Pfingstrose: Mues ich dir jetzt eifach mal säge: du bisch die best!! Ich weiss genau wieso du als Bloggerin usgsuecht worde bisch. Weiss au ned gnau wien das formuliere söll, aber du hesch sone super Art zum dich usdrucke! Wenn ich amigs anere andere Brut Feedback gibe, isch es gfühlt imme super, wow, so schön. Will ich s au würklich schön finde, aber mit dem cha sie ja ned würklich viel afange (wobi bestätigung tuet amigs au guet ). Aber wenn du öppis schribsch, denn isch irgendwie amigs meh dehinder und sogar wenn du öppis ned schön findsch chunt öppis kreativs zrugg. Also echt respekt! Weiss ned wie du das machsch...
Weg em Tanz, mir hend vor es paar Jahr mal 3 Tanzkürs gmacht (han immer gseit, dass er mir gar kei Atrag mache muess, bevor mir ned en Tanzkurs bsuecht hend), vo dem her chömer eigentlich relativ guet tanze (es gseht uf jede Fall nach öppis us), aber mir müessted üs jetzt mal entscheide was mer würklich wend. Mir ändered irgendwie immer wieder d Meinig weg de Tanzrichtig und em Lied. Und es paar mal weti den scho dihei güebt ha zu dem Lied...
Weg em singe, ich bin jetzt ebe au ned die wahnsins Sängerin wo all findet wow. Aber ich han lang imene Chor gsunge und sött d Tön eigentlich scho einigermasse treffe. Aber weni den no nervös bin und so, ich weiss ned... Und den chani mi au ned richtig entscheide, weles Lied. Ei möglichkeit wär das http://www.youtube.com/watch?v=c0f5g18EbG4 , das hemer ebe bim zivile laufe la und bis jetzt noni bim chirchliche integriert, aber es isch halt zimlich schwer zum singe... und eigentlich möchti, das mich min Daddy uf de Gitare begleited, aber denn müesti halt au no es paar mal zu mine Eltere, damit mer übe chönted... Ach ich weiss eifach ned
Du bisch ja echt au super drin im Zitplan und ja das chrimschrams züg hani natürli au no Weg em Wii, das sött doch defnitiv günstiger ga. Han grad mal nachegluegt, bi üs chosted de Wiswii 22.50 und de Rotwi 26 (sind aber nume 50cl Fläsche) und mir hends also probiert und sie sind sehr fein
Viil spass bim Probemakup/Frisur, bin den scho uf Föteli gspannt... (und ganz gemein mit em Chueche, ich bin doch immer no i mim Süessigkeitefreie Monet)
Broncos: Chasch verbie cho und au es Stuck hole! Mit Rhabarbere... Ich liebs!
Jö, das isch mega nett gschriebe vor dir. Isch lustig, ich dänkes mer nämlich immer, wie sölli das schriebe, dass es nöd eifach so ala alles isch super bi eu bzw. isch nöd guet schriebe. Sondern chli d Meinig... Den denki mengsmal, hm isch das nötig bin ja nöd so direkt gfröged worde. Aber isch lieb vo dir und würklich nett zum ghöre.
Den isch ja guet mit em Tanz! Häsch den scho öpis im Sinn vom Stil her?
Wegem Singe findis meeega muetig und wenn du dich getrausch den machs! Isch doch speziell... Also ich chans nöd und mini Stimm würd a dem Tag glaub komplett versäge. Also NEI! :)
Puah, da hend ihr en super Priis für d Wii... Euse Wiiswii chosted 40 CHF de Rot werded mir nieeee mals unter 50 cho... Haha! Aber 100 musser au nöd gad sie... Euses Resti isch hald dete eher türer und het würklich nur Wii mit "Näme". Wo mir nöd wichtig wer aber s super Ässe mit sich bringt. Mir werdet schono öpis priiswerters finde...
