Sue: Wow, ich find d Lieder u schön und d Location erst, woooow
Pfingstrose: Naja, ich bin u froh, hani de Stress weg de Uni nüm, defür stresst mi im Moment d Jobsuechi doch recht. Ich wet unbedingt uf de 1. August e neui Stell, uii ich wett gar ned dradenke, weni so churz nach de HZ e ganze Monet kei Lohn het... Im Moment gfindi eifach u wenig, woni mi überhaupt wür welle bewerbe. Ich bin irgendwie für alles entweder völlig unter- oder überqualifiziert... Naja, ich hoff ich gfind den no was... E Sure nachgschmack het die ganz Sach definitiv, aber chan jetzt halt au nüm viel dra ändere... Wow, wakeboarde, soooo lässig, das hani scho u lang mal welle mache, aber glich no nie gschafft muesi de Summer unbedingt in Agriff nä. Und scho wieder Rhabarberechueche, jetzt stahni den ernsthaft gli bi dir uf de Matte... Schrieb grad de Malinchen womer gsi sind
Malinchen: Genau us dem Grund hani Gruppearbete ade Uni ghasst, vor allem, wenn nöd hesch chönne wähle mit wem das zämeschaffsch... Isch den aber ganz güetig vo ihm, das ers no ad PH bringt... Mir sind vo Amde us uf d Churfirste, naja, also die erste hemmer uslah, wills am Fritig so pisst het und am Samstig hemer eigentlich uf de Chäserugg welle, aber es het soo dichte Nebel gha, das mer hend müesse umchehre (mir sind zum Glück ned die einzige gsi, hend no es paar anderi gseh, wo au kehrt hend)
Janedoe: Naja, e Teil vode Band isch ebe eigentlich scho professionel und sie üebed extra zäme für üses HZ, aber ich hags glaub eifach ab, han kei Lust uf Diskussione, wo den am Schluss vilicht sogar no üsi Fründschaft gfährdet... S Shooting mit de Andrea tönt super, bin scho gspannt druf...
lil.lian: Ich bin au kei Fan vo spitze Schueh, mine het sini glaub im Internet bestellt... Viel Spass bim Sirup mache, bi so viel Holundere, chasch ja e richtig Produktion starte
Principessa: Naja, mir chönd jetzt au nüm meh dra ändere, sie hend scho extra für üses HZ zäme probet... So cool weg de Husse, wieder öppis weniger wo die stresst, eis nach em andere, den chunt das scho guet
Tamarabisig: Natürlich hets no platz für dich und jaa, das gaht immer so ab, chum amigs au chum nache. Und mir sind de grösti Fotisuchthufe wos git... Schöns Chleid, Händsche wäred jetzt au ned so mis...
squishy: Als Chind hani wandere au ghasst. Aber ich bin eifach so gern verusse, am liebste 24/7 bi jedem Wetter, dasis wander liebe glernt han, vor allem mehrtägigi Wanderige mit em Zelt den muesch nie ine (ok is Zelt, aber das zählt ned)... Mal luege, öbi no öppis amerke, aber ich wett vor allem eifach keis Drama, magi jetzt echt nüm verlide vor de HZ. Uii so cool weg dim Chleid, den bisch ja echt günstig eweg cho... Also weiss bi üch au de Pfarrer ned, wenn weles Lied chunt? Oder eifach nume ihr? Isch ja suscht doch no recht krass, also bi üs bindet de Pfarrer d Lieder so richtig i, gaht uf de Text i und so...
littlefoot: Nei, das wär ja den würkli d Höchi gsi, es het de guet Kolleg vo üs gschriebe, aber irgendwie glich chli komisch... Hey han der übrigens no welle säge, das mi mit dim Komentar uf FB ine halbi Krise gstürzt hesch, han mer voll afange sorge mache, dass s Motto ned passt, uii, bin den schön froh gsi, wo bi dir s 20gi abe isch... Uii, din GG het au no nerve, so churz vor em HZ erst go de Azug chaufe, aber het ja zum Glück klapped, hoffentlich findet er i dere churze zit au no es gilet...
hoi ladies! hüt gohts ab do! gefällt mir! au wenni nid so zyt ha ;-) ha zwar alles gläse, gang nüm uf ganz alles ii, hoff ihr sind mir nid bös.
@principessa: die tafele sin ganz toll, wen si nachem hz wetsch vrkaufe wäri an einere sicher interessiert ;) schön händrs sitz/bank problem könne löse! wäg etsy, i ha letscht wuche au es päckli ka mit wärt vo 90.- und ha 30.- zoll zahlt! ha das au zum erstemol ka, vilicht isch das wil si merchandise a ghögglet het hani de dänkt ka.. i erwart au no paar päckli, hoff das isch nur d usnahm und nid d regel gsi.
