nicht registriert

Me: Mersii eu all für eues mitdenke bii dä Apéro-Deko und em Tanzkurs.
I ha hüt probiert paar Sachä z'machä. Doch es het au Steii im Weg
I ha miich über SoftIce informiert. Viiel Abiieter gebet eiinfach d'Maschine und mir müässtet wer ha, wo d'SoftIce uselat. Gäscht chönt ja da chum selber machä mit iihrne Kleiider... Und in dä Ostschwiiz giits nur sehr wenig Abiieter. (So als Amerkig, ii glaub hürote in dä Ostschwiiz isch echt ä Herusforderig, scho bii dä Locations han ii diiä tollste immer im Züri-Land gfunde ) Jedefalls hend mir jetzt wer ins Aug gfasst. 540 (exkl. MWST) für Kaffee&SoftIce mit Service. Wiiä findet iihr das? Und eiigentli siind mir ja ned uf dä Suächi nach Kaffi gsii??? Jetzt wart ii mol s'Antwortmail ab. Hoffentli cha meh dä Kaffi weglaah und er chunt uns entegege mitem Priis
I ha miich mal über dä Pass informiert. De darf ii ja scho 60Tag vorher bstelle.Sobald mir Standesamt-Gspräch gha hend, werdet mir jetzt dä machä looh. Wer weiss, denn bruch ii denn viellicht keii Expressvisa (im Moment han ii ja nur abgloffeni Papier ) Het da echt wär no chlii meh Ahnig? Wiiä hend das dii bereits zivil-verhürotete Brüüt. Hend ihr dä Pass vorem Hochziit bechoh?
Und ii ha denkt, ii looh mii GG da mitem Tanzkurs regle, miin Tonfall wär viiiel viiiiel z'fest bissig. Da mittlerwiile Tanzschuel nu no Friitigs chan, gönd no genau 3 Abig, solang wiiä dä intensivkurs go sött. (oder würdet ihr am Abig vorem Fest in Tanzkurs?). Und mir hend diiä Daate duuregäh. Mini TZ cha nur an eiim und dä TZ hät ned druf reagiert. Was mii ned verwunderet, will mii GG hets ja au eiifach kurz erwähnt innere schwetti Whatsapps
Jedefalls bin ii da überhaupt nonig schlauer als vorher. Und wahrschinli gönd GG und iich schlussendli alleii... Denn cha wenigstens eiis Paar tanze am Hochziit
Usserdem han ii en Termin für Nagelstyling abgmacht. Meega herzig, ii ha mini Schwägerin nachere Empfehlig gfragt und sii empfiehlt mir wär, wo ii jo eigentli kenne. Si wohnt ii sebem Quartier, wo iich ufgwachsä bin im Huus, wo früähner mini Best-Fründin diin gwohnt het. Und sii het siich meega gfroiit dass ii mich melde. Bin also fest gspannt uf dä Termin und hoffe, d'Nägel werdet hübsch.
Ja und denn han ii mol denkt, wärs was sich bii unserm Fotograf z'melde. Eiifach dä Shooting-Spot melde, dä Tagesplan z'schicke und sägä, dass er sich söll freii fühle zum dezuestosse wenn er will. Er het gmeiint er möchti scho gern bii miim Styling derbii sii. Aber ii bii ja am 7ii am Morge bim Coiffeur und ii cha mir ned vorstelle, dass er vom 7ii bis am 12ii in dä Nacht derbii will sii?! (derum das Agebot vom dezuestosse, dermit isch ned dä Traugottesdienst gmeiint ) Doch tatsächlich han ii gmerkt, dass dä Plan nu mii GG uf siim Mail-Account het. Denn bini voll hinterhältig go suächä und ha nixx gfunde... Und ii han en denn gfragt. Und tatsach het er s'Mail glöscht ohni dä Plan z'speiichere Denn hend mir unser TZ bittet uns dä nomol z'schiicke und er hets das welle vor 2h machä... Jenu, denn wart ii halt miit miine Erledigunge und tuä do eu zuäspame...
Ha denn mengmol scho s'Gfühl, dass ii dii einzig bin wo alli Fäde in dä Hand het, an alles denkt und sus alls dä Bach ab würd.. I weiss, dass mii GG hilft. Doch viellicht mach ii miir genau derum Sorge, dass s'Abigprogramm und dä Polterabig ned ganz so wiird, wiiä iich erhoffe. Denn wernn nu scho chlini Sachä ned gmacht werdet, wiiä gseht denn das miteme ganze Abigprogramm us?! Viellicht sind da Zwiifel, wo jedi Braut mal duure machä muän... Oder doch nur BRAUTZILLAS

