| Bräute 2014 |
|
|
1 .. 469 .. 936 937 938 939 940 .. 969 .. 997
|
28.05.14 09:06
sasileu 
|
Re: Bräute 2014
Sue:
Ich ha na nie ferie in Südfrankrich gmacht, aber scho oft ghört dases u schön isch. Freusch di scho?
Wegem Tagesplan, ich bi au so echi hilflos wie du. Ha zwar au mal mit TZ und minerä schwö en grobe erstellt aber ansonsten bini recht hilflos
Pfingstrose:
Also mir gönd 11Täg uf Italie, nach Cesenatico, isch ide "nöchi" vo Rimini. Und mir gönd na mit minerä Schwö und ihrem Schatz, mini Elterä und mis Gotti und en guetä Familiefründ vode Elterä. Und alli hend ihres eigene Bungalo Fahret mornmorge am 4.00Uhr los
Schuhe hani mal googlet aber irgendwie hani weder e Site gfunde wos mitem Pris stönd no e site wonis cha kaufe Ich bi schlimm, immer machet mich die falsche Brutschuhe ah, s'letstmal ischs en Schuhe gsi vo JimmyChoo um di 2000.- hahahaha, ich ha denkt jo wenner so 300-500.- wer würis mir ev. no überlegä....Ich hoffe jetzt uf bella italia 
Nala:
Gar nonig gwüsst, dass das schuhe vode Kate gsi si sötet Naja, hans eh no niergends gfunde, aber schön werets.
Hee ich wünsch dir viiiiiiiiel spass a dim Polteri
Lil-lian:
Ups, das mit de Roseblätterfarbe hani wohl überläseHa nämli scho na gluegt aber nid gseh. Hesch du dir jetzt vo deht Roseblätter bstellt?
Janedoe:
Joo ich ha wahrschinli dis Chileheftli au mal gseh, aber wer glich u lieb wens mir mal na per Mail chasch schickä.
Malinchen:
Ferieriif simer glaubs immer alli und am meiste doch uf honeymoon
Aber he, du bisch doch erst grad paar Täg in Paris gsi und ihr hends doch u schön cha,nid?
Taeboyana:
Machsch vorher nacher Föteli wenn hüt obig is Tanning gahsch? Bi u gspannt uf dis feedback und den wagis viellicht au mal na
@ME:
Jetzt mueni nacher grad no paar Sache go erledige ide Stadt und weni den wieder zrug bi woti no paar Sache bstelle im Internet, diversi Hochziitssache, bi echi im Kaufrusch will bald bald nähere ich mich au de letste 100Täg Irgendwie fühlt sich das so, weiss au nid, guet ah und es macht aber au nervös oder scho fascht echi druck
Aja, ich ha gester no Telefon becho mis Kleid isch hüt im Lade acho und am 9.Juli gahnis go absteckä, bis den hani no ziit um echi abneh und vorallem mueni bis den mini Unterwösch und Schuhe ha
Also viellicht bis spöter nomol.
|
|
|
|
|
|
28.05.14 10:59
Taeboyana
|
Re: Bräute 2014
Guete Morge Brütlis
Phu das geit ab a mim letschte Arbeitstag vor de Ferie, i chume zu nüt aber i mues euch doch no paar Sache verzeue
Aber zersch zu euch!
@malinchen: Bi mega gspannt es Föteli vo dim Chleid zgseh, meeega härzig vo dim GG u wes vom NAF NAF isch, chas nume schön si!
@sasileu: Yeah schön de gö mir ja beidi glichzitig uf Italie . Aber mir möge nid so früeh los und hei haut o nid so wit (nur is Piemont). Drfür isch bi euch sicher wermer. So cool mit dr ganze Familie!
Für es vorher-Foto isches leider zspät, aber da chasch ja die vom Zivile aluege Vom nachher verzeui witer unge!
@principessa: Oje du Armi, so sträng! hoffe du hesch gli wieder chli Luft und Motivation vorem Hochzit. Hm ig würd ehrlech gseit ou nid künstlechi Rosebletter näh, vor auem nid dusse ufem Rase...
@Lula: Schön vo dir zghöre! Wie geits bi euch? Ds Huus langsam igrumt?