@weddingbee: i weiss bisch scho i de flittis, aber trotzdäm: härzligi gratulation
@schagge: google mol brautschuhladen, es git doch ein z bärn… ich ha mini vo zalando, ha aber au kei typische bruutschueh.
@malinchen: hey euri party tönt hammermässig! freu mi scho sehr uf d fötelis! was het den di gg ah ka? väseli! ich bruch au no! was händr fürigi? foti? i dänk das sött länge 50stück!
@broncos: das tönt nacheme schöne weekend wo ihr ka händ. i ha lustigerwiis am fritig au dänkt go wandere wär widrmol schön. isch wirkli e chli e komischi sach mit dr band i hät das gläb au nid eifach so übrwiise ehrliggseit. aber uf die andersite hesch au rächt jetzt no e gschiss drum mache bringts au nid. bi dir gohts jo au nüm lang.. no 12 däg! wuuupwuuup
@sue: hmmm i wüsst ez au nid wo mr tube findet.. amazon? sehr schöni lieder und imfall euri location isch traumhaft!
@pfingsti: so jetzt stressi di mol zur abwächslig: ES SIN NUR NO 11DÄG! hihihi schlussspurt isch agseit! ganz schöni fotolocation örtli händr gfunde!
@janedoe: so schön händr s shooting ka! plus tortepicknick, tönt toll! i vrstand au was di gg meint, würd mir au so go, lieber e monet meh lohn as RAV-ärger…
@lil.lian: mi gg het nid so ganz spitzigi schueh, aber scho bizli spitzig. hm schwer z beschriebe! i würd au mol in navyboot go luege, isch abr halt chli tür.. oder susch im herreglobus häns dört kei schueh? zalando isch au immern e option, ämel bi mir. reisevrsicherig, hämir ame de eti-schutzbrief ka..
@squishy: mhhhm tönt fein eure apero! das mitem kleid isch jo au super, schad hets keis foti gäh! es lauft bi euch he! das mitem tanze isch cool, aber i würd imfall druck mache.. heesch jo kei anderi wahl wen mi frogsch. das mitem softice tönt suuuuper! cooooool die idee!
@tamarabisig: wilkomme bi uns! uiii ihr sin dämfall schnäll-planer! wie seht euri to-do liste us? location? deko/motto? mir wän viiiiiil wüsse! schön kleid! i würd au kei händsche alege..
@littlefoot: dini frisur findi imfall super! isch e schöni mischig us däm wo du so postet hesch, finds s passt perfekt! de lippestift fändi glaub au chli natürlicher schöner, vorallem wen scho d auge eher dezänt gschminkt hesch. aber hey i bi sicher das kunnt haaaammermässig use bi dir!
@me: yeahhh ha de polteri ka (aber erst am samtig, drfür mit übrnachtig) bricht folgt no, fotis hani no gar keini.. ha min eigete thread ufgmacht, wirds de dört poste, probieren hüt obe z schriebe! http://www.heiraten.ch/forum/board/versc...d-15_249.html#3 susch hani jetzt d tagesplanig agfange mache.. phu nid so eifach und de warti no uf paar email antworte.. susch bini grad meh odr weniger up-to-date!
nala05 Ich würd mal säge, ich bin en schnell Planer! Denn ich plane eigentli die ganzi Hochziet elei! Mim Schatz isch das ned gäh! Und ich mache das mega gern!Also mach ich das doch au grad!
To do Liste!? Isch eigentli scho alles organisiert! Nur na Chlinigkeite, ussert dass mir nanig wüsset was mir für en Musiker wend.
Standesamt isch in Arlesheim und denn isch dr Apero grad bim Dom! Also entweder im Domgarte oder wenns sötti regne hets en gwölbte Keller wo mir ine chönd!
Anschliessend fahret mir mit em Car in Seehotel Hermitage in Luzern
Ig starte itz nomau mini vorstelligsrundi, hoffe dasmau klappets (ou weni gad ufem heiwäg vome 10 stunde tag bi...)
