Nala: Oh nei das isch müähsamm... Mir hend vo de Priisklass her glaub öpe es glich türs Resti/Hotel aber die sind würklich immer für en Deal bereit. Dunn immer verhandle mit ihne. Er tut amigs scho lache... Chasch das nöd aspreche. Weisch amigs so im Sinn vo, d Husse chosted au scho 400 CHF den zahli doch nöd au no 70 CHF fürs Zimmer usw... Han alles so agrsproche.
Janedoe: Es chund guet!!! Es isch kake und unschön aber es chund guet! Meh mussi nöd säge... ;)
Geburt: Haha, bin ja gspanne ob das i de Schwiiz au no chund. Den chani das ja abüte... ;) Oder müsstis jetzt mach den weri voll de Vorriter... Hm...
Hey iher Schriib-Wüetige :) Meld mich au no rasch vor em Weekend.
Nala D'Föteli vo de "Frisur" sind würkli ganz schrecklich.. Ich zeig eu snächst Mal Föteli, wemer den würkli d'Probefrisur möched.. Dönt guet mit dim Polterabig. Vill Spass :) Jez gahts der aber wieder besser? Dönt scho nöd so toll mit em Montana :-/
laprincipessa Dönt ja tiptop mit em Florist. Au mega nett, dass er eu uf Sache hiigwiise hät, wie d' Schalene, dass es für eu günstiger chunt.. Das mit em Hermitage und dine TZ isch scho chli schräg.. Dass sie schlussendli meh wüssed wie ihr zwei.. hmmm.. Und dass sie nur am Geld nah sind, isch natürli au voll kake :-/ Dis Chleid isch würkli en Traum, meeega schön :) Thomas Sabo Chetteli sind voll härzig.
Weddingbee Danke für din Bricht vom zivile. Wunderschön!! Gratuliere eu au no rächt härzlich zu euem zivile. Und ich wünsche eu für morn alles alles Gueti!! Gnüsseds!
Malinchen Ja wenn das mit de Turte igfrüre gaht, wers sicher nöd schlecht, susch wierds dänn scho chli vill. Häsch scho Holundersirup gmacht? Mis Mami hät gester au gfunde, also am Wuchenend mueni go hole, jez wär er perfekt.. Vill Spass bi euere Party. Gsehsch super us mit dim Outfit :)
Janedoe Ich finds voll härzig dini Dankes-Chärtli! Yeah und s'Bild mit em Danke und em Schirm isch ja voll super!! Mega schön! Voll de Mischt mit dim Maa.. Tuet mer echt leid!
Fotografie D'Bilder vo de Geburt sind scho no schön, abr öb ich das würkli würd mache, wüssti nöd... Nimmt mi au Wunder, öb sich das chan duresetze.. Abr susch Pfingsti & Malinchen tönded eui Plän guet.. Und wege de Einzelfirma und Sache abzieh, irgendwas müssted iher dänn scho iihne, dass ihers chönd abzieh. Susch chöntis als "Hobby" agluegd werde und ufgrechned werde..
Me Bin hüt no mit de TZ chli go pöstele gange :) Han no für eusi Bluememeitli rosa Boleros kauft. Voll härzig :) Und morn gömer für eus zwei no wege Schueh go luege.. Froi mi. Wünsche eu ganz es schöns Weekend!
Wie gohts de brütlis wo morn ihre grossi tag händ?? =)
@littlefoot: merci nomo wäge gester mit de laterne und so ;) bin gspannt wasd mir morn verzellsch ;) danke wägem agebot wägem DANKE banner – will mir gäst wo dütsch & italienisch redet händ hani dänkt THANK YOU wär no cool wilmer dänn ebe au es foti chöntet mache mit dem förs dankeschärtli oder so… Aber wenni nüt finde chumi sust gärn uf dich oder d’janedore zue  ich finde die 1. Frisur de hammer!! =)) so öbis hani mir au mol gspicheret gha ;))
@jane: danke au dir – d DANKE girlande findi meega schöön! Aber ebe wets gärn uf änglisch eifach wils dänn au alli verstöhnd au d’italos ;) aber wenni nüt finde chiemti gärn uf di zrugg wenns nonig weg isch bis denn ;) WOOOOW öichi dankeschrtli sind wuuunderschön!!! =))) ebe genau sones foti wie ihr händ hinde so öbis wördi mir au vorstelle drum suechi no die passendi girlande  min favourit wär das:
aber d’lifergbühre sind meh als de artikel an und för sich :p för wievil wördsch dis danke dings dänn verchaufe?  vom stil her isches ebe scho voll mis ding  oder döfi froge wods bstellt häsch ev. chönti det es englisches bstelle oder häschs au vo etsy? Oje duetmer leid wäg dim GG! :/ dröcke de dume dasser gli öbis guets findet!!
