Guetä morgä mini Liebä...

ooch, scho wieder es Weekend düre. Zum Glück isch die Wuche chürzer und bi mir scho wieder die letschti vo däm Semester!

@jane: Mir hei nomal es Mail gschickt und gseit, sie sölle sich bis ändi Wuche bi üs mälde. Wenn nüt chunnt, wüsse mir glaub wora mir si.

@nala: mir gfalle d Strüssli ide Gläsli ou besser... Aber das chasch sicher no ändere, nid? Die Sache wo du uf FB hesch postet si würkli cool! Hesch du super gmacht! Bim Böxli isch no schwierig was du chönntsch obe druf due... Wie wärs mitere Blueme oder so?

@littlefoot: haha, für üs isch das Goal gad dr Stimmigskiller gsi am Samstig. Si när gad alli hei und mir is Bett.

@me: Mir hei am Samstig üses Träffe idr Location gha. I ha mini Krise definitiv wieder überwunde. Es wird garantiert super det... Mir hei ds ganze Resti für üs, sie maches zue am 2 und när isch gschlossni Gsellschaft. Das heisst i cha mi würklech ustobe mit Deko... Am coolste findi, dass es so es alts Buffet het wo mir dörfe fürd Candybar bruche. Das wird toll usgseh und de bruchi ussert d Wimpelchetti det gar nümme viel z bastle. I säge de eifach dr Floristin, sie söll det ou no es paar vo de Väseli härä stellä.
Gester hei mir de scho dr Sitzplan gmacht. Mir mache ei Tisch vore wo mir mit üsnä Elterä hocke und när zwei längi Tisch. Es isch eifach jetz so, dass ei Tisch eher die junge si und dr ander die ältere Verwandte. Aber jaa, mir hei dänkt so machts de Lüt am meiste Spass und es durchmischt sich ja scho vorher bim Apéro und ou nachem Ässe wieder.

Denn bini aber chli enttüscht vo dr TZ vo mim GG. Sie het bidr letschtä Besprächige immer mega viel a sich grisse u immer gseit i söll nid alles konrolliere, sie machi das de scho etc. Sie isch würklech es mega Organisationstalent und machts au gärn. Drum hani mi när schweren Herzens würklech zrug ghalte. Aber jetz seit sie mir am Samstig, nid mal ei Monet vor dr Hochzyt:
- Das mit dr Badwanne sig z schwirig zum Organisiere. Das göng nid.
- Die Brutpaar-Attrappe wo mir hei wöue bim Photobooth wöu mir ja keini Gruppefotos wei mache: sie heig nüt gfunde wo me das chönnt bstellä.

I ha mi irgendwie gad mega gnärvt, das htä sie mir ja früener chönne sägä. Statt dr Badwanne düe mir jetz halt zwei Garette häre wo mir düe farbig aspraye und när mit Iis fülle. Das gseht sicher ou toll us.

Aber fürd Attrappe hei mir jetz no kei Lösig gfunde. Und obi das no schaffe jetz, settigi z bastle weisi nid. Wahrschinlech mache mir halt eifach e normale Photobooth.

Aber was ig öich drmit wott sägä: Sit numä ruhig Kontrollfreaks und gäbet nix ab wo öich würklech wichtig isch. Die andere tscheggä eifach zum Teil nid, wie wichtig dass üs das isch und dass mirs halt würklech eifach so wei ha, wie mir üs das vorstellä. I gloube d TZ hets nid bös gmeint oder so, sie het eifach ächt nid grafft, dass igs so wott und nid anders.

Naja, jetz ischs halt so... Was mi ou no chli het mögä isch, dass ig z Gfüehl becho ha, dass sie mi Brüetsch im OK nid mega integriert hei. Es isch halt mit ihm scho chli kompliziert zum sich träffe oder so. Er schaffet bi Securitas und het halt oft am Abä oder am Weekend Dienst. Aber sie chönnte ihm ja glich ou Ufgabe überträge oder so... Er git sich mega Müeh und macht alles top wo me ihm ufgit. I gloub i due jetz vo mir us halt no paar Sache mit ihm umsetzä.

So jetz muesi no schnäll chli anerä doofe Arbeit schribe woni morn sött abgäh... Häbet alli ä schönä Tag!