malinchen: tönt doch super dini ideene .) finds en gueti idee mitem nagellack drunder, capuccino tönt guet :)
jane: schöni negeli..was wurschtfinger, nüüüt da :)
broncos: wow super mit dem chile ablauf. wär was für mich uuh singe wie schön. hani au mal welle aber de hetti 6 monet lang müsse en kurs ne..aber glaubs mini Tz singt imfall vill isch es würkli nüm, und doch no 23 täg .) uuuh am samstoig gasch es go hole, DIS chleid..wuhu freu mi uf fotis. finde aber nid dass du ke konstruktivi posts machsch und au nid immer nur schön wow... :)
pfingsti: cha mi de broncos nur aschlüsse, dini erfrischend art z schribe het üs aso scho gfehlt :) ihr hend ja gar nüm vill zum mache! isch doch perfekt. aber de wi isch mega tür allerdings...findet sicher en günstigere :) ou de freui mi aso au ufs foti vom probe termin .)
No e chlini Frag a alli - Hendir all vor de Chile oder vor em Standesamt irgend was wo uf d Hochziit hiedüted?! Wegwiiser, Ballön... Ich han ebe meeega cooli Windreder gseh wo's bi eusem ZSA id Wiise gsteckt hend aber ich find Nierensteine söttis. :(
Pfingsti: nei det nöd. Dörftemer au nid denki. Aber vor de location hends öpis organisiert mini lüt Was weissi aber nid. Häsch es foti vo dene windräder?
@lil.lian: dankeschön  s’isch im hermitage eifach de seegarte – er isch ebe ned sooo gross d’wise isch 17,5 meter lang und 10 meter breit und rundume häds en chieswäg wo öbe 2 meter breit isch.. det chöntmer scho au no stüehl drufstelle uf de site.. aber han eifach chlil schiss dasses bitz es zämegepflümel wird.. hehe gäl no 4 mönet du weisch wie froh wäri? :p danke vilmol  dis chleid stoht dir wie gseit suuuper! =) finde s’görteli sehr schön uf etsy wörd glaub guet passe!
@sue: merci för de tipp.. mir sind glaub eifach nedso spontani was das abelangt.. händ jetzt d’offerte becho – 12000.- !!! die spinnet doch :p gönd glaub mol no is dütsche go luege :p oder muessmer mit dem rächne för 3 woche thailand? D’reis wörd so usgseh: zerst en 6 tägigi reis in norde (privati rundreis mit privatem chauffeur) vo chiang mai nach bankok dänn 3 täg bankok, dänn 5 täg krabi (hotel centara grand krabi) und dänn 5 täg i sonere private pool villa in koh lanta (hotel pimalai) insgesamt 20 täg – hmm was meint de thai profi??
@flittis: döfi froge was ihr so zahlet för d’flitterwoche?
@taeboyana: danke för d’motivation! ;) oh cooli idee vo dim GG und wow bravo sälber go idee sammle ganz geil! =) hmm müehsam wäg de blueme! Ich go am 28. zum florist – nimmt mi dänn wunder wie das prislich usgseht :/
@littlefoot: jo bi froh goht ändli öis hey isch jo au zyt worde :p wie vil vorher machsch dänn die pompoms? Hmm verstoh di sooo guet de durchhenger hani au wili eifach sooo gstresst bin! All rundume fröiet sich soo und hälfet und machet und düend und ich bin eifach nur gstresst :p hoffe das änderet mol no vorem hochzyt! Jöö isch dänn härzig vo sim omi ! es wunderschöns gschänk!!! Findes au meeeega toll wiemer enand chönd unterstötze und hälfe!  was för en sharing thread? Hani glaub verpasst :p aber dönt super! ;)
@nala: haha wennmder jetzt auno glich wördet usgsh chöntmer meine mir sind heimlichi zwilling oder so :p ächt witzig :p ich has imfall au nedso choreomässig welle zerst aber jetzt findis glich no cool :p danke nomol förs foti bi no i de migros gsi aer isch weniger min gschmack gsi und wet ebe lieber wissi han dir jo im fb no öbis gschickt us de ikea ;) wer weiss ev. chöntemer öis jo d’laterne zämechaufe falls du glich vil bruchsch und dir die au gfalle wördet ;) bin no bitz am werweise wäg de roseblätter – han uf etsy schöni gseh in lachs, peach und elfebei fändi no schön: https://www.etsy.com/de/listing/16098887...achs-microfiber aber weiss ned obs mit künstliche blueme au so schön usgseht? Was meinsch? Und vorallem wievil blüete bruchtmer do öbe?? Jöö du bisch härzig mit dinere namenskrise ;) isch dim gg sin name sprich din nöie name dänn so schlimm? ;) oder hängts eher mit de schwirige family zäme? Ich han eigentli rächt fröid a mim nöie name ;) aber närve mi eifach dasses niemer chan usspräche obwohls so en eifache italienische name isch wo jede chan!
