weddingbee
Verstah das voll mitem Chleid. Ich han alles glöscht will ichs suscht überall umezeiget hett. das söll ja au nöd si s Modell heschmer gschickt, oooooooooooft sogar, haha... Aber ich hett de scho no gern eis mit dier drin :)

lil.lian
d Torteplatte hani chönne vo de Törtlifee uslehne. Also die wo d Torte drufstaht und die wo d Cakepops drufestönd. Denn hemmer i Gläser
-Vanille-Caramel
-suuri Pilz in peach und rosa
-Fruchtkracher in peach
-Mandle in wiss und rosa
-Caramelkugle in wiss
-roti Gummischlange mit dem wisse Züüg dinne
-Härzli Marshmallows und normali Marshmallows in rosa und wiss
-Härzligummis
-Meringues in rosa und wiss
-Cakepops
-Cupcakes
-Hochziitstorte
-San Bitter
-Pina Colada Shots
und das i de Dose sind Hugos usem Aldi. hend en mega hübschi Verpackig findi, mit mintfarbe :D

Sue
Nei er isch de nöd cho. Er hett vo Dütschland müesse cho und sig erst am Samschtig Abig am 6i verwachet. Naja, ich a sinere Stell hett mi is Auto gsetzt aber janu.

Pfingstrose
Hahaha wüüüüüürmiiii! Nei im ernst, freued eu eifach!!

malinchen
Nude isch doch super. Aber er sött vielleicht nochli meh decke? Ich ha ez mega freud a de Farb vo mine Nägel... isch so peachrosa, mer gsehts nid so guet, haha, hani geschter gschnell gmacht. Das würd aber wahrschinli nöd zum glitzer passe bi dier wegem rot:
Oder wie wärs suscht mit some cappucchino oder so?

Datei-Anhänge

10356280_10203901663447061_6607767310071377697_n.jpg (48x) Mime-Type: image/jpeg, 67 kB

@jane: ui, dini nägeli sind aber schöööön

Ladiies, sorry ich mag grad ned uf die ganze 10 Site woni verpasst han iga

Malinchen: Ich schick der s Rezept hüt Abig... Bin gspannt wiene findsch... Und das weg Paris findi u lässig, wär doch würklich cool, wenn das klapp wür

lilian: Die Idee mit em Reisefüehrer isch brilliant, dasi da selber noni druf cho bin Merci viil mal

Pfingstrose: Danke du Stresschopf aber ich han mir vorgnah, dass ich mich dur nix meh stresse lah, da mir all grosse Pünkt hend und dases jetzt nur no Chlinigkeite sind, falls was fehlt... So what!... Hahah, mal luege wie lang mit Vorsatz hebt

Me: Es isch super gsi am Samstig. Bin also grad chli nervös worde, woni mit GG, Pfarrer, TM/TZ und Fotograf ide Kapelle gstande bin und mir de Ablauf besproche hend. Es isch den irgendwie so real worde ... Aber irgendwie bini jetzt voll beruhigt, dass alles guet chunt. Mir hend so viel Sache chönne bespreche au no bide Abiglocation. Da mir suscht recht en frei Trauuig (für das, dass si katholisch isch) hend, also zb kei Trauspruch, kei Lieder wo alli mitsinged, TZ wo üs öppis mit uf de Weg gend etc het de Pfarrer gfunde er würdi s Ehegelübde traditionel eifach mit JA halte und ohni Eheverspreche. Mir hend den beid gfunde, dass das für üs passt. Ev. sägemer den am Abig no öppis zunenand. Und ich bin ehrlich gseit froh, dasi keis mache muess, ich het neb mim wortgwandte GG e schlechti falle gmacht. Leider passed d Husse vode Teaboyana ned über d Stüehl ide Kapelle, aber mir dörfed d Kapelle scho am Abig vorher dekoriere. Denn nimi eifach Stüehl vo mine Eltere dihei mit für de GG und mich. Aber zum Glück hemer s testet, suscht heti den scho die ersti Krise gha am Fritig Abig De Pfarrer het den au no gfunde, das er kei Chilebüechli mache wür, das bringi nur Unrueh bide Lüt, wills es den ide Hand hend und wenig Lüt dägeds während de Trauuig lese. Hemer den es guets Argument gfunde und somit isch en Punkt uf de to do list schnell erledigt gsi
Da no zwei Hiwis wo vilicht für suscht öpper no chönt nützlich si:
-Mir hend gmerkt, dass mer bide Aperolocation unbedingt de Weg zude WCs aschriebe müend, die gfindet d Lüt sucht i dene viele Chlostergäng ned. Villicht isch das ja au no bi öpperem vo üch so
- Bi üs lised mini Cousine und Cousin d Fürbitte vor und ich han vom Pfarrer u passendi becho. Also falls suscht no öpper Fürbitte brucht, chani sie gern schicke.

Was jetzt no uf de To do Liste isch:
- TANZ endlich üebe
- chlineri Dekosache (Charteherzli, Ständer für d Tisch"nummere", vereinzelti Sache für d Tischdeko)
- Roseblätter bstelle
- Chleid abhole (am Samstig)
- ev. Gastgschenk
- Schmuck bstelle (hani scho usgwählt)
- überraschig für min GG am Abig überlege (han mi immer noni entschiede, öbi singe söll oder ned und kei Ahnig wasi suscht chönt mache)
- ev. d Bluemechörbli no biz schmücke

Han grad echt es guets gfühl, es isch ja würklich nüm so viel und mir hend immerhin no 23 Täg

Sorry, isch wieder mal e riise egopost worde, aber vilicht schaffis ja ide nächste Täg mal mit üch mitzhalte