@malinchen: ok muessi demfall mol probiere mitem alk ;) hey vil spass a öichere polterparty höt!! =) wird sicher mega cool!! =)
@pfingstrose: wow de hammer die fotis vor und nach de geburt meeeega beidruckend!!
@nala: jööö anytime!!! <3 mir teilet jo bitz s’gliche leid was die öberrissnige prise abelangt verstoh di drum seeehr guet!! Wasi öbrigens au de hammer finde isch, dass si förs probeesse 100% verrechnet!!! Goht gar ned! Bide aperoloction womer jo um einiges weniger zahlet hämer nämli 50% gha! Und das wägem o-saft isch ächt de hammer hani ihre jo au gschrebe gha ob de fröschpresst sig för de pris :p jo de werdi fröschpresst ikauft haha :p min GG lütet am mändig a und duet voll verhandle (er schafft jo im getränke ichauf und das isch vooll sis ding & er kennt au d’prise.. – so chaner sich au mol no nützlich mache haha :p ;) Haha bisch de hammer hihi ächt witzig wie ähnlich öise gschmack isch obwohl mir sust glaub rächt verschideni fraue sind! =)) hoffe mini mädels händ fröid a de thomas sabo chetteli aber dänkes scho ;) wäg de laterne tendieri ebe ehrlichgseit scho zo de verschnörklete.. d’littlefoot goht morn no inen lade in rägensdorf wos laterne häd – ev. gits det au schöni und bitz günstigeri.. schribe unde grad no öbis wäg dene bänk.. öbrigens apropos bänk: zahlet ihr i de seeburg för d’hussene öbis und d’bänk? Chönt natürli det afroge ob si ihri vermietet wär jo grad ume egge :p wäg de roseblätter weissi ned so häds mir halt de florist gseit und mir so d’entscheidig abgnoh und s’git halt eifach voll vil ztue weisch wieni meine? Aber logisch ächti sind immer schöner.. dönt super wäg de zeremonieleiterin! Und cool legget sich alli so is zügs! Mini 3 fraue ebe au vol härzig  nur machet schins d’manne GAR NÜT!  duetmer bitz leid för mi GG  isch jo au sis fest!!!! hihi jöö bisch voll uf abruef bereit hihi ;) bin jo gspannt wasd öis dänn verzellsch wägem polterobig! ;)
@lil.lian: jo gäl wägm florist isch super! =) weisch mis mami schaffet ebe i dem betrieb und drum weissi au dass die mi sicher ned öbere tisch ziehnd und 30% hani au no  wörkli super  danke vilmol för d’komplimänt wägem chleid & chetteli ;)
@me: gester isch voooll ned min tag gsi han voll krise gschobe und s gfühl gha jetzt bini wohl am tüüfpunkt abelangt was die HZ betrifft.. defür gohts mir höt umso besser han en tolle tag gha mit minere fröndin wo mi schminkt & hoor macht – sind mit ihrne 2 mädels im basler zolli gsi hihi mega cool gsi  morn hani dänn de probetermin förs schminke & d’frisur bin jo schön gspannt… apropos frisur: wie machet ihr das bim hochzytstanz die wo d’hoor halboffe händ – chamer ned vorstlle dass das hebt.. nähmet ihr si dänn no ganz ufe? Han bide top events in bern aglütet und mir chöntet also no wächsle und bänk statt stüehl ha! =) obwohl das vil türer gsi wär d’stüehl miechet si en usnahm! Wow mega toll hetti also ned erwartet! Aaaaber si händ kei bankhusse wo si vermietet hmm voll doof :/ jetzt bini wider de ganz zyt nur am husse sueche aber öberall chostet so en bankhusse om die 15.- und das ml 36 – zahle doch ned 540.- för hussene!! Hamer scho öberleit sälber z’mache bez. Mim mami säge si isch jo schniderin :p i de ikea gäbtis stoff à 3.- à meter brücht öbe 100 meter also 300.- d’bänk chostet 1.- pro bank also wärets 340.