@me: Aso i bi ja gester im Tanning gsi hihi Isch ganz easy und e schnäui Sach. Es het so wiene Duschi wome cha inestah und när vo aune Site besrpüht wird. Me mues sech de uf aui 4 Site dräihe damit me überau brun wird und sie het mer genau zeigt wie d Händ, d Arme u d Bei ha, damits guet brünt. Mir hei die häuschti Stuefe gnoh und i bi sehr froh, isch für mi gad perfekt usecho. Gseht würklech dezänt und natürlech us und i bi zfriede! Ds Décolleté würd sech aso super mache so im HZ-Chleid... Bi de Schienbei isches auerdings chli schwierig dasses guet animmt, aber gloub nid dassme das gross gseht. I chas aso empfähle und für 60.- findi vou ok! Mau luege obi hüt Abe näbe packe und auem no cha es Föteli mache für euch Gwundernasene
De si ja gester no üsi Föteli vom Zivile cho und i bi hin und weg. Soooo super usecho und sie widerspiegle genau das wie mir üs gfüut hei a däm Tag. Hane grad no einisch dörfe dürläbe
Mir hei übrigens no e neui Bluemeofferte becho und sie isch itz abe uf knapp über 1000.-. Findi guet so. Drfür hani chli e Dämpfer gha vo dr Tanzlehrerin wo üs dr Privatkurs het empfohle gha. Hase für 2 konkreti Date agfragt und de seit sie, ja sie chöig sich äbe gar nid festlege füre Summer, sie sig mehrheitlech im Usland und wüss no überhoupt nid, wenn sie ir Tanzschuel sig. Hmpf. Das hätt sie mer ja vo Afang a chönne säge, itz muesi eh witerluege  Aber gloub zBärn finde mer scho öpis.
So, itz muesi no Gas gäh hüt und am Abe de no packe (bi gester mit de Föteli beschäftiget gsi und drum no nid so wit cho... )
|
|
|
|
|
|
|
|
28.05.14 22:25
nala05
|
Re: Bräute 2014
hoi zämme! yeaaahh wucheänd :D
@weddingbee: gratulier dir scho mol zum "mrs gg" isch schön gsi hüt? ha an di dängt!
@littlefoot: merci für maile vom tagesplan und hesch di entschiede wäg de frisur nimmt mi scho sehr wunder wie s bi dr prob lauft… i weiss imfall au nid wie ich das de mit de hoor söll mache, glaub i streck si adr hochzyt am dag vorhär scho, susch goht das de zlang am morge...
@malinchen: au dir viile dank für e tagesablauf  ich seh mir mien no chli dehintr.. ha die glich frog wie d littlefoot; du naisch ihr brutchleid?? 
@stella: nei, muesch doch nid ufgregt si.. das kunnt scho guet! ischs zivile schön gsi hüt? am samstig wird sicher alles perfekt, wen dim gg id auge luegsch kunnt das ehevrspräche use wie nüd
@prinispessa: oh nei, gohts dr nid so guet? pass uf uf di nid das de vor luuter stress zäme gheisch odr so wie isch gsi hüt im domino und bim florist?
wäg de roseblättr, su hesch scho rächt wäg de farb, abr i find halt ächti eifach schöner und vorallem dusse passender… wie wärs allefalls mit cremefarbige?
@broncos: kei problem immer widr gärn! wie hesch se agmolt? i ha lustigerwiis imfall au s letschte & ergatteret phuu nur no 2.5 wuche bi dir? jep zyt lauft
@lula: hihi, jo wen ihr jetzt d fotis hän ischs jo irgendwie au glich..
nei mi gg het mi name nid welle, är isch do eher traditionell, für ihn isch klar gsi das är si name nid wird wächsle :P aber är het au immr gseit i miessi sine nid näh..
i ha nonie himbeersirup sälber gmacht mis gotti macht dä immer mit de himbeeri vom garte und wenni bi ihne bi trink ich usschliesslich dä
dörfe mir de fotis gseh?? *gwunder*
@lil.lian: fooootooos? s dönt uf jedefall toll dini frisur, aber so richtig ka mehs nur mit föteli beurteile
@sasileu: das mit de schueh stoht bi däm foti unde dra wünsch euch ganz schöni ferie
@taeboyana: viiiiil spass in de ferie!
das mit em tanning tönt cool, isch also nid so schlimm wie mehs us divärse film kennt
d föteli vom zivile sin wunderschön ihr sehnd sooo glücklich und super zfriede mit dr wält us… es isch ächt schön gsi die dure z klicke, danke fürs zeige
@me: d wyy fläsche isch leer und mir hän e paar sache könne bespräche jetzt bini no am mails schriebe zum alles fixe, bevor mirs widr vrgässe
morn gömir jo zur zeremonieleiterin und hoffentli bi dr janedoe no vrbi :D
und am samstig de dr polteri, ha jetzt no e offizielli iladig biko! am samstig 13.30h gohts los.. und i söll bequemi schueh ahzieh bi scho meeega gspannt!
