@pfingsti: Ja gäll... finds ou gad super dass ig scho connections zure glichgsinnte ha! I cha d Mailadresse när überd Homepage mache u ha de när info@snapsoflife.ch. Mi GG het zwar no Bedänke güsseret wöus rächt läng isch. I ha im Moment äbä no d Canon 400d, die isch würkli alt, aber bishär het sie no gueti Arbeit gleistet und i hät lieber zersch i Objektiv investiert. I mache ou ä Einzelfirma. I ha ou no ä Gschäftsidee mit mire Bestä zämä... Ev. duenis de später ou det integriere, de würde mir äuä de ä GmbH mache. Aber das isch no in viel weiterer Ferne als mis eigne Business. Isch scho doof we me so viel Ideeä und so weni Zyt het. I mues nachem Hochzyt de zersch mal mis Kapital wieder ufstocke, wöu i möcht mir de gad ä rächti vollformatigi Kamera choufe statt jetz ä Zwüschelösig.

@jane: hahahaha, omg!!! Wenn ig mal im ernst so sött umeloufe: Bitte bringet mi id Klinik!

Oh nei isch ja schön doof wäge dim GG!!! Ja das wär problemlos müglech d Probezyt ds verlängere... Aber villecht isch würklech besser wenn er nöime anders nöi afaht! Wahrschinlech isch da jetz zwüschemönschlech z viel kaputt gange für dass di GG no gärn det würd schaffe, nid? Isch er de scho am luege für öpis nöis?

I möcht scho am liebstä Shootingufträg mit Mönsche mache, sigs jetz Events wie Hochzyt / Toufi oder Shootings mit Päärli / Familie oder Lüt wo eifach gärn schöni Fotos vo sich hätte für was ou immer... Aber am Afang isch das sicher nur sones Freizytprojekt woni froh bi, weni chli mis Kamera-Equipment cha finanziere drmit.

Janedoe: Oh nei das isch so en Mist! Würklich... Den muss er sich jetzt wieder voll uf d Suechi mache? Wenn gönd ihr id Flittis? Ich finds scho extrem doof für eu. Aber glich isches jetzt wies isch und e Tür wird ufgah! Ich bin mer sicher! Was suecht er für en Job?

Ich hans ziemlich ähndlich wie d Malinchen im Chopf... Wür gern eifach das mal chli "Nebebrueflich" zum laufe bringe und den wiiterluege. Mer weiss ja garnie wies achund bi so "kreative" Sache. Mer chan au garnöd acho oder mega guet. Vo dem her... We will see! Aber definitiv, Päärli, Familie, Hochziits, Baby Shootings... Mir chömed den zäme all eui Babys go föttelel! Haha... Das die gad en Blitzschock hend. Nei isch en Scherz dass macht mer ohni Blitz! Oder mer macheds so das d Malinchen de "WESTE" abdeckt und ich de "OSTE"... :) Hihi!

Malinchen: Haha... Din GG... Ja mini isch ebe no länger! Aber isch jetzt hald eifach so... Ich han doofer wiis mit Photography am Schluss gmacht anstatt eifach nur min Name... Was sölls... Defür wenn mer Phtography suecht chumi au. Das isch s positive drah. Das heisst mit mini Mailadresse wird Hello@vornamenachnamephotography.com Haha! Die mussi jetzt no mache. Ah würklich, was händ den ihr no für es Business in Ussicht?

Den simmer öpe glich wiit... Ich han e D90 wo au nüme all zu zueverlässlich isch! Ich wott au unbedingt gad e Vollformat und JA ICH MUSS AU NO SPARRE! Die Firma gründe chosted nämmlich au nomal 500 CHF. Aber mir hend mal grächnet, dass es sich exterem lohnt, bsunders, wenn mer ghürate isch. Chasch ja nacher au s Auto und so drüber lease... Mir hend eh keis aber mir würdeds den so mache. :)

Wärded doch Partner??

Aso min Babytermin tueni schomal gern bi eu reserviere

http://www.adriennemoon.com/category/birth/

Es isch scho fasch unheimlich!!! Das hani mir eismau ou gad überleit obi das chönnt oder nid - wöus äbä sone riese Trend isch ide USA. Aber i weis nid obi bire Geburt chönnt drbi si wo nid mini eigni isch... Finde d Fotos vo dr adrienne moon ou hammer! Aber i ha mir ou no überleit ob die ide Spitäler bi üs nid ou chli schwieriger würde due, wenn da no ä Fotografin drbi isch?

Ah was :D Jedi Frau chan sich glaub es Stückwiit i die Situation ineversetze, wies chönnt sii, es Baby zgebäre.
Also wenn ich a eusi Hochziitsfotografin denke, die cha gar keis schlimmers Bild meh ha vo mier. Am Hochziitstag isch sie unter mis Chleid gsässe und hed mier so en AntiSchürfstick ad Oberschenkel gschmiert damit ich mich ned wundschürfe :D Das Bild isch so chöschtlich gsi