- glich vil wiemer för d’stüehl zahle wördet eifach no en mega ufwand :/ hmm voll schwirig zum säge ächt.. die bankhusse chönti aber jo nacher au wider verchaufe allefalls do im forum oder uf ricardo ode so… was meinet ihr?? Oder isch de ufwand z’gross? Bin jetzt no am luege ob mer si im dütsche gönstiger bechömed… sobaldi das def. weiss mit de bänk weissi au wievil laterne mir bruchet und chan dänn d’roseblätter bstelle – und dänn hettis dänn glaubs mit dere dekogschicht (mache dänn 3 chrüz ad telli ächt :p) alles hängt halt zäme :p dänn hani höt ÄNDLI no mini bestickte nastüechli bstellt – hoffe si chömed dänn au pönktlich no a! han jetzt grad 5 gmacht för s’mami, papi, GG, schwigermuetter und –vater  die händ sicher alli mega fröid ;) han no mega lang a de texte gfielet gester.. aber jetzt söts rächt persönlich worde si ;) und heeey han höt wider es etsy päckli i de post gha  mini tafele isch acho – due öich es bild ahänke vo vore und hinde han meg fröid!! Danke nomol för de tipp jane glaub? Han jo öbis gsuecht för mis grossmami.. s’einzige vo de farb her isches eher hellgrüen als mint findi aber jo jetzt halt…. Kei wältontergang bridezilla principessa :p ;))
laprincipessa ja schickmer doch mal d Offerte! würd mi interessiere! du hesch Emu sehr viel chönne erledige?? finde d Frisur meeega schön...bisch eh ganz e schöni
Lula hesch es Föteli vo öiem Dankeskärtli??;O)
Sasileu woni no es kind bi gsi simer ebe aube uf Südfrankrich ufne Campingplatz id ferie und i ha meeega schöni Erinnerige dra...isch la prairies de la mer in Port Grimaud! ize gahni mitem GG und mim Mami und fröie mi ufne Wuche lese, chille, fein esse, schlafe und erhole;O) cha südfrankreich also meeega empfehle....!chaschmer süsch de melde wend mi tagesplan mal wetsch luege de chasch vilicht luege was dir no fehlt i ha dank em malinchen und er littlefoot mine recht detailiert chönne mache;)
Taeboyana dir heit würkli haaaammer föteli vom zivile!!bi de gspannt ufe Bricht vom Hochzit
Weddingbee85 i gratuliere dir vo ganzem Herze!!!! merci für di wunderschöni Bricht!!wooow e mega überraschig mitem Mercedes!! oooh bi scho gspannt uf fötelis!!! gits gaaar keni??:o)oooh was macheter ächt ize gad?? bi sooo gspannt;O)
schagge herzlich willkomme! vo wo chunnsch du??
Malinchen wie isch di polterabig gsi????;O)
Janedoe wooooooow das Dankeskärtli gfalltmer auso mega!!!!!! u schön das Foti und ou farblich findis u schön!
Malinchen&Pfingstrose - Selbständigkeit ooh das tönt ja super megem Fotografiere bi öich?? e Fründin und i si momentan am Plane üs öpis ufzboue im Dekorations-Bereich! mir wette Dekoratione vermiete und ou Rümlichkeite oder ou Kirchene zumne faire Priis dekoriere;O) i würdi euch natürlich de gern i üsi Empfehlige/links neh?! und sobald i ds Glück hätti es Bebe z ha wäri a Föteli seeeeehr interessiert! oder de ou wenn e Fründin vo mir Polterabig hätti es Shooting oder Hochzit
Nala und bi dir was isch alles gloffe??? verzell???;O)
Me mir hei gad einiges abkärt die Täg. mini Schwägerin mit Band wird 4 Lieder singe ade Trouig. ner heimer hüt no Gspräch mitem Pfarrer gha und de Ablouf besproche. i Hamer ize i chopf gsetzt dasi ufe Toufstei wott e grosse Vogelkäfig tue mitere kerze dinne und 2 wiisi Porzellan - Tauben. ize nume d Frag i finde NIIIIENE schöni Tauben. het öper e Tipp??;o)
i wünsche no ganz e schöne Abig und bi gspannt uf alli News u nd Brichte vo öich!!