Guet nacht zämme und schöns langs wucheänd!
UND weddingbee: für de fall dasi nüm schrib bis dene… wünsch dir e wunderschöne samstig!
|
|
|
|
29.05.14 02:00
laprincipessa
|
Re: Bräute 2014
Hey ihr Liebe!
@broncos: morn wird glert ganz klar :p
@littlefoot: ich has höt riskiert mitem verzolle :p bin eifach go abstemple wäg de MWST und ned go verzolle (klar han nonig s’chleid debi gha aber sust gnueg war :p) mir gönd soo vil öber d’gränze und bin no nie aghalte worde.. wenns wörd passiere wördi eifach eine uf dumm mache blond und so haha :p oh das dönt aber spannend mit dene laterne! Ev. schicksal, dassi höt nonig dezue cho bi id ikea z’goh! Häsch du per zuefall de name vo dem lade? Chöntsch mir ächt die fotis vo dene laterne im whatsapp mol witerleite?  danke wägem plan fröimi druf!  ah und wägem abnäh isch doch keis problem gsi – meh zo mim domino termin im egopost ;)
@malinchen: danke dir.. jo ich weiss muess wörkli luege.. oh wörkli alkohol uf d’hut?? Obwohli scho so empfindlichi hut han? Weiss dänn ned :p wird’s dänn ned no röter? :p bin gester i de homöopathie gsi bi minere tante und hoffe eifach dasses wider weg goht morn!
@lula: merci förs feedback wägem fötele – machets glaub wörkli so..
@lil.lian: hmm jo höt isch wider chli en bessere tag gsi aber s’wächslet wörkli all tag und chum eifach nie zur rueh :/ mini negst quartalsprüefig (8 fächer in 9 stund) isch am 18.6. also 2,5 woch vorem hochzyt – super timing ned? :/ hey dönt guet wäg dim coiffeurbsuech! 
@taeboyana: oh das dönt lässig wägem tanning! Aber hmm getrau mi fast ned so churz vorem hochzyt :p wie isches im gsicht usecho? Also ich wörd gärn mol es foti gseh  und hey öichi fotis vom zivile sind de hammer ächt wundeschön!!!! <3
@pfingstrose: du redsch mir us de seel! Wie vil oder wenig zyt häsch du scho wider no?? Wend usegfunde häsch was stress abbaut let me know :p
@nala: jöö danke vilmol… jo muess bitz luege wird mir scho alles bitz z vil  hey und ich has ned id ikea gschafft!  han no so vil anderi sache müesse erledige – meh zo mim tag witer unde im egopost.. wäg de roseblätter hani höt mitem florist dröbert gret und er häd gseit dass halt richtigi roseblätter (abgseh devo dasses fast ned möglich isch so vil z’becho und mega vil ztue git för die person wo dekoriert – macht das bi öich d’seeburg oder öber vo öichne gäst?) die roseblätter grad wenns heiss isch scho nach enere stund nöme schön usgsehnd .. er häd mir also empfohle künstlichi z’bstelle wasi mache sobaldi gnau weiss wie vil laterne dass ich bruche – meh zo dem ebefalls im egopost :p bin gspannt wasd dänn vom polterobig verzellsch! =)
@weddingbee & stella: au vo mir jetzt scho alles gueti för am samstig wenni nöme vorher zum schribe chume!!! =))) s’wätter söt jo perfekt werde! =))
|
|
|
|
29.05.14 02:02
laprincipessa
|
Re: Bräute 2014
@me: what a day wörkli! Puh bin vom 9ni am morge bis am 11 am obig nonstop unterwägs gsi.. bin mini TZ go hole am bhf und dänn sindmer zäme zum florist – er macht mir au en prototyp häds sogar vo sich us vorgschlage mega super  händ besproche dass ich i de ikea oder so go go wissi schalene chaufe will öis das gönstiger chunt weder wenn er müesst bstelle nöimets.. und teeliechtlicherzli händ si leider au ned gnueg die werdi au go bsorge – händs aber agluegt und so 5 pro tisch söt lange.. dänn hani mit ihm no besproche wäg de laterne und er häd gmeint ich söl künstlichi roseblätter näh will die richtige roseblätter nedso schön sind binere trauig dusse