@malinchen: und wie vil vorher machsch dnn die pompoms damit si schön blibet? Und mit was machet ihr si a? mit so fädeli oder wie? Ah alles klar wäg de fotos ;) haha jo ächt voll klische de tänzer :p haha ich han au scho sooo vil HZ alptröim gha ganz schlimm :p cha jo nur besser cho! De geilscht trau misch de gsi wo de GG in jeans und shirt vore uf mi gwartet häd haha wenn blicke töten könnten :p er isch fast abe wonis ihm am letschte tag verzellt han ! :p isch wohl gsi wiler sich so wenig interessiert und igsetzt häd :p
@weddingbee: wow das dönt jo mega hey hammer wäg de blueme!!  isch das eigentli üblich das de florist quasi en entwurf macht zum luege obs eim gfallt? Macht mine das ächt au? : ) wär voll cool! ;) hmm hoffe fest s’wätter wird no besser för am 31.5.!! ich wär aber gnau glich scho 10 täg vorher am luege und hypere :p hahaha en broccoli im steamer!!! Ich cha nöme *tränenlach* :p ui nei du mir gohts sicher au so bin so temperaturempfindlich :p hey mega schöön die girlande
@janedore: hehe ich wär gärn so relaxed wie du aber keis wunder nch sonere traumhochzyt ;) hehe gäl s’menu dönt voll fein? ;) häsch du au pompoms sälber gmacht? Haha puuri iversucht das mit de esotheriktante! :p bi öis heissts dass mer bis 28 stund vorher d menuazahl muess duregäh und die wird dänn au verrächnet… OMG!! Gottseidank händer gwächslet!!!
@fanny: was suechsch dänn? Ich het nachem hochzyt sörnigi zum verchaufe (mit passendem stirnband oder mer chas au als hoorgummi bruche.. siehe bild im anhang) die häd mini schwigermuetter in spe gfunde sind no härzig gäl?  meh als 2 hämpfeli blüemli händ aber ned platz isch scho eher zum härzig si :p wie alt sind dini bluememeitils?
@lasposaforma: also mir händ de apero imene edle resti grad am see in luzern und zahlet pro person mit getränk öbe 50.- händ aber au no en ruum & platzmieti vo 1000.- wo igrächnet isch uf 160 lüt - aber das isch scho sicher sehr vil…
Guete Morge und TGIF ! Aber wieso mueses jetz hüt scho wieder rägne?
Hm i gloub i cha wieder mau nid uf aus igah... aber i versueches
@malinchen: Coole Nagulack! Mir persönlech wärer fürz HZ vielech fasch chli zu spacig (hihi weisch wasi meine? finde gad ke angere Usdruck ) aber mitme schöne Ungerlack gsehts sicher super us. Rot würdi nid unbedingt, chönnt mer vorsteue mitem Silber gseht das när vielech chli wiehnachtlech us Cappuccino steui mer aber super vor!
@Janedoe: Meeeega schöni Negu hesch du und dr Ring isch ja o wunderschön... Wie geits dir as verhürateti Frou? Bisch scho wieder vou am schaffe? Oh schön gli chöiter scho id Flittis!
