Aha, aso isch nid nur s Bicolor s "Problem"! Aber glich, würd mi nonig lo stresse und witr luege, bis dr öpis finget, wo bedne gfallt oder halt de glich verschidni nä (chasch jo si Ring drum ume dur ne ring us Diamante um dine ume ersetze)
Bi grad nomau chli go Ringe google. Es geit aso oh no "schlimmer" als Bicolor: Pentacolor (wenn me däm so cha säge?): Wär zwar nüt für mi, aber isch scho no speziell, nur dr Blau Stei stört chlei.
Mh, so schlimm fingi ne nid, aber irgendwie dünkts mi eifach je meh Farbe umso weniger edel wirkts. Isch aber Gschmacksach. Mir gfalle vil Ring vo Niessing mega guet, zvil Bling bling isch nid so mis. Has lieber schlicht und vorallem zitlos (wobi Diamante jo wohl öpis vom zitlosischte überhaupt si ) wes zu extravagant isch, hätti Angscht es verleidi eim nach emne Zitli. Usserdäm hani bi Sache wo woni immer träge bzw nur eis drvo ha, wie ne Brille zB, lieber öpis, wo zu allem passt.
@malinchen: U de lösle? Oder Du "darfsch" zResti ha, u er het drfür süsch was wo Du lieber anders hättisch? Oder gad umgekehrt? Wow, Din RIng isch aso sehr schön. Min Verlobigsring het ja dr Stei ou so "iklemmt"
@fishy: Aber so wie Du schribisch, tönts scho so, wies di scho jtzt stört. Wünsche Euch ganz viu Erfolg bim witersueche...
@nisliker: Finde dr Vorschlag vor Miggi no guet, chasch ja das Gälbgoldband usse mit am ne Wissgoldband "ersetze". Mir hei dIdee das üser Ringe us Titan u Silber si, so wie mi Verlobigsring und üser Fründschaftsringe, de wiederholts sech Das was Dir FringillaVigo het vorgschlage, hätti dr jtzt de ou gad gschribe U wenn Du eifach inne im Ring no so nes farbigs Band hesch? Weisch was i meine?
@novia_mayo: Mir hei zResti, Catering wird morn reserviert, Pfarrere chunnt hinech (da dr Dorfpfarrer nit cha, schickt er e Kollegin, u die wei mir eifach mau lehre kenne) u übere DJ ärgere mi gad nume! Bim andere DJ u bir Fotografin si mir no nit sicher obs zrichtige isch...
@FringillaVigo: Ach du Sch*****!! Wobi dr Blau Stei gfallt mir ebe no... :laugh Da geits mir gad ähnlich. Aber ebe, i liebe Blau, u drum fändi es wisses Härz mit 2 wisse u 2 ganz chline blaue Steindli super. Aber mau gugge, geit no viu Wasser dAare ab, bis mir üs um dRinge kümmeret...
So ihr liebe, i muess ga schaffe. Wünsche euch e wunderschöne Morge u heit Sorg bi au dem Schnee
Papa Papillon nei Lula, ha no kei Antwort becho:O( züchte mer de öppe selber schmetterlinge;O);O)
Miggi77 Herzlich willkomme - schön bisch bi üs!!
Weddix Delfinchen, de muesi ou mal bi weddix.de go luege betreffend Schmetterlinge;O);O) und merci ou für di andere Links!!
Ehering Nisliker, also mir werde ou nid de glich Ring ha...mir heine beidi scho....mir hei üs gseit vilicht werde mir mau so ufe 5ti Hochzitstag beidi eine selber mache aber fürs hochzit het er en mega schlichte und ig eine mit Stei;O)
Novia-Mayo de vo edenly gfalltmer mega!! und der solitär - ring isch natürlich hammer....!!
News auso mir hei gestern chönne alüte bim Zivilstandesamt burgdorf und üses Zivlie wird am 9. august 2013 si am 14.30h ;O);O) d Waldhütte heimer ou scho reserviert und ize hani gad d Kärtli gmacht....wie findet ihr si....???
Ring: Mir gfallet Bicolor und Pentacolor meiistens au gar ned. Obwohl miin Traumring isch au alles andere als einfarbig und schlicht I han en eu aghänkt. Dä wirds aber mit Garantie ned. Mir werdet öpis ziitloses und günstigeres näh. Bis jetzt hend mir vor, ii paar Johr dä Ehering z'erneuere, so wiä d'Sue. Nisliker: I hoff, dass ihr en Kompromiss chönt finde! Hesch denn schomol klar gsaiit, dass dä für dii so ned in Frog chunt? I frog so doof, will doch so oft usgwiche wird. Viellicht isch er denn au eher bereit, anderi Ring uszwähle.... Sus find ii d'Alternative guät, dass dä Ring uf diin Gschack apasse chöntisch. De Ring vo dä Fringi got für mii gar ned. Gseht jo us wiä en Regeboogä. Bii au dä meiinig, dass Ring ziitlos söttet sii, damits eiim nöd uf z'mol verleiidet!
Wünsch euch allnä en guätä Ziistig! Liäbä Gruäss, squishy
Anmelden
)
) wes zu extravagant isch, hätti Angscht es verleidi eim nach emne Zitli. Usserdäm hani bi Sache wo woni immer träge bzw nur eis drvo ha, wie ne Brille zB, lieber öpis, wo zu allem passt.
U wenn Du eifach inne im Ring no so nes farbigs Band hesch? Weisch was i meine?