I hoffe, mir finde da irgendwo e Kompromiss, ohni dasses de zu dürftig usgseht.
|
|
|
|
21.05.14 09:28
littlefoot
|
Re: Bräute 2014
he ladies :)
bechume wieder keni mails ...?
taeboyana: aso ich finde nid dass nid kreativ bisch, mit dene windliechtli tönt doch das super :)
oh das isch aber krass, 500.- me ..? ou musch denn unbedingt verzelle vom tanning :)
sue: oje armi 
squishy: bitte bitte .) bi immer froh weni cha gueti tipps ge :) sett glaub würkli was mache i dere richtig hahaha :)
pfingsti: yeah super bastel power, hammer die gläsli !
principessa: wow nei das tönt ja echt mega cool mitem tanz ! het au gern so öpis gmacht finde das echt toll ! honeymoon tönt aso au super ! es gat grad chli was i deko Sache bi dir, bi gspannt uf fotis .)
hach Luzern isch doch sowieso eifach so schön vor allem det am see.
ich han nur sidepapier bstellt, aso ich muss zuesätzlich no falte und zämebinde. isch nid schwer aber bin au nid grad motiviert momentan mit dene Pompons
jö dini TZ sind ja super ! so guet.
gratuilierä dim GG wegem Job.
lilian: oooh neee kes foteli. schade das isch denn cool dass e corsage längt, i dem shape züg schwitzisch doch no meh...min gürtel han ich mal einere da ine abkauft aber s band isch ja ebe orange lachs und nid peach. drum nehmemer das bling bling züg weg, aso das het d Beraterin im Domino scho agfange, het abernid fertig möge. und da ich ja peach und mit bänder für d läufer bstellt han, hani etz eifach es stuck vom mintfarbene abgno. isch öpe die glich breiti. de nähi das bling bling züg wieder a. etsy het susch würkli au tolli gürt...
250.- findi aso au chli tür aber chames denn susch au wieder alegge ? wienachte und so ?
me: ich bin so unmotiviert aber sött no x Sache mache, Pompons bastle, Vase dekoriere, glitzer buechstabe...oh und es sind nur no 37 täg.
und GG und ich tönd eus eifach schwer es Hotel in Istanbul z bueche. lueged immer wieder aber denn schissts denn eine a nach ere gwüsse zit und denn höremer..de seit GG buech eifach öpis, aber das isch denn au schwer will ich weissweles Hotel er würd welle...hmmm
weiss au nid warum ich sone durchänger ha, es freued sich so all uf das fescht, eis tanti heb sich scho x Sache kauft und sig nie zfride, s grosmami vom GG het träne gha am Weekend i de auge wo sie devo gredt het..so herzig. aber irgendwie magi eifach grad nüm so wie au scho. muss wohl normal si.
ah und öpis isch u herzig. GG isch mit 20 uf dränge vo sinere cousine uf santa Barbara...s Geld het ihm s riche model cousinli usglehnt. es belastet ihn u dass ers nie zrugg ge het chöne bis jetzt. er wett ab negst jahr e ratezahlig mache. etz verzellt mer sis omi, wo ihn ja ufzoge het, dass all bscheid wüssed und mirs nid dörfed säge aber sie hets ihre abzahlt !! sit vier jahr ! heftig oder ? im September isch sie fertig und denn dörfs GG erfahre. ha zwar müeh n¨t z säge aber wird echt super :) isch ja nid grad wenig gsi, um die 12 000.- ! und er seit immer vom grosmami chäm eh nid vill am hochzit,sie tut ja immer all grosschind glich behandle usw..deby sig er doch chli me als die andere. er wird auge mache ich sägs eu.
|
|
|
|
|
|
1 .. 461 .. 920 921 922 923 924 .. 961 .. 997
|
Anmelden
