@malinchen: Tönt no cool das App. Aber i gseh da schwarz bi mine Froue Die einti sträubt sech gäge Smartphones generell und die angeri het es Sony, de würds när vielech o nid funktioniere. Und i gloub sie wette sech da vielech gar nid so la vo mir as Brautzilla la diktiere wenn sie was müess mache... aber i wär natürlech o drfür zha
Hihi i bi genauso - Houptsach d Lischte gseht guet us
Wed möchtsch chani es Föteli uf FB steue? Achtung Selfie-Alarm Bi nid sehr begabt!
Hihi, i ha o Android. Aber GG ou, er het fang aus Versuechskaninchen müessä härä häbä. Das het scho mal funktioniert. I maches scho ou nur für die allgemeine To-Do's, was sie de süsch no aues wei erledige, chöi sie säuber koordinierä. Aber für GG chömä mir no gad paar anderi Liste i Sinn wo mir de chöi Teilä.
ou jaaaaa, föteli bitte!!! Mini Begabig haltet isch ou i Gränze wie me bi de Nägeli-Fotos unschwär het chönne erkennä.
Taeboyana Hahaha das mit em Fön isch nöd schlecht. Bin mit einigermasse trochne Füess a cho. Abr letzt Wuche isch defür ein Fuess pflutschnass gsi, will d'Schueh hine es Loch händ. Voll müesam gsi, de ganzi Namitag ischs nüme tröchnet.. Sehr schöns Chleid!! Ich nimm a häsch es posted? :)
Malinchen Was häsch den troimt? Han nur glese, dass en wiedr vergesse häsch? Ischs en chlimme gsi? Super genau, scho wiedr es Mail gschriebe :) Hihi lustig mit em App :) Was müend den eui TZ alles so mache? Mier händ so es super App zum go poste, Bring! gheissts, isch zwar relativ tür gsi. Det chömer Sache zum go poste ineschriebe und es isch mitenand verhänkt und bim poste chasch druf tippe und den verschwindets vo de Postiliste..
Sue Wie lang häsch den in Rümlang gwohnt?
Janedoe Es sind so wunderschöni Föteli!! Vo eu zwei, vo de Location, vo de Deko, Candybar. Genial!! <3
Me Bin gad no chli am Frisure sueche.. Gahn ja am Zistig zum Coiffeur.. Würs ja gern am Morge / Namitag offe ha und dänn am Abig zue.. hmmm.. Und wenns zue sind hetis gern chli locker.. Han mal es Bild gfunde: http://frisurideen.net/wp-content/upload...-fotos-2013.jpg Han ebe s'Gfühl das mit de Zöpfli wierd bi mier nöd so guet usgseh, willi mega dünni Haar han.. Und finds nöd so schön wenns voll eng isch.. wüsseder wie ich meine?
Broncos Eui To Do Lischte tönt au, dases eu ned langwilig wird. Es wird alles suuuper!
Pfingstrose Woaaah iher sind ja echt fascht fertig. So hesch de i de Wuche vorem Hochziit ganz viel Platz für Nervosität :P Hey du bisch sone Schönheit! S Makeup passt so guet zu dier und d Frisur isch en Traum!! D’Tortespitze hani us Dütschland, vo Rhyner oder so… Aaaaaber – und das isch sicher nüt für dich – ich ha jedi einzeln in Kaffee badet und igfärbt, dases sone vintage – Look git. Es isch en Sch*** Arbeit, aber hed sich uuuh glohnt!
Littlefoot Haha d Nägel strecked de Wurstfinger ebe chli :D
Principessa Ich han Pompoms bstellt, has nur no müesse usenand zupfle… Wobii das bstelle sich gar ned so wirkli lohnt… gmacht sinds nämli relativ schnell, nume s usenandfummle git Arbeit.