Ig (jacqueline,26gi, haub italo haub schwizerin) hürate am 23.8.14 mi troumma dr franco (30, 100%ge süditaliäner, dr bescht ma wos git im universum) :-)
Im novämber si mir de gad genau 7 jahr zäme. Mir hei üs dürne gueti fründin glehrt kenne, si het üs im usgang zäme bekannt gmacht (notiz am rande: si isch sone typ frou wi di hysterischi vom polterabebricht -> wär het dä gad ersch gschribe? Sorry mis namensgedächnis) aber i hase gärn, immerhin het si mir mi zuekünftig vorgstellt. :-) Uf au fäu hei mir üs hüüfig im usgang gseh, heinis aber nod so fürenang interessiert, da üser beidi härzli no nid "frei" si gsi für öpper nöis. Einisch amne abe si mir beide di einzige nüechterne mönsche vo üsem fründeskreis im usgang gsi - mir hei a däm abe no beidi müesse fahre. Da mir mite sturzbetrunkene andere nid so hei chönne richtig rede si nume mir beidi übrig blibe.... Mir hei a däm abe viu spass gha und di nächschte paar wuche viu zäme ungerno. Und plötzlech hets klick gmacht :-) Ig ha zu däm zitpunkt scho gwüsst as ig 10 monet speter wirde fürnes haubs jahr ga reise uf südamerika, u mir hei gseit mir probieres eifach mau u luege de witer, schliesslech si mir denn no ganz jung gsi (ig 20gi, är 23gi) das haube jahr isch hert gsi, vorauem für ihn. Aber mir heis gschafft und si 3 monet nachdäm ig bi heicho gad zämezüglet.
Mir düe beidi sehr gärn reise. Das het drmit z tüe as ig im reisebüro schaffe und ihn a jede ort vo dere wäut mitschleppe :-) haha ig organisiere u är macht aus mit, scho nume wäg däm isch är mi troumma :-) hihi schüsch verbringe mir üsi freizig gärn mit fründe u miter familie, vorauem d familie isch üs beidne sehr wichtig.
DER ANTRAG isch so richtig klassisch algmodisch (ischer das??) gsi. Bevor är mir dr atrag gmacht het isch är zu mine eutere gange und het si um erloubnis gfragt :-) so härzig. Dr atrag het är mir i üsem lieblings restaurant gmacht. Mir si beidi chli beschwipst gsi, är het wöue zit schinde und wäg däm heter immer wider wy bsteut :-) z beschte: ig has fasch chli erwartet, wo när aber nüt passiert isch bis am 23:00, nachem X-te glas wy, hani so gseit: weisch, ig ha itz gmeint du chömsch itz mitem champsgnerglas mitem ring dinn... U i dere SEKUNDE chunt d serviertochter mitem champagnerglas mit mim verlobigsring dinne!!! Dr hammer, mir isch gad so schlächt worde, i ha nidemau chönne dr champagner trinke zum a ring dra z cho :-) är usch när uf d chnöi und hetmi gfragt, u z ganze restaurant het applaudiert. Aber das hani gar nid richtig wahrgno... :-) Das isch im NOV 2012 gsi, mir hei üs zit hla miter planig, vorauem wöu viu lüt vo italie chöme, u das muessme schono guet u vorauem wit zum vorus akünde.
Äs wird a ganze wedding tag, start voder trouig isch am morge am 10. leider hei mir ider schloss chiuche in spiez numeno zwüschem 10:00 undem 16:00 termin chönne wähle. Wöu z datum für ä wichtegi bedütig het und nid cha gschobe wärde, hei mir üs entschide ä ganze tag drus z mache.
Ablouf vom tag, was isch scho organisiert: -am FR abe ga ig mit mine eltere und mire schwo (TZ) is hotel ga übernachte womer am hochzitstag düe fiire und übernachte -am SA morge (äuä sm haubi 7 oder so, hilfeeee) fahri mitem taxi zu mire coiffeuse, dert bechumi mini frisur u mis make-up, chleid chani ou dert alege -mini TZ chunt evt ou mit für haar&make up -franco und TZ sowie ängschti fründe vo ihm wärde miter limousine abgholt (är het sich ä hummer limo gwünscht) und zuder chiuche gfahre. -hochzitsgescht fahre mit ihrne outo zum hotel (abelocation) dert chöisi z gepäck deponiere (die wo dert schlafe) und wärde när miteme bus zur chiuche gfahre -francos limo chunt när zum coiffeur und holt mi, TZ und mini eltere ab. Bringt üs zur chiuche. -da mir so früech am morge hürate, gseh ig dr franco ersch vorem altar z 1. mau. Für fotos usw längts eifach nid vorhär -üse pfarrer isch mega kuul, zimlech jung und locker druf. Är cha sogar chli italiänisch. Är wird ä teil vor trouig ou uf italiänisch mache, was super isch! De verstö d italos ou öppis. -nachdr chiuche gö üsi hochzitsgescht mit somene chline zügli gNd "stadtrundfahrt" mache. -brautpaar fahrt miter limo ad apero location, dert düe mir fötele. -z apero duureg ca 3h, isch ja fasch wines zmittag. Ässe heimer bim catering scho usgwählt, trinke no nid... -ca am haubi 4 wärde mir vom bus abgholt und mir fahre a thunersee abe (15 min) wo mir ufs schiff gö. Mini eitere hei üs das gschänkt zum hochzit, si hei das a ihrem hochzit vor 28 jahr säuber o gmacht :-) fingi natürlech dr hammer -mir si när ca 2h ufem schiff, dert hani dänkt machemer eifach nume getränk. Chöme ja vomene grosse apero und gö ja när ga ässe. WAS MEINET DIR? -am abe simer när imene hotel/restaurant. Z menu heimer scho usgwäut, dr wy no nid. Mir hei ä DJ wo chunt cho musig uflege.