Guete Morge...

Oh isch ja uuuu ruhig da ine! Was isch den los? Sinder am d Wärmi gnüsse oder im Bett blibe?

Malinchen: Hey schön häsch dich so "versöhnt" mit de Lokation! Isch ja eifach perfekt und so söttis au sie. Find d Lokation fast s wichtigst isch ja immer und überlall uf de Fotis und so chasch jetzt relaxed sie. Hm, mit de TZ isches also scho nöd lässig. Findi u schad! Het sie würklich frühner chöne säge. Ich find nöd dass wen mer öpis organisatorischs abgit no definitiv säge muss es isch MIR SEHR WICHTIG! Suscht het mers ja nöd mal als Idee bracht. Aber es isch hald scho chli verschiednig mit dene Uffassige... Was machasch den jetzt? Chasch das nöd dim Brüäder evt. übergeh? Er chönti das ja guet unter de Wuche mal erledige wenn er meh am Abig schaffed... Vorallem d Brutpaaratrappe isch doch keis Problem... Gasch zu de Druckerei und seisch wotsch das Foti so und so vergrösserd ha und den usgschnitte. Fertig! Oder tüschi mich... Git ja viel so Werbige...

Me: Ah GG Vater isch eifach en müähsame Mensch... Er hät ja de DJ vorgschlage was ja super isch aber er meint er chan mit dme jetzt alles selber aluege. Mir hend de doch wenscho vorher welle gseh und eusi Lieder übergeh usw. Ziitlich alles aluege... Jetzt händs ächt wieder en Krach agfange wege dem. Min GG chund glaub langsam Kriese über... Ich dun mich jetzt überhaupt nöd ufrege... Mage nöd. Wott mini Freud konserviere und für mich gnüsse... Fertig! Hüt gahni no mit sim Mami mis Chleid go aprobiere... Den isches fertig! Jupppi... Den holis e Wuche vor de Hochziit ab.

Und da wär wieder mal es 20gi fällig...

Pfingstrose: Du blibsch echt vor keim Familiedrama verschont. Was wet den de Vater vom GG genau mit ihm aluege? Also weli Musig das er spiele söll? Das gaht ja gar ned, hallo?! Isch doch üchi HZ, den muess doch au üchi Musig laufe?! Uiii, ich bewundere dich, dass du so ruhig blibe bisch, ich wär scho wieder usgrastet

Hui, ez hani eifach gschlafe – bis jetzt! Ischmer vor Jahre zletschte Mal passiert glaub. Guete Morge Fraue :)

Nala
Mega schöni Sache hesch du bastlet! Gfalltmer uh guet! Hehe isch doch super wenn jez de Freifahrtschii für es Glace hesch;)
Ich finde d Blüemli i de Väseli schöner und irgendwie wirkts verspielter und glich ufgruumter, weisch wieni meine? Wie würded die anegleite überhaupt frisch blibe? Bechämt jedi sones MiniVäseli? Das chasch sicher no ändere. Sie macht dier ja erst e Offerte und du als Chundin chasch so lang schruube, bises dier passt. :)
Genau, de Ex TZ wär am Samschtig Morge losgfahre. Guet er wohnt momentan z Mannheim, das wär ned gaaaanz so wiit wie Düsseldorf aber ich has vo Afang a bescheuert gfunde. Min GG regt mi i dere Hisicht total uf, er cha ned eifach mal öperem voll d Meinig sägä :/
Jöhh nala so lieb wege de Föteli. Eusi Fotofragin isch aber au super gsi!
D Nägel sind Gelnägel, aber dadurch dass sie ganz lackier sind, findi, gsehnds super us

Littlefoot
Haha sogar mir isch en chline Quieks entfalle und ich bi überhaaaaaupt ned Real fan :D
Hesch Bilder vo de Probefrisure?? Mier gäbed doch gern euse Senf dezue :)

Malinchen
De drücki mal de Duume, dass die sich meldet!
Oh wow tönt mega cool mitem Buffet!
Waas? Wieso gaht de das ned mit de Badwanne? Wenni mi richtig erinnere, wär ja d Badwanne scho organisiert und es gieng eifach ume Transport? Das mit de Garette isch aber au e super cooli Idee. Das chunnt sicher au mega guet :)
Und wege de Brutpaaratrappe. Das chame ja eifach usdrucke uf A4 Blätter und uf Karton chläbe im Notfall. Hmmmm

Pfingstrose
Hey neeeei, es schint echli, als müend die eifach alles a sich risse und es riese Fass ufmache bi allem. Müehsam. Telefoniere chönder au ned mit ihm?