fallses voll heiss isch.. bstelle drum die woni han welle sobaldi weiss wievil laterne dassi jetzt bruche und die han.. do chumi au scho zo mim problem – mini TZH & bridemaids sind jo am SA in luzern gsi im montana und hermitage und händ alles besproche.. schöne momänt kommuniziert s’hermitage mit ihne besser als mit mir?! Si händ ihne chönne säge wo de apero stattfindet – öis händs gseit das wösset si erst i de gliche woche!!? Si händ gseit si heiget so en boge för d’trauig – schön ghöri das zum 1. Mol? Muesses go aluege.. s’geilschte isch aber gsi dass wo mini kolleginne die gliche bedenke wie mir gösseret händ wägem platz dasses doch dänn mega äng usgseht si au gseit händ: jo si heiget also scho no nie en trauig mit so vil lüt gha! Aha so isch das?! Die sind nur scharf ufs gäld vo 160 lüt und sind aber ned fähig offe z’kommuniziere.. si fändets also au schöner mit bänkli und husse als mit so vilne gartestüehl.. super idee aber wieso ned mit öis rede?! Mir händ jetzt en vertrag unterschribe mit de top events in bern (häd öber vo öich berner brüt per zuefall connections?! :p) und det stoht ab 2 mönet vor mietbeginn zahlsch 90% vom pris!  super.. si händ zwar bänk aber sovili uf de homepage gseh kei bankhusse.. muess mol mitem hermitage abkläre morn vo wo si die bankhusse hettet und was de pris wär.. aber dänke us dem vertrag chömemer nöme use und s sind 350.- woni doch ned eifach wet i sand setze zahlet sust gnueg!  schisstmi rächt a.. mit bänkli wörd halt alles vil offniger usgseh und weniger zämepfercht… und so chönti mit de laterne entweder so mache, dassi jedi 2. Reieh mache oder abwechsligswis muess mir das no öberlegge aber jedefalls muessi zerst das mit de bänk / stüehl kläre – als hetti ned gnueg sorge :p
Guet gömer zom schönere teil vom tag öbere: sind dänn zäme mit mim mami uf prattele gfahre zo mim schwigermami  si macht die besti pizza uf de wält und ich han dänn grad 3 grossi stöck vo dere super pizza verschlunge (super idee vorem chleidänderigstermin gälet? :p) aber s’söl jo schliesslich au no bitz öbis platz ha a dem tag haha :p mini TZ häd no en termin gha und häd nöme chönne mitcho a änderigstermin.. muess säge im domino ischs dänn en super erfahrig gsi för mi.. s’häd chum lüt gha (halt Mittwoch und ned samstig) alli sind voll relaxed gsi und händ sich zyt gno! =) s’chleid gfallt mir no besser wie wonis kauft han und mis mami und schwigermami sind begeisteret gsi!! =)) ich sigi so schön – wie en prinzässin etc. hihi oooh so schön gsi  han dänn no chönne luege wie alli accessoirs usgsehnd und s’macht also schon o rächt vil us  han mi richtig wohl gfühlt  aber heeeeiis isches i dem chleid mamma mia! Und scho ungwohnt mit dem reifrock han dänn au probiert abzsitze und so.. und d’verchäuferin hädmer immer wider müesse säge, dassi ned döf am chleid umezupfe und mache :p sorry gäl :p ade längi müends gar nüt mache und s’sitzt eigentli bis ufs decoltee wörkli super.. nume det müendses rächt änger mache wils sust abstoht.. aber eigentli ned allzu vil änderige und figurtechnisch hani mir för nüt gedanke gmacht s’macht ächt en tolli figur und verdeckt mini problemzone superschön  einzig am rugge hani s’gfühl hani voll vil fettpölsterli wo usedrücket aber schiiiins sig das normal kei ahnig :p lade öich no fotis uf facebook ;) han dänn grad no mis görteli zahlt und de reifrock (200 euro för sones chlises görteli?! Und 120 före reifrock…. Au gnueg :p) aber das hürote tüür isch muessi öich jo ned säge :p Bin dänn happy und erliechteret gsi häd das so guet klappet  han dänn mis mami und mis schwigermami uf es glace iglade in lörrach und sind grad no wäge schueh go luege för mis mami – händ uf ahieb schöni und bequemi gfunde  und ich han au ned chönne widerstoh und mi no in schueh im karstadt verliebt hehe ;)
