Tamara
Sehr schöns Chleid! Gratuliere :)

Broncos
Ja han würkli e riese Produktion Sirup gmacht gester. Han eigendli "nur" drü Liter Wasser gnoh und dänn hani glich zwei 3l-Gfäss gfüllt, phuuu, mega vill.. Han s'Volume vom Zucker chli unterschätzt.

Nala
Kuuhl danke für din Polteri-Bricht! Dönt nacheme lässige Weekend.. (Joah bis uf d'Männer-Suechi..) Abr schlussendli ischs ja nöd so schlimm gsi wie gschriebe häsch..
Ah kuuhl mit de Päckli! Oh Candybags und Röhrli söti au no bstelle.. Jaaa Föteli :)

Schagge
Voll härzig mit em Atrag! Hihi ha gad müese lache vo wege wenn jez s'Glas nöd chunt, dänn…
Da händer abr scho vill planed, tönt guet! Uf em Schiff würs scho lange, wenns nur Getränk gid, dänki.. Wenns vorher gnueg zässe gid, sötet d'Lüt gnueg ha.. Wenn hürated iher dänn? Hans gad nöd gfunde, meintis abr mal glese zha.. Au am 11i? Mier sind ebe au so früeh drah. Dänn gheissts früeh ufstah, phuuu :( Mier möched dänn au erst nachher eusi Föteli..
Woow das dönt ja voll genial mit de Apero-Location. Es gseht au wunderschön us!

Squishy-fishy
Ja de Priis findi eigendli au guet mit em SoftIce, abr het au das wegem Kaffi no abklärt, öb mer das chönt useneh.. Will wetsch ja nöd öbis zahle wo nöd bruchsch.
Ohh schad bechunsch kei Reaktion über für de Termin für de Tanzkurs. :-/ Abr ja schlussendli ischs ja wichtig, dass iher chönd tanze :) Euse TZ hät gad s'Tanzfieber packt. Mier sind mal drü Mal gis und sie möched witer.. Mier dönt mal no luege..
Und susch häsch ja würkli grad es paar Sache abklärt, tönt guet! Chunsch richtig fürschi :) Abr sind glich immer no es paar Sache.. Abr das chunt sicher guet! :)
Wegem Mail an Fotograf häsch mi grad druf bracht, da müsstemer eusere au mal Bscheid geh, no wegem zivile.. Chunt au gad uf Todo-Liste :)
Und wegem Pass, du bechunsch en glaub würkli erst bi de Trauig, die alte Dokument werded annuliert und du bechunsch dänn die neui ID / Pass. Will vorher döfeds en sicher nöd usstelle, will ja au nonig so gheissisch.

Malinchen
Jööö dönt voll härzig mit em GG. Isch doch super
Und so guet, sind d'Ring heil acho. Händers au i de Trauringlounge bstellt? Isch halt für eu scho nöd gad uf em Weg..

Janedoe
Das wüssti jeze au nöd wegem Trinkgeld :-/ Ich wür glaub eifach dänä geh vom esse.. De andere Lüt jeze eher weniger, susch gisch dänä ja au kei Trinkgeld?? Abr isch scho no schwierig..

Littlefoot
Ohh dämfall gueti Besserig de chline!
Isch au nüm so e langi Liste.. Bisch bi de Pompons scho chli wiiter cho?

Me
Han jeze endlich de farbigi Gürtel bstellt.. Han immer so hi und her studiert. Abr jez isch er bstellt :)
Und dänn bini gad chli am luege wege Wimpel bastle. Han s'Gfühl wenn ich die sälber aschriebe, gsehts eifach voll nöd schön us und bi Etsy sind all so regelmässig und schön agschriebe.. Hmm.. Han jeze no wege Schablone glueged. Wie gross müssted echt die Buechstabe öbe si? 6 cm?
Und susch bini chli am luege, was ich alles no chönti bstelle.. haha und eigendli sötemer nüm zvill Geld usgeh

Zuletzt bearbeitet am 03.06.14 13:41

Trinkgeld... Isch mir lustigerwiis gester dur de Chopf gange!!! Wer ächt gspanne wie ihr das mached. Ich han kein Plan... Aber ich muss würklich ganz ehrlich säge, dassi eigentlich nöd bereit bin zum das geh. Find i de Schwiiz sind Prise so, dass mer super ohni Trinkgeld läbe chan. S andere isch eifach nett. Aber d Chöste sind suscht scho so hoch binere Hochzit, dassi finde mer dörfs au als Abüter nöd verlange. Egal ob Caterer, Fotograf, Chauffeur... Was au immer! Ich wird so ziemlich nix geh. Gad wenn mer die einte ni zum Znacht "bläched"... Isch das jetzt nöd i.o.? Was meined Ihr?

Genau so gsehnis au Sue... Will also au wenn ich jetzt würdi afange fotografiere uf Hochziite würdi niemals demit rächne. Und d Leistige sind ja den wie i anderne Verträg genau abmgmacht...

Mir hend lustigerwiis s Auto wo mer mietet, Londontaxi, en Vertrag übercho wo extra druff staht TRINKGELD ist ÜBLICH! Schlieffts... Die händ imfall en mega Stundeastaz... Mache chönds ja den eh nix.