Taeboayana Bin sitem Ziischtig wider voll am schaffe. Muess aber ja nume en Monet, denn gahts ja de scho ab id Ferie :) Ich liebe min Ring. Han ja es Ziitli chli ghaderet aber er isch so wunderschön Du blibsch bestimmt nöd stah. I dem Jahr Vorbereitigsziit isch immer mal eini chli wiiter als e anderi aber bis zu dim Hochziit bisch du voll ready! Und langwilig wird’s ganz sicher au nid! Wie chunnsch du uf so Sache?! Ich han au en Banner Love is Sweet gmacht. Huii chunnt mer gad in Sinn dasi de eifach ha lah hange. Falls sie de im Resti ufbewahrt hend chönnten dier suscht schicke? Hey viel Spass im Cookiekurs! Für was fürne Gravur hender eu entschiede?
Malinchen Muesch de e Foti mache wenn s Nude deckt! :) Nimmt mi Wunder. Notfallplan falls DJ nicht auftaucht?? Eui Lischte isch aber au no recht intensiv! Ich chas aber ned oft gnueg sägä, das isch guet! So bisch immer abglänkt und chasch ned nervös werde :)
Lil.lian Ohhh iher hend ja es intensivs Weekend vor eu! Viel Spaaass! Die Frisur wo du postet hesch isch ja hammer!!
Sue Viel Spass am Flohmarkt!
Me Phuu, bi am Morge verwachet und ha s SMS vo de Fotografiin gha. Morn sött d DVD au scho cho. Sie isch echt turboschnell. De Taeboyana ihre Kommentar wege de BlogHochziit hed mi mega grüehrt. Danke villmal für eui Wort. Ich bin ganz hin und weg ab de Bilder. Hett nid erwartet, dass sies wirkli so extrem i eusem Stil macht. D Detailföteli haued mi voll um und ich bin wieder mit de Gfühl bim Samschtig.
@lillian: Ja ä Ichoufsliste chamä bi däm ou erstellä. Das isch eini woni mi GG de ou no drzue cha ilade. Mir vergässe nämlech immer d Hälfti. Und so chames immer gad iträgä wenn eim öpis i Sinn chunnt. D App isch gratis gsi, aber me chönnt no ä pro-Version choufe wo me de no witeri Funktione hätt.
D Frisur gfallt mir mega guet! I finde das mega schön wenn d Haar so locker ufegsteckt si! Das würkt när immer so verspielt und romantisch wiene Fee...
@Janedoe: Jaa, also d Band wärs äbä. I ha irgendwie es schlächts Gfüehl... Sie hei mega viel Uftritte und ha no nix schlächts ghört oder so. Aber i ha dä Typ eismal per Zuefall ir Stadt gseh und mini TZ kennt ihn äbä flüchtig. De hei mir ihn agsproche und äbä gseit er chöm ja de a üsi Hochzyt und er hets gad voll nid im Plan gha u när i sim Handy nachegluegt aber irgendwie gad nüt gfunde u när so gseit er heig äbä gad chli viel umd Ohre gha und drum sig ihm das äuä gad entfalle aber das klappi uf jedä Fall blabla... Naja, i bi gspannt. Ha eifach dänkt es wär guet ä Notfallplan z ha.
