Littlefoot
pro bilderrahme hani 2 Franke zahlt

Tagesplan
het öper vo öich ou mängisch chli müeh bim tagesplan erstelle? findes mega schwirig öppe z wüsse wie lang das würkli geit und hoffe dasi nüt wichtigs vergesse ha etc....

@mädels: sorry, chan grad nöd uf di einzelne sache igah. bin de letscht tag für 3 1/2 woche im büro und s händ all sgfühl sie müssed hüt no cho...

das mit de chartebox hät sich übrigens erledigt, mini tz hät frei und luegt hüt wäg einere. aber danke vielmal für di viele agebot. uf eui chamer sich eifach verlah

mir gahts sowiit eigetli guet, han aber sit hüt morge s chribble im buuch wo nüme ufhört. morn isch ja s zivile, das isch einigermasse easy. chan nöd vill schief laufe.
aber de samstig macht mer aso schochli buchweh...zum eine halt würkli das wo mir scho immer angst gmacht hät: ielaufe und s gelübde. zum andere das irgendöpis grusig id hose gaht...sich irgendöper denäbe benimmt, strit überchunnt oder sowas...aber ich glaub irgendwie glich das alles guet chunnt. mal luege

@fara: oh schön dasses dir guet geit! I dänkä ou ganz fescht a di! *knuddel*

@weddingbee: öies Fest wird sicher super!!! Muesch luege es chunnt alles guet und es wird bestimmt wunderschön!

@nala: oh cool... mir hei ou am fritig polterabä! Aber mir heis ja säuber organisiert, nume d Outfits vo dä Gäst wird no ä überraschig. Bi scho gspannt was sie für di planet hei!!!

@sue: Mir hei dr Tagesplan gad aktualisiert am Weekend. Söui dir ne schicke? Mir hei nä rächt kliinlech gmacht, also z.B. bir Trouig hei mir würklech jedä einzeln Punkt dri tah...

@me: jaa, mir chunnts ou chli sehr bequem vor mit derä Usred. Aber äbä, das mit de Garette chani jetz guet no säuber organisiere u GG's Mami het gad agfange Iis mache am Samstig und gits ir Chäserei näbä dra zum lagerä. De chöi mirs när det ga hole und würklech churz voranä ifülle. Mir hei ja es Zält und de stöh die Garette nid ar pralle Sunne, i bi sicher das Iis häbt es zytli, isch ja de glich ä rächti Mängi.
I ha sie nid würklech konfrontiert. Bi i däm Moment irgendwie z perplex gsi drzue... Ha när eifach gseit i machi das i däm Fau säuber. Mini TZ und ig hei ja no beschlosse, dass mir säuber ä Torte wei mache (numä ganz ä eifachi) und de het sie när ou gad vorgschlage dass sie das chönn organisiere, e Bekannti vo ihre sig Konditorin u so. När hani nume gseit i machis lieber säuber, de wüssi immerhin obs klappt oder nid.
Sie hüratet nächst Jahr und seit die ganz Zyt wie locker das sies de wöu näh und sie sig de nid so kompliziert wie anderi (*räusper*) etc. Aber sie isch ä meeega perfektionistin und i bi mir sicher dass sie am schluss de no viu komplizierter isch aus mir jetz. Sie seit sogar sie sig jetz scho nervös für üses Hochzyt. Wie isch de das wenns ihres eignä isch? De chani de voll relaxed si und sägä: "was? du bisch im stress wägä öiem Hochzyt? Ha gmeint dir machet das so easy..."

nala: jaa ich weiss isch eh nid so spektakulär
versueches mal ime ruhige moment z mache. bi ebe eigetli am schaffe ei tag die wuche wegem firtig.
cha ders am abig oder morn morge maile ok ?

malinchen: du häsch no feedback weg de frisur ge...danke :) ich tendiere ebe au zu so einere. eigetli scho vo afang a. aber sit ichs chleid agha han mit de offne haar findis ebe eifach so märlihaft. ich lah sie glaub eifach beides la mache und denn entscheidi mi am morge, je nach hitze / wetter und luunä :)
haha so cool weg de turte. hesch perfekt gmacht ahahaha das wird für dich sicher lustig. bisch denn du a ihrem HZ au TZ oder involviert ?
hach das is schmilzt doch nid so schnell...wenn e ganzi wanne volle isch.

me: mir hend gester scho wieder 3 std am kompi verbracht weg dem cheibe hotel in istanbul. meine güte, mir gänd echt zwenig id ferie, mir hend u müeh. aber hend abgmacht dass mers hüt bueched. eigetli isch mi GG amigs chli de gsi wo entscheidigsproblem gha het, und mich hät er denn au agsteckt. ich wett ja dass es ihm au gfallt

@nala: chasch mir dini Mailadresse per pn schicke? De chani dir üse Plan maile, excel chani drum hie nid ahänke...

@littlefoot: Hihi, guetä Plan wägä dr Frisur!!! Was isch de so schwierig zum Entscheide bi denä Hotel? Haha, i bi da aubes ou eher churz entschlosse...

GG isch TZ a ihrem Hochzyt. Sie isch sini besti Fründin und sie hei lang zämä inere WG gwohnt. Bi de scho gspannt wie das wird bi ihne... Chani ändlech mal Gast si amnä HZ!

@Stalla: oh nei, das chunnt sicher guet bi öich!!! Chli Nervosität ghört drzue... Gniess die letschtä Täg und morn s Zivile! Wird sicher toll...

Ach so... ja genau, düet mal d Uswahl igränze und när us denä uswähle und nümme witeri aluege. Das hilft sicher!

Ja i dänkes ou... Wahrschinlech wirdi ihres Chleid näihe... Mal luege ob das klappt. Weis no nid so genau was sie sich vorstellt.