|
|
|
|
29.05.14 02:03
laprincipessa
|
Re: Bräute 2014
dänn bim zrugg is parkhus laufe bini vorem thomas sabo lade stoh blibe und han genau die 3 armchetteli gfunde woni als gschänk för mini TZ & brutjungfere han welle! =) d.h. s’häd nur no 2 gha so hani halt för mini TZ es anders ähnlichs gno no chli spezieller.. und dänn no 3 verschideni charms för alli – alli 3 mit herzli  frölimi scho wennis ihne chan gäh – gebes glaub jetzt dänn scho mol will so chönd si (wenn si wänd) das grad alegge am hochzyt  oder was meinet ihr? Erst am / nachem hochzyt? Fotis devo ebefalls ines paar minute uf facebook  dänn sindmer no zo mine schwigereltere und mis mami häd sich döfe schmuck ussuche vom GG sim mami – si häd ebe u vil und mis mami nedso gäld deför voll härzig gsi  mega schön chömed die beide so super us  dänn öbe am 8ti fangs (för id ikea häds ebe vor luter plöiderle nöme glanget) sindmer dänn zo mim mami und si häd mir ändli ihres chleid vorgführt! Findes de hammer und s’stoht ihre sooo guet! =) han dänn extra au no es foti vo ihre gmacht för öis hehe (wenn si wösst – si hasst fotis drum! :p) und vo mim schwöschterli ebefalls hihi jöö si isch au ganz en schöni  foti ladi ebefalls uff b  dänn hani mis fröschverliebte mami no zo ihrem nöie frönd brocht (ganz en sympathische – bin jo sooo happy för si – si häd en rächti liiidensgschicht hinter sich und ändli nach so vilne johre inere horrorehe mit mim stifvater magis ihre vo härze gönne, dass si jetzt so happy isch! =) jo und dänn bini hei und s’isch scho 11i gsi und dänn hani was ächt gmacht? Hochzytssache :p hoffe s’nimmt mol es ändi mit mine vilne pendenze.. :p so und jetzt isch 2 und ich muess ändli is bett :p morn isch nämli lere agseit.. schlooofet guet (witer) und sorry för de langi egopost :p
|
|
|
|
29.05.14 11:18
weddingbee85
|
Re: Bräute 2014
Liebi Mädels,
Han grad Ziit für min Ziviltrauuigsbricht
Als erschts: ich bin immerno total überwältiget vom gestrige Tag. Ich bin sooooo glücklich und es het würkli nüt chöne perfekter laufe als es gsi isch...
Bin am 8.15 ufgstande und mir ischs soooo schlächt gsi, das glaubed ihr gar nöd. GG hät mi zwunge es Confibrot z'ässe, han aber nach zwei Biss ufgeh.
Bin mich dänn go schminke und frisiere lah und han mir sponti no mani-, und pedicure gönnt. Allerdings hämmer eigetli abgmacht das ich am halbi 12i fertig bin, damit ich dihei sicher no e stund han zum mich alegge...händ dänn e stund verspötig gha und ich bin total gschminkt und frisiert in jeans und t-shirt ufs tram hei ich bin zum teil so luschtig agluegt worde will mis outfit überhaupt nöd zum chopf passt hät
uf jede fall hani no genau 20 minute gha zum mich alegge, de schmuck alegge und no mis täschli packe. nach 10min isch ämel scho mini tz vor de tür gstande.
bin zu dem ziitpunkt aber scho agleit gsi und hät eigetli nüt meh gfehlt (hani gmeint).
han sie dänn gfrögt wo de tz isch. dänn seit sie: de isch dune im auto am warte...han mich dänn gfrögt wieso das er nöd au uecho isch, bin aber so im stress gsi dasi nöd gfrögt han.
han dänn mis täschli und de gg packt und sind abegloffe. unterwägs isch mer in sinn cho dasi d ohreringli vergässe han und bin nomal ue.