HA HA iz hani gar ke platz meh gha... Hoffentlech närfi öich nid mit mim roman.... :-/
Was hani vergässe?
To do: -musig bespräche (hochzitstanz) -evt tanzkurs -> heit dir das gmacht resp macheters no? -bespräche miter sängerin wo ir chiuche singt (beschti fründin vo mire schwoscht) hilfee si isch bis am 4. juli z hawaii!!! -getränk uswähle für apero, schiff und für am abe -bespräche mit fotografin wie/was/wo (buechet ischsi scho) (Üsi fotografin isch BILDSCHMIEDE in kerzers, müesst mau ga luege) -deko stand heute 0% (hilfeeee 2.0) -bespräche mit TZ punkto unterhaltig/ biträg vode gescht. Was di üsi erwartige -brutschuhe stand heute 0%
Was fäut no? I bi froh bini itz i däm forum und bechume tipps vo öich!!! :-)
@tamarabisig: i bi sicher ihr händ no e to-do liste au die kleine sache gäbe e to-do liste. was händr den für rot/wissi deko? aso händr irgendwas speziells wie candybar, vintage-thema, photobooth so öbis? ich bi us BL mir hürote au ufem zsa arlesheim und de apero mache mir bi guetem wättr ufem dorfplatz. aber mir sin am zivile nur wenigi, isch aso glaub nid ganz s gliche :o) s grosse fest hämir lustigerwiis au z luzärn, aber i de seeburg bzw. den montana. d principessa isch au im hotel hermitage ;)
@schagge: wow ihr händ jo scho mega viil gmacht, suuuuuuper! hesch föteli vo dr location? tönt aso ächt alles cool, ka mir vorstelle dases nid ganz eifach isch e zweisprochigi hochzyt z organisiere. de atrag tönt au mega siess vorallem das du no i däre sekunde öbis seisch! de hammer, aber das isch doch eifach typisch für so situatione. hm deko.. mir hän e sharing thread, unter hochzeitsartikel, vilicht kasch di dört inspieriere loh ;) susch muesch halt chli sage was für vorstellige du hesch.. eher klassisch oder was anderes?
Hoi nala Ja mir hei würklech scho viu, aber s geit numeno 3 monet u mir chunt immer widr züg i sinn... U de hani aube so chlini panik attacke u z gfüeu i heig no nix gmacht :-)
Miter apero location isch imfau no sone sach gsi... Mir hei sones huus, wine schüür ähnlech, reserviert gha. Usem grund wöumer nid viu für d apero location hei wöue usgä (choschtet schüsch ja scho gnue) und wöus nume 5 min z fuess vor chiuche isch. När lüte die a (womer scho mietvertrag alles hei gha) Äs sig itz äs volleyball turnier vor-verschobe worde und fingi itz am tag vor hochzit statt. ÄS BEACHVOLLEY fäud 1 meter näbe üsem apero!! Itz hei mir ä alternative gfunge, sone jugendstil villa miteme grosse garte. Dert miete mir itz dr garte für 1600 franke. Zahle aber nur 200 franke (pris voder schüür mieti) und dr räscht zahle die vo däm volley veranstalter... Isch das nid kuul? :-)))
D biuder: üsi chiuche und d apero location wo praktisch gratis isch für üs :-) Mängisch muessme o glück ha im läbe, nicht wahr? :-)
Tamara: Exgüsi, Tamarabisig isch eiifach so lang, ii wiird vo jetzt aah abkürze Wohii gots denn in dii Vorzogene Flittis? Und giits denn au no Nachzogeni Flittis? Da wär doch mal was Es Traumkleiid! Gfallt mir uuh meega guät und stot diir usgezeichnet! Danke fürs zeiige <3 Demfall stot eui To-Do-Liste : - Musik planen - Kleinigkeiten Miir sind da inne glaubs To-Do-Liste-Freaks
Malinchen: Ojeeeh, ii hoff in Bülach siind den alles schön engagierti Lehrer. Bii 70 agstellte, wiird ii wohl nöd dii einziig sii?! Aber ii weiss echt genau, was du meiinsch. I ha mit genau eiinere us dä Klass chönä zämäschaffä, mit dä anderne isch nur müähsam gsii. I ha doch tatsächlich mol dä Satz ghört: "Denn schicket mir alles dä Squishy und sii tuäts zämäsetze, so wiiä siis halt immer macht..." Han ii sehr undankbar gfunde und chasch diir ja vorstelle, dass iich's denn ebe gad nöd gmacht han I hoffä für diich fest, dass d'Arbeiit pünkti und vollendet bii dä Dozentin achooh isch!
