Jaaaa dr blau Himu chunnt Hätt me niemaus dänkt hüt Morge.

@lil.lian: Haha ig o, vou plotschnassi Füess hani gha bisi im Büro bi gsi und ha gad as ersts müesse id Garderobe ga d'Schueh föhne

@Sue: Vo däm Flohmi hani no gar nie ghört. Aber kenne mi da haut o nid us . Geisch viu a Flohmis dämfau?

@Rosebletter: Me bechunnt die zum Teil bi Floriste gloub sogar gratis, die si ja meistens vo Rose wo sie nümm chöi bruche. Heimer denn bi mire TZ wo sie hei ghürate so gmacht. De chame zwar evtl. nid so uswähle was d Farbe betrifft, aber gmischt findi aube o no schön u drfür muesme nid no Gäud usgäh zum bsteue, je nachdäm wärs e Überlegig.

@malinchen:
O Gott di Troum, hilfe!! Weisch wie...Bisch sicher froh gsi wod bisch ufgwachet... I finde ou dass euchi To-do-Lischte absolut machbar isch! Eis ums angere de chunnt das guet.

I weiss ou nid was üses Büssi het, vielech irgendöpis verschlückt. Sie duet scho sit über ere Wuche zwüschine chli hueschte/niese (weiss me ja bire Chatz aube nid so gnau wases isch ) und itz het sie gester u hüt kotzt. Süsch wirkt sie aber eigentlech fit... aber GG het itz vo sich us gfunge, mir söue alütte u wenn är das seit... isch sicher gschider wüu mir näxt Wuche ja id Ferie gö. Bi so Sache dänki aube, wie chunnt das use wemer mau Chind hei, i mache mer scho bire Chatz Sorge... Schlimm. GG geit de am Abe zum Tierarzt.

@Pfingsti: Hihi du hesch ja scho rächt, mir hei no Zit u si guet dinne. Die meiste Termine/Besprächige wo no usstöh, si zmindst scho abgmacht, nur dere vom Tanzkurs müessti mau alütte. Aber i wett haut eifach soviu wie möglech scho mache. O wenn me wahrschinlech e chli Stress i de letzte Täg fasch nid cha verhindere?

Malinchen: Perfekt! So schnell isch ein Punkt weg... Das schaffed Ihr also mit LINKS! Ich bin mer sicher.

Wetter: Ich weitere mich so oder so ab mitti April (jedes Jahr) no dunkels Züg allege, gschlosseni Schueh, Dicki Jagge... Wird alles gad verstaut... Bin hüt au mit Sandalle gange... :)

Hihi, genau anstatt Meteo Schweiz sind mir Meteo Braut... Chöntemer mal lanciere! Wer sicher de Renner und wenns nöd stimmt wird eus nachher d Auge uskratzt! Haha!

Pfingstrose
Hüt Nami machi gloubs Zitronemelisse Sirup, mis Mami hets vorbereitet – ig mache ds erschte Mal sirup;O)

Lil.lian
I bi drum z Rümlang gebore und vo det her kenni de Flohmärit no de isch scho denn aube gsi;O)

Malinchen
Super, ei punkt erlediget;O) ja säg nüt bi ou regemässig agleit hüt;O);O)

Ich cha grad uf nüt igah, holi aber no naaah.

Ha es paar Bilder is FB tah, für eu Gwundernase. Da wettis nöd inetue, söll für d Gäst de au e Überraschig sii :))

Broncos: Hihi ja er isch fein gsi! Seeehr sogar... Nechstmal chunsch hald eifach verbie! Haha, wer ja no lustig wenn sich alli verirre würded. Ja glaub au dass das guet chund wensi d Stärchi chli reduziert.

Janedoe: Ah SCHMACHT! Die Fotis sind eifach wuuuunderschön und sooo en schöne Stil es passt so guet. Die Deko wo ihr gha hend und alles anderi au gseht eifach perfekt us! Würklich! Mega... Ich find speziell die Turtespitze mega schön... Woher häsch du die gha? Das wer öpis für eus an Pavillion... Du chasch mer s Foti vom Chefig nomal schnell per Mail schicke den kläri das gad schnell mit em GG. Sorry... Ich bin chli en Chaot gad...

Sue: ICH LIEBE ZITRONE MELISSE... Ah Mist, jetzt hani so lust uf Sirup und im Gschäft häts das wiit und breit nirgends. FRUST, FRUST, FRUST!

Malinchen: Nei das känni nöd... Super wenns dir passt. Ich möcht das jetzt garnüme unbedingt ha... :)

@Taeboyana: Es isch es App. Me cha när verschiedeni To-Do-Liste mache und mit anderne Nutzer teile. Haha, i bi äbä chli süchtig nach to-do-Liste. Ghöre zu denä wo zersch mau eeeeewig lang Zyt verbrate drmit ä schön farbigi To-Do-Liste z erstellä womä när alles schön cha abhägle anstatt eifach azfah mit däm womä eigetlech sött.

ou cool... was hesch de für nes Chleid im oug?