@Pfingsti: Mega schön dini Chistene u d Sache wo du hesch bastlet. I like a lot! Sowieso gisch mega Gas. I wett o so produktiv si! Dis Probemakeup und -frisur gseht hübsch us! Hesch du nöime e Schleier oder duesch no öpis id Haar? I findes o super wie du schribsch, weni dini Biträg liese, muesi aube zmitts im Zug oder im Büro lut uselache Hui ja da mueses definitiv e günstigere Wy gä wo trinkbar isch U säuber Wy mitbringe isch ke Option? Mir wärdes sehr wahrschinlech so mache. I würd dr Wy de ou no chli uf euche Houptgang abstimme, bevor dä no nid fix isch, isches schiwerig e Wy uszwähle.
@Broncos: Wow singe, so schön weme das cha und dr Muet het... I triffe meistens d Tön, aber i ha ke schöni Stimm und nei, definitiv tueni das de Lüt nid a... Aber we du dirs zuetrousch und du dini Närvosität im Griff hesch, de wärs sicher e wunderschöni Überraschig für di GG!
@Lasposafroma: Üses Apéro (grächnet für 90 Lüt) chunnt uf ca. 2300.- (gloubs? weisses nid 100% gnau uswändig) inkl. Wy, Bowle, O-Saft und Mineral.
@weddingbee: So toll wäg de Blueme, tönt super! So guet heiter aus scho parat und chasch du no relaxt die letschti Wuche gniesse bises so wit isch. Fröie mi scho meeega uf Föteli!
@principessa: Bim Kuoni u mit euchere Uswahl stüret dir natürlech nid unbedingt uf günstigi Priise zue E Privatchauffeur het immer si Priis... we dir nid säuber weit bueche, würdi glich mau no bi Globetrotter versueche, mir hei gueti Erfahrige gmacht. Mir zahle ca. 4000.-/Person, aber für 2 Wuche, auso o nid wenig... Aber he - es si Flitterwuche I gloub wäg de Blueme und Vorschleg isch da jedi Floristin chli ungerschiedlech... üs het sie immer verschiedeni Alternative vorgsteut. Ig ha ihre ja am Zischti gschriebe dass mir d Offerte ztür finde und Vorschleg gmacht zum dr Priis no abebringe, itz bini de gspannt...
@me: I ha gad zGfüu i bliebi stah weni liese wie dir aui im Änspurt sit u Gas gäbet... d Sirupbars wo viu vo euch mache, findi ou cool. Aber i bi äbe vou nid dr Siruptrinker Wo steuet dir de die Getränkespänder uf, am Apéro? Hm und e Candybar heimer o nid, irgendwie befürchti langsam, das wird chli längwilig bi üs Aber mir hei ja de es grosses Dessertbuffet und i ha mir dänkt, i chönnti ja o dert sones Banner "Love is sweet" ufhänke? Heit dir die aui bsteut oder säuber gmacht?
Morn machi e Cookie-Kurs bi Kitschcakes damit i de die Güezi as Gastgschenkli cha säuber mache (so chli im Stil vo mim Avatar). Freue mi. U wüu i de eh scho ir Region Biel bi wo üse Juwelier isch, weimer de no vrbi wäg dr Gravur und die i Uftrag gä. Das heisst hüt Abe sötte mer mau entschiede ha, wasmer jetz graviere...
Süsch hani gad nid sone guete Start i Tag gha. Bi vor de 5i ufgwachet mitme Zieh im Rügge, hamer wou bim schlafe irgendöpis iklemmt. U de het no üses Büssi iz Schlafzimmer kotzet und ig ha müesse putze Itz mues GG hüt no mit ihre zum Tierarzt, irgendöpis het sie
Taeboyana: Hey cool down! Wie viel Tag häsch du no??? 85? Stimmts... Ich han no 21!!! Ich muss ja wohl mal fürschi mache. Hihi! Ich verstahn aber wie du dich fühlsch han au immer vo allne glässe wie, wo, was sie mached und dänkt o Gott ich hürate ja vor dene und mache eifach nix. Und jetzt plötzlich hani gfunde, jetzt mussis mache will weni nöd gad finde wasi wott bruchi no chli Ziit suscht nimmi den so Notlösige wasi au nöd wott. Aber ich han s Gfühl du musch nüme extrem viel mache oder tüschich mich? Hesch ja eh Glück, wenn e Bastel-Task-Force bruchsch den schriebsch da ine en Hilferuef und mir chömed. Händ ja den alli Ziit will die meiste scho ghürate sind!