Wünschä eu ä wunderbari Guäti Nacht! <3

P.S. I bii hüt wohl bsunders Mitteilsam

Zuletzt bearbeitet am 02.06.14 22:57

nala05
Hhi! Das isch ja witzig! Mega de Zuefall, dass du au in Arlesheim hürotisch und denn uf Luzern gahsch!
Wieso gahsch du denn uf Luzern? Het das en spezielle Grund?
Bi mir scho bitz, da ich ursprünglich vo Luzern chume und drum hani wenigstens det s'ässe welle.
Mir hend eigentlich keis Motto! Han mir nie so Gedanke gmacht gha wäg emne Motto. I dr Mitti vo de Tisch isch es grosses Herz, selber gmacht us so Bascht knüpft und drin isch es grössers Teelichtli mit Kerze. Denn Namensschildli sind au so chlini Teeliechtli mit grüene Gelperle drin und obe druf en roti Rose. Und über em Tisch wärdet Roseblätter verteilt.
Wo gfindi denn din Tread?

Schagge
Üchi Location gseht wirkli super us! Das git bestimmt Hammer Fotene!

squishy-fishy
Kürz nur ab! Chansch au Tämi säge! Das isch na chürzer!
Also mir flieget id USA, genau gseit uf New York! Vo det fahret mir über d'Niagara Falls nach Chicago, vo det flieget mir denn uf Miami und bliebet denn det, ussert ein Tag fahret mir na nach Daytona anes Nescar Renne.
Also nach de Hochziet gönd mir wohl nüm gross weg!
Mal luege, villicht 3 Tag uf Münche, denn min Schatz het ja 2 Wuche nach dr Hochziet Geburtstag und wird 30 und ich schänke ihm eh na Münche! Villicht chan mr das ja grad kombiniere!
Muen mir wohl doch na en To Do Liste zue tue!

Also bi üs wär es so dass nüd würd klappe, wenn ich ned wär! Min Schatz gseht das immer sehr locker! Muen immer dehinter si! Aber das kenni ja scho!
So em Soft-Ice Maschine isch sicher voll de Renner! Und ich denke mal dass dr Pries au ok isch! Müesst mal bi üs umeluege was die da so verlanget!

MMMHHH! Ihr redet da vo Cupcakes!? Da bechumi ja grad hunger!

Datei-Anhänge

20140506_195752.jpg (25x) Mime-Type: image/jpeg, 210 kB

Guetä morgä mädels

@broncos: ou das tönt nachere coole Tour! Chunnt gad uf mini Wander-To-Do-liste. (a propos To-do-Liste-süchtig)

@tämi: Du wirsch de sicher no vo üserä To-do-liste-Sucht agsteckt... Aber dir heit ja würklech scho viel erledigt! Mir hürate i 18 Täg und es steit no viiiiiel meh druf!

@schagge: merci viel mal für dini cooli vorstelligs-rundi! Mega schöni lovestory! Und öies Fest tönt ja würklech troumhaft schön... Mir hei zersch ou ir Region Thun nachere Location gsuecht und die Villa ou gseh gha. Wird sicher dr Hammer! Aber ig hät gluob ds Beachfäld vorzoge...

@tanzkurs: i gloub das schaffe mir nümme. wahrschinlech wirds de glich es geschunkel... Mal luege. Sött mal üebe dehei mit GG zum luege wie schrecklech dases wird.

@squishy: ah cool hesch ä soft-ice-Abieter gfunde! Wäre da de d Glace scho inbegriffe oder nur d Bedienig? Isch scho chli närvig dass es so lang geit mit denä Date und em Mail etc. I bi aube o mega ungeduldig... Verstah di guet! Isch ja mega cool wägem Nagelstyling! Das wird sicher schön.