ide zwüscheziit hät mini tz em gg verbote usem huus zgha...sind dänn zäme use und händ euse tz nöd gfunde...defür isch en superedle mercedes mit bluemebouquet det gstande inkl. chauffeur. organisiert vo schwiemu...mir händ eus so gfreut.
sind dänn igstiege und in richtig schloss hallwyl wo eusi trauuig stattgfunde hät, gfahre. und das überland. händ e volli stund gha bis mer det acho sind. ich han s gfühl gha mir chämed niemeh a was de nervosität nöd zueträglich gsi isch aber glich irgendwie wunderschön.
wo mer dänn det acho sind, isch mini tz scho det gstande (sie hät d autobahn gno) mit mim strüssli und em astecker vo mim gg. s strüssli isch wunderschön gsi...
de tz isch ebefalls det gsi und hät gmeint, mir müssed jetzt sis gschänk zerscht uftue bevor mir öpis anders mached.
händ vo ihm und sinere frau en wunderschöni montblanc-chugi mit eusem hochzytsdatum und eusne näme igraviert übercho. er hät gmeint, mir brüched en schöne schrieber für alli wichtige unterschrifte...soooo speziell und wunderschön mir sind grad d träne cho.
dänn hämmer es paar föteli mit de fotografin gmacht will mer no guet 20 min. bis zur trauuig gha händ. isch zwar bewölkt gsi, aber glich schön warm.
dänn hät eusi standesbeamtin usem fänster vo eusem trauzimmer gluegt und gmeint, mir chöned dänn eifach uecho wänn mer parat sind. händ dänn gfunde mir gächet doch grad...wo mir in richtige stock cho sind hämmer euses erschte lied scho ghört vom tim benzko (sag einfach ja) und sind dänn abgsässe und händ eifach nur dem super lied zueglost.
wo das fertig gsi sich hät eusi standesbeamtin eus di wunderschönsti trauuig bschert wo mir eus hätted chöne vorstelle. eusi ziviltrauuig hät ganzi 30 minute duuret und isch eifach wunderschön gsi.
nachdem mir eus s ja-wort geh händ hät d standesbeamtin all of you vom john legend laufe lah und min maa und ich händ während em ganze lied nüt meh mitübercho und eifach eus gnosse...es isch es wunderschöns gfühl gsi.
und de bescht: d fotografin und d standesbeamtin händ träne ide auge gha...so schön!
mer händ dänn no underschriebe und eus gratuliere lah und sind dänn usem trauzimmer use und überabe wiiter go föteli mache. ich glaub es sind würkli hammer föteli worde will mer nach de trauuig strahlende sunneschii gha händ. und es hät det en riiesige baum und e ganzi baumallee wo mer ganz viill föteli gmacht händ.
währenddesse händ eusi tz e fläsche champagner ufgmacht und mir händ dänn agstosse wo mir zruggcho sind. wunderschön, würkli eifach wunderschön ischs gsi...am halbi 5i simmer dänn zrugg is auto igstiege und heigfahre wo scho mini eltere gwartet händ. sind dänn is restaurant gloffe wo em gg sind brüeder mit de fründin und ggs eltere scho gwartet händ. händ mega fein znacht gässe und di ganz stimmig isch eifach sehr entspannt gsi.
aschlüssend sind dänn ggs eltere heigange (min schwiepa isch gsundheitlich nöd so guet zwäg) und all andere sind dänn no en schlummi go neh.
und überall händs eus gratuliert und mega freud gha. sogar es auto hät aghalte und de fahrer hät eus alles liebi gwünscht und gseit er sig scho 19 jahr ghürate und verliebt wie am erschte tag. mir sölled luege das es eus glich gaht sooooooooo herzig!
ja das wärs gsi, mal luege was am samstig passiert aber ich bin sehr positiv gstimmt und glaub das au de tag wunderschön wird.
mit föteli müend ihr eui leider gedulde, d fotografin isch hüt id ferie und wird d föteli erscht chöne schicke während mir ide flittis sind. chan eui aber säge, dass sie wunderschön werded sii. und no öpis: ich han mir das chleid gleistet woni uf fb postet han und es hät wunderschön usgseh
|
|
|
|
|
|
|
|
1 .. 469 .. 936 937 938 939 940 .. 969 .. 997
|
Anmelden