Littlefoot: Bii miir wär dä Brautzilla in miir scho lang duuredrüllt, wenn mii GG siind Azug 3.5 Wuche vorem Hochziit no ned hetti. Du hesch mii volle Respekt! Defür weiss ii ganz genau, dass voreme halbe Jahr het mii Schatz au gmeiint, es langi denn, wenn dä Azug en Monet vorher kauft wird Find iich ja ä meega kuuli Idee zum d'Lüüt Liieder wähle laah! Und dass so viiel au wirklich was gwünscht hend. I fiinde bii so viiel Uswahl chönt iihr ohni Problem ussortiere. Denn chönt iihr nämli eiifach erkläre, dass es z'viiel gsii isch und derum s'Liied nöd cho isch und ned, dass es gar ned erst uf eurer Playlist glandet isch Ich find dini Frisur und s'Make-Up wunderschön! Bisch ganz ä hübschi!
Broncos: I weiss gar nöd ob dä Pfarrer wisse wott, welli Liieder gspiielt werdet oder eiifach wiiä lang. I glaub bii uns isch wohrschinli anderscht. Es werdet keii typischi Liiebesliieder gsunge, sondern moderni Kiircheliieder und ob er uf da annere Trauuig will Stellig näh? Viellicht erfahrets mir au no vorher, irgendwer muä ja d'Lieder in es Liederheftli abtippe und ii vermuätä, dass bliibt dä Bruut iihri Ufgab...
Schagge: Danke! Diin Hiwiis isch Goldwert! Mir bruuchet ja no es Liied für dä Hochziitstanz! Da chunt gad uf unseri To-Do-Liste! Da giits ab und zuue, dass meh z'wenig Textfeld het, da isch suuper. Denn hend mir meh spannends zum lese! Also ii ha scho recht müässä schmuunzlä bim Atrag! I finds suuper herzig wiiä er da plant het und wiiä er nervös gsii isch. I cha mir da gar nöd recht vorstelle, mii GG isch au nervös gsii und er het doch genau gwisst dass ii druf warte. Het er öpe denkt, ii sägä naii?? Eues Hochziit tönt meega kuul, festlich und au es Abentüür! Ihr bütet dä Gäscht ja echt meega kuuls Programm! Bin gad chlii beiidruckt! Wooow, d'Schüür isch ja es wunderschöns Bispiiel defür, dass wenn siich ein Tüür gschliesst en anderi ufgot. d'Villa isch ja dä wahnsinn!
Nala: I weiss gad gar nöd wo antworte (do oder ii diim Thread) Viiele dank für dä Polteribricht. Vor was bisch denn assä nervös gsii? I finds meega herziig wiiä siich dini Mädels ins Zeug gleiit hend und vor allem mit dä Cupcakes ins Schwarze troffe hend!
Anmelden
... Im Moment gfindi eifach u wenig, woni mi überhaupt wür welle bewerbe. Ich bin irgendwie für alles entweder völlig unter- oder überqualifiziert... Naja, ich hoff ich gfind den no was... E Sure nachgschmack het die ganz Sach definitiv, aber chan jetzt halt au nüm viel dra ändere... Wow, wakeboarde, soooo lässig, das hani scho u lang mal welle mache, aber glich no nie gschafft
muesi de Summer unbedingt in Agriff nä. Und scho wieder Rhabarberechueche, jetzt stahni den ernsthaft gli bi dir uf de Matte
i hät das gläb au nid eifach so übrwiise ehrliggseit. aber uf die andersite hesch au rächt jetzt no e gschiss drum mache bringts au nid. 
au die kleine sache gäbe e to-do liste. 