@me: phuuu... bi eifach dranne. Entweder am lehre fürd Prüeffige oder am Hochzytssache erledige und zwüschdüre no paar Stund schlafe. Mi GG isch aber mega härzig. Er het ds Rueder im Hushalt übernoh, chochet für mi, wischt ab, putzt etc. und het sich gester dr ganz Nami zyt gnoh für Hochzyts-Sache. Üsi to-do-List isch am schrumpfe... Fröie mi soooo fescht druf wenn dä Tag ändlech vor dr Tür steit!

@pfingsti: ah ächt?! Das weekend schaffis nid, mues no mega viel lehre fürd Prüeffig und ganz lah suuse darfi die glich nid. Aber i luege am Mittag mal mit GG, villicht chöi mir da ächt no öpis organisiere. Mir wei ja nid weis nid was fürne Tanz...

I verstah di so guet!!! Mir fählt ds Kreativ-Si im Moment ou mega... Sit dr Fotokurs fertig isch, hani eifach viel zweni Zyt für das investiert. Aber so 90 oder 80% schaffe würd ömu länge, nid? Für mi isch scho immer klar gsi dasi nie 100% wirde schaffe, das isch mir ds Gäld ni wärt...

@me: Üsi Ringe si heil und ganz und wunderschön bi üs dehei acho. GG het vori gad aglüte, er isch zum Glück gad da gsi wo dr Pösteler cho isch. Jetz möchti ou gad hei se ga aluege...

@schagge: wooow euri location isch den schön, die villa gfallt mir extrem! du hesch vollkomme rächt - meh brucht amigs au glück im läbe! das isch ächt super! aso 3 mönet isch doch scho no es zitli, dont panic! do kasch no einiges erledige, bi mir gohts jetzt zimli gnau no 2 monet und die meiste sache hani au erst in de letschte wuchene erledigt. das kunnt scho guet! vrzell doch chl vo dine vorstellige den könne mir chli idee biistüre

@squishy: i ha miesse merke dases mir gaaaar nid passt, wenni vorere "blackbox" stand. het mi richtig beunruhigt nid z wüsse was passiert ich ha aso definitiv volles bridezilla potenzial :D
hey bi dir lauft au grad einiges, he?! mega cool!
das mitem pass muessi sälbr au no abkläre, aber i 3 wuche hani jo scho s zivile und de hani 1.5monet zyt bis in d flittis, i glaub i bstellen erst nach em 21.6. :)
isch de toll wäg de nägel, wen gosch, grad vor de hz oder scho susch emol? das kunnt scho guet mitem tanzkurs, hauptsach ihr mached en nid?
Kopf hoch! :D

@tamarabisig: phu isch wirkli e langa name aso tämi: aso mir hän eifach s zivile in arlesheim, wil mir do wohne.. aber de "richtig" hochzytsdag hämir de e paar wuche spötr in luzärn, mi gg isch ebe inneschwizer und dorum bietet sich luzärn grad schön ah ;-)
tönt schön euri tischdeko,voll schön hesch du das härz sälber gmacht! und blueme gits au?
unter "meine traumhochzeit" findsch min thread, genau so wie dä vo de andere brütlis wo au ein händ ;-)
woow so cool euri amerika reis! würdi aso au grad mitko

@sue: und hesch öbis gfunde uf amazon? ohh nei muesch doch kei krise ha! ihr händ doch scho sooo viil plant, das kunnt sicher guet. kasch jo nomol es hochzyts-ok meeting mache und nomol ales aspräche wen di das beruhigt? im momänt passts doch vom wättr här.. eifach all mol zum grilliere "unuffällig" ilade

@malinchen: mir gohts genau glich.. priefige vor de tür und hz-züg erledige. mim gg gohts ebe leider genau glich wie mir, das heisst de huushalt liidet biz drunter aber isch mega toll hesch du so e tolle gg wo sich so um dich kümmeret
so schön wäg de ring! do würdi au grad welle go luege :D

@pfingsti: ou do gangi nochär uf e blog mol go güggsle.. vilicht würd dr jo wirkli e halbe dag pro wuche (für e afang) csho länge zum di chli meh kreativ z vrwürkliche? übrlegs dir doch, i bi au de meinig lieber bitz weniger vrdiene drfür susch rundum glücklig

@janedoe: ha mir no null gedanke zu trinkgäld gmacht.. aber i hät jetzt gseit eifach d källner bim ässe? hmm weiss aber ä nid wieviil meh do git? zwüsche 30 und 50.-? bi glaub grad kei hilf! Sorry!