hallo zämme! hoff ihr gniessed alli s wucheänd! isch jo scho sit em donstig hammer wättr gsi und hüt isch eigetli au no okay :D ich ha die letschte dag rächt viil los ka, fang dorum ez usnahmswiis mol mitem "me" ah
@me: bi am mittwuch idr brocki gsi, und ha dört no 2 rähme erstande :D die hani den am donstig agfange bepinsle und ha den jede dag e neui schicht gmacht, sid geschtr sin si fertig ez bruchi nur no flüssig-kriide und de ka ich si schön beschrifte. am fritig hani termin ka zums kleid abstecke. mis mami isch mitko, si het mi s erstemol im kleid gseh. s het ihre aso gfalle und mir au :) si miens rächt ih näh obe ume.. ha jetzt öpe no änderigskoste vo CHF170.-. glaub das isch okay. am 19.7, zwei wuche vor de hz ka ichs den ändgültig go hole. isch no lustig gsi, si hän öpe 3 mol gseit: bliebe si jetzt eifach so wie si sin, nüm abnäh :D drbi hani doch jetzt agfange jedi wuche is taebo zgo (danke taeboyana, s macht wirkli spass!) ich iss jetzt eifach immr nachem taebo es glace, das die vrbrennte kalorie grad widr druf sin gescht hani no chli basteldag ka, händs jo scho im fb gseh. bi ganz zfriide sowiit. nägst wuche söt no mi schlier ko und uf etsy hani au no so paperstraws und die passende paperbags für d candybar bstellt.. yeahhh.. isch au scho untrwägs. ich seh langsam liecht am ändi vom tunnel, hihi und ich ha widr emol e deko krise aso eigetli hani mit dr floristin abgmacht mir dien d bliemli so lege.. aber i glaub i wot ächt liebr kleini strüssli in wasser.. so wie im billd.. manno! si het mir d offärte noni zuegschickt, den ka ich scho nomol ändere nid? bzw. findet ihr d variante wie im erste bild besser as die zweit mitem lege? so fertig egopost.. jetzt sind ihr dra!
@malinchen: ich find dr nagellack eigetl rächt schön! nur i dänk au drunter miessti en deckendere nude tön oder evtl so e peachige.. vo opi z.B. de "chillin' like a villain" ka de link irgendwie nid poste, aber wes bi google igisch kömme paar gueti bildli.. aber susch findi d idee mit de rote gliterpartikel no cool! au mit gold odr silber wärs aber schön huuch din traum isch ächt e alptraum.. i ha letscht wuche i einere nacht grad zwei ka.. weiss aber scho nüm was.. zum glück hmm das isch e strubi gschicht mit dr band aber kuum sooo lang isch euri to.do liste au nüm, s sin au viil details, das längt sicher no, nid?
@littlefoot: ich finds au cool wäg de dealerei, mues mol mini sache au no ind liste itrage :D
@claudilein: euri to do liste isch ächt nid kurz! aber das schaffe dir scho, wie du seisch sin no 3 wuche und viiles nur details. das kuunt sicher super! finds au mega schön das du glückskeks bachsch sehr e schöni idee!
@janedoe: mir mien die definitivi zahl au e paar dag vorhär bekannt gäh.. und die zahle mir au. das mit eurem ex-tz isch jo de hammer! het är den erst am samstig morge vo düsseldorf us welle anefahre? ächt de hammer dä typ, zum glück händr gwächslet und zum glück ischs mit ihm so guet useko! p.s. i mueses nomol sage.. euri föteli… schmacht.. ich ha se imfall sicher scho 3x agluegt, find se so toll! und die ganze detail und alles.. eifach e traumhochzyt. bi aso au de meinig das euri genauso guet uf de blog könnt! do ka die ander grad ipacke drgege ;) dini nägel gfalle mir au meeega guet! sins ez gel-nägel oder gel-lack? stoht dir guet und i das het jo au super zu eure farbe passt
@weddingbee: danke für d hoorblueme, si sin heil bi mir ah ko :-* uiiiii du gosch in ändspurt! hach gäl das wättr.. mach dir kei kopf, ändere kaschs de sowiso nid! es wird so odr so schön d girlande isch ganz toll, so öper begabt im näihe könnti au no bruche, bzw. i könnt jo mol gg's mami froge.. hmm..
@broncos: ich dänk au das du das gnau richtig machsch, im ändeffäkt sins de paar kleini detail wo nur dir uffalle wo evtl fehle könnte.. und vorallem hesch du jo eh scho gseit hesch no viil vor bis zur hz, den los es lieber as das den mega gstresst bisch! d to-do liste isch jo au nüm gross! yeahh! das wird sicher e super sach, do bini mir aso sicher! uuund ishc di kleid jetzt dehei? heschs nomol dörfe azieh? jetzt wo alles abgsteckt isch, isch sicher nomol e anders gfühl, nid?