Me: Ach ich hetti so viel zum mache im Gschäft und würd gern chli Gas geh willi am Abig nöd all zu spat gah sötti. Mini besti Fründin het no Geburi. Muss go mitfiire und Chueche bringe...
Gester isch ja no de Probetermin gsi. Isch ächt super gsi... Aber ich mage fast nöd so lang ruhig sitze. Haha! D Fotis hani ja uf FB tah und d Malinchen het scho rächt isch obe chli sehr schattiert gsi. De Styl gfallt mir super und au d Huut hät sie fast nüt gmacht. Darum wirds am Hochziit obe schwächer schattiert und chli meh rosa ha. Das passt so für mich... Isch also scho schieff, dass mer 2 Stund dete sitzt und den musch alles gad wieder useneh und weg mache will GG hei chund. Han fast müsse hüle... Haha! Soooo schad...
Jetzt chani aber endlich de Ziitplan richtig ufstelle willi jetzt weiss was wie lang ghat. Mini Schwöster (TZ) wird au gad no d Haare und Make-Up vo ihre mache lah. Darum fanged mir am 08.30 ah und wird bis am 11.45 gah... Haha! En Viertel vom Tag isch mer mit em Styling beschäftigt isch mer also au no nie passiert.
Wünsche eu allne en schöne Tag... Git sicher en gmüätliche Abig wenns dusse so grüsslig isch.
Laprincipessa Uiii das findi mega tüür?? Also ebe mit öis chasch nid vergliche wüll mir aube eifach der flug hei zahlt (öppe 1500.- pro Person) und ner Unterkünft immer High Class (öppe 50.- ir Nacht pro Person und de bechunnsch würkli di luxuriösischte Unterkünft) und ner no vilicht Inlandflug vo Bangkok nach Koh Samui oder nöime süsch (öppe 200.- pro Person). Zum Lebe dete bruchsch nid viel, bi mal mit 200.- go shoppe a Weekend Market und ha ALLES KOUFT womer irgendwie gfalle het und am schluss hani öppe 6 Seck voll züg gha und bi mini 200.- eifach nid los worde;O) Mir si natürlich nie gfüehrt gange…hmm i würdi sicher no chli vergliche….
Taeboyana Auso bi mir z Bern schint scho wider d Sunne!!!;O)mir hei ou kei Candy Bar...finde dini Idee mitem Banner „Love is sweet“ aber gad mega härzig…!! Gah mau go google wasi so finde;O)i bi de mega gspannt wie dini cookies usechöme – findi ou e mega härzigi Idee!!
Pfingstrose Mir gfallt dis Probemakeup und Frisur auso sehr guet! Findes eh aube fasch am schönschte wenn d ouge betont si!!
@jane: Ja stimmt, i chönnt mau no probiere mit 2 schichte vom Nude-Lack drunter. Dini Nägel si würklech mega schön!!!
@broncos: wooow, dir heit würklech ds meiste scho erledigt! Bi gad chli niidisch... Hmm, wär natürlech scho ä mega cooli überraschig wenn de würdsch singe für di GG. Aber ig würd mi das äbä ou nid wage. Drum weisi nid rächt obi dir jetz söu drzue rate oder nid. Aber wenn ja no d Unterstützig vo dim Papi hättsch wo di begleitet wärs villicht nümme so schlimm?
@Pfingsti: I möcht gärn so Wägwiiser mache wöu dr Wäg zu üsere Chille isch würkli nid ganz eifach wöus mega im Gjätt usse isch... I ha de wöuä so chli alts Holz näh und mit Wiis eifach Hochzeit druf schribe u de ev. no paar Ballön oder wenns nid Rägnet Pompoms dra hänke.