@mädels:nur ganz churz und vor allem für die brüüt wo no hürated: studiered a dem tag nöd,gnüssed eifach.er gaht so schnell verbii und es wird so oder so perfekt.eus ischs zumindest gester so gange!s brichtli folgt und jetz wünschi eui no en wunderschöne sunntig!uch und min ehemaa sind off to honeymoon
Schöne sunnti namitag auersits! I bi das weekend z mailand gsi, miter hoffnig tolli schue z finge für am zivile und am kirchlech hochzit.... Leider hani nüt gfunge... :-( entwäder viu z höch, z unbequem, oder s het mini grössi nid gha oder si hei 500€ koschtet... Itz bini also immer no ohni schue. Plus hani am friti abe im zug uf mailand ä mega roman für öich aui gschribe, für mi chli vorzsteue, aber i gloub dä otrag isch niene???? Irgendöppis het äuä nid klappet :-( Ahh hilfe di technik... Drbi hanimer so müe gä bim schribe :-)
la principessa: Stulhussen maurer in bern si no günstig. Muesches google, de chunts use.
I starte morn nomau ä alouf mit mire vorstelligsrundi...usseert dr itrag isch glich dinn u gsehne eifach nid??
Mir chunt no i sinn - da ig ja itz ohni scho vo milano bi heicho, hetmer öpper ä tipp woni tolli brutschue bechume? Dert wo ig mis brutchleid ha kouft (thun), hani kener gfunge womer gfaue...
@principessa: Sone tag hani letscht Mänti gha. I bi am Abä nachem Training total fertig im Tram ghocket und ha dr ganz wäg gflennt aus wär öper gstorbä. D Lüt hei mi scho agstarrt. Sithär bini ou wieder rächt motiviert... Schön heit dir ä coolä Tag gha und d Frisur gseht also au super us! I findes no ä gueti Idee, wenn de se später chasch ufesteckä. Villecht ou wenns heiss isch bisch de froh wenn se im verlouf vom Fest chasch ufe näh. Wäge de Husse isch würklech blöd... Also i näihe ja ou und i finde dr Ufwand würd sich nid lohne, die sälber zmache. So grossi Stoffbahne zueschnide isch mega müehsam dass es schön grad wird und när muesmes ja glich ou no zämä näihe... Wenn die Zyt rächnisch bich äuä über däm Betrag wo sie würde choschte zum miete. Wasi dir eher würd rate isch, dr Stoff nur so drüber z legä und ev. adr Site mitemnä schönä Band zämäzbinde? Das wär nid so viel ufwand und i dänkä es würd gnue guet häbä für die churzi Zyt?
@schagge: hmm, i gloub es het nid klappt mit dim Bitrag...?
@Sue: Also suechch du richtigi Tube zum lah flüge? Mi Brüetsch het mir mal e Visitecharte gfötelet vo öperem. Aber mir wei keini, drum hanis nid witer verfolgt... Cha dir drum ou nid sägä ob die schön si, aber wenn wettsch chani dir ds Foto schicke.
