| Bräute 2014 |
|
|
1 .. 468 .. 933 934 935 936 937 .. 967 .. 997
|
|
|
|
|
|
|
27.05.14 09:29
nala05 
|
Re: Bräute 2014
@janedoe: oh jöö het di s hochzyt so gschafft, das mo schlof nochehole muesch?  i hät rein theoretsisch au nur am donstig frei, aber praktisch den au am fritig 
@lil.lian: jep mir hän chli wyy pösterlet! :)
@taeboyana:hmm ganz ehrlig.. i würd au lieber ferie vorbereite as plane  könnt wäg-goh ferie mol widr bruche! jänu bis zu de flittis ischs jo au nüm lang
aso i find dim mami stoht das kleid wirkli super und si seht wirkli us as fühli si sich sehr wohl drin! das isch doch super  bi gspannt was vom tanning z brichte hesch :)
@malinchen: i vrstoh di voll das du entdüscht vo dr tz bisch.. wäri au! i mein wens wirkli so e ding der unmöglichkeit isch, hät si euch das wirkli friener könne mitteile und ihr hättet sälber gluegt. und das mitem schmelze isch jo au chli en witz, s iis kiehlt jo sowiso besser wens scho chli flüssig isch erstens und zweitens hesch jo scho gseit, es goht echli bises den so warm isch bis mrs nüm bruche ka… hmm! und das mit de atrappe isch ächt biz drnäbe, würd mi aso au seeehr närve. meh het merkt jetzt eifach wirkli das die sache wo eim wichtig sin, meh am beste sälbr organisiert.. isch irgendwie eifach au schad… 
@fara: mir dänke an di! *umarm*
@me: i ha euch jo gar noni vrzellt.. i ha das wucheänd polterobe! bi scho seeeehr gspannt!
mini schwöster het anschiinend fast alles ellei organisiert und dorum isch si zimli hässig uf die 2ti tz (ha glaub scho mol vrzellt, si het niiiie zyt für mi und scho gar nid für d hz) mini sis het ihre glaub d meinig gseit, das si nid die einzig uf dr wält isch wo viil ztue het (hihi) jetzt bini erst rächt gspannt, hoff das kunnt guet mit däne zwei 
|
|
|
|
27.05.14 09:38
Fara
|
Re: Bräute 2014
Hey fraue
ha grad gläse, dass ihr eu fröged wies mir gaht. So lieb, danke! Und sorry, dassi soooo lang nüm gschribe han. S gat mer tatsächlich rächt guet. Am suntig simmer zum bispil in zirkus. :-))
Stimmt genau! I ha chemo hüt. Warte grad i de onkologie uf de arzt und nacher setts los gah mit therapie, wänn alles guet isch, wovo ich usgang.
negst wuche wird dänn es bild gmacht zum luege, öb und wie d chemo würkt. Ich hoffe de tag, wo sie nüme würkt, chunt nonig so bald.
Ich mäld mi negst wuche wieder, wäni wieder besser zwäg bin. Wett dänn au en verchaufsthread ufmache. d sue isch schomal intressiert a paar sache. *händereib*
Haha, nei scherz. Ich wird nöd horrendi priise verlange. :-D
liebs grüessli,
fara
|
|
|
|
|
|
27.05.14 10:02
_janedoe
|
Re: Bräute 2014
Taeboyana
Han grad im Resti aglüte und sie hend sie eifach furtgrüehrt :( Aber ich cha dier suscht s Printable schicke? Isch zimli simpel. Ich han d Buechstabe druckt und hinne en anderi Farb Papier chli grösser usgschnitte, zämäkläbt und mit Schnuer verbunde. Eeeeeaaasy :)
s Chleid staht dim Mami würkli usgezeichnet und selbscht ich han nur vo de Bilder her denkt, dasmer extrem guet gseht, dass sie dis Mami isch :)
Hehe ich ha d Änderige imfall überall scho ohni die neue Dokument gmacht. Eifach mitem Trauschiin. Hesch di scho chli umgwöhnt bim Telefon abneh usw?
malinchen
So doof wege de Badwanne. Das verstahni wirkli nöd. Isch ja scho alles klärt gsi. Und wege de Pappufsteller isch ez au chli spat. Aber hey mega cool wege de Band, dass das ez so klappet! Chasch din Notfallplan wieder wegtue :D
nala
Hihi du Schöggeler :) Imfall ernsthaft, ich han chli sGfühl dasmi mier im letschte Jahr kei Rueh gönnt ha und jetzt klafft das Loch uf, woni voll Platz ha zum müed si und gammle. Geschter hani fast bis am Mittag gschlafe, das hetti letscht Jahr nie chönne :D
Ohhh coooool, hesch scho en Ahnig was passiert??
Fara
schön das dich meldisch und no schöner, dases dier einigermasse guet gaht! Freut mich :) Demfall wünschi dier, dass i de Chemo alles guet lauft und du mit de Therapie chasch afange. Drück dich!
|
|
|
|
|
|
|
|
|
|
|
|
|
|
1 .. 468 .. 933 934 935 936 937 .. 967 .. 997
|
Anmelden
So sitlech gseht sicher schön us zu dim Chleid!
I ha mir ou scho überleit wie dasi üsi Feriäplän det chönnt integriere! I gloub i mache eifach ä Charte woni när mit Nädeli und Schnuer due dr Reisewäg markiere und villicht bi jedem no chli Infos drzue was mir det wei mache oder so. 
und sie het wieder chemo hüt *denkemerallfeschtasie* aber es gaht ihre recht guet ! 