@pfingstrose: wooow euri todo liste isch au mega gschrumpft! gisch gas he? phuu wirkli en türe wyy, mir hän jetzt eine für 65.- d fläsche, viil günstiger wär au nüm gange.. händr euch scho entschiide? sind ihr nid nomol ind location letscht wuche? und händ e andere hauptgang usgwählt?? isch guet gloofe? dis probestyling isch mega glunge, aso d frisur gfallt mir super und au s makeup, finds schön wie d auge betont wärde, mues aber sage das mir persönlich s rouge echli z stark isch, e biz e fiineri farb würd mir persönlich bizli besser gfalle, wils den natürlicher wirkt.
@prinicipessa bzw. heimliche zwilling ich find die roseblätter sehn perfekt us, aber ächti gfalle mir im allgemeine besser as künstlichi. gueti frog, wieviil roseblätter meh ächt brucht.. zum streue vilicht 1-2liter? phuu voll übrfrogt.. hmm die namenskrise isch vilicht au chli wilis im momänt gar nid mit sinere familie ka.. aber au wil ich mich halt mit mim name identifiziere und s ghört eifach scho au zu mir…und si name isch nid wirkli schön di name findi ächt no cool, kurz und klanghaft (vilicht würdis au falsch sage, hihi) mega süessi täschli und stirnbänder!
@taeboyana: dini cookies sin imfall ganz schön worde! finds mega die detail ufem kleid no, die sehn fein und asprächend us! aso i würd di grad astelle as unseri cookiebäckerin goht eurem kätzli besser?
@sue: bisch erfolgriich gsi am flohmi? mhhhmm zitrone-melisse, das tönt meeega fein! du bisch glaub e mega begabti in so sache, nid? du machsch immer alles so feini sache sälber vo dir könnt ich mir e schiibe abschniide :D
soooo as wärs vo mir für hüt, jetzt hani die gfühlte 100 site au ufgholt! schöne obe euch no und morn e guete wuchestart!
nala: finde d idee super it de cherzeständer vo ikea (lieb sie, ha sie au dehei), aber musch luege ob denn sone bonbonnière überhaupt druf mag mitem rand...mini würded nid ga fänd die gleite blueme mal öpis anders, u cool :) gits es foti vom chleid ? wgem sharing, s lauft unglaublich, au mit dene candy bar sache... echt gaasch is taebo ? so cool ! hah wenn ich jedesmal nachem fitness es glace würd esse würdi garantiert nüm is chleid passe :)
malnichen: ui nei strub mitem typ vo de band. hoffe das klappt !
taeboyana: schöni cookies ! bi gspannt uf d mini törtli :)
me: hach sind wieder zu nüt cho das wuchenend. aber hend u en schöne samstig abig gha, euses real het doch tatsächlich la decima gholt. mir hend scho ta bi dem usglichsgoal, mi sohn GG und ich :) GG isch heiser ich ha am sa de probetermin und cha mi eifach nid entscheide für frisure ! denke muss 2-3 ha aber weiss nid ob offe, halboffe, uf de site gsteckt..menno cha nid mal favorite nenne. nid lustig...
Anmelden
Die einti sträubt sech gäge Smartphones generell und die angeri het es Sony, de würds när vielech o nid funktioniere. Und i gloub sie wette sech da vielech gar nid so la vo mir as Brautzilla la diktiere wenn sie was müess mache... aber i wär natürlech o drfür zha 
I maches scho ou nur für die allgemeine To-Do's, was sie de süsch no aues wei erledige, chöi sie säuber koordinierä. 
Mini Begabig haltet isch ou i Gränze wie me bi de Nägeli-Fotos unschwär het chönne erkennä.
Eui Lischte isch aber au no recht intensiv! Ich chas aber ned oft gnueg sägä, das isch guet! So bisch immer abglänkt und chasch ned nervös werde :)
ez bruchi nur no flüssig-kriide und de ka ich si schön beschrifte.
bzw. findet ihr d variante wie im erste bild besser as die zweit mitem lege?