Broncos
Hihi sogar wie du vom Tanze schriibsch tönt luschtig :)
Muetige Schritt, sStudium abzbreche. Da hesch echt au mini Bewunderig. Mängmal muessmer so Schritt wage, wenn mer will wiitercho. Hesch scho öppis in Ussicht oder fangsch ez bi Null a?

Me
Haha ich ha hüt Morge es Päckli becho mit de Stüehlbänder woni vor zwei Mönet bstellt ha Bruchi ez nümme :D

Nala
Bi dier sind au gad es paar Sache gloffe. :)
Ah kuuhl fangsch a mit Taebo! So lässig.. und das mit em Glace, hihi
Gfallt mer sehr guet din BH.. Isch ja chli e Mischig, nöd ganz e Korsage abr es hät glich meh drah wie en BH.
Mier würd das mit de Blueme i de Gläsli au besser gfalle.. Du chasch es ja sicher no ändere!

Littlefoot
Mier gahts glich mit de Frisur.. hmm.. Wenn gasch zum Coiffeur? Ich het morn de Termin..

Malinchen
Ah guet, häsch dini Krise überwunde.. Schön fühlsch di wohl dete und es gallt der det. Das mit em alte Buffet isch ja voll lässig wod chasch benutze. So kuuhl!! Gseht sicher nacher super us!
Ui, da wäri also au gnervt wege de TZ. So schad wege de Badewanne!! Und bi de Bruutpaar-Atrappe händer eu us Karton wölle in echter Grössi ? Scho doof chan sie die zwei Sache nöd organisiere!!

Pfingsti
Grrrrr unglaublich dini Gschicht!!! Voll unverschämt! Abr jaa finds guet, dass so locker blibsch! Irgendwenn bringts ja würkli nüt meh, dich wieder und wieder ufzrege. Isch voll verständlich, wenn iher ihn vorher nöd gsehnd, dass iher ihn uf ken Fall engagiere dönt!!

Broncos
Dönt ja super mit dim Chleid! Bisch richtig i dis Chleid verliebt, so schööön :)
Das mit em Tanz und em Lied findi kuuhl. Wierd sicher mega toll! Mier händ gad gester no es paarne bim Discofox zueglueged, wemers chan ischs de hammer!!
Ja da häsch würkli e grossi Entscheidig troffe! Abr so wied schriebsch, ischs ja würkli vernünftig. Und du häsch ja scho es paar Mal gseit, z'Amerika wür der das Studium jeze au nöd vill bringe..
Dänn wiersch nach de Hochziit uf Jobsuechi gah?

Me
Mier händ no es paar Sache gmacht am Weekend. Zersch simer in Konstanz si chli pöstele. Mier händ zwar nöd so vill Ziit gha, abr glich no es paar Chlinigkeite für d'Hochziit kauft. Einersiits hämer im Depot no es Chistli kauft, eusi zwei Afangsbuechstabe und es & in MDF und den no chli dicki Schnuer. Und im Nanunana hani no ganz vill Spitzebänder kauft .
Im Hochziitshuus hani eigendli no wölle luege wege Halschetteli, händs abr dete nöd, nur Ring. Und mini Päckli simer no go hole, d'LOVE-Buechstabeschale sind voll kuuhl!! Und au no Mason-Ball-Gläser gfallemer uu guet :).
Und gester hämer no Turtedegustation gha.. hmmm :) Isch super gsi.
Mier händ jeze e drü stöckigi Turte. Une hämer es Vanillebisquit mit Waldbeercreme, den i de Mitti Vanillebisquit mit Schoggimousse und zoberst Schoggibisquit mit Schoggimousse und ere Mango Maracuja - Schicht. Han uu froid :)

Janedoe: Haha super... Den dusch eui Stüähl diheime chli dekoriere! Soooo en Witz!