guete morge allersiits!

@sue: hm het den das platz ka vom volume här, die schalenen nähme jo doch rächt platz ii und s wasser vo no drzue kunnt?
du armi, ich wär au k.o. nach 12h schaffe vorallem no bi däm wättr

@littlefoot: i ha au no kei ahnig wie/wo mir das mitem photobooth mache. mini tz meint besser am apero und ich und gg tendiere zum obig, wobi mir ihri argumänt für e apero teilet.. hmmm..

@squishy: hihi jo für wiisi kleider isch mi "teint" super, übrhaupt für kleider, es git eigelti kuum e fabr wo mir nid stoht aber drfür susch isches vorallem idr schwiiz nid immer eifach nid wiis zsi, aber das isch e anderi gschicht
jo i find s ZSA wirkli mega tüür und mir maches i unserem bezirk, aso kömme nid no spezielli koste drzue. gg het gescht schön auge gmacht wo är d rächnig gseh het.
cool hesch en ahänger gfunde haha lerne.. ich hogg grad idr uni-bib, und bi nuuur am forümle sit ii do bi

@taeboyana: coool wägem tanning! nimmt mi scho wunder ob das klappt :D ich seh immer nur die szene vo bridewars vor mir wo si dunkelornage us dr kabine kunnt abr das isch jo zum glück nur hollywood

@pfingsti: für was bruchsch die gläsli den? as windliechtli odr für öbis anders?

@prinicpessa: mi vrputzt jetzt den wirkli fascht: i ha au gluegt für de hz-tanz im i-dance z brugg mache (mir studiere jo beidi dört) aber do mirs nid so choreo mässig wän, ischs den nid in frog ko.. aber tönt super bi euch!
wäg de latärne, i ha gescht im migros latärne in mint gseh, ha si extra gfötelet, schicks dr nochär per pn!
isch aber wirkli mega viil gange das wucheänd bi dir! sehsch kunnt scho guet, hoff hesch di widr chli könne beruhige :) gratulier dim gg au no zur beförderig!

@lil.lian: neiii ha nüd gfunde im do-it bzw im obi. mues glaub in e jumbo oder coop do-it. nur wandtafele farb hani kauft, ez bruchi no e tolle rahme für s chalkboard für s gästebuech und am apero fürs fingerprint.
schön hets dir passt im kleid :) aber du, für was wotsch ez du en bodyshape? bisch doch super vo de figur här! bini froh tendiersch ez eher zur korsage, aber das git den imfall au no chli zuesätzlig warm

@littelfoot: wen so kei lust hesch die pompoms z mache, bstell doch uf etsy, dört wo janedoe (und ich au) bstellt hän. i find vom priis här ischs fair und bi mir hets ez 2 wuche brucht vo bstellig bis akunft. weiss scho isch au widr gäld, aber wen total unmotiviert bisch lohnts sichs evtl.
voll härzig vo dim gg sim grossi!

@me: hüt imene monet bini offiziell vrhürotet isch voll s komische gfühl das ich nur no 30dag lang d frau blabla bi und nochär heissi eifach andersch :( macht mi scho biz truurig, vorallem het gescht mim bredr sini fründin uf fb gschriebe im bezug uf es bild wo MB druf gstande isch, das das ihri initiale sin wen si den vrhürotet sin. de hani grad dänkt bähhhh das isch doch mi name nid ihre
meh merkts i freu mi gar nid druf mi name abzgäh, machs au nur wil ich möcht das mir as familie all glich heisse.
Abr i freu mi total druf mim gg sini frau z wärde.. huiii nur no e monet

nala: aber d pompoms vo etsy sind ja eifach no zum usenand ne, oder ? s falte findi nid so schlimm eigetli :)

ah das mitem name verstani irgendwie. mir isch es eigetli glich aber komisch findis au. für mich isch es toll de name vo de familie vom GG azne. sie sind echt super.

Hey zämä!

I mues i paar Minute id Vorläsig, aber wott glich churz chli mi Sänf drzue gäh. Villicht chani när de no meh schribä.

@littefoot: I kennä das Motivationstöif seeeehr guet! Mir geits genau glich im Moment. Aui fröie sich mega ufds Hochzyt, d TZ si hennä engagiert u mega intensiv am Vorbereite und ig finde nid mal d Motivation am Pfarrer es Mail z schribe. Aber i gloub das isch ou chli, wöu mir üs jetz scho so lang mit au däm beschäftige und jetz halt langsam chli usbrönnt si für das Thema. Das chunnt de scho wieder!