@Trinkgäld: I gloube imfall scho, dass das oft erwartet wird vo Caterer und Restis. Ds Personal verdient ja nid meh dranne als wenn sie süsch serviere. Mir wärde scho öpis gäh, ha dänkt so 300.-? Aber dr Fotografin hani jetz nid dänkt, dass mir ihre öpis müessä gäh? Sie dörfe ja mit üs Ässe und so... D Band choschtet ou scho gnue, die dörfe gratis trinke so viu sie wei bim Apéro. Das mues länge. Aber bi denä findis äbä öpis anders als bim Resti wo när ds Personal ja ds Trinkgäld bechunnt und nid direkt dr Abieter so wie äbä z.b. bir Band und bir Fotografin?

@Lillian: haha, mir ischs genau glich gange wägem Zucker bim Münzesirup. I ha no dänkt i choufe es paar Fläsche extra für süsch mal - es isch när gad ufgange und i ha kei einzigi übrig. Für weli Farb hesch di jetz entschiede bim Gürtel?
Hmm, i plane d Wimpel ou so mit Buechstabeschablone ds mache. Dues eifach usdrucke und schnides när mit so Chläbfolie us... Die chläbt ja när uf Jute sicher nid so fest, dänke söttsch när guet wieder chönne ablöse. Aber i ha dänk aspraye gäng no fasch gäbiger als male?

@Sue: I möcht ou no es Chilleheft mache, aber das isch no nienä... Ha no gar keini Gedanke drüber gmacht wie ni das chönnt gstalte. Ha d Idee vo dr Janedoe super gfunde mitem Nastüechli dranne... Villicht dueni die de ganz fräch stähle weni darf... Aber süsch - phuuu - no kei Plan!

@littlefoot: oh nei, gueti besserig dire chliine!

squishy: ja und ich ha mini no grad mit dinere ergänzt, aso besser gseit ei punkt hani grad abghagged : mintfarbnigs jäggli has uf heine bstellt mal luege wie dfarb isch.

lilian: ich han imfall s DANKE ufem jute wimpel mit dem chalkboard stift drufgschribe...aber bi grad nüm so sicher ob das wimpeli ok isch. irgendwie uu chli und gseht au nid so super us wie die bstellte.
nei bi nid witercho mit de pompons...wil mer ebe d gastschänk ja no wetted mache und ich bin jetzt nid sicher wie mer das röhrli/fläschli anetönd..sett ja no als tischchärtli fungiere...hmmm... :)
aber ha grad no en idee gha vorher...mache no e mini pompon chetti für candy bar :) für ad holzharasse ane.
ou weli farb isch es etz worde mitem gürtel ? zeigeeee :)

pfingsti: ja aso bi chauffeure isch das ja vilich scho üblich aber naja...ich glaub es git niene trinkgeld bi ois.

malinchen: danke. s gaht ere nid soo schlecht, aber am abig chunt denk de wieder s fieber.
häsch du nid au en eigete thread ? chunsch au fast nid dezue det z schribe gäll ? hui chileheft musch au no mache..was hesch denn eigetli no alles offe ?

me: bi momentan so hochzitsfuul..mag irgendwie nüt me ghöre wett eifach dass es de 25. juni isch und alles parat isch (usser bachsache und beauty termine und so)...kennt das öper ?

@littlefoot: jo mir het das mit de männersuechi jo au nid passt, aber die eint kollegin het unbedingt welle das ich so öbis mues mache "s ghört eifach drzue" aso wens schlimmer gsi wär, hättis eifach nid gmacht.
oh je gueti besserig dr kleine! was het si dene? hm putze sötti au no eimol richtig vorem hz, do wohnt jo mini famile us ängland paar däg bi uns.. händr s hotel in istanbul scho könne bueche? euri to-do liste isch jo scho rächt munzig :) es dörf gli ändi juni wärde, he?
haaach i wünsch mir au es wär scho mitti/ändi juli!

@squishy: isch doch nüm so viil uf dr liste, bis ändi juni händr die grosse pöschte alli abghögglet
s einzig wo mir grad so würd ifalle wär irgends e schereschnitt mache und dört öbis drufschriebe odr zeichne? bi grad nid so kreativ

@lil.lian: i due d röhrli etc de hüt zobe no fötele aber si sehn super us! ka dir susch de etsy-shop agäh wen wotsch.
jä wär au gspannt uf e foti/link vom gürtel hmm wimpel.. do bini hüt au chli am luege gsi, ka mi aber au nid so entscheide ois nid sälber söll mache. i würds den glaub au spraye, das goht eifach so guet! den woti no so e girlande für im hintrgrund vo dr fotibooth mache:
https://www.etsy.com/de/listing/15188910..._home_active_19

@sue: hän nid janedoe und pfingsti scho so heftli gmacht? aso janedoe ganz sicher :)
schön hesch wenigstens übrhaupt tube gfunde, besser e notlösig as gar keini

@trinkgäld: i find eigetli au dases nüd brucht, wil meh jo scho gneug gäld ligge löhn. aber irgendwie könne jod källner nüd für d priise drfür.. mues mol gg nach sinere meinig froge, i hät jetzt scho chli öbis gäh.. aber nid a fotografe odr suscht dienstleister.. das findi au nid nötig.