@principessa: I mache d Pompoms ersch am Tag vorhär. Mir hei denn alli scho frei (GG, ig, TZ und üsi Elterä) und düe d Apérolocation vorbereite. De hani hoffentlech gnue Hälfer zum die usenand falte. Mi troum isch mir gester abä wieder i Sinn cho woni im Bett glägä bi. I ha tröimt dass mir d Haar usgheit si idr Nacht vorem Hochzyt. När hani überall am Chopf so kahli stellä gha und usgseh wienes grupfts Huehn. Was bedütet ächt das?
@taeboyana: Ja i weis was du meinsch wägem Nagellack. I finds äbä no passend zum Chleid und i wirde drfür kei Schmuck trage. Drum hani gfunde darfs uf de Nägel scho chli bling-bling ha. I ha äbä es Bild im Internet gseh wo mit dä Glitzerlack mit Rot kombiniert isch. Gseht det mega cool us. Aber i würd mi gloub nid so wohl füehle drmit... Mir steue d Sirupbar (cooli Bezeichnig, da muesi äuä de ono gad ä Banner mache... ) bim Apéro häre. Aber da muesi mir de ou mau no überlege wie mir d Tische genau wei aordne. I steuä mir vor ä grosse Tisch mitem Food ir mitti, uf eirä Site d Badwanne mitem Alk und uf dr andere Site d Sirupbar. oder so... Das wird bi öich sicher super!!! Dir heit ömu ou mega viel Details und so! Und ou wenn... I gloub dä meiste Gäst fallt das gar nid so uf. Die hei de eh nur Ouge für di und di GG! Oh nei, was het de öies Büssi?!
@me: Oh gott... söu ig öich mau üsi To-do-Liste zeige?! Es geit no 29 Täg: - Rückmeldung Blumengeschäft bez. Anlieferung - Rückmeldung Catering bez. Anlieferung - Mail an Pfarrer (Noten Gesangsbuch, Trauschein, Fürbitte) - Lieder für Kirche auf CD brennen - Notfallplan falls Band nicht auftaucht - Sirup einkochen - Banner Candybar, Sirupbar & Karten - Chalkboard für Menu - Wegweiser - Photobooth Brautpaar-Attrappen basteln - Wein bestimmen und bestellen - Tanz üben - Kleid abholen (am 16.) - Coiffeur (am 7.) - Gläser für Deko fertig basteln und zum Blumengeschäft bringen - Kirchenheft - Ablauf mit Fotografin absprechen - div. Zahlungen auslösen (Miete Bus, Fotografin, Ringe) - IKEA (Kerzen kaufen für Paraffin-Blumen) - Sitzplan hmm... jetz wenis so vor mir ha würkts gar nümme so schlimm. Die erste paar Sache si ja schnäll erledigt und paar Sache chani no GG abrücke.
Anmelden
). Aber wenn du öppis schribsch, denn isch irgendwie amigs meh dehinder und sogar wenn du öppis ned schön findsch chunt öppis kreativs zrugg. Also echt respekt! Weiss ned wie du das machsch...
), vo dem her chömer eigentlich relativ guet tanze (es gseht uf jede Fall nach öppis us), aber mir müessted üs jetzt mal entscheide was mer würklich wend. Mir ändered irgendwie immer wieder d Meinig weg de Tanzrichtig und em Lied. Und es paar mal weti den scho dihei güebt ha zu dem Lied...
! Aber wieso mueses jetz hüt scho wieder rägne?
) aber mitme schöne Ungerlack gsehts sicher super us. Rot würdi nid unbedingt, chönnt mer vorsteue mitem Silber gseht das när vielech chli wiehnachtlech us 
Cappuccino steui mer aber super vor! 
Aber mir hei ja de es grosses Dessertbuffet und i ha mir dänkt, i chönnti ja o dert sones Banner "Love is sweet" ufhänke? Heit dir die aui bsteut oder säuber gmacht?