@me: Üsi Polterparty isch dr HAAAAMMER gsi... Eifach perfekt! I chönnt mir kei bessere Polterabä vorstellä. Am Nami bini hei no schnäll chli ga schlafe und när hei GG und ig no ikouft, Lasagne vorkochet für am Samstig und de si scho d TZ mit ihrne Partner cho zum Grille bi üs dehei bevors losgange isch. Mir heis scho vo Afang a mega luschtig gha und es si aui sooooo cool algeit gsi. Uf die 9i si mir när abä ids Silo wo mir dr Ruum hei gmietet gha und hei fang aus vorbereitet. I ha d Kamera ufbout füre Fotobooth und isch mega gäbig gsi, i ha ds Stativ so amnä Pfoste chönnä amache mit Chläbbang. Ha mir keini Sorge meh müessä mache dass se öper umschmeisst oder so. Ab de 10ni si när die andere Gäst so nah dis nah itrudlet. Es isch würklech super gsi. Mir heis rächt im chline Kreis ghalte, hei 25 Persone iglade gha, vo denä si aber schlussändlech nur 18 cho. Si halt vieli wäg gsi übers Weekend und 4 hei sich no churzfrischtig abgmäldet wöu sie chrank si gsi. Zersch bini chli enttüscht gsi, aber es isch när perfekt gsi. So het niemer Hemmige gha mega doof z due. GG het ä meeeeega cooli Playlist zämägstellt gha, aui hei tanzet und Spass gha. Ussert eini vo mine bestä Fründinne wo mal wieder mit ihrem Typ het gstritte. Sie stritte würklech JEDES Mal wenn mir öpis zämä mache - es isch so müehsam und ä mega stimmigskiller wöu sie meistens no versueche alli idsbezieh i stritt wöu sie wei d Meinig wüsse vo de andere... Mini Besti isch när härä gange u het se mega zrächtgwiese, sie söue sich zmingscht einisch mal zämä näh und es göng jetz hie nid um sie. Sie hei när rueh gäh, er het sich meeeeega betrunke aber das isch ja egal gsi. Si eh alli guet zwäg gsi... Mir hei no ä Bowle gratis becho und hei bir Besprächig mega lang diskutiert gha ob mir Erdbeer& Wiiswii oder Melone&vodka wei. Hei üs när für die mit Wii entschiede, wöu mir hei dänkt es isch besser wenns nid z starch isch. Sie hei aber när die fauschi bracht und mir heis schön brav ustrunke. Dr Photobooth isch ou mega guet acho u es si mega viu luschtigi Fotos entstande. I ha äbä in RAW gfötelet und mues se zersch no umspichere, due de es paar Highlights uf fb sobald i drzue cho bi. Dr Abä isch für üs perfekt gsi und i beröies ke Sekunde, dass mir keini klassische Polterabä hei gha. I gloub mir hätte nid meh Spass gha... Es isch eifach top gsi. Gester hani när mega glitte, bi dr ganz Tag nume ufm Sofa gläge u ke Sekunde dusse gsi. Aber jaaaa, es het sich glohnt.
Hüt bini när no zu mine Eltere und ha d Gläser fürd Bluemedeko fertig bastlet. I ha jetz öpis über 50 Väseli. Mir hei 2 längi Tische mit je 20 Persone und dr Tisch mit GG u mir und üsnä Eltere. Meinet dir das längt? Bi chli unsicher u cha mirs irgendwie nid so vorstelle wies de usgseht... Ga teste chanis äuä nid vorhär...
Ich bin sit em Dunstig weg gsi und han nur so halbe mitglese, mag jetzt aber ned alles nacheläse, sorry...
Malinchen: Üche Polterabig tönt echt u lässig und lustig. Dis Outfit isch also echt de Burner gsi. Hesch s jetzt no mit öppis Neonfarbigem ergänzt? Das hetti nämli au vorgschlage
Weddingbee: Herzlichli Gratulation zum zweite Freut mich, daser e wunderschöne Tag gha hend und gaaanz viil Spass ide Flitterwoche... Freu mi den scho uf de Bricht, wenn zrugg chunsch... Ah und wasi no han welle säge, du bisch crazy weg em Chleid für s zivile. Ich glaub du gasch id Forumsgschicht i, als die mit de meiste Chleider fürs zivile
laprincipessa: Ich bins gsi mit em Schild... Schön, dass es passends gfunde hesch... Also falls suscht no was us dem Lade in Regensdorf würsch bruche, ich schaffe det, chönt also guet mal schnell über de Mittag oder so für dich go luege... D Frisur isch übrigens uu schön und das mit em ufenä no recht praktisch
Schagge: Willkomme, din vorstelligsbricht isch glaub leider würklich im Nirvana verschwunde
Sue: Grad so weissi au ned wos schöni Porzelantube git, aber ich muess nächst Wuche eh nomal weg Dekosache id Stadt ich bhalt den d Auge offe für dich
Littlefoot: D Frisur isch uuuu schön und die Blueme passed ja perfekt i dini dunkle Haar
Nala: Und wie isch din Polterabig (wuchenend?) gsi?