@me: hüt sin 2 päckli ko! die boxe vom depot (danke pfingsti für e link) und vo etsy d papier-röhrli und candybarsäckli! vilicht hani hüt no zyt das chli z vrschönere und gläser für d röhrli z bsorge fotis folge den no

nicht registriert

Guuätä Moooorge

Sue: Du sprichsch mir us dä Seel, genau DAS Gfühl han iich gester gha! Hüt isch es scho chlii besser. I wünschä diir fest, dass dä Kriise-Tag glii verbii got und morn d'Sunne wiider schiint!

Malinchen: Meega liieb vo diim GG, dass er dä Huushalt schmeiist. Wünschä diir viiel Kraft ii däre Ziit vo Prüäfige und HZ-Vorbereiitig!
Ooooh, so schön siind d'Ringe choh. I verstaah dii so guät, dass gad Haiispringe willsch

Pfingstrose: Wer isch denn Karin?
I cha dii au verstoh, dass dä Tag am Computer ned ganz das wahre isch. Miir würds doch gliich goh. Wär echt kuul, wenn diich kreativ betätige chasch. Und wenn zur Fotografisch wiirsch, hend mir wär für unser Brautshooting im Oktober
I ha d'Fotis ufem Blog agluägt. Traumhafts Hochziit. Echt Blog-würdig. Ob MIIS au so wiird???

Janedoe: Trinkgeld? Ooooh, stimmt. Wiiä macht meh das. I google mal
Ha vor allem Dütschisiite gfunde. Sii säget 3-4Franke/Euro pro Person. Da sind knapp 200.- bii 70 Persone. Usserdem denki biim Fotograf ufzrunde. Aber sus... Wer wott denn no Trinkgeld?
Es het da im Forum es paar Threads über das

Tämi: Da isch echt nomol kürzer. Find iich besser d'Reiis tönt echt meega kuul! Viiel Vergniägä!! Wenn geiits los?

Littlefoot: Guäti Besserig diiner Chlii und ned dass siich d'Bruut oder dä Brütigam asteckt!
Danke für To-Do-Liste. Ha mini gad chönä ergänze

Me: Miich het jetzt wohl s'Vorbereiitigsfieber packt I bii ha gad dä Termin bim Fielmann abgmacht zum Linse-Test machä. Sii sind im läschte Jahr dä Sparmassnahme zum Opfer gfalle Jetzt froii iich miich sehr, dass wiider giit
Unseri Liiste giit no einiges her:
4.6. Linsen kaufen
5.6. Treffen mit Restaurant (Menu-Wahl, Wywahl, etc.)
6.6. Gspröch mit ZSA
9.6. Zügelkiste binere Bekannte abhole
10.6. Besprechig mit Floristin
ab 10.6. Gedanke zu de Deko, was wönd mir no selber machä? (DEKO han ii no reiin gar nixx )
23.6. Restzahlig Flitterwuche
27.6. Läscht Besprechig mit Pfarrer
28.6. Shopping mit dä Besti in Konstanz (Schmuck für Zivile, etc.)
Playlist erstelle
Hochziitslied uswähle
Kircheheft gstalte
Tanzkurs
Zivilkleid ändere
Azug ändere
Sitzordnig (Namenstäfeli?)
Stola organisiere
Organistin treffe
Zügelwaage organisiere
Besprechig mit Fotograf (endli han ii wiider dä Grobplan, jetzt chan em denn gad es Mail machä )
Besprechig mit Autofahrer
Transport zuä-/absägä
SoftIce bstelle
5.7. Abgab Gelübde (unser Pastor möchts gern glese ha...?) & Zügle
12.7. Polterabig
17.7. Nägel machä looh.

Im Excel gsehts irgendwiä nach weniger us!

Hebet en guätä Namittag <3

Zuletzt bearbeitet am 03.06.14 12:32