@principessa: Ja das git sicher no mega z düe die pompoms när usenand z zupfe. Aber i ha scho Hilf agforderet bi GG's Mami und dr Fründin vo GG's Brüetsch. Allei würdi das gloub de ou nid schaffe! Mir hei eigetlech drum gar keine so gstelltä Föteli wöuä mache. Mir hei üs när vor Andrea lah überzüge, dass es doch no schön wär so paar Bilder am See z mache wenn d Sunne unter geit. Gruppe-Fotos mit de Gäst wei mir überhoupt keini mache. Drum hei mir nur 30 Minute iplant für das... Süsch wärs sicher z churz, da hesch du rächt! Tönt ja mega cool mitem Tanzkurs, haha! Ha gad so voll ds Klische-Bild vomnä Tanzlehrer vor Auge.

@nala: oooh, i verstah di guet wägem Name. Isch scho es mega Dilemma. I ha mi ja drgägä entschiede u mi Name bhalte. Aber weni so dra dänke wies de isch we mir Chind hei dänki mängisch glich i hätt ne söue anäh. I gloub i maches de eifach so, dassi bim Pass dr Alianzname (miName-GGName) dri due.

@me: I möcht no Sirup mache für am Hochzyt da mir de Gäst nur Wasser abiete zum trinke näbä O-Saft und alkoholische Sache. Hättet dir mir Tips? Möcht chli öpis speziells mache. Also Holunder machi sicher, wöu das üse liebst Sirup isch und mini Eltere mega viu im Garte hei. Aber möcht no 2-3 anderi Sorte mache...

@sue: merci für e tipp, ich has ebe bim probedurchlauf sträng nach rezäpt gmacht, wär mir so gar nid in sinn ko! danke, machs dämfall glaub au so!
mir bruche d pompos zum dekoriere vo dr candybar. ez hani no dänkt i bstell vilicht no e paar meh für de apero so zwüsche de platte z dekoriere. mol luege.
jo ich bi den au zerstmol en outsider, mini schwöstr wird zimli sicher no lang nid hürote und susch hani männlichi vrwandt plus e cousine wo chi s gen zur alte jungfere het ( i weiss isch bös, abr si isch scho 45 und benimmt sich no wie 16, bis si is hürotfähige alter kunnt isch si öpe 70 )

@malichen: ah jo stimmt du hesch de name bhalte! i machs ganz ehrliggseti nur de eifachheit halbr
findi e cooli idee mitem sirup! ich lieb näb holunder no sälbrgmachte himbeer-sirup. imene bettybossi hani mol no es rezäpt für mango odr maracuja gseh, so öbis exotisch hän d lüt evtl au no gärn..

@weddingbee: jöööh so härzig wie du vo de blueme vrzellsch! gseeehsch s wird alles suuuupi duuupi!
mega cool vo dinere TZ, isch wohl gedankeübrtragig gsi!
und mach dir no keini sorge wägem wättr.. es goht doch no 10dag, das ka sich bis den no 10mol ändere

@littlefoot: jep meh mues si no usenandr näh.. guet wen di s unsenand näh aschisst macht das kei sinn die zbstelle. mich hets ebe chli ahgurkt die z falte
es ka scho si dasi au nid so lust uf dr neu name ha wil ich grad chli mieh ha mit gg's familie.. kei ahnig.. isch eh egal, do muesi jetzt dure

@fara: ha vorhär gseh bisch online gsi! wie gohts dir????

Ladiis ich han wieder mal überhaupt kei Zit, aber wet schnell min Senf zum Sirup gä

Also mis Grosmami macht amigs Münzesirup, de isch soooo fein und ich han letschti probiert de selber z mache und isch also super usecho und u eifach

@lil.lian: merci für d pn :)
ah jo i dämfall hesch vilicht wirkli du en persönliche komplex wägem buuch… bruuchsch aber nid, ich ha aso am träff gfunde das du e super figur inkl. super buuch hesch
hach das bh-problem.. i ha au scho de zweit ez kauft für untrs kleid, aber glaub bi däm bliebi ez. vom intimissimi (ka grad kei foti sueche, susch luegt mi bibliotheks-nochber de blöd ^^) är isch us spitze und het untr de cüpli no paar cm meh an stoff as normali bh's vo däm här stützt är no guet. träger könnt meh au ah mache, d.h. i ka en nachem hz no bruche

@janedoe: okeee den diemer das vilicht au nid abtrenne sondern eifach im ecke vom ruum ufstelle. de priis vo de torte isch jo de hammer gsi! klar transport halt, aber dä kasch nid umgo.. das het sich ächt glohnt mit dr törtlifee
jööö mega härzig vom gschäft und de kunde au aber dini tolli mitarbeiterin ka meh wohl ächt rauche! tzzz.. si isch jo nüm lang drbi odr? aber ans hz isch si hoffi aber scho nid ko, das wär jo super fräch!