Me: Mir hend es wunderschöns fast HZ freis weekend gha. Mir hend eigentlich ufe 3 Tägigi Wanderig mit Zelt und allem drum und dra welle. Wills aber ide Berge so schlechts Wetter gsi isch, simer doch scho am Samstig wieder hei und den am Sunntig go bike. S Wandere isch aber glich uu lässig gsi, mir hend Steiböck gseh, inere Höli bi grusig nassem Wetter doch es Fürli anebracht (nach 1.5 Stund phu) und im Zelt gschlafe, ach ich liebs eifach verusse zsi. Und d Biketour isch echt super gsi und ich han eifach de best GG. Ich han mis lange Jäggli vergesse und nur es pinks Gilet debi gha und den bim abefahre u chalt becho. Da het er mir sini Jagge gä und mis pinke Gilet agleit. Es het so luustig usgseh, aber er het kei Mine verzoge. HZ technisch isch no chli öppis komischs gloffe. Mir hend ja en Kolleg gfragt, ob er ide Chile singe wür (natürlich ned explizit gseit gratis, aber es isch für üs irgendwie klar gsi, wil er würk en guete Kolleg isch und mir hend den denkt, es sig den eifach sis Gschenk a üs). Er het den gfragt, weg Begleitig und so. Mir hend gfunde, er chöngi da selber chli luege, mir welled ihm ned dri rede. Er het den gseit er luegi mal, ev sini Schwöster (wo Sängerin vo Bruef isch), aber das würi den öppis choste. Mir hend den gfunde, denn müesemer mal luege. Er isch den irgendwenn cho, sini Elter täged ihn Begleite und no en Kolleg uf de Gitarre, het aber gar nüt gseit vo chöste oder so. Mir hend üs zwar scho no biz gfraged, wieso vor allem de Kolleg eifach so chunt, will de kennemer nedemal, aber mir hend denk denkt er möchis halt gern oder so. (Sini Eltere kennemer ebe au). Und jetzt hemer am Wuchenend nomal uf whatsapp gschriebe, weg Chile irichte und wenn weles lied und denn schriebt de Kolleg eifach no: Mir hend üs den no überleit weg de Gage, wär 1000 für euch ok?... Min GG und ich sind den beid recht vor de Chopf gstosse gsi, mir hend beid echt ned demit grechnet. Aber isch u blöd gsi zum antworte, ich meine, ich find 1000 für e vierchöpfigi Band eigentlich würklich ned so viel und es isch üs au klar, dass es en rechte Ufwand für sie isch. Mir hends eifach chli komisch gfunde, dass das ganze erst 2 Wuche vor de Hochzit gschriebe wird und vorher nie es Thema gsi isch... Naja, mir hend jetzt s Geld grad no gester Abig überwise, wills ja eigentlich scho ok isch, halt eifach d Art und Wis wies z Stand cho isch, hemer biz unglücklich gfunde. Uund weg dem simer jetzt natürlich über Budget, will das halt ned iplaned gsi isch... Naja, abhacke und witer gahts, sind ja ned mal meh 2 Wuche... Und sorry, dasi mi wieder mal ned han chönne churz fasse
Anmelden
Wasi dir eher würd rate isch, dr Stoff nur so drüber z legä und ev. adr Site mitemnä schönä Band zämäzbinde? Das wär nid so viel ufwand und i dänkä es würd gnue guet häbä für die churzi Zyt?
Uf die 9i si mir när abä ids Silo wo mir dr Ruum hei gmietet gha und hei fang aus vorbereitet. I ha d Kamera ufbout füre Fotobooth und isch mega gäbig gsi, i ha ds Stativ so amnä Pfoste chönnä amache mit Chläbbang. Ha mir keini Sorge meh müessä mache dass se öper